مشكورين اخواتي على الردود الحلوه بس كان نفسي احد يبرد قلبي ويقولي الطريقه
21-09-1430 هـ, 04:32 صباحاً
 
هلا أختي

المقادير:

كمية من التمرمنقوع في ماء و بعد مرور فتره امرسيييه يعني مع الضغط عليه طلعي النواه و الراس ماله - مثلا إذا إنتوا 5 سوي كوبين -
2 كوب طحين أسمر
ملعقه صغيرة ممسوحه ملح
2 ملعقه من نبات الحيدوان المطحون- عاد هذا اسمه و ما أعرف له اسم ثاني و إن شاء الله حد يفيدج - و بدونه ما للعصيده طعم

المواعين المطلوبة:

قدرين - قدر لماي التمر و الثاني للعجن
عود العصيد أو اي ملعقه خشبية عريضه شوي عشان العجن

الطريقه:
في القدر الأول حطي ماي التمر المهروس المكثف على نار منخفضه الحراره لين ما يسخن و خليه على النار
في القدر الثاني حطي من ماي التمر اللي في القدر الأول مقدار 3 ملاعق غرف كبيرة و خليه على نار هاديه بعد
في هذه الأثناء بتكونين نخلتي الطحين و حطيتي عليه الملح و الحيدوان و الحين ضعيهم في القدر الثاني و ابدأي حركي بشويش - بالتدريج - لين تتماسك الطحين و يصير كأنه عجينه رطبه مثل عجينة بلح الشام بدون عقد في الطحين - بدون ما يتكتل- و إذا تكتل استمري في التحريك << كل الشغل المطلوب تحريك * تحريك
الحين تمي - استمري - حركي و حركي و حركي و كل 4 دقائق اغرفي غرفه من القدر الأول اللي فيه ماي التمر و صبيه على مكونات القدر الثاني ، و تمي - استمري - في التحريك و هكذا ... إلى أن تصلي إلى السمك و اللون المرغوب في العصيده .. و يمكن مدة العجن عشان توصلين للعصدية الحقيقية هو 35 دقيقه أو أكثر من التحريييك الشديد..

و لما تخلصين اغرفي و سوي حفره في النص .. حطي فيها زيت سمسم .. و رشي الصحن بسكر مطحون إذا تريدين
و الله يعين عضلات إيدج و أصابيعج من الضغط ... تقدرين تسوين مناوبه في التحريك
هيه صح في مرحلة ما تحطين غرفه من القدر الاول ... حركي بشويش في البداية لأن المكونات ساخنه و إذا نطشت - فرقعت - تحرق كثير ..

بالعافية و دعواتج الطيبه
21-09-1430 هـ, 04:54 صباحاً
 
اب
21-09-1430 هـ, 05:00 صباحاً
 
ياحليلك والله انا حضرميه بس ما اعرفلها ولا اعرف وحده صغيره في سننا ممكن تعرف تسويها ما يعرفوها الا الحريم الكبار الله يحفظهم

حتى أمي عجزت تسويها لأنها صعبه

شوفي ياقمر أنا مارح أكسلك بس هيي يبغالها عضلات سوري عالوصف
بس اشوف خالتي لما تجي تسويها لازم تهرس في التمر هي والشغاله واحيان زوجي يساعدها

عالعموم في وحده كتبت لك المقادير الله يجزاها خير

نسيت اقلك لو انتي في جده في محلات متخصصه رح ادلك عليها تسوي عصيده خيااااااااااااااااال اهلي دايم يجيبوا منها كنها حق بيت ماشاء الله

لو احتجتي اي شي ارسليلي عالخاص
21-09-1430 هـ, 08:27 صباحاً
 
مشكوره مشكوره مشكووووووووووووووووووووووووووووووووووره
أختي منوليتا على المقادير وانا ***** الله بس اشتري الحيدوان على طول احاول اسويها
والله اذا تطلبين مني عيوني ما ابخل بها لانك بردتي قلبي وجبتيلي الوصفه
والله يعطيكي العافيه
21-09-1430 هـ, 03:06 مساءً
 


الساعة الآن 05:02 .