بصوا فية كلام كثير لسة بس مش عايزة اطول عليكم هاحط الموضوع واذا حبيتوا نكمل اكمل باذن الله

ودى طريقة الكحك والبيتفور علشان وعدت بيهم


كحك العيد




½ 2 كوب دقيق
¼1 كوب سمنة
½ كوب حليب
1 ملعقة كبيرة ريحة كحك
1 ملعقة كبيرة سكر
نص باكو بيكنج بودر
الحشو
مارون – عين جمل – راسبرى – عجمية
الطريقة
نضع الحليب فى كوب ونذوب فية ريحة الكحك ومعلقة السكر ونقلبهم كويس
نضع فى الخلاط الدقيق وعلية البيكنج بودر والسمنة والحليب اللى كان فى الكوب
ونشغل الخلاط لحد ما العجينة تبتدى تتلم ومتلزقش فى ايدنا
نبدء نشكل العجينة
نقسمها على 3 اجزاء فى 3 اطياق الجزء الاول نضع علية معلقة كبيرة مارون
ونخلطها كويس قوى والجزء التانى نضع علية معلقة كبيرة راسبرى ونعجنها
كويس قوى والجزء التالت نضع علية الفستق ونعجنه كويس قوى
والباقى حسب الرغبة اما تحشية قطعه صغيرة من العجمية او مكسرات
او ملبن او عجوة
وتقفلى الكحكاية وتضعيها فى الصينية واما تنقشيها بالمنقاش المخصوص
بالكحك او تدوسى عليها بالطباعه المخصوصة بنقشة الكحك (وهى صغيرة ومصنوعه
من الستانلس تيل ) نترك الكحك فى الصوانى يريح شوية حوالى 1/3 ساعه
وندخله الفرن على درجة حرارة 190 درجة من 20 الى 25 دقيقة
المعمول




250 ج ذبدة( ¼ 1 كوب )
190 ج سمنة ( كوب)
½ 1 كوب سمولينا
½ 2 كوب دقيق ( نص كيلو دقيق)
2 معلقة كبيرة حليب بودرة
40 ج بيكنج بودر
125 ج ماء ( كوب )
125 ج سكر ( كوب)
الطريقة
اضع الذبدة فى الخلاط لحد ما تنعم ثم اضع السمنة لحد ما
ينعموا مع بعض ثم نضع
السمولينا مع الدقيق و بودرة الحليب
اضع السكر فى طبق واذوبه بالماء بالمعلقة كويس قوى واضع
عليهم ريحة الكحك واقلب كويس بالمعلقة
اضع خليط الدقيق فى الخلاط وبعد ثوانى اضع عليه خليط السكر بالماء
لحد ما العجينة تتلم نضع الفورمة او المعلقة الخشب فى الدقيق
وننفضها كويس ثم نضع فيها العجينة ونكبسها كويس ونخبطها على الترابيزة
علشان المعمول ينزل ثم
نضعه فى الصينية وندخله الفرن مثل الكحك

البتيفور



½ كيلو ذبدة صفراء ساقعة
175 ج سكر بودرة
4 بياض بيض
625 ج دقيق
ربع باكو فانيليا
الطريقة
نضع الذبدة والسكر فى الخلاط على درجة عالية لحد ما لونها يبيض واثناء ما الخلاط شغال انزل ببياض البيض شوية شوية ثم اضع الفانيليا ثم اوقف الخلاط واضيف الدقيق وبعدين
اشغل الخلاط على اول درجة لحد ما العجينة تتلم
نبدء بالقمع عمل وردات فى الصينية وممكن نضع فى منتصف كل وردة بندقة او نضع
صباعنا فى الدقيق ويادوب تعملى ضغطة بسيطة فى منتصف الوردة علشان
بعد ما البتيفور يطلع من الفرن حنضع شيكولاتة سايحة فى التجويف دة اللى احنا
عملناه فى نصف الوردة ثم نضع نقطة شيكولاتة سايحة فى ضهلر البتيفورة
علشان نلزق كل 2 فى بعض ( بدل المربى)

بس دا لو قدرتى تعملية برضو فى رمضان

واعوذ بالله ان اكون جسرا تعبرون عليه الا الجنة ويلقى به فى النار واعوذ بالله ان اذكركم به وانساه
بحبكم فى الله
ايمان

حبيبتى كلمات اغلى من الدهب
جزاكى الله خيرا ونفعك بيها يارب
واللهم تقبل منا صالح اعمالنا
وتقبل صيامنا وقيامنا يارب العالمين
يارب ينعاد علينا وعليكى وعلى الامه الاسلاميه كلها
ماشاء الله ياايمان كلامك دايما رائع ربنا يباركلك يارب
انا السنه دى مقصره جدااااااااااااا ااا والله فعلا مكسوفه من نفسى اوى

وكل سنه وانتى طيبه وابنك طيب وكل احبابك يارب وادعيلى معاكى الله يكرمك ياايمان ربنا يثبتنى ويفتح قلبى يااارب بس من قلبك ربنا يخليكى ومش تنسينى

وتسلم ايدك على طريقه الكحك باذن الله ربنا يقدرنى واقدر اعمل شويه عشان الحمل مبهدلنى والله
جزيتي خيرا



من كان لديها اي ملاحظات على ردودي او اعترااض فلترسل لي على الخاص
ده الكلام كتير وماقريتهوش


الساعة الآن 09:10 .