الليله بكمل باقي الردود وصلت 82

جزاكن الله خيرا أخواتي على الردود والتجارب والتفاعل المتميز الذي أشكركن عليه من كل قلبي والذي كان السبب بعد توفيق من الله في تثبيت الموضوع وألف شكر لمشرفات القسم على تثبيتهن للموضوع ويا رب يستفيد الجميع من حملة رتبي حياتك المادية
مبرووووك التثبيت وتستاهلون .. وفقنا الله لما يحب ويرضى

الحين نجي لمشكلتي ؟؟

انا عندي مشكله بعد ما سويت الي تعلمته منكم والي كان في مخزون ذاكرتي شوي

صار عندي مشكله عنيده معاندتني .. ودي يوم ما اصرف فلوس ..

بمعني .. اكون شاريه اكل للثلاجه وللغدا ومشتروات للبنات او عندنا من قبل

واجي اخر النهار لازم صارفه مبلغ يعني ما في يوم من دون صرف حتى بعد الترتيبات الماديه

والله ننفجر وبستخف .. وشكله ما في حل
ربي ارحم والداي واغفر لهم ولأموات المسلمين آجمعين


اقتباس مشاركة  (سندريللا 2000)
من اروع قصص التوفيييييييييي يير

سمعتها من وحدة داعية
تقول كان عندي احدى صديقاتي وهذي الصديقة مسكينة على قد حالها لدرجة اذا جاني مقاضي ارفع لها منها وارسل لها لانها محتاجة ..

تقول اضطرينا ننتقل لبلد اخر وبعد سنوات رجعت لبلدنا واتصلت على صديقتي وكنت اسمع ان حالهم تغيرت وان ربي فتح عليهم ..

اتصلت عليها وقلت لها ابسير عليك واعطتني وصف بيتها الجدييد .. وتقول ورحت على نفس الوصف وتفااجئت ان بيتها فلة كبيرة وجديدة وعلى احدث طراز .. تقول دخلت عليها وسلمت عليها وقامت بما يلزم وبعدين دارت علي بكل البيت توريني اياه وبعدين دخلتني المخزن وكان فيه ثلاجات وفريزرات فيها من كل الخيرات ولاحظت انه فيه فريزر قديم وحالته حالة متقشر ومعفط مع كل جهة فاستنكرت وجود هالقديم مع الاشياء الجديدة .. تقول وبحكم الميانة قلت لها وش سالفة هالفريزر ليش ماتطلعينه وتتصدقين فيه ؟؟
قالت لا حبيبتي هذا الفريزر هو سبب بحبوحة العيش اللي انا فيها ؟؟

قالت كيييف ؟؟؟ قالت : انا كنت مريت بحالة صعبة من الفقر لما انفرجت شوي بس مازالت حالتنا صعبة .. تقول كنت اتحسف ببقايا الاكل وبقايا الشاي والقهوة لانه جاني فترة كنت اتمناهم وماني لاقيتهم .... فايش سويت تقول حطيت داخل الفريزر كرتونين وغلفت كل كرتون بكيس نايلون وكل مابقى شي من رز حقنا ولو ملئ ملعقة حطيته بهالكرتون والكرتون الثاني للخبز وحطيت جيكات لبقايا القهوة والشاي كل مابقى شيء بسيط من القهوة والشاي صبيت بهالجيكات تقول لما تمتلي الجيكات والكراتين تقول اعرف ناس معدمييييييييين اشيل هالاشياء هذي واوديها لهم ويفرحون بها مرة

تقول استمريت سنين وسبحان الله كل مازاد حرصي على بقايا النعمة زادني ربي من نعمه لما تحسنت حالتي وفتحها ربي بوجيهنا وصرنا بالحال اللي تشوفينه هالحين

يلا ياحلى حوائيات ابشوف تعليقاتكم على القصص اللي قلتها لكم
سندريلا 2000 القصة هذي رائعة ...لانه من اعظم اسباب الرزق والبركة في المال احسان النعمة ..خلونا نتوسع في هذا الموضوع شويه ...ونعطي بعض افكار كيف نحسن النعمة وما نرمي شيء ..انا راح ابدأ ..
1- لاترمي بقايا الدجاج ...انزعي الباقي من اللحم عن العظم وضعيه في كيس في الفريزر ..الى ان تتجمع لديك كمية تستطيعي ان تعملي ساندوتشات دجاج طبعا بعدما تكشنيله وتتبليه وتضيفي خضار وعاد انت وشطارتك ..وبكدا تكوني دبرتي وجبة عشاء ..
2- الموز دائما يخرب ..انا اشيل نصه في الفريزر .. واستخدمه في الحليب بالموز( اقشرة بالسكين لانه اعصره وهو لسه جامد ) ..لما يخلص الموز الطازج من عندي ..
3- الخبز يتقطع الى ارباع كل فرد له ربع مسؤول انه ما يبقي شيء منه ...واذا بقي ممكن يتقطع الى مربعات صغيرة ويوضع في الفريزر عشان يستخدم في السلطات اللي تحتاج الى خيز محمص .
4- يكون مقياسك للرز فنجان شاي لكل فرد ..انا بعد ما اتبعت هذي الطريقة ما صار يبقى شي من الارز ..
5- انا اجفف النعناع الحساوي والفلفل الاخضر او الاحمر ...
6- الدقيق يفيد لما ما يكون عند خبز ..ممكن تسوي فيه اي شيء كوجبة عشاء (فطايربالجبن او الزعتر او فطير مع عسل او لبن او سكر وهيل او اي شي يكون متوفر عندك او لوحده )..بدل ما تشتري ..
7- انتبهي لتاريخ انتهاء المعلبات اللي عندك وحاولي تستهلكيها قبل انتهاءها ..
8-ابحثي او اخترعي اكلات او حلى عشان تستهلكي الموجود عندك ..
هذا اللي في بالي ..الان ..

افيدونا بافكاركم ...
طبعا سبقتوني ببعض الافكار ..ما انتبهت ..لانه فاتتني قراءة بعض المشاركات ...


الساعة الآن 08:00 .