الحلوة ام الحلوة
نيراز انا صادقه اذا تقدرين تجيبينها لي ولس فايده < عشان توافقين > عجبتني مره وخصوصا انها ماتاخذ مكان في التخزين
واذا احد طلب غيري النص بالنص < جبت لك زباين>
نيــــــــــراز
غاده الحنون تسلمين ياقلبي لانه فعلا البيوت اسرار فلا تكلفي نفسك فوق طاقتها هذي هي القاعده

يعني انا عندي نماذج في العائله والله احزن عليهم اللي يستلف عشان يسدد دين بالله هذا تفكير وكل يوم والثاني لازم ذبيحه مسوين فيها مرجله ومحد درا عنهم والمصيبه لين راحو عند احد محد كلف على عمره وذبح لهم ليه طيب عيش وعيش اهلك وخل عنك البذخ والشكليات الكذابه

++++
ام حنان

تسلمي والله

شوفي بديرتي الاساسيه كل شي من المزرعه لا خضار ولا فواكه ما نجيب من السوق الا الشي اللي مو متوفر عندنا او عند غيرنا يعني اذا احد قرايبنا عنده الفلفل الرومي والفلفل العادي والفاصوليا نقول اعطونا واحنا نرسلهم الخس والجرجير والبقدونس والكزبره والحبق والكوسا لان الواحد يختار كم صنف ويزرعه بكميات كبيره وناس ثانيه ناخذ مثلا الطماطم والسلك والسبانخ ونرسلهم نفس الشي زي كذا وناس ثانيه ترسل البطاطس والذره وهكذا

بس عاد لما ارجع منطقتي بالشرقيه حاولت ما اكذب عليك بس الشمس احرقت الاول والتالي هالحين اذا رجعت مفكره انادي واحد من عمال النظافه بالشارع واقوله اجمعلي سعف النخل اللي بالشوارع يابس والا اخضر مو مشكله وبرجع اسوي لي زي المضله بسعف النخل بحيث يدخل منها اشعة الشمس بس ما تكون مباشره وقويه واحطها كمان من الحواف على اساس وقت ميلان الشمس لانه بصراحه اوفر واطيب والذ الخضار وما تخرب وتاخذي على قد حاجتك

فكرت اسوي احواض كبيره انا اسويها بنفسي من الخشب واجيب التربه من احد المزارع واخلطها بالسماد وابدء ازرع باذن الله وبجيب معاااي بذور من هنا في امريكا زي الخس عندهم انواع تجنن اللي لونه موف واللي لاب كلوش من كبر الورقه ماشاء الله انواع كثيره خضار بشتري لي مجموعه كبيره وبجيبها معاي وابدء باذن الله تعالى

++++++

احلى ثلاث ورود وانا ليه اصيح عليهم ما ابي وحده تشتكي بكره او تنغبن او تقول ياليت اللي يسمع من الناس والله ينتصح لا تقسين على زوجك وتكشرين عن انيابك بس احرصي واحذري وارفعي قرشك لك متى بتصحين عقب ما تشوفين نفسك مرميه والا جاحدك وجاحد عيالك قلت لكم حتى لو معدنه طيب يا ناس عيال الحرام ما خلو لاهل الطيب شي الاسحار ماخلت للعاقل عقل احرصوو احرصووو احرصووو واحن في زمن مخافة الله اصبحت شبه معدومه لا تقولون حرام يا نيراز العالم فيها خير اقولك شبه معدومه والخير هذا خير الخداع اهل الخير اصبحوو قله واصبحوو يقفلو على انفسهم لانهم خافو على انفسهم من غدر النفاق المعلن والصريح :44: ما راح اطول انا قلت كلام كثير ووضحت كلام كثير واتمنى كلماتي هذي فعلا يكون لها التاثير الواضح واتمنى من الله انه تكون النور اللي ترشد التائهه بعد مماتي والله يحمينا واياكم غدر العالم يارب

++++

شكولاته بالبندق ههههههههههههههه لا تكون الكلمه غلط ترا انا حاسه انها غلط هي الاصح اشم رائحه غيض ولكن استبدلتها باغتياض لا اعلم مدى صحتها ولكن اجدها اقرب للتعبير الاقوى اذا غلط صححيها يالغاليه ولك احترامي :27:

++++

ام فهد وخالد

كل شي بالدنيا له استثنائات حتى شرع الله فيه الاستثنائات

لكن انا اشوف البناء لانك ما تقدرين توقفين وتنتظرين وبنفس الوقت تستغلين فرص انخفاض اسعار مواد بناء وغيره وكمان هذا البيت اللي راح يستر اهله فهو المهم لكن التاثيث انا ضد السلف للتاثيث صراحه

