Analysis Services
أهلين حبيباتي
والله اشتقتلكم
إللي مثلكم عارف من يوم بدت المدارس والواحد مشغول لشوشته بس يوم لقيت الموضوع نازل ارتفع ضغطي قلت مابدهاش اليوم يومك يالعطاويه وهيلا هب
00000000000000000000
0000000000000000000
واشكر الغاليه طلوله على سؤالها عني وأنا إللي كنت اعتقد ما احد درا عني
بقلكم عن أهم التطورات من ناحية التدبير كنت قبل لابغيت اطعم الأولاد ما احب الحكومي وزحمته اقول (هين فلوس ولا تهين نفوس ) وانتم عارفين مرمطة الحكومي لكن هالمره غير مع هالحمله شلت حمله على أبو الشباب ودايم وأنا انتقده على التبذير ويوم جا موعد التطعيم وكالعاده يبي يوديه الخاص قلت مايسير هذا تبذير قال وين كلامك مو انتي إللي ماتحبين الزحمه وتقولين (هين فلوس ولا تهين نفوس) المهم أخذنا على الخاص ويوم جينا نطعم سألنا عن السعر كان يقولون ب300ريال بغيت اتجلط في مكاني وشهقت ذيك الشهقه إللي طيرت أبو العيال من مكانه وقال هاااه وش رايك قلت قدامي على الحكومي يازين الزحمه زيناه
المهم كلمت مستوصف الحي وسألت عن مواعيد التطعيم ورحت في اليوم المحدد وتمت المهمه بنجاح لازحمه في المستوصف ولا شي ثم طلعت خلال 10 دقايق وأنا محد قدي قلت هاه وش رايك أعجبك ولا لا وفرت في جيبك 300ريال وقام يضحك ويقول هذا احسن شي استفدناه من النت
وأنا أنصح كل وحده تطعم اطفالها في مستوصف الحي احسن من الخساير والله مافي زحمه كنت احسبه مثل المستشفيات الحكوميه إللي تعل القلب بزحمتها ومواعيدها
ولي عوده
06-11-1430 هـ, 03:18 مساءً
 
انا ماشتري الا بوقت التخفيضات

الا بوقت العيد فمجبوره اشتري بسعره الغالي
ايضا احاول ماروح لمستشفى خاص الا لضروره القصوى
ايضا المطاعم حدنا دايم 30 ريال انا وزوجي لان الشي مو شبعه بقدر ماهو تغير جو
والجزم مو ماركات من حلات عاديه واغلى جزمه عندي ب80
ملابس البيت لي ولولدي من الحسون والهرم والشامل
المشغل اروح لرخص المشغل بس تكون ايديهم ماهره
وايضا اشيل الحلاوه عند المشغل كل شهرين ب100 طبعا الجسم كامل
وتشقير مع صبغه ب25 وقص شعر 25
احاول ماجدع من ثيابي شي لاني ممكنت اتركه سنه وبعدين ارجع والبسه

