السلام عليكم ورحمة الله وبركاته

اخواتي تجارب رائعه بروعة من كتبوها وفقكم ربي وسدد على الخير خطانا وخطاكم
اختى قمرا
اقولك حاجه
تخيلي القطاوة اقسم بالله ماتجي عند بيتي بس توقف بنفس المكان الارض الفاضيه الي احط فيها الاكل ولا قد تأذينا منها
ومن امس حطيت الفرشه البلاستيك ودقيت ع جارتي قلت لها عن الفكرة ورحبت وولدها طلع الظهر شوية من باقي غداهم وتقول عيالي انبسطوا بالفكرة



واخواتي يشهد ربي اكتب تجربتي لاخذ العظه والعبرة ولحبي لكم في الله
كنت في محنه شديده لايعلمها الا الله
فكنت طالعه نتعشى في مطعم مع زوجي ولمن خلصنا طلبت كيس وجمعت كل بقايا الاكل درجة مسحة الصحون والي في الارض اخذته
من بقايا الاكل والخبز
ورميتهم لكلاب اعزكم الله بطريقنا
الصبااااااااااااااااااااااااااااااااح ربي فرج لي همي

ومن بعدها عاهدة نفسي لايمكن اترك بقايا الاكل بالمطعم لانها راح ترمى وانا مسؤله عنها النظيف اجمعه واعطيه عمال النظافه او اي عمال نقابلهم بطريقنا والي ملموس احطهم فوق بعض وعند الارض الفاضيه اكبهم للقطاوة

بالشكر تدوم النعم
نسأل الله تعالى لنا ولكم البركة وسعة في الرزق





تكفون يالغاليات ننتظر تجارب اكثرمتنوعه كي تعم الفائده
07-11-1430 هـ, 10:05 مساءً
 
ههههههههههههههههههه

سندريلا والله ما اخرني الا فارق التوقيت والا كان انا اللي مخلصه ترمس القهوه

اصلا لما ادخل ارجع اشوف فيه حد رد ماالاقي احد اصلا الساعه وقتها عندكم 3 الفجر قلت العالم نايمه وش تحترين

++++

ام الحلوه فيه يالغاليه تاجير اثاث بس في ظرف شهرين بيكلفك فوق 1000 دولار واذا انتي بتجلسي سنه احسبيها وكل الاثاث ما كلفني شي فايهم اوفر غير كذا تضمنين نظافة الكنب ما يكون عليها كلاب جالسه ووساخه صح او لا انا حسبتها من كذا زاويه والحمدلله الله يسري الامور نحمده ونشكره شكرا يليق بعظمته وجلاله

++++

بين الاطلال هالقصه قريتها من زمان واثرت فيني كثير ومن القصص اللي فعلا خلينا نقول فيه نوع من تهذيب الاخلاق وتقديم المعونه بالنيه الطيبه

++++

سندريلا

هي تجيك المرتبه تفكينها مثل المسبح اللي ينفخ فهمتي بس انه تحطين لها حجر وتضغطين الزر وتنفخ معااك وتصير طراحه من احلى ما يكون مخمل وبعد ما تنتهي المده يعني برجع لدياري ارجع افشها <<<< يكفيك الكلمه ارجع افرغ الهواء منها والفها تصير مرررره صغيره بحجم جالون المويه 2 لتر وخلاص حطيها معاك وين ما تبين يو اندرستاند نااو <<< بتدرب على الانجليزي معليش تحملوني هههههههههههه


+++++

العطاويه ولا يهمك بس نخلص اشغالنا انا وانتي نقلبها دق حنك ونخلص القهوه على سندريلا ومكااويه

بس على الويك اند يوووووووووووه المصيبه الويك اند عندي غير عندكم يعني مافيه وقت الاقيكم فيه كلكم مجتمعين

الله يجممعنا على الخير يارب
07-11-1430 هـ, 11:40 مساءً
 
ايه بنات فيه نقطه لازم نذكرها بالموضوع ونتناقش فيها

رحتي المطعم سواء غالي او رخيص طلبتي اكلتي انتي والاهل بقى من الاكل تخلووونه يا بناااات ؟؟؟


بصراحه انا ما اخليه انا اخذ كل شي من عندهم اقوله عطني صحون تيك اوي يروح يجيبها اذا قال هو يحطها اقوله لا انا احطها بطريقتي واخذ كل اللي يبقى واحطه بالثلاجه واذا جا من بكره سخنته يالعيال ياكلونه يا انا وابوهم يا الشغاله المهم انه ما ينرمي

حتى تشيلز طبعا عندهم ياخذون الصحون وهم يفرغونه لك اقولهم حتى الصوص حطوه بعلب صغيره وكل شي حطوه لا ترمون شي وفعلا والله يا بنات حتى الصوص حقهم على انه قليل بس يحطونه في علب صغيره البلاستك ام غطاء ويحطون كل شي بعلب واخذه ما اطلع من مطعم الا وانا ماخذه كل اللي باااقي

بصراحه انا دافعه قيمة كل شي في الطبق من حقي اخذه معااي واتهنى في اكله في البيت من بكره وبعض الاكل لذته اذا بااات

الشي الثاني لما تصير عندنا مناسبه بصراحه كل عيلتنا تسوي هذي القاعده خصوصا اذا كان ذبايح كل وحده تجيب معها القدر اللي يكفيها سواء لبيتها او لشغالتها او حتى لجيرانها وبعد العشاء اذا جات صاحبت العزيمه تشيك على السفر تقول اللي يبي شي ياخذ كل اللي حاضرين معها قدرها واحيانا اذا ما قالت شي تقدري تقولي اذا بتكبون الاكل انا جايبه معاااي قدر ابي اخذ للبيت والاغلبيه يقولك والله احسن ما سويتي ولا ينرمي فخذوو عادي

اذا تعرفين فقراء جيبي قدر كبير وخذيه وعبيه واذا رحتي البيت قسميه ووزعيه ان ما وزعتيه بنفس اليوم وزعيه من بكره عااادي سخنيه ووزعيه

والله يوفق الجميع يارب
07-11-1430 هـ, 11:44 مساءً
 
قهوة المساء

اضواء الزلفي

داليا دريم



وينكم مختفين هاه شنو الجديد عندكم
08-11-1430 هـ, 12:03 صباحاً
 
انين الغربه حياااك في الموضوع

بس ما اشوف شعار التميز بجنب العنوان في المتصفح الاساسي نبي الشعار يضوي جنب الاسم اذا انتي شايفه انه يستاهل التميز فعلا

وجزاك الله خير
08-11-1430 هـ, 12:19 صباحاً
 


الساعة الآن 04:43 .