اقتباس مشاركة  (سندريللا 2000)
سعودية اشتري قماش وفصلي بيكون ارخص لك واذا تبين مساعدة راسليني على الخاص
كلامك عين العقل ياسندريلا والله إنت الحكيمه ياحلوه والدليل اقتراحك فعلا ليش الوحده إذا كانت سمينه ما تخيط اللبس إللي يناسبها مثل أختي صايره مصممه لنا لأنها دائما تخيط لنفسها وتعرف كيف تخفي عيوبها وموديلاتها دائما راقيه حتى إن كثير من صديقاتها وجيرانها يشترون منها الفستان بعد ماتخلص منه حتى إن بعضهم يحجزونه من ليلة ما يشوفونها فيه أول مره لاتتسرعين وتشترين جاهز ترى الخياط ارخص بكثير
اللهم لك الحمد حتى ترضى ولك الحمد إذا رضيت ولك الحمد بعد الرضى
على طاري التفصيل تصدقون يابنات شفت فستان على وحدة يجنن بسيط ومرة سنبل يعني توقعت قيمتة بين 500 أو 700

حتى ال700 مرة بتكون كثير علية

لما نزلت السوق بالصدفة لقيت هالفستان تخيلو كم سعره 1300 والله العظيم مافية ولا شي نقهرت انها مشتريته بهالسعر وانا أعرف ظروفها زفت بس حب المظاهر لاعب في حسبت العالم

أخذته ووديته المشغل ووريتهم اياه ورجعته المحل وقلت ابي نفس هالموديل كم بيكلف تفصيل وقماش قالت الفلبينية راح تفصل لي زية ب250 ريال والقماش كلفني مع الأكسسورات 150

يعني طلعت تكلفت الفستان 400 ريال واليوم بروح المشغل اجيبة وأقول لكم وشلون طلع
اقتباس مشاركة  (شكولا تة بالبندق)
السلام عليكم جميعا

يابنات بقولكم طريقة والدى الله يرحمه في الميزانيه وبصراحه صارت حالته الماديه فوق الممتاز ومع ذالك ماغير طريقته في تحديد الميزانيه وطريقته يعطى امى الله يرحمها كل صباح مية ريال تصرف منها الطلبات اليوميه والخضارفقط
والتلفون والكهرباء والشغاله وملابس الاعياد والبنزين عليه والبيت ملك يعنى مافي اجار

ومره جالس يكلمنى في الميزانيه وتقنين الصرف قال تدري ايش المشكله قلت ايش قالى انه ابو راتب عشره يبغى يعيش زي ابو راتب 15

وانه اى ريال زياده على دخلك اليومى معناتها عجز في الميزانيه اخر الشهر وكان دخل والدى في الشهر 30 الف صافي وبعد ما توفي مسك شغلته اخويه الكبير وترك وظيفته وسنه ورا سنه وقفل المحل وصار مديون لانه ماكان يتبع سياسة والدى في الصرف والله احزن عليه ويقول ياليتنى قعدت بوظيفتى

واخويه الاوسط اتبع طريقة والدى في الصرف لكن حسب ميزانيته لانه موظف وماشاء الله بنى بيته بكامل المواصفات اللى يبغاها وسوى استراحه وماجرها وعنده رصيد عالى مع انه بدا من الصفر
الله يرحمه ويجعل مثواه الجنه والدك مشاءالله عليه كان حكيم وممكن هالشي الي جعلك حكيمه وعرفتي تضبطي امورك

اقتباس مشاركة  (raianh2007)
هلا وغلا بنات اخباااركم

ضاايقن صدري بالحيل

الراتب جااء وطاار ولا كانه جااء استغفر الله

بس سسددنا الكهرباء والماء والهاتف والخدم وشريناخرووف <== اهم شي

والبنك

طبعا انا مطنقرة وما كلمت زوجي لانه ما عطاني الراتب الي كنا متفقين عليه يقول يا ابو زعط مسويها لي مفاجائه امحق مفاجائه طير الراتب

وفي الاخير جاب لي 1500 وقال اشتري مونة البيت ورتبي اموورك عاد انا هنا وصلت معي رحت له ورجعت الفلوس وقلت ما تكفى وهاتك يا شد وجذب وفي الاخير خذ الفلوس وقال خلاص نبداء الشهر الجاي لاني جبت ورقه وقلم <== ما ذبحها الا ذا الورقه والقلم

