اقتباس مشاركة  (ام يزيد العتيبي)
هلا حبيبتي...

شوفي انت مغتربه صح وين؟؟ في اوروبا وامريكا يستخدمون دقيق الذرة مش مثلنا قمح

انت اذا رحتي تشري اشري قمح مو ذرة انتبهي لهذة النقطة لانه يختلف انا عرفت هذة المعلومه من زوجت اخوى لما كانوا بالغربه كنا نرسل لهم دقيق علشان اللقيمات و الفطائر.. طبعا قبل احداث ستمبر
بعدين عجينه العشر دقايق انا معتمدتها لى سنتين ومشاء الله قمة في الروعه
المقادير: 2 كاس ماء دافي.....2 كاس دقيق......2 ملعقة طعام خميرة فوريه ....فنجال قهوة سكر..ذرة ملح
الطريقة:. اولا نضع السكر والخميرة والماء ونحرك الى ان تذوب الخميرة وبعدين نضع الدقيق ونعجن سوف تصبح عجينة سائله نغطيها مدة عشر دقايق .. بعدين نضيف عليها 3 كاس دقيق ونصف كاس زيت ونعجن الى ان تتجانس مع بعض.. ونتركها ترتاح شوى ونبداء العمل..
ملاحظه:.لا زم تكون الكاسات بنفس الحجم علشان تضبط العجينة
اتمنى اكون افدتك
تحياتي
الله يجزاك الجنه تصدقي مدري اللي استعمله ايش ذره او قمح طحين وبس مانتبهت صراحه.... انا بكندا بس بشوف
والله ....اجل لازم طحين قمح صح؟؟

طيب يالغاليه هذي طريقتك بسويها وبشوف وانشلله تضبط بس بسألك حجم الكأس كيف؟؟؟ يمكن المشكله عندي من حجم الكاس حق الطحين والماي...
طيب اذا تركتي العجينه 10 دقايق يتغير شكلها تنتفخ يعني ولا؟؟ واذا بديتي بالعمل تكون تلصق العجينه ولا لا؟
لا ن بصراحه ابغى اخذ التفاصيل قبل ماسوي مابغى ترمي مره ثانيه بغلط مني ...

والله يوفقك دنيا واخره
جمعت لكم طريقة عمل عجينة 10 دقائق

لتكون مرجع للجميع

و تكون لنا تطبيقاتنا الخاصة بهذه العجينة المشهورة

نأتي بالمقادير


العجينه تتكون من




مرحلتين





الكاس المستعمل هو كاس الجبن =240 غ




والملعقة ملعقة الاكل وتكون الكميه ممسوحه




والحليب عادي وحتى لو الملاعق مليانه




والفنجان استعمل فنجان القهوه التركيه بس ما امليه على الاخر




والعجينه تتكون من مرحلتين






بالاول تخلطين المرحله الاولى وتتركيها عشر دقايق وراح يكون شكلها سائل شوية





فنجان قهوة سكر + 2 ملعقة اكل خميره فوريه + 2 كاس ماء دافي + ذرة ملح + 2 كاس دقيق و اضيفي ملعقتين حليب بودر مليانه .... انا احط ملعقة خميره بس





وبعدها تحطين مقادير المرحله الثانيه عليها




3 كاسات دقيق + نصف كاس زيت





و تعجني فيها ... بالاول ممكن تلصق في ايدينك بس عادي حطي في يدك القليل من الزيت او طحين و ابدي اعجني فيها وكل ما طولتي عجن فيها راح تكون احسن واحسن




لما تتكور معكي وتصبح ملسه وما تلصق في الوعاء ...


وتعجن جيدا وتستخدم على طول

ملاحظات

مثل ما شفنا العجينه تنقسم لقسمين وتتخمر عشر دقايق في القسم الاول ... وتضاف عليها باقي المكونات

يعني مجموع الطحين في العجينه هو خمس كاسات

الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه حق فطاير وحق عمل البيتزا او حق خليه وعمل بيتزا وهكذا





ونتابع تشكيلة المعجنات


هنا ممكن تجهزي حشواتك ... ومنها العجينه راح ترتاح اشوي

رشي على السطح شوي طحين وخذي قطعه من العجينه و ابدئي افرديها ثم شكليها كما ترغبين

اخفقي بيضه ... وامسحي المعجنات بالفرشه ... راح تعطي المعجنات لمعه حلوه ... ومنها ممكن نرش سمسم او حبة البركه او سماق او غيره ... لان البيض يساعد بتثبيتها

بعدها اتركيها ربع ساعه حتى تتفخ اشوي ودخليها الفرن على درجة 180 وراح تاخذ من الوقت 20 دقيقه تقريبا ... او اقل .... افتحي الفرن من تحت بالاول وباخر عشر دقايق افتحي الفرن من فوق لما تتحمر

طلعيها من الفرن وخليها خمس او عشر دقايق وبعدها حطيها في صحن التقديم وغطيها (بالرول الشفاف )حتى تكون طريه معاج الوقت كله ...


