موضوع جدا رائع بارك الله فيك أختي صاحبة الموضوع وأختي نيراز الله يجزاك خير على افكارك
أنا مع الأسف صحيت متأخرة بعد 10 سنوات وظيفة آآآآآآآآآآآآه ويلمرارة الواقع حينما أحسست به ايش اوصف لكم من مشاعر أكيد كل وجدة مرت بنفس التجربة بتحس بالمرارة
بدأت بداية جدية أصبحت مستقلة استقلال تام عن زوجي يعني أخذت بطاقة الصراف وألغيت حلالنا واحد من القاموس وبطريقة مؤدبة جدا فتحت لي حساب ثاني للتوفييييييييييييييير واقتنع بالتدرييييييييييييج
2-دخلت جمعية كبيرة مع زميلاتي واخذت مبلغ كبير وسددت فيه القرض سداد مبكر
3-بدأت أجمع شوي شو ي وخلاااااااااااص الحمد لله قدرت أوفر بدون تقتيييييييييير وعندي تساؤل لصاحبة الموضوع قدرت أوفر الحمدلله لكن كيف ندير اموالنا
ولكم كل الحب
موضوع كتير حلو و فعلا جاي عالجرح بانتظار البقية
أستغفر الله الذي لا اله إلا هو الحي القيوم و أتوب اليه


اللهم صلي على سيدنا محمد و على آله و أصحابه أجمعين و التابعين و من تبعهم باحسان الى يوم الدين
موضوع جميل ومميز..

ومحتواه وافادته اجمل

والاجمل كلام ونصائح الاخت نيراز

والاجمل ايضا تجارب الاخوات وصاحبة الموضوع

اتمنى فعلا ان الكل يصحى من عدم الادراك والأسراف

الي بغير محله رفاهيه+ تبذير = دمار للعائله..

اتمنى فعلا التقكير والتمعن واخذ جلسه مع النفس مراجعه الحسابات

والبدء بالطريق الصحيح والتفكير للمستقبل ..

كل ماذكر اعلاه ممرت فيه ولكن الحمدالله اني صحيت وغيرت مسار حياتي

وكل هدفي الان ماخططته للمستقبل ’’

اتمى لي ولكم الهدايه والصلاح
هـــلا وغــــلا للجميع

اشكر كل من تواصل بالموضوع رغم اني اعتذر من صاحبة الموضوع لكثرة هذرتي فيه

واشكر كل الاخوات اللي تفاعلوو وذكرو تجاربهم واللي راح تكون لي ولجميع البنات درس نستفيد منه

طبعا اعتذر عن التاخير توني واصله لامريكا الله يردني سالمه يارب لكم ولاهلي وحبايب قلبي يارب

مارا ح اتكلم عن النقاط اللي ذكرتها في ردي الاخير اليوم الين اخلص ترتيب وضعي وكمان نعطي الردود والتعليقات حقها في الرد والمناقشه عشان نطلع بنتيجه مو نشوف التجربه او التعليق ونقرا ويالله السلام عليكم لا نبي نقاش وراح نطلع انا متاكده اننا راح نستفيد من بعض

راح ابدء باول رد استوقفني كثيييييييييييير

بسم الله

اقتباس مشاركة  (طيرة شلوى العز)
انا اشوف الواحد قبل مايعلم اولادة يعلم نفسة البلاء فينا حنا وحنا نحطها بالاولاد الي ماعندة ايجار يكون تقريبا 40 بالمية توفير حق الايام السودا وبالنسبة اذا كان كل اسبوع زيارة مافية لبس لكي والالاود كل 3مرات بنفس البس وطبعا مابتروحين ويدينك فاضية لازم حلا اومعجنات اوصنية عشاء وهذة صرفة واذا استقبلتى الناس عشاء برضو ضرف ولا زلازال وانهيار عالمي اقتصادى اذا ستقبلتى لمدة اسبوع او3 ويك اند صعبة تقولى للناس جيبو اغراض معاكم والا فاتورة الكهرباء تعطكى لسعة شوي لمسالة كل شي بحدود المعقول الزيارات معقولة المولات بعقل انا اروح للمولات بس ماشتري الا بعد فر ومرة ومرتين واقتناع مواول ماشوف الشي اخذة اروح وارد وبعد اسبوع او اسبوعين اوممكن يطيب الخاطر منة وانساة
هلا وغلا اختي طيرة شلوى العز