بس اهتم بالغسيل انه يكون بشامبو عبايه
وسلامتكم

استفدت وابفيد
06-11-1430 هـ, 04:05 مساءً
 
اقتباس مشاركة  (العطاوية)
أهلين حبيباتي
والله اشتقتلكم
إللي مثلكم عارف من يوم بدت المدارس والواحد مشغول لشوشته بس يوم لقيت الموضوع نازل ارتفع ضغطي قلت مابدهاش اليوم يومك يالعطاويه وهيلا هب
00000000000000000000
0000000000000000000
واشكر الغاليه طلوله على سؤالها عني وأنا إللي كنت اعتقد ما احد درا عني
بقلكم عن أهم التطورات من ناحية التدبير كنت قبل لابغيت اطعم الأولاد ما احب الحكومي وزحمته اقول (هين فلوس ولا تهين نفوس ) وانتم عارفين مرمطة الحكومي لكن هالمره غير مع هالحمله شلت حمله على أبو الشباب ودايم وأنا انتقده على التبذير ويوم جا موعد التطعيم وكالعاده يبي يوديه الخاص قلت مايسير هذا تبذير قال وين كلامك مو انتي إللي ماتحبين الزحمه وتقولين (هين فلوس ولا تهين نفوس) المهم أخذنا على الخاص ويوم جينا نطعم سألنا عن السعر كان يقولون ب300ريال بغيت اتجلط في مكاني وشهقت ذيك الشهقه إللي طيرت أبو العيال من مكانه وقال هاااه وش رايك قلت قدامي على الحكومي يازين الزحمه زيناه
المهم كلمت مستوصف الحي وسألت عن مواعيد التطعيم ورحت في اليوم المحدد وتمت المهمه بنجاح لازحمه في المستوصف ولا شي ثم طلعت خلال 10 دقايق وأنا محد قدي قلت هاه وش رايك أعجبك ولا لا وفرت في جيبك 300ريال وقام يضحك ويقول هذا احسن شي استفدناه من النت
وأنا أنصح كل وحده تطعم اطفالها في مستوصف الحي احسن من الخساير والله مافي زحمه كنت احسبه مثل المستشفيات الحكوميه إللي تعل القلب بزحمتها ومواعيدها
ولي عوده
مشكوره الله يعطيك العافيه شجعتيني على الحكومي لاني ماحب الزحمه ولا الانتظار
بسألك تعرفين ام عبدالعزيز العطوي كانت زميلتي ؟؟
اقتباس مشاركة  (سندريللا 2000)
قمر

بالنسبة لتفصيل الملابس انا كنت افشل فاشلة فيه وياما فصلت ورميت لكن لاني اتعب وانا الف السوق مايدخل مزاجي شيء

فاتجهت الى التفصييل .. أريح من لفة السوق والحمدلله صار لبسي متميز ودايم يسالوني من وين شريتي ملابسك يحسبونها جاهزة لاني احرص على الخامات الشبيه بخامات الجاهز . . .
ماشاء الله عليك
طيب الموديلات من وين تقتبسينها ؟
انا هالايام اروح لاهلي بجلابيات وشايله هم الناس الثانين مدري وش اشتري ووش اللبس؟
اقتباس مشاركة  (سندريللا 2000)
ياحلوات بما اننا دخلنا في الملابس والشتاء على الابواب اقترح كل وحدة تصفي الملابس اللي ماتحتاجهم وترتبهم وتحط كل بدلة بكيس لحم وتدبسينها ثم تلصقين عليها ورق لاصق وتكتبين عليها ولادي او بناتي والعمر ثم تودينها للجمعية او ترسلينها لناس ممكن يستقبلونها
انا اجمع في هالملابس للسنه الي بعدها لان عيالي يلبسون لبس بعض والرايح الكبير هو الي يلبس الجديد دايم

شيء ثاني .. ايهم احسن من ناحية شراء الملابس اني اسويها على طريقة الكسوة يعني اشتري للشتاء كله .. او كل ما احتجت نزلت السوق وشريت .. اللي جربت الطريقتين تقول تجربتها واللي عندها وجهة نظر تكتبها خلونا نستفيد .
انا ماحب ادخل السوق احس اني اأثم كله معاصي وفتن ولاتقدرين تنصحين تحسين انك مشتركه في المعصيه المهم انا احب اول الشتاء اشتري لهم كم طقم وبجايم وافصل لهم ثياب شتويه وتكرمون جزم وشرابات وبعدها خلاص
اقتباس مشاركة  (شكولا تة بالبندق)
قمرا

اخصص لكل واحد 500 من غير المصروف اليومى اللى هالوه 3 ريال للمدرسه وريالين العصر لكل واحد فيهم

واعمارهم واحد 14 سنه والثانى 7 سنين
ماتحسين ان 500 ريال كثيره للواحد؟
06-11-1430 هـ, 04:23 مساءً
 
