اقتباس مشاركة  (نوت11)
اولا اهنئك على حسن الاختيار وأسال الله لي ولك الستر فوق الارض والستر تحت الارض والستر يوم العرض


والله يا الغاليه كأنك تتكلمي عني

حين ما جلست مع نفسي بعد موقف مر بي من احدى المقربات لي
وجدت انني اهدرت ثروه كبيره

لوكنت احسنت التصرف ولم ابذر لما شعرت بتلك النظرات من انسانه كنت امد يد العون لها في يوما ما
عجبي !!!

انتظر التكمله بفارغ الصبر

ربي يسعدك دنيا وآخرة أحلى دعاء مشكورة يا غالية وفعلا زي ما قلتي احنا نهدر ثروات والله جاني ايميل يوجع القلب ناس تكرمون تدور أكل بالزبالة وحنا بخير ومو حاسين ولا مقدرين النعمة اللي احنا فيها وبالنسبة للنظرات ياما شفت أنا نظرات تجرح من ناس كنت أصرف عليهم تقريبا زي ما أصرف على نفسي وبعدين غدرو فيني وصرت كبش فداء عشان كنت طيبة معهم وبنو سعادتهم على حساب سعادتي أنا بس ربنا يمهل ولا يهمل عايشين حاليا بمشاكل وتعاسة وأنا توظفت بوظيفة كويسة وتحسنت أحوالي ونفسهم أرجع علاقتي معهم هم أقاربي لكن خلاص أنا تعلمت درس والله تسلفو مني مبالغ وكنت استحي اقول رجعوها ولسة ما رجعوها والله يسامحهم أنا ما أحقد ومسامحة بس لازم نعيد بناء حياتنا ونتعلم من الظروف القاسية والمعاناة اللي مرينا فيها
اقتباس مشاركة  (نيــــــــــراز)
هـــلا وغــــلا للجميع

اشكر كل من تواصل بالموضوع رغم اني اعتذر من صاحبة الموضوع لكثرة هذرتي فيه

واشكر كل الاخوات اللي تفاعلوو وذكرو تجاربهم واللي راح تكون لي ولجميع البنات درس نستفيد منه

طبعا اعتذر عن التاخير توني واصله لامريكا الله يردني سالمه يارب لكم ولاهلي وحبايب قلبي يارب

مارا ح اتكلم عن النقاط اللي ذكرتها في ردي الاخير اليوم الين اخلص ترتيب وضعي وكمان نعطي الردود والتعليقات حقها في الرد والمناقشه عشان نطلع بنتيجه مو نشوف التجربه او التعليق ونقرا ويالله السلام عليكم لا نبي نقاش وراح نطلع انا متاكده اننا راح نستفيد من بعض

راح ابدء باول رد استوقفني كثيييييييييييير

بسم الله



هلا وغلا اختي طيرة شلوى العز

اكيد كلامك سليم لازم الواحد يعلم نفسه واصلا مستحيل اننا نعلم الاولاد شي نجهل كيف تطبيقه لانه مهما تكلمنا وهم يشوفون عكس الكلام ماراح يصدقونا باي شي واكيد انا ما اتكلم او ازرع في اولادي الا وانا ولله الحمد ممتثله باللي اقوله نجي لتفصيل كلامك وفيه محاااور عده

نجي على الزيارات ان حصلت كل اسبوع حلوو لكن ممكن تخليها اسبوع ايه واسبوع لا وصدقيني لو صارت كل اسبوع ما عندك مشكله بالملابس هل راح تخلين هالبيت اللي تزورينه كل اسبوع وانتي عنده مرابطه لا طبعا انا ما تكلم عن الاهل انا اتكلم عن الاقارب والاصدقاء لازم نفرق بين الاهل والاصدقاء والاقارب بعدين وش دراهم ان هذا اللبس لبستيه 3 مرات او حتى 10 مرات او له سنه عندك اذا كان اصلا ما يجي دور اجتماعك مع هالعائله الا بعد لا يقل عن 3 او 5 شهور لا تقولين كذا انتي تناقضين كلامك وش ذا القطاعه لا والله صادقه والجدول مزحوم من الزيارات والغالبيه لسى ما جى دورهم في الزياره وهم كل فتره وفتره يالله وينكم وين زيارتنا .. الله يجعلنا من المحبوبين دائما