اكيد كلامك سليم لازم الواحد يعلم نفسه واصلا مستحيل اننا نعلم الاولاد شي نجهل كيف تطبيقه لانه مهما تكلمنا وهم يشوفون عكس الكلام ماراح يصدقونا باي شي واكيد انا ما اتكلم او ازرع في اولادي الا وانا ولله الحمد ممتثله باللي اقوله نجي لتفصيل كلامك وفيه محاااور عده

نجي على الزيارات ان حصلت كل اسبوع حلوو لكن ممكن تخليها اسبوع ايه واسبوع لا وصدقيني لو صارت كل اسبوع ما عندك مشكله بالملابس هل راح تخلين هالبيت اللي تزورينه كل اسبوع وانتي عنده مرابطه لا طبعا انا ما تكلم عن الاهل انا اتكلم عن الاقارب والاصدقاء لازم نفرق بين الاهل والاصدقاء والاقارب بعدين وش دراهم ان هذا اللبس لبستيه 3 مرات او حتى 10 مرات او له سنه عندك اذا كان اصلا ما يجي دور اجتماعك مع هالعائله الا بعد لا يقل عن 3 او 5 شهور لا تقولين كذا انتي تناقضين كلامك وش ذا القطاعه لا والله صادقه والجدول مزحوم من الزيارات والغالبيه لسى ما جى دورهم في الزياره وهم كل فتره وفتره يالله وينكم وين زيارتنا .. الله يجعلنا من المحبوبين دائما

لنفرض ان معارفك قليل ايش المشكله ان اللبس ينعااد هذي وحده من اكثر السلبيات اللي دخلت على مجتمعنا وارهقت كاهلنا بصراحه والا وش ضرنا اول يوم كنا نلبس اللبس اكثر من مره لا تقولين امس شي واليوم شي العمر واحد واذا ما التفتنا للسعاده الروحيه ماراح تسعدنا الماديات ابد ..
.. النقطه الثانيه اول زياره خذي معاكي شي بيدك لا تدخلين ويدك فاضيه هذي اول زياره المره الثانيه خلاص وشوله تشيلين معااك اغراض اصلا كذا انتي بتحرجين اهل البيت انهم يردونها لك في كل مره يزورونك خصوصا اذا كانت ماديتهم صعبه شوي واذا تعرفين ان اهل البيت ماديتهم صعبه شوي انا ارفض تماما اني اخذ شي بيدي حتى لو صينيه عشاء اصلا الزياره حتكون يا قهوه مغرب يا سهره بعد ما اتعشى بالبيت واذا رحت اخذ بيدي كيس فيه شغلات للعيال من حلويات وغيره اللي تفرح قلب الصغار والا الكبار التواصل هو اللي بيفرحهم ولا القطيعه ...

