اقتباس مشاركة  (HIS MAYAT)
الله يقويك ويعينك ويتولى أمرك ياارب

أنا مثلك يا الحبيبة بغربة وأم وحامل وأدرس واحتمال تصير عندي عزيمة رجال لكني مو شايله هم كبير لان مع احتساب الاجر وترتيب الوقت وتوزيع الشغل يساعدك كثير ويخفف الضغط

* أول حاجة حددي ايش الاطباق اللي بتسوينها والأخوات ما قصروا جزاهم الله خير.. وبعدين روحي قضي من دولار تري اذا كان قريب منك او اي سوبر ماركت كاسات وصحون كبيرة وصغيرة وبوادي شوربة وسفرة للطاولة وملاعق بلاستك... ترى انتي بغربة وما فيها شي ابدا .. وزيدي عليها صواني القصدير باحجام مختلفة مناسبة لاطباقك اللي بتسوينها.. اسهل لك وارتب واسرع في التنظيف

* اكتبي كل المقاضي اللي تنقصك وخلي زوجك يجيبها بنفسه عشان ما يروح عليك الوقت ولا تتعبي مع الطلعة

* البيت يتنظف قبل بيوم والحمد لله ما عندك احد يحوس لاخر لحظة زي حالتي

* خلي نظام السفرة بوفيه اسهل وارتب

* أطباق مقترحة:
1-الشوربة وتتسوى اليوم وتسخنينها بكرة قبل ما يجون بشوي عشان تظل حارة ولا يهمك ما يتغير طعمها ابدا.. ارشح لك نوعين: شوربة الشوفان السريعة أو شوربة الخضار بالكريمة لذيذة جدا وسريعة:.. بصل مفروم محموس بزبدة مع فص ثوم وملح فلفل اسود ومشروم وبقدونس مفرومين مضاف عليهم كوب كريمة سائلة اتركيها تطبخ 7 دقايق على نار متسوطة وبالفترة هذي تكونين سلقتي بطاط وجزر وكوسة وطحنتيهم.. اخلطي البصل بالكريما مع الخضار المطحزنه وخليها تطبخ على نار متوسطة 5-10 دقايق وطعمها ولا اروع
2- الحلى ممكن تسوين بعضه من بدري وانا اقترح انه يكون مناسب للقهوة مو كريمة او جيلي عشان ما تضطرين تسوين حلى خاص بالقهوة... الافضل لعدد ضيوفك انه ما يقل عن 3 انواع...
لفي اصابع جبنة فيلادلفيا بعجينة السبرينغ رول وانتي جالسة على كرسي وحطي ورى ظهرك مخدة صغيرة وانتي تسمعين قران او محااضرة بينشرح صدرك وانتي تشتغلين.. واذا خلصتي دخليه الفريزر واذا ما عندك شيرة يمديك تسوينها اليوم
اختاري اسهل نوعين حلا معاه: ممكن تسوين هذا وتدخلينه للثلاجة من اليوم ولا يضرة.. مثل تشيز كيك الاوريو ومتوفر في تارغت واي السوبرماكت كبير.. وميزته انه سريع وما يحتاج الى فرن بس طلعي من الباكيت وحطي بالصينية حسب التعليمات

وممكن تسوين لك كيكة بيتي كروكر الصفراء او بالشكلاته تخبزينها بكره من بدري وقبل التقديم حطي عليها حليب محلى مخلوط مع جبنة فيلادلفيا او بدون مع صلصة توفي او شكلاته اذا عندك واذا ما في مو لازم ووزعي فوقها فواكه طازجة مثل البلوبري والفروالة.. مريحة وسريعة
او ممكن تسوين خلية نحل اذا كنتي بتسوين بيتزا بعجينة العشر قايق.. جهزيها من اليوم وبكرة قبل التقديم حمري وجهها بعدين اسقيها بشيرة.

3- الاطباق الجانبية:
اذا عندك سمبوسة بالفريزر طلعيها واذا لا لا تتعبي نفسك وتسوينها لان الفرد صراحة متعب اذا كانت الكمية كبيرة ويهد الحيل وياخذ الوقت وتظل طبق جانبي.
اقتراحي عليك تلفين سبرينغ رول من الليلة ودخلية الفريزر.. ومن بكره سوي مثل ما قالوا البنات فطاير البف باستري والحشوة حضريها من اليوم واحسن شي استخدمي هذا النوع سهل وسريع وشكله يواجه ومتوفر بكثرة


السلطة تتسوى بيوم العزيمة بس لا تحطين الملح او اي صلصات الا قبل التقديم مباشرة


4- الأطباق الرئيسية: سوي اكثر شي تضبطينة كبسة برياني مقلوبة او اي شي مع نوع ثاني بس كثري الكمية


الافضل انه يكون فيه طبق ثالث مثلا صينية لازانيا او مكرونة بالباشميل وممكن تحضرينهم من اليوم بس ما تدخلينهم الفرن الا بكره او ممكن تسوين بدالهم صينتين بيتزا كبار بحشوتين مختلفات وبالمرة تسوين خلية النحل من نفس العجينة وطبعا تقدرين تسونها قبل بيوم بس الجبنة وتحمير الوجه بيوم العزيمة



بكره ان شاء الله وقت ما تطبخين الاطباق الرئيسية جهزي الطاولة وحضري التمر بصحونه



وما عليك الا تطلعين الاشياء اللي سويتها من قبل وتحمرينها او تقلينها والقلي يكون الساعة 3 او اربع بالكثير عشان تهوين البيت ..



آخر ساعة حمي الشوربة وحطي الشيرة على الحلويات والصلصات على السلطة ونظفي المطبخ وعطري البيت



الكلام كثير لكن باذن الله مع الاستعانة بربي وتنظيم الوقت تتيسر والله يعينك ويقويك يااااا رب


وأي سؤال أنا بالخدمة

مشكووووووووره وتسلمين ماقصرتي

انا والله طول عمري اسوي فطوروما اشيل هم بس مو لهذا العدد الكبير

العااااام من اول رمضان الى اخره صديق زوجي يوميا يفطر عندنا بس فرق يوم يكون واحد

الله يعين بس بغيت اسئلك هذي حشوه البف وين الاقيها بمير مثلا وبكلف عليك وبسئلك التونا وين الاقيها ياليت لو تحطين

لي صورتها الله يخليك ودي اصلح صينيه توست

الله يكون في عونك
اللهم ارحم اختي واغفرلها
هلا بالحبيبة

الله يعطيك الصحة والعافية
التونة تلاقيها في تارغت واتوقع بعد في اي سوبرماركت كبير
وبالنسبة للبف باستري هذي قطع من العجينة مقصصة كأنها قوالب مو حشوة تدخلينها الفرن في صينية مدهونة لمدة عشرين دقيقة وبعدين تشيلين وسط الدائرة وتحشينها بأي حشوة: ممكن دجاج مع خضار ومشروم أو جبنة فيتا مع سبانخ أو باذنجان مقطع صغار ومقلي مع ملعقة صغيرة صلصة بيتزا وجبن مازرولا او بارميزان على الوجة

واي سؤال أنا حاضرة
الله يعينك بشري
لا اله الا الله
عذرا ما انتبهت لطلبك صورة التونا

في هذا الرابط عدة انواع من التونا من الول مارت

http://www.walmart.com/search/search...rch_query=tuna
واللي عندي من انتاج market pantry من تارغت بس مو موجودة بالرابط


الساعة الآن 04:48 .