بس بعد ما يخلص بناء وسكن ويجهز اساسيات لاحظي اساسيات اوكي او حتى الواحد يمشي حاله على اثاثه السابق الين يسدد دينه مرررررررررررره وحده بعدين ربي يفرجها ويتاثث البيت بكل شي جديد والسداد مو تقسيط 2000 لا جمعيه جامده تشطلع لك بمبلغ جامد يعني 6 اشخاص ايش المشكله انهم يعيشون على 3000 ريال شخصين وطفل ايش المشكله انه يعيش على 2000 او 1500 لا تقولون صعبه لا مو صعبه الف والدوران والسنسعه مالها داعي الشراء والخرابيط مالها داعي هي فتره سنتين ثلاث بعدها الراتب كامل لكم تنبسطون وتهيصون على كيفكم



بقولكم شغله <<<< طرت على بالها من كثر الرغي

اخيلي انك جالسه تسددين ديانه يطالبونك حول 60 الف ريال بتقولين من وين اجيب 60 الف ريال والمصيبه يجونك في البيت وانتي تقدمين لهم السفر ما لذ وطاب طيب والمجالس تسولفين هذا كلفني كذا وهذا كلفني كذا وهم من جوا قلبهم يغلي ويحقد عليك اكثر لا والمصيبه تقولين امس رحت السوق ولقيت هاك الفستان بهالمبلغ هم قفلت معاهم ومن زود الفلسفه تقولين هالاجازه بنسافر الدوله الفلانيه والا المنطقه العلانيه عاد هنا طفح الكيل بيطلعون من بيتك وانواع السب والشتيمه ماكلين فلوسنا وطانخين اعمارهم وحن اللي مضيقين على انفسنا عشان نسلفهم ويعطونا فلوسنا بالقطاره بالله ما تحسون بقهر

تبون تعرفون مدى الغيظ في اي حال من الاحوال بالدنيا سواء دين او غيره طوالي حطي نفسك في موقع الشخص اللي قدامك انتي ايش راح تتصرفين خلاص هذا هو الحل بس عاد اذا قلبك ميت وتقولين عادي بقولك معليش خلي قلبك لك واعطي العالم حقها وانتهى ...

++++

الشيماء هههههههههههههههههه ورحتي بعزقتي طيب هالحين انتي موفره عشان تقولين بروح اكمل فيها اغراض ما صارت ترفيه هههههههههههه اشوفها تكميل اغراض مو ترفيه

يالله الله يوفقك

++++

سوفت كوين ننتظر يالغلا

++++

الحلوه ام الحلوه بــ 300 ريال خلاص اجل انا ببيع لكم على 200 ههههههههههههههه

لا شوفي هي سعرها من غير تاكس من غير شحن على 112 ريال بالسعودي التاكس هنا على حسب المحل البعض 7% والبعض 11% احسبيها عاد على القطعه والفايده حقتي عاد لا تبخلون علي حطولي في القطعه امممممم 50 ريال ايش رايكم حلوو صح هههههههههههههههههه والشحن بشحن من البرد الامريكي على البريد السعودي تكلفة الشحن ماعندي خلفيه حنشوف كم بعد ما تطلبون واجي اشحن بعدين تحولون قيمة الشحن ايش قلتوو

++++

يالله اشوفكم على خير
نيــــــــــراز
وين البنات اليوم شكل الخميس الكل لاهي

ترا انا مو في اجازه بس عيالي تعبانين وانا صفقني البرد وظهري راح فيها وغيبتهم ودخلت عليكم قلت عسى اجلس ما احد الا مافيه احد

يالله نشوفكم على خير
نيــــــــــراز
بنات ابي اقولكم نصيحه لتوفير الوقت في عالم حواء

يمكن البعض عنده التصفح بطيئ وعبال ما تفتح الصفحه يمديك مليتي وطفشتي

المهم يالغاليات اسمعكم تقولون وصلنا للصفحه 85 واللي تقول 100 انا ما ادري وش السالفه

المهم انا عندي الان عدد الصفحات للموضوع 35 صفحه فقط لاغير


عشان تستمتعين بالقرائه ولا تطفشين وتدخلين يومين وثلاث اربع ونفس الصفحه ما تغيرت بس كثرت الردود

روحي للخيارات اوكي واختاري عدد الردود في الصفحه 40 رد افضل لك وتعالي استمتعي بالقرائه والرد وقلة الصفحات

ترا هذي طريقتي من يوم سجلت بهالمعرف في عالم حواء عام 2003 يالله شدو حيلكم وادخلو غيرو هالخاصيه عشان تستمتعون بالتصفح

وموفقين
raianh2007
raianh2007
هلا فييكم بنات اخبااركم وحشتووني

نيرلز عيا الماسنجر يفتح معي وش اخباره معكم يفتح لو لا