لنفرض ان معارفك قليل ايش المشكله ان اللبس ينعااد هذي وحده من اكثر السلبيات اللي دخلت على مجتمعنا وارهقت كاهلنا بصراحه والا وش ضرنا اول يوم كنا نلبس اللبس اكثر من مره لا تقولين امس شي واليوم شي العمر واحد واذا ما التفتنا للسعاده الروحيه ماراح تسعدنا الماديات ابد ..
.. النقطه الثانيه اول زياره خذي معاكي شي بيدك لا تدخلين ويدك فاضيه هذي اول زياره المره الثانيه خلاص وشوله تشيلين معااك اغراض اصلا كذا انتي بتحرجين اهل البيت انهم يردونها لك في كل مره يزورونك خصوصا اذا كانت ماديتهم صعبه شوي واذا تعرفين ان اهل البيت ماديتهم صعبه شوي انا ارفض تماما اني اخذ شي بيدي حتى لو صينيه عشاء اصلا الزياره حتكون يا قهوه مغرب يا سهره بعد ما اتعشى بالبيت واذا رحت اخذ بيدي كيس فيه شغلات للعيال من حلويات وغيره اللي تفرح قلب الصغار والا الكبار التواصل هو اللي بيفرحهم ولا القطيعه ...

واذا استقبلتي ضيف في بيتك صحيح اي شي تقدميه للضيف تؤجرين عليه وبمكانة الصدقه وهذا الشي اسعدني كثير لما قريته وخلتني اتحمس واحرص على ان بيتي ما ينقطع من الضيوف بس مو اجلس وافكر كيف ارهق نفسي واعمل زلزال للاقتصاد المنزلي هههههه اعجبني تعليقك وفعلا كثير يعتبرونه زلزال ...
لكن الأولين وش كانوو يقولون الجود من الموجود واذا قدمو الضيف على اي شي قالو اعذرونا على قل الكلافه ..
وانتي قدمي لضيفك الميسور ماله داعي يا لطيف الطف بعبادك جلست يوم اقراء موضوع فن التقديم للذويقات في الرياض والله والله يا اخت طير شلوى انه صدع راسي ايش فطاير ايش حلا ايش ماني عارف حكي فااضي لا وتقولك ترا مو ذاك الزود في الطعم بس لازم نقدمه (( ليش طيب تقدمين شي ما اعجبك لهالدرجه صارت الدنيا مضاهر ))
اسئلك بالله يا اخت طيرة شلوى لو جاك ضيوف ورحتي جبتي من الفطاير وقدميتها والحلا كم حبه تنشال من الصحن والغالبيه يقولك نسوي رجيم يعني ايش فيها لما ترجعي مثل امي وامك يوم يحطون صحون المكسرات مو كلها فيتامين ومعادن خسرتها اجسامنا بسبب الفطاير والخماير والسككار صح اولا المكسرات لا تخرب وتجلس معك وكمان تجمل حطيها مع الشاهي القهوه يختي صينيه حلا في بيتك والا صحن بقلاوه مع التمر والا تمر لحاله يكفي العالم جاي تزورك وتجلس معاك وتسولف وتنبسط مهي جايه تاكل وتشوف وش تقدمين لها ...

بقولك شي بس لا تزعلين علي لا انتي ولا بقية الاخوات صدقوني والله العظيم انه ما يفكر بهالاشياء الا اللي اذا زار الناس ما همه الزياره لا همه وش بيحطون وش يقدمون ولين حطوو لا مهو من المحل الفلاني هذا خايس وهذا فيه ويخطيه .. وش ذا اللبس ما عندها الا هذا اللبس ... انتي اشتغلي على نفسك بانك تغيرين هالنظره ولا استبدليها بالتواضع بالمحبه بالتواصل صدقيني يمكن تطلعين من عندهم او يطلعون من عندك ما دريتي وش هي لابسه والا شو عيالها لابسين ... فقط شيلي التكلف من تفكيرك وتزبط امورك نصيحه اخت لك تتمنالك الخير ..

اقربها لك اكثر .. مين اقرب وحده لك اكيد بتلاقين وحده من جاراتك تستقبلينها بجلابية البيت ويمكن لين طفشتي شلتي عباتك ورحتي وانتي بابسط لبس لك وحتى لو جلستك مجلسها تقولين لا تكفين مجلسك العادي والا خلينا الجلسه ارضيه ترا مليت من هالخرابيط وهاتي ترمس القهوه ان بصب لروحي << ليه قلتي كذا لانك تحنين للبساطه وتجدين راحتك فيها طيب ليه ما يكون هذا هو محور علاقاتنا مع الناس البساطه ... المحبه ...

