السلام عليكم

من فترة وانا ابي اسوي شوربة الجريش وما ابي اخاطر

ياليت اللي تضبطة تقولي الطريقة والمقادير يعني كم جريش وكم موية وكم مدة طبخها وهل اطحنها اولا

شاكرة لكم تعاونكم

ودمتم
شوفي ياقلبي انتم كم عددكم؟تفرمين بصل وتحطين معه زيت وبهآرآت وصلصه وتكشنينه ثم تضيفين اللحم مقطع صغير وخضآر مقطع صغير جدآ او مبشورثم الجريش نص كأس مغسول من غير طحن بس تسوين الشوربه بدري علشآن يمديهآ تستوي ثم المويه وكثريهآوحطي ملح وحركي كل شوي علشآن مايلصق الجريش بالقدر وحطي ليمون أسود وفلفل حار؛؛وآخر شيء عصرة ليمون وكزبره خضراء؛؛وبالعافيه
اليوز مشترك بين اختين حبيبتين
نفس طريقة مسك القمر بس انا أضيف زيادة العدس مع الجريش والكويكر
وأعلي على النار علشان تتداخل مع بعض والماجي يعطي نكهه ..
الحمدلله حمدا كثيرا طيبا مباركا
شوربة الجريش على طريقتي
كأس جريش منقع من الليل
ملعقة ملح
ملعقة بهارات
في الخلاط::
4حبات طماطم حمراء
1بصله متوسطة الحجم
2فص ثوم
كوب ماء((وتطحن بالخلاط))
تحطين الجريش بالقدر و اللحم والكرشه والمصران للي يحب طبعا والفطر أهم شيء عند أهلي وتحطين اللي طحنتيه بالخلاط عليه والملح والتوابل وتحطين ماء قد كأس الخلاط مرة ونصف وتخلينها تطبخ من 2الى 3 ساعات حسب وش تحبينها قد أيش مسويه
وبس هاذي هي تطلع لك رهيييييييييييييييييييييييييييبه وأذا جربتي قولي لي
حبيباتي اللي يرسلون لي رسائل خاصه يكلموني أو يحتاجون مني شي أعذروني لأني ما أدخل كثير للمنتدى مو مثل قبل بحكم دراستي وإنشغالي
فأعذروني اللي رديت عليهم متأخر
مشكورين حبيباتي والله يسخرلكم من تولى امركم

لا خلا ولا عدم

اثرها هينة وانا شايلة هم

ان شاءالله ابسويها بكرا واردلكم


الساعة الآن 05:35 .