ولا اقول يانيراز وش رايك نخلي القهوة لما تجيين للسعودية علشان نتاكد انا واياك انه انت مو انا والا انا هي انت

عساك فهمت يا أنا مو انت او انت انا
وما توفيقي إلا بالله
فيه حاجة ثانية يابنات انا عندي مناسبة قريبة ورحت اشتري قماش عشان اخيط للمناسبة وادخل محل الاقمشة وقلت وين الاقمشة المخفضة

قال هناك .. واروح لهناك واعجبني قماش قلت كم المتر ؟؟ قال 35 ريال قلت وين التخفيض ؟؟ قال هو كان ب 60 قلت انا اباخذه

ب20 ريال . قال ان شاء الله مانختلف وعلى طول اخذ القماش وجهز المقص وقال كم متر ؟؟

قلت 3 وقص لما جيت احاسب قالي ب35 ريال قلت لا ايش هالكلام ليش هنا تقول عادي باللي تبين وهنا غيرت كلامك ..

قال يعني انت تبينه بهالقيمة.. قلت طبعا ؟؟ وانا انفخ عليه .. بصراحة مو عادتي اخذ ورد مع اصحاب المحلات بس قهرني ليش

هالاستغفال .. قال خلاص ولا يهمك اللي تبين ويعطيني اياه بنفس القيمة اللي حددتها ب 20 ريال ...

شفتوا يابنات حاولي دايما تكسرين البايع خصوصا اذا صار جشع مثل هذا .. لاتستحين ارمي من كلامه نصه لكن لاتكثرين الكلام

ولا يكون كلامك لين خليك رسمية جدا ولو حاول يسولف لاتعطينه فرصة علشان مايطمع فيك اللي بقلبه مرض

ترى كثير من البياعين نهب بنهب بلا ذمة ولا ضمير .
وما توفيقي إلا بالله
هههههههههههه اجل حلوو المهم انك طلعتي بالقماش بعشرين ياريت نقصتي اكثر كان اخذتيه >>> ما تنعطى وجهه

خلاص خلوو القهوه الين ارجع باذن الله صدقيني لاشربها معاك باذن واحد احد واروح الغربيه واشربها مع مكويه هههههههههههههههه

بس لا تتحدوني طيب هههههههه <<< قلت لكم ما تنعطى وجهه


الحياه فوضى عندي
خلاص ستوب
ياحليلك يانيراز تاخذينه باقل يجي منك وانا على قناعة ان قيمته اصلا ماتتعدى الخمسة ريال بس خليها على الله

.. والله عندنا بياعين اهم هدف عندهم تفريغ الجيوب


قد مايقدروا ياخذوا منك ياخذوا ..

قال ايش حماية مستهلك <<... اقول لايكثر بس
وما توفيقي إلا بالله
صباح الخير ياجعل الخير دوم بحياتنا جميعا
مااحب اطول بالحكي عشان يكون فيه استفادة اكبر
الصلصله ياطويلات العمر
مو يجي وقت يرخص فيه الطماطم درجة السطل الصغير بثلاث ريال اجيب خمسه سته
وبرضوا يرخص الفلفل الرومي الاحمر البارد بس لازم يكونوا بوقت موسمهم عشان يكونون رخيصات
ولايفوتكم اللحين يعتبر رخيص الطماطم والفلفل بس بسوق الخضار مو بالسوبر ماركت
لانك بتحتاجين كميات كبيره


الطريقه:
تغسلي الطماطم وتقطيعها اربع قطع كبار وتغسلي الفلفل وتقطعيه اربع وتحطيهم مع بعض بقدر وتصبي عليهم زيت زيتون على حسب كمية الطماطم والفلفل يعني سطل الفلفل والطماطم له فنجان الشاي زيت زيتون وشوية ملح وملعقتين كمون
وتخليه يطبخ لين ينزل كل مويته يبغي له تقريبا من ساعه الي ساعه وربع بس النار قصيرة مره
اهم شي تنزل كل مويته ثم اتركيه لين يبرد واطحنيه بالخلاط
ثم جهزي علب البليله وعبيها او اكياس صغار وحطيها بالفريزر
ثم لابغيتي تصلحي الرز الاحمر او الايدام اوالمكرونه طلعي لك علبه وكبيها معاه وتعالي شوفي الطعم والنكهه واللون وكل مابغيتي يكون الرز احمر حطي علبتين
وبكذا وفرنا عن الصلصه بحاجه قيمتها الغذائيه كبيره وتعطي اللون الي نحتاجه بدل الصلصه ونرتاح من المواد الحافظه
وبرضوا يااخواتي الي يستخدمون الماجي تراها اذا حطيتيها بتستغني عن الماجي


ننتظر باقي التجارب للتوفير عشان نثبت لابو الشباب اننا قدهاااااااااااا حتى اكلنا صار له نكهه مع التوفير
وفق الله الجميــــــــــــــــــــــــــع
تكفين اخيتي دعواتك لي ربي يشفيني ويفرج همي

سبحان الله وبحمده سبحان الله العظيم


الساعة الآن 02:22 .