تبين الصراحه انا كلمتي دائما في المجالس اذا شفت ناس يحبون النعرات والخرابيط والبذخ اقولهم اللي بيجي عشان شخصي يسلم علي ويزورني لنفسي حياه الله القلب قبل الدار مفتوح والبيت واهل البيت تحت امره واللي بيجي عشان بيشوف وش اقدم وايش احط يجلس ببيته لاني ما اقدم الا كاسة مويه بس حتى القهوه مهي في بيتي <<< طبعا ما اقولها وانا متقشفه لا طبعا ضيفي على العين والراس بس عشان على قولتهم بالعاميه ادقم هالشوكه وهالنعره اللي بتلطع من الكلام
واذا قابلت احد وابي زيارته او حتى لسى جديد تعرفت عليه تعالوو الله يحيكم ترا ماراح اتكلف بشي كلها فنجال قهوه بس شروفني في بيتي والله يا اخت طيرة شلوى بهالكلمه ترويض للنفس وتوضيح للغير ان الهدف الجمعه والتواصل والمعزه ...

طبعا المولات هذي لها رد منفرد بعدين ...

معليش طولت بالحكي بس هالكلام موه لنفسي اولا وللجميع مو بس لك يا اخت طيرة شلوى بس ردك اعجبني واعطاني نقاط لازم نوضحها في حديثنا ونتكلم عنها ويشرفني تواصلك يالغاليه



لا تناظرين وش العالم تلبس وش تخلي ولا تركضين ورا كل جديد خلي لك ستايلك المميز

والتكلف بالتواصل والله انتم اللي وضعتووو هذا التكلف وبايدكم تلغونه ... يعني بالله وحده تقول انا حاطه اقل شي ميزانيه 2000 ريال هذي بس فطاير وكب كيك وانعام الله كلها للناس اذا بيزورونها لا حول ولا قوة الا بالله العالم بتسلم بتزور بتتحمد لك بالسلامه بتتواصل معاك بتادي واجب زياره مهي جايه تاكل وتشوف كم صينيه تدورين فيها وكل صينيه وش فيها ومن اي محل يا أمة محمد النصف الاخر من المدينه لا يجدون ما ياكلوووون والله ان القلب يحزن ويحزن ويحزن لمعرفه مثل هذه الامور ...



بالعكس انا من عشاق الكلام الكثير لانها تتضح الصوره اكثر من كلمة ورد غطاها ولا تدرين ايش السالفه بارك الله فيك




تسلمي حبيبة قلبي هي لا افكار ولا شي بس هذا نمط معيشتي وذكرته عشان نعلم الناس انه انتي سبب تعاستك او سعادتك من خلال نمط معيشتك لا تبخلي على نفسك ولا تسرفي عيشي حياتك باعتدال ..

فكرة الجمعيات للتخلص من دين القروض انجح طريقه واسرعها للتخلص من القروض الربويه اللي تمحق بركة الراتب

تقسم الراتب الى ميزانيه منزل ميزانيه رفاهيه ميزانيه سفر ميزانيه توفير ميزانيه مدارس ارتب عامله منزليه تساعدك وتساعد حتى اولادك في تدبر امورهم

والله يبارك لك في مالك وحلالك واولادك وحياتك يارب
مش عارفة ايش أقولك أختي نيراز ، المديح فيكي قليل ... حبيبتي والله إنتي نورتي الموضوع وهو موضوعك يكفي حبك للخير ولمصلحة أخواتك في المنتدى ربي يعطيكي على قد نيتك الطيبة ويسعدك دنيا وآخرة والله الموضوع صار أحلى لما شاركتي فيه يكفي إنك تكتبي كلام درر وأفكارك متميزة ومثلي تحبي الكلام والكتابة عشان نوضح للأخوات جوانب أعمق وأكثر في الموضوع وفي مشكلة التبذير وتسلمي فعلا أفكارك حلوة ومرتبة وتعليقاتك تمس صميم المشكلة اللي نعاني منها التبذير آفة خطيرة لابد أن نتخلص منها وهي اللي بسببها نحتاج للبنوك ونقع فريسة لطمعها وضحية لمختلف الديون وبالنسبة لموضوع تنظيم الراتب موضوع حلو بس نبغى نأخذ رأي ناس متخصصين ونعمل شوية بحث ودراسة فيه و راح نواصل فيه أنا وإنتي إن شاء الله وموفقات جميعا
اقتباس مشاركة  (نيــــــــــراز)
**** قصه ذكرتها صاحبتها لي كانت اكثر سبب واشد سبب للتغير الجذري بحياتي رغم اني ولله الحمد لست من الاشخاص المتعالين على نعم الله ***

والمقصود بالمتعالين على نعم الله وهم كثييييييييير ولكن لا يعلمون بان هذا نوع من التعالي على نعم الله

اذا قدم لهم الطعام او الشراب (( وع وش ذااا الاكل ...والا الله يعطيهم القرف على هالاكل ... يوووه يحوم الكبد ... والا لو ملحه زايد كان احسن والا لو قللة الشيره كان يا سلام ... والا حتى النظره باشمئزاز للنعم وكان الشخص متقرف من هالاكل اللي قدامه ...))