وحبيت اوريكم معجناتي من هذى العجينه الرائعه حتى اوريكم شكلها والاشكال التي ممكن نعملها منها

طبعا اول ما جربت من هذى العجينه هو السينامون ... طلع رائع


]

وطريقة السينامون الكل يعرفها

نفرد العجينه

ثم نرش عليها القرفه والسكر

ونطويها على شكل اسطواني

ثم نقطعها ونصفها بصينية مدهونه حتى تتحمر

ونصب فوقها الحليب المركز .... او خلطة السينامون الخاصه بالجبن


****

فطاير السبانخ






طبعا العجينه ذكرنا طريقتها


بعدها تفردين العجينه وتقطعينها بالكاس حتى نحصل علي شكل الدوائر او بالقطاعه ان توفرت

احط الحشوه في وسط الدائره ثم اطوي جوانب الدائره على بعض حتى تعطيني هذا الشكل المثلث

وامسح عليها بالبيض المخفوق وادخلها الفرن على درجة 170 حتى تتحمر من فوق وتحت وتاخذ من الوقت اقل من النص ساعه

الحشوه انا جربت طريقتين الاولى

سبانخ مثلجه ... بصله متوسطه مفرومه ... عصير ليمونه ... وزيت زيتون ... وملح وسماق

اعصر الماء جيدا عن السبانخ

واحط البصل مع الزيت على النار حتى يشقر اشوي وبعدها اضيف السبانخ والليمون والملح والسماق واخليهم على النار اشوي وبعدها استعمل الحشوه بعد ما تبرد

الطريقه الثانيه

نفس مكونات الطريقه الاولى لكن بدون نار يعني ماحطيت اي شي على النار خلطت المقادير مع بعض وحطيت اشوي كمون عليهم وخلطتهم واستعملت الحشوه

وانا اهنا مسويه نوعين من الفطاير السبانخ والجبن الابيض المالح مع البقدونس

وطبعا بالاخر تدهنين الفطاير بالبيض المخفوق والسبانخ رشيها بالسماق حتى تميزي فطاير السبانخ عن الجبن


****

رولات الزعتر

سهله وحلوه للتقدييييم

نرق العجينه على سطح مرشوش بالطحين

بعدها نمسح زيت الزيتون على العجينه كلها ... وانتبهي لاتحطين زيت على الطرف الاخر حتى تلصق معنا العجينه بالاخر ورشي عليه الزعتر والسماق ... ثم نطويها اشوي اشوي راح تصير عندنا مثل الرول

يعني كانها صمونه طويله

ندهن وجها بالبيض المخفوق ... وندخلها الفرن

على درجة 170 لمدة ثلث ساعه تقريبا او لما تتحمر من فوق وتحت ...



راح تطلع عندنا بهذا الشكل ونقطعها بسكين حاد

ونوزعها بالطبق



****

بيتزا الاطراف المحشيه




ارقها بشكل دائره واحطها على القالب ... واكون محضره النقانق المقليه واحطها على الاطراف .... (انا رقيت العجينه خفيفه ممكن تسوينها سميكه اذا تحبين )



الحين اغطي النقانق باطراف العجينه .... واحشي العجينه بحشوة البيتزا ....
امسح عليها كلها بالكتشب ... وبعدين احط عليها الفلفل الاخضر والمشروم والزيتون والجبن .... وادخلها الفرن لما تستوي



***

شوفوا البيتزا بعجينة الكنز عجينة العشر دقايق تجنن










****
السينابون




أولا : الحشو
مع السكر البني و القرفة نضيف زبدة و نفرك كل الحاجات دي مع بعض بجيث انها تبقي متماسكة

ثانيا الصوص
حوالي 4 حبات جبن كيري مع ملعقتين طعام سكربودرة مع عصير ليمونه مع رشه فانيليا
نخلطهم كويس مع بعض و اول ما نطلع السينابون علي من الفرن ندهنه بالصوص ده و هو سخن جدا علشان الصوص يسيح عليها
و بعدين نضيف عليها توفي اللي هو كراميل مع قشطة



****

اطباق حلو و مالح

في الصورة التالية طبقين احدهما حلو والاخر مالح
الطبق الحلو فيه نماذج من: المقروطة (حلي التمر ) لفائف القرفة (سينابون) وحلقات قمر الدين <-- اختراعي

والطبق المالح فيه نماذج من : فطائر السبانخ, فطائر الدجاج بالصلصة البيضاء السميكة, بيتزا, مناقيش زعتر, وفطائر جبنة بيضاء (عكاوي) مع موزاريلا و جبنة الفيتا اليونانية





يتبع

الموضوع منقول للامانة

و جزيل الشكر لجميع الاخوات الذين قدموا هذه الاعمال الرائعة


انا كانت تخرب دايم علي العجينه وبعد هذه الوصفه الكل صار يمدح فطايري
ويجزاها ربي الجنه صاحبت هذه الطريقه وكل من ذلنا عليها


الساعة الآن 03:08 .