Analysis Services
اتفقنا جميعا على الاسباب وسوء تدبير المال والا اللهم لك الحمد

الفلوس موجودة فنبدأالمشروع ونتكلم فيه

اذا حابين
06-10-1430 هـ, 06:00 مساءً
 
مرحبا حبايبي وأشكر كل من علق على رايي وأعطاني فكرة جديدة
أعتقد إن أول خطوة في ترتيب حياتك المادية إنك تستشعري نعمة الله عليك بهالمال اللي رزقك الله
الامر الثاني إنك مسؤولة تمام المسؤولية عن مالك بصفة عامة سواء كان راتب أو ورث
الأمر الثالث إذا مابدأت بداية جدية مع نفسك مافي أحد يجي وياخذ بيدك ويقول تعالي أدلك أقصد إذا مافيه قناعة إنك تغيرين طريقة صرفك مستحيل أحد بيقولك تعالي أدلك شتسوين بأموالك إلا إذا كان له مصلحة في ذلكـ ـ طبعا أقصد الأقارب
الحقيقة المرة إن الدنيا مابتمشي على كيفنا على طول لأبد من أن تتغير الظروف ونقول ياليت سوينا وسوينا
معليش قمت أهذي لكن هذي كلمات لاتحسبونها فلسفة كل حرف يساوي تجربة مرة عشان كذا نبي آلية لترتيب الراتب والمشروع وأنا تراني متحمسة بسرعة ياحبايب
06-10-1430 هـ, 06:04 مساءً
 
والله ثم والله اني محتاجه لهذا الموضوع خاصة بعد وفاة زوجي طاحت كل المصاريف براسي بيت ,ايجار,مصروف عيال,فواتير,وغيرها الكثير عن جد موضوع يجنن ومفيد
06-10-1430 هـ, 06:14 مساءً
 
ترانا متحمسين يالغالية عطينا المشروع ولاتراني بخترع مشروع من راسي لأني من يوم ماقريت الموضوع وأنا جالسة انتقد نفسي على التبذير مع إني منتبهه لنفسي من فترة لكن الموضوع شجعني على الإصرار والتحدي قررت أعاقب نفسي وابطل نزلات للسوق والله قهر فتحت دولابي لقيت لبستين مابعد لبستها قلت خلاص لا لسوق وفعلا أنا في الإجازة قضيت لي ولعيالي ملابس كثيره وتنفع للربيع عشان اكتفي من السوق بس رحت قبل يومين ابدل شي ولقيت نفسي فاقده وعيي ومشتريتلي لبستين هم اللي محسريني و***** الله إني ما أطب السوق على الإقل لين العيد الجاي وأخذله لبسة أدري طولت عليكم بس تراني متحسرة على حاللي إعذروني وماودي الموضوع يخلص إلا وهو مخلص على التبذير لي عودة
06-10-1430 هـ, 07:32 مساءً
 
مازلنا ننتظر
06-10-1430 هـ, 08:57 مساءً
 


الساعة الآن 10:55 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