بنات انتوا خواتي وحبيباتي وماخاب من استشار ، انا من فترة مفكرة انزل كتاب طبخ غير عن الموجودين حاليا يكون جديد بكل معنى الكلمة لان صج ملينا التكرار فأنتو يابنات حواء لو نزلت هالكتاب راح تشجعوني ولا ماله داعي لانه صج راح يكلفني من تأجير مصور واستيديو وطباعة وغيره ، لاني أبيه لما ينزل بإسمي ينزل بأحسن المواصفات ويتحمل الشيل والحط بالمطابخ ..


وترى الوصفات اللي مختارتهم 90 % من مواقع أجنبية جديدة 100% وفي مجمعتهم من صديقاتي وفي الأكلات التقليدية القديمة ويكون بالخطوات ، إذا كان ردكم إيه انا ناوية بإذن الرحمن أنزله قبل رمضان الياي ، شرايكم أسويه ولا لأ ..

يريت تردون علي بإيه أو لأ لاني محتارة وحرام أجازف ويطيح بجبدي وأخسر كل هالمصاريف ..



وبليز يامشرفات لا تنقلون الموضوع لاني صج محتاجة رأي البنات ورأيكم ..


وشاكرتلكم اهتمامكم يالغلا ..



مبارك عليكم الشهر الفضيل
الله يوفقك
بس ماأنصحك تضيغي فلوسك بكتب ،، أنا من طحت بالنت وخلاااااااااااص ماأشترى كتب طبخ لان كل أنواع الطبخ موجودة بالنت
وهذا رأيي وأن شاء الله غيري يفيدك
الله يوفقك
ماشالله ربي يوفقك يالغاليه
بس انا مع راي اختي الي فوقي

الحين نادر بيت مافيه نت شفي اغلب الكتب الي نزلن وصفاتهن بالمنتديات
فلوس الكتب الي تسوينهم حطيهم بشي ثاني

والراي الأول والاخير لك

: )
بالعكس اشجعك عليه خاصة وانتي تقولين ان بعض الأكلات من مواقع اجنبيه يعني بتكون جديدة علينا ومثل ماتشوفين كتاب نخبة الأطباق لأنه متميز ومضبوط لازال يباع ولانستغني عنه وان شاء الله كتابك يلاقي مثل نجاحه وبالنسبه للخسارة الأفضل تكون الطبعة الأولى كمية بسيطه واذا لاقى نجاح تطبعينه مرة ثانيه وبالتوفيق يارب .
" رب لاتذرني فردا وأنت خير الوارثين "






الساعة الآن 09:32 .