الرسول صلى الله عليه وسلم لم ينتقد في اكله شيء ليه ما نخلي قدوتنا الرسول الكريم حبيبنا محمد صلى الله عليه وسلم ...

عائشه رضي الله عنها وارضاها تقول طبعا فيما معنى الحديث قراته مره واحد وابكااااني ولم احفظه ولكن عباراته ترن في مسمعي عند مشاهده اي نوع من الاكل امامي ...

تقول رضي الله عنها كانت جالسه هي واحدى النساء لا اعلم ان كانت جاريه لها او من تكون لا اتذكر للامانه ولكن قالت هاتي وكانت تاشر على بعض من الطعام اتوقع انه نوع من المكسرات فتقول هاتي لنتسلى به .... لاحظوو معااااي (( نتسلى به )) تقول رضي الله عنها وارضاها عندما ذهبت لتقدم لها هذا الطعام لم تستطع السيده عائشه اكله من شدة البكاء وجلست تستغفر يومها باكلمه على هذه الكلمه (( نتسلى به )) لان فيها تعالى على نعمة الله وعدم شكر الله على نعمه ... يا أمة محمد تبكي اجهشها البكاء لهذه الكلمه ...

ونحن ماذا نفعل ... ماذا نقول ... كيف ننظر للنعم عندما تقدم لناا من قبل الناس ومن المطاعم ... كيف حال سيدتنا عائشه رضي الله عنها لو علمت ماذا نفعل وماذا نقول على كل هذه النعم ... كم من المده ستسغفر هل الدهر كله لوم يوفه الدهر من كثر تعالينا على نعم الله ونصيح لماذا هذا الغلاء .... نتسلى به ابكتها رضي الله عنها فماذا تفعل بنا هذه العباره ....

هل ستغير مجرى حياتنا ...

نعود للقصه ... كنت اسئل عمتي رحمها لله وادخلنا فسيح جناته عن سبب وفاة اعمام لي وعمات لي وهم صغار ما السر في وفاتهم هل هي العين كما نسمع ام هناك سر في ذلك ...

سالتها وكانت تجلس مع احدى صديقاتها <<< كلهم اعمارهم فوق 80 سنه

ردت علي وكان حزن فراقهم تجدد لها في لحظات رحمها لله ورحم اموات المسلمين اجمعين وقالت ماتو بسبب الجوع ... انا صعقت .. ذهلت .. تسمرت في مكاني .. انشل لساني وكان هذا الكلام لا يوجد حتى بالروايات والقصص ...

قلت لها كيف ماتوو جوع يا عمه من جدك تتكلمين قالت والله من الجوع مرت علينا سنين قحط با بنتي لا يوجد فيها اكل ولا ماء ولا شي نستيطع اكله فماتو من الجوع ...

تنهدت صديقتها وكاني جددت جراح عميقه ادمت قلوبهم فقالت الله يا فلانه تقصد عمتي الله ذكرتيني في ذاك اليوم كنت واقفه على الباب ادعو الله وتناظر فيني وتقول يا بنتي لا يوجد شي ناكله يوم وقفت بالباب طبعا الباب قديما كان المزلاج خشب عريضه تدخل في فتحه بالجدار فتقول كنت واقفه الا ولمحت شيء في فتحت الباب من ورا التراب وعشش العنكبوت ورحت ادخل يدي ابي اشوف وشهي لقيتها كسرة خبز وتاشر بيدها وكان حجم كسرة الخبر مثل ما تجمعين ثلاث اصابع يدك السبابه والوسطى والبنصر وبعدين للعقده الثانيه من الاصابع فتقول لقيت كسرة خبز نااااشفه يااااابسه مثل الحجر فرحت فرح لما شفتها وطلعتها بسرعه ومسحت التراب اللي عليها وعش العنكبوت بيدي وجلست اكل فيها كم يوم ..... بنااااااااااااا ااااااااااااااا ااااااااااااات جلست تاكل فيها م يوم ..........

