Analysis Services
  • «
  • 1
  • 2
  • >
  • »
حبيباتى الكريمات

انا نازله الدمام لمدة 3 ايام وين القى عبايات جميله وحلوة وشيلات حلوة وناعمه انا كويتيه

وانا جربت قبل بدون اسم وبوكنان ما عجبونى ارجوكم ساعدونىىىىىىىىىتكفون

كمان شي ثانى شنو احلى فندق او شقق مفروشه رائعه واسعارها زينه ارجوكم ردوا

اخر طلب وش المعطرات والبخور الحلو لتعطير البيت والمكتب وريحته حلوة هل عندكم اشياء مميزة وفين


شكرا لكم يا الغاليات
29-04-1425 هـ, 05:36 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهليييين وحياك الله عندنا ..
<<<مستغربه لهجتك...مهي حول الكويتيه خخخخخخخ
المهم...
تبين شيل حلوه...
عندنا بوكنان حلو ترا<<<غصب
والاحلى منه في محلات في الراشد توايلا......والاختيار الاول ...مره حلوين بس غالين شوي/


شقق؟؟
تبين في الخبر ولا الدمام؟؟
انصحك بالخبر...جنب الراشد كللللله شقق طبي وتخيري ...
اما احلاهم ترا مادخلتهم بس متراوحين بين 3 نجوم وخمس نجوم واعرف ناس سكنوا فيها يقولون اسعارها معقوله.


اما على كورنيش الدمام ..
بودل والخليوي هم التوب في مجال الشقق الفندقيه...
بودل انا رحته..
من ناحيه النظافه ماعليه كلام..
اما التاثيث حلو لكن مو فخم...فهمتي ؟؟؟ستاندارد

تبين فخم روحه قصر السيف ...على كورنيش الدمام هذا فخم وروعه..


اما عن معطرات والله مااعرف.....

ترا انا بزوركم بعد اسبوعين ....... حياني الله هههههه
لايفوتك مجمع ابن خلدون في الدمام ترا رووووووووووعه ويهبل ..(جديد)

الجمعه سنتر في الخبر (حق جواتي وبدلات سهره وجلابيات)

الراشد طبعا

واي شي تبين احنا حاضرين وبالشوفه
01-05-1425 هـ, 01:59 صباحاً
 
ضحكتينى انا كويتيه ابا عن جدا عن ام

اما الخليوى لاعت جبدى من كثر ماسكنت فيه ابي غير والخليوى عادى جدا مستواه

مدام كورى ذكرتينىبمدام كورى مكتشفت الذرة او اليورانيوم

وحيييييييييييييييييييييييييييياك الله بالكويت وانشا الله نخدمك

ومشكورة وايد يا عمرى
01-05-1425 هـ, 12:59 مساءً
 
هلا...
الخليوي عادي جدا..
بس نظيف ...
وترا بودل مثله
انا ماقلت انهم كشخه ولا فخمين..
وازيدك من الشعر بيت..
لاحظت ان السعوديه والكويت مافيهم شقق مفروشه كشخه..
يعني عادي بس نظيف...
حيين قلوب هههههههه


جربي قصر السيف ترا حلو...


وبعدين
تعالي ..
ذكرتك بمدام كوري..؟؟ههههههههههه
انا هي شخصيا لوووووول
01-05-1425 هـ, 08:53 مساءً
 
هلا عزيزتي sarolina
بالنسبه للعبايات زي ماقالت الاخت بس اضيف انا انه اخر مره شريت عبايتي وطرحتي من سيدتي الجميله مررره حلوه
وبالنسبه للشقق انا مجربه الشقق اللي حكت عنها
بس موب زي الشقق اللي صرت اسكن فيها كل مرره من بعد ما دلتني وحده من صحباتي مرررره حلوووه والموقع احلى بجنب السويكت وخبرك السويكت انواع المحلات واغلب المحلات اللي يحكون عنها البنات في عالم حواء بالسويكت
وصرت اصحا الصباح واروح للسويكت على رجولي مررره وناسه وهناك محل اسمه بحر الالماس خياااال ومحلات اطفال وجلابيااات جنااان

والشققق هذي
اسعارها معقوله واقل من كذا واللي حلو فيها انها جديده ما بعد الناس لعبوفيها وهي ماهي بعيده عن الراشد والفؤاد سنتر والجمعه سنتر والسويكت موقعه حلوو
بس من جد ابي افيدك ولا تضيعين الفرصه بصرااحه تهبببل
والمولات وزعيها على ايامك بس والله انا صرت ما اروح كل ما نزل الشرقيه الا فيها
واذا تبين الرقم قوليلي ارسل لك على الخاص
03-05-1425 هـ, 05:06 مساءً
 


الساعة الآن 07:26 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