واذا استقبلتي ضيف في بيتك صحيح اي شي تقدميه للضيف تؤجرين عليه وبمكانة الصدقه وهذا الشي اسعدني كثير لما قريته وخلتني اتحمس واحرص على ان بيتي ما ينقطع من الضيوف بس مو اجلس وافكر كيف ارهق نفسي واعمل زلزال للاقتصاد المنزلي هههههه اعجبني تعليقك وفعلا كثير يعتبرونه زلزال ...
لكن الأولين وش كانوو يقولون الجود من الموجود واذا قدمو الضيف على اي شي قالو اعذرونا على قل الكلافه ..
وانتي قدمي لضيفك الميسور ماله داعي يا لطيف الطف بعبادك جلست يوم اقراء موضوع فن التقديم للذويقات في الرياض والله والله يا اخت طير شلوى انه صدع راسي ايش فطاير ايش حلا ايش ماني عارف حكي فااضي لا وتقولك ترا مو ذاك الزود في الطعم بس لازم نقدمه (( ليش طيب تقدمين شي ما اعجبك لهالدرجه صارت الدنيا مضاهر ))
اسئلك بالله يا اخت طيرة شلوى لو جاك ضيوف ورحتي جبتي من الفطاير وقدميتها والحلا كم حبه تنشال من الصحن والغالبيه يقولك نسوي رجيم يعني ايش فيها لما ترجعي مثل امي وامك يوم يحطون صحون المكسرات مو كلها فيتامين ومعادن خسرتها اجسامنا بسبب الفطاير والخماير والسككار صح اولا المكسرات لا تخرب وتجلس معك وكمان تجمل حطيها مع الشاهي القهوه يختي صينيه حلا في بيتك والا صحن بقلاوه مع التمر والا تمر لحاله يكفي العالم جاي تزورك وتجلس معاك وتسولف وتنبسط مهي جايه تاكل وتشوف وش تقدمين لها ...

بقولك شي بس لا تزعلين علي لا انتي ولا بقية الاخوات صدقوني والله العظيم انه ما يفكر بهالاشياء الا اللي اذا زار الناس ما همه الزياره لا همه وش بيحطون وش يقدمون ولين حطوو لا مهو من المحل الفلاني هذا خايس وهذا فيه ويخطيه .. وش ذا اللبس ما عندها الا هذا اللبس ... انتي اشتغلي على نفسك بانك تغيرين هالنظره ولا استبدليها بالتواضع بالمحبه بالتواصل صدقيني يمكن تطلعين من عندهم او يطلعون من عندك ما دريتي وش هي لابسه والا شو عيالها لابسين ... فقط شيلي التكلف من تفكيرك وتزبط امورك نصيحه اخت لك تتمنالك الخير ..

اقربها لك اكثر .. مين اقرب وحده لك اكيد بتلاقين وحده من جاراتك تستقبلينها بجلابية البيت ويمكن لين طفشتي شلتي عباتك ورحتي وانتي بابسط لبس لك وحتى لو جلستك مجلسها تقولين لا تكفين مجلسك العادي والا خلينا الجلسه ارضيه ترا مليت من هالخرابيط وهاتي ترمس القهوه ان بصب لروحي << ليه قلتي كذا لانك تحنين للبساطه وتجدين راحتك فيها طيب ليه ما يكون هذا هو محور علاقاتنا مع الناس البساطه ... المحبه ...

تبين الصراحه انا كلمتي دائما في المجالس اذا شفت ناس يحبون النعرات والخرابيط والبذخ اقولهم اللي بيجي عشان شخصي يسلم علي ويزورني لنفسي حياه الله القلب قبل الدار مفتوح والبيت واهل البيت تحت امره واللي بيجي عشان بيشوف وش اقدم وايش احط يجلس ببيته لاني ما اقدم الا كاسة مويه بس حتى القهوه مهي في بيتي <<< طبعا ما اقولها وانا متقشفه لا طبعا ضيفي على العين والراس بس عشان على قولتهم بالعاميه ادقم هالشوكه وهالنعره اللي بتلطع من الكلام
واذا قابلت احد وابي زيارته او حتى لسى جديد تعرفت عليه تعالوو الله يحيكم ترا ماراح اتكلف بشي كلها فنجال قهوه بس شروفني في بيتي والله يا اخت طيرة شلوى بهالكلمه ترويض للنفس وتوضيح للغير ان الهدف الجمعه والتواصل والمعزه ...

طبعا المولات هذي لها رد منفرد بعدين ...