بنااااااااااااا ات متخيلين الكلام اللي تقرووونه وهم في زمن لا يتوقف الستهم من ذكر الله لا تتوقفهم ارجلهم من السجود والركوع جائهم القحط ماذا عن حالنا نحن ...

اقسم بالله بكيت بكاء وقلبي بكاء قبل عيني ... كل ما تذكرت وانا اريد ان ارمي شيء في الزباله اعزكم الله من بقايا طعام اخاااف والله وارتعد اخاف ان ياتي مثل هذا اليوم اتمنى اني احتفظت بهذا الاكل ولم ارميه فاصبحت اخفف من كمية الاكل حيث لا يبقى شي من الطعام واذكر القصص لاولادي حتى يحمدون الله كثيرا على هذه النعم ويخافون من عقاب الله في التبذير بالماكل ...

هذه قصه قريبتي وعمتي وعلى فكره اهل ابي في ذاك الوقت هم اغنى من في المنطقه وكرمهم لا يضاهيه كرم والى يومكم هذا وانا اسمع اجمل واروع القصص عن كرمهم ومكارم اخلاقهم ولله الحمد والمنه ولكن لم ينفعهم غناهم وقت ما اصاب الارض القحط ..

فهل من متعض يامن تنظرون لما يقدمون ويلبسون وتجهلون اللذه في الزياره وصلة الرحم ...

فهل من متعض يا من امتالئت زبايلهم وانتم بكرامه من الطعام ما يسد جوع مجموعة من الاسر في طرف المدينه يسكنون ...

......

اعتذر عن الاطاله ولنا عوده باذن الله تعالى
فعلا النعمة لها احترامها والله كنت أعزم وحدة قريبتي للمطعم وتضايقني بتعليقاتها على نعمة ربنا مع إنه مطعم غالي بس زي ما قلتي تعالي على النعمة ... ايش هذا ليش أكلهم كدا له ريحة أوف كيف ياكلو منه شوفي كيف مش عارفة ايش ماله طعم ... وهو أكل راقي وبمطعم راقي في الرياض مشهور بمطبخه وأكله المتميز وما يشتغل فيه إلا أصحاب شهادات وخبرة بفن الطبخ ،،،، بس إيش تقولي مش عارفة جهل من الناس بأحكام الدين أو تعالي أو أسباب أخرى .... والله إني أتحسر لما أشوف قطعة خبز أو فطيرة مرمية بالأرض ولو تاكلها القطط أفضل .... الحمد لله على نعمه علينا التي لا تحصى

وعزيزتي زمن أول وناس أول كلهم خير وبركة دحينا الناس مو زي أول قل الوعي الاقتصادي بمفهومة المتعارف عليه من غير شهادات وقلت البركة والقرب من الله سبحانه وتعالى ولا حول ولا قوة الا بالله وحنا زي ما قالت وحدة من الأخوات الغاليات مشكلتنا بالرفاهية والتبذير ... مو حاسين بقيمة اللي معنا .... الرفاهية صارت مصيبة مو نعمة .... والله زي ما قالت الخادمات مشغلين عقولهم أفضل .... حنا مأمنين كل شي مفكرين الحياة أكل وشرب ونوم وبس ... ما فكرنا بالمستقبل ما عندنا بيت ملك ... ظروف صعبة ممكن تجي بأي لحظة لا سمح الله ... عارفين بنات إيش مشكلتنا الأساسية من غير زعل .... احنا ما نشوف أبعد من أنوفنا .... نظرتنا قاصرة .... ما نفكر الا باللحظة اللي احنا فيها ... آه بس لو كنا فكرنا قبل مثلا عشر سنوات باللحظة اللي احنا فيها الحين كان ما صار اللي صار من مشاكل اجتماعية ومادية بس خلاص ما نبغى نقول لو لأنها تفتح عمل الشيطان نبغى نراجع حساباتنا ونفكر بالمستقبل لو أعطانا الله سبحانه وتعالى عمر
بنات حابين نبدأ الكلام في المشروع اللي حكيت لكم عنه أو نأجله شوية ونواصل حاليا في موضوع رتبي حياتك المادية ونركز على تنظيم أو إدارة الراتب

ياريت تعطوني رأيكم وموفقات
بالنسبه لي اتمنى ان تبتدي بالمشروع



من يوم قمت تناولت النت بشوف انت شنو كاتبه

متابعه بشغف
التوقيع قطيه من كل بنات الحاره فلا تستغربوا تناقض الردود


الساعة الآن 12:49 .