وسجلت كل كبيرة وصغيرة وشكله اخيرا اقتنع

وننتظر للشهر الجاي اااه يا راااسي بجد الزوج اذ ما كان متعاون الدنيا تنحااس

اما فكرة الطماط عجبتني باسويها بس احنا نشتري بالصندوق الفلين ويجلس معنا اسبووع والله الطماط في بيتنا مو صاحي يطير بسهوله هو والبيض مع اننا ما نحب البيض بس اجيبه للخدم ياكلونه بطريقه مو صاحيه لازم فطوور جاامد ما شالله عليهم بروحهم يبون مزانيه جامده

الحاجات الي ارتحت لها في شراء اغراض البيت زيت الطبخ اشتريت الحجم العائلي وحسيت انه يطول معنا اكثر من الكرتون لاني شاكه ان الخدامه تاخذ من العلب وانا ما انتبه بس الي منتبه له انه يخلص بسرعه واذ سئلتها قالت خلص والله يا بنات ما يكمل شهر

يعدها صرت اجيب علبه يمكن اثنين لتر والله احس طولت معنتا اقل شي افقدها اذ اختفت

اممم ايه والصابون قفلت عليه واطلع لها بعلب شي لحممامات وشي للغسيل الحوش وشي للملابس وبرضوه احس طول او بسرعه يخلص اسبوع وتجيني ماما ما فيه صابون مع اني اشتري العلبه الكبيرة ام اربعه كيلو ومرات اشتري الكيس الي 10 كيلو وكلهم نفس الشي يخلصون بسرعه

الزبده يا بنات من صرت اقفل المحزن واغلب الاغراض طولت معنا فانتبهوا من الخدم ترااهم شر ونار على الصرف <== بدري توك تنتبهي

والله يعنيا على مصاريف هالبيوت بجد تشيب الراس

بس وربي يا بنات يوم سويت جدول غطينا كل شي مع اننا حطينا لكل بند مبلغ اكثر من المطلوب تحسب للطواري

ومع هذ كله غطى الوضع اقل شي حسبنا حسبتنا

ويا مال الثانكيو لكل من استمع وشااف ردي ههههههههههه <== هذي لغه جديده خاصه للقروب الاقتصاديات الماهرات
ي لهم

قسم متعرفي قد ايش فرحت لما مسكتي زمام الامور بامور المقاضي ومخليتي للخدم اي مجال لنهم دمار

اهم شي لاتخورين وتطفشين بعد مده وتقولين خلاص ثمن اذبحك

خليك ع كذا ع طول خصوصا بهلامور .. الى بسألك خدامتك بعد تغيرك كيفها!

اقتباس مشاركة  (505 اصه ولا همسه)
بالعكس العثيم غالي وفاتورته تقص الظهر .. انا اشوف كارفور احسن منه ... وغيري كثير
الحين ارسو ع بر العثيم ولا كارفور ولاجيان مافهمت! انتي تصويتك لكارفور يلا ابي اشوف اراء الاغلبيه..

اقتباس مشاركة  (سندريللا 2000)
سعودية اشتري قماش وفصلي بيكون ارخص لك واذا تبين مساعدة راسليني على الخاص
مشاءالله عليك انسانه معطاه وبالك وسيع الله يحرسك ..بس ابي اعرف السبب الي خلاك تلجي للتفصيل! فضول

لاتقولي عشاني سمينه معتقد لني متخيلتك شكل اخر <<تخيل خنفشاري يليل هههههههههههه

وبلنسبه للقصص كلها تو رجعت وشفتهم وكله كوم والي بتجيب بقره كوم ثاني ابوك يالبخل




نيراز( نينووو) هاذا اسم الدلع الجديد اعتمديــه

الأوارق معروفه ع بالك لغز هههههههه كرررايس اعيالك قاعده تشمخطين فيها<<<ياليت ك ساكته بس

ام البدر القمر حياك معانا

وتر المعنى كله بالتنضيم وعدم الاسراف باشياء ماله اي داعي والاكتفاء الذاتي لاكثر ولاقل .
السلام عليكم ..

جزاكم الله خير على التطنيش ..ترى ما اعرف مثلكم بالميزانية بس على الأقل

ردو علي واعتبروني من جمهور المستمعين .. بعد ما يصير كلنا متحدثين .........
ربي ارحم والداي واغفر لهم ولأموات المسلمين آجمعين


اقتباس مشاركة  (ساروونا55)
السلام عليكم ..

جزاكم الله خير على التطنيش ..ترى ما اعرف مثلكم بالميزانية بس على الأقل

ردو علي واعتبروني من جمهور المستمعين .. بعد ما يصير كلنا متحدثين .........

ايش القصه عزيزتي ؟ اذا كان لك رد او تساؤل منتبهت له وربي التفهي ومايسوي

حتى تو اذكر اني ماقلت مبررررررررررررو ك ع التميز والتثبيت <<<بدري


الساعة الآن 01:10 .