من ناحية الملابس اشتري لي ولبنتي ماركات بس احيانا القى موديلات حلوة تكون من محل عادي فاخذه
واغلى قطعه لي بالشيء الفلاني بس اخليها للعيد < خفت منكم تجلطوني> وبرضوا العام شريت لبنتي للعيد فستان وكان غالي مره شافته وحده وسالت عن سعره قلت لها غالي قالت يعني بكم ب300 ميه انا هنا ارتفع الظغط والسكر والقولون انفقع اقول لها غالي تقول ب300 الجزمه كانت 299
وقلت ماني شاريه غالي ماعندي احد يدري وين الله حاطهم فيه بس رجعت وشريت لها ماعندي الا هي الله يخليها لي يخليكم عيالكم

وبالنسبه لبسي اللي مليت منه اعطيه احد من اخواتي او بنات خالتي يلبسونه بس لبس بنتي لبس البيت والبجايم اعطيه احد محتاج بس لبسها الزين ارفعه في الدالوب لان ماعندي احد في سنها من خالاتي كلهم اولاد وبالنسبه للجزم اول مااشتريها واحيانا قبل لاالبسها القاها متصادره من اخواتي العزيزات بس مايغلى عليهم شيء
وانا مهبوله في الصرف قبل لاادخل معكم بس ان شاء الله اني اعقل وبالنسبه للي تقول وش احسن اني اشتري للمناسبه او للموسم يعني مره لشتاء ومره لصيف انا من ناحيتي ماتصلح لي هالطريقه لان احيانا اتفاجاة بعزيمه كبيره بدون احم ولادستور فانا اذا احتجت رحت لسوق وعارفه انها هي اللي مضيعه ماوراي ودوني بس مااحب اكرر اللبس
وان شاء الله اغير هالعاده
06-11-1430 هـ, 04:39 مساءً
 
بالنسبه للبس اشتري قبل العيد ملابس تكفيني لعيد الحج وإن زدت لبسه وحده
يعني قبل رمضان شريت لبس العيد وركزت على الربيعي أكثر من الصيفي لأن الشتا قرب واستفيد منها لعيد الأضحى
والأولاد قبل ما اشتريلهم أفتح الدولاب واشوف وش ناقصهم وأسجله في ورقه يعني لو عندهم بنطلون بني ولازال جديد ولبسوه في عيد الفطر اروح اشتريله قميص يكون لونه غير الموجود عشان يبان إن الطقم جديد والبنطلون ما أحد ينتبهله ولو كان الجو بارد ادخل عليه جكت أو سديري بلون مخالف وبكذا أنا جددت مهو أحسن من إني اشتري طقم كامل جديد والجزمة الجديده حقت العيد احافظ عليها ما يلبسها إلا في المناسبات وبكذا تكون جديدة يلبسها في العيد
يعني المفروض الوحده ماتنزل السوق إلا وهي عارفه وش تشتري وكاتبه النواقص في ورقه لأن أغلبنا إذا راحت السوق فتحت فمها وقامت تضف من الأغراض واحيان يكون اللون مكرر ما تنتبه تفقد الذاكره وأنا كنت أول وحده ويوم استخدمت هذه الطريقه ارتحت
وبالنسبه للمناسبات ما اشتري بعد العيد إلا إذا فيه مناسبه أروح قبلها بيوم أو يومين واشتري وخاصة لبس الأولاد لأني مره اشتريت كم لبسه وجلست لدرجة إني نسيتها ويوم شفتها انقهرت لأن الولد كبر عليها واكتشفت إني مبذره طبعاً أنا مكتشفه نفسي قبل الحمله واستخدمت هذا النظام ونفع معي وجات الحمله وغيرت ما تبقى من تبذير الله لايحرمنا من ارائكم
06-11-1430 هـ, 05:14 مساءً
 


الساعة الآن 01:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