معليش طولت بالحكي بس هالكلام موه لنفسي اولا وللجميع مو بس لك يا اخت طيرة شلوى بس ردك اعجبني واعطاني نقاط لازم نوضحها في حديثنا ونتكلم عنها ويشرفني تواصلك يالغاليه

اقتباس مشاركة  (لايت كولا)
موضوع رائع الي الامام
حطيتوا يدكم علي الجرح ومع احترام الجميع الا انا التواصل لدينا مكالف اكثر من المولات مثل ماقالت احدى الاخوات لازم لبس وماتدخلين يدك فاضيه والمولات هم صرف لكن لعيالك
لا تناظرين وش العالم تلبس وش تخلي ولا تركضين ورا كل جديد خلي لك ستايلك المميز

والتكلف بالتواصل والله انتم اللي وضعتووو هذا التكلف وبايدكم تلغونه ... يعني بالله وحده تقول انا حاطه اقل شي ميزانيه 2000 ريال هذي بس فطاير وكب كيك وانعام الله كلها للناس اذا بيزورونها لا حول ولا قوة الا بالله العالم بتسلم بتزور بتتحمد لك بالسلامه بتتواصل معاك بتادي واجب زياره مهي جايه تاكل وتشوف كم صينيه تدورين فيها وكل صينيه وش فيها ومن اي محل يا أمة محمد النصف الاخر من المدينه لا يجدون ما ياكلوووون والله ان القلب يحزن ويحزن ويحزن لمعرفه مثل هذه الامور ...

اقتباس مشاركة  (ام فهد وخالد)
طولت عليكم ولاكن فعلا لابد من وقفة حازمة مع العائلة كلها مش مع النفس وبس
بالعكس انا من عشاق الكلام الكثير لانها تتضح الصوره اكثر من كلمة ورد غطاها ولا تدرين ايش السالفه بارك الله فيك

اقتباس مشاركة  (ألماسة براقة)
موضوع جدا رائع بارك الله فيك أختي صاحبة الموضوع وأختي نيراز الله يجزاك خير على افكارك
أنا مع الأسف صحيت متأخرة بعد 10 سنوات وظيفة آآآآآآآآآآآآه ويلمرارة الواقع حينما أحسست به ايش اوصف لكم من مشاعر أكيد كل وجدة مرت بنفس التجربة بتحس بالمرارة
بدأت بداية جدية أصبحت مستقلة استقلال تام عن زوجي يعني أخذت بطاقة الصراف وألغيت حلالنا واحد من القاموس وبطريقة مؤدبة جدا فتحت لي حساب ثاني للتوفييييييييييييييير واقتنع بالتدرييييييييييييج
2-دخلت جمعية كبيرة مع زميلاتي واخذت مبلغ كبير وسددت فيه القرض سداد مبكر
3-بدأت أجمع شوي شو ي وخلاااااااااااص الحمد لله قدرت أوفر بدون تقتيييييييييير وعندي تساؤل لصاحبة الموضوع قدرت أوفر الحمدلله لكن كيف ندير اموالنا
ولكم كل الحب

تسلمي حبيبة قلبي هي لا افكار ولا شي بس هذا نمط معيشتي وذكرته عشان نعلم الناس انه انتي سبب تعاستك او سعادتك من خلال نمط معيشتك لا تبخلي على نفسك ولا تسرفي عيشي حياتك باعتدال ..

فكرة الجمعيات للتخلص من دين القروض انجح طريقه واسرعها للتخلص من القروض الربويه اللي تمحق بركة الراتب

تقسم الراتب الى ميزانيه منزل ميزانيه رفاهيه ميزانيه سفر ميزانيه توفير ميزانيه مدارس ارتب عامله منزليه تساعدك وتساعد حتى اولادك في تدبر امورهم

والله يبارك لك في مالك وحلالك واولادك وحياتك يارب


الحياه فوضى عندي
خلاص ستوب
جزاكى الله الف خير
متابعه معاااكم


الساعة الآن 01:39 .