اقتباس مشاركة  (*الشيماء*)
معليش ياعسل مو كل الجمعيات تبيع هالملابس بالعكس توديها للي يحتاجوها .... حتى لو باعوها تتوقعي الجميعة بتاخذ قيمتها اكيد بتوزع قيمتها للمحتاجين او تشتري بها ملابس جديدة بالمقاسات اللي تحتاجها العوائل الفقيرة ...او اغراض على حسب اتحتياجات كل بيت....

عندنا المستودع الخيري بالمدينة ياخذ فساتين الأفراح ويأجرها على العرائس بسعر قلييييييييل جدا تستفيد العروسة ويستفيد المستودع وياخذون المبالغ اللي يتبرعون فيها الناس ويشترون فيها ملابس على حسب المناسبة ولكل عائلة مسجلة عندهم يعني مثلا في العيد يشترون لكل طفل لبس العيد ويعطونهم هدايا
واكل وايضا ملابس للرجال وللنساء وفي موسم المدرسة يوفرون لهم المراييل لكل طالبة حسب مقاسها لكن مراييل جديدة وانا اشوفها افضل من انهم يعطونهم المستخدم يحسون بفرحتها فعلا....

هذا رأيي ولا تحرمي نفسك الأجر وتكدسي عندك الملابس ولو لقيتي اي اسرة فقيرة خبري عنها اي جمعية قريبة لأن بعض العوائل الفقيرة مهما كانت شدة حاجتها ماتقبل من اي احد عفة وغنى نفس....

هلابك عزيزتي

كلامك معقول..ولكن الي سمعته غير كل شي ممكن فعلا في جمعيات
امينه ويوزعونه فعلا للمحتاجين ولكن؟ السؤال وين هالجمعيات! أحد يدلنا يجزاه ربي كل خير
ومثل ماقلت بردي السابق لاتكديس بعد الان لنو فعلا عندنا حارات ومحتاجين نقدر نوصل لهم احنا بنفسنا
اذا محصلنا الجمعيه المناسه..اشكرك
تعليق بسيط على الجمعيات الخيريه

بنت خالي اشتغلت بجمعيه خيريه فتره وطلعت تقول اخاف اخذ الاثم

تقول كانت تجي السيارات تنزل الاغراض والاثاث تقول من مديرة الجمعيه لاخر موضفه كل وحده تقول وش ناقصني بالبيت خلني اخذ هذا واللي تقول لا انا ابي هالشي لمجلسي وهكذا واللي يصفى يوزعونه تقول تكلمت الين تعبت بالاخير طلعت شي يقهر ... ولا حياة لمن تنادي

وعرفت هي الاسر وصارت هي بنفسها تودي لهم من الاشياء اللي من طرف العائله في منطقتها


الحياه فوضى عندي
خلاص ستوب
اقتباس مشاركة  (نيــــــــــراز)
تعليق بسيط على الجمعيات الخيريه

بنت خالي اشتغلت بجمعيه خيريه فتره وطلعت تقول اخاف اخذ الاثم

تقول كانت تجي السيارات تنزل الاغراض والاثاث تقول من مديرة الجمعيه لاخر موضفه كل وحده تقول وش ناقصني بالبيت خلني اخذ هذا واللي تقول لا انا ابي هالشي لمجلسي وهكذا واللي يصفى يوزعونه تقول تكلمت الين تعبت بالاخير طلعت شي يقهر ... ولا حياة لمن تنادي

وعرفت هي الاسر وصارت هي بنفسها تودي لهم من الاشياء اللي من طرف العائله في منطقتها
لا حول ولا قوه الا بالله .. وصلت فيهم هالمواصيل ..


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

ماشاء الله علينا درر في التوزيع والنقد طيب اين الخلل؟؟؟؟؟؟؟؟؟

انه


التطبيق الفعلي الجاد اتمنى ذلك

يعني نفتح موضوع بعد 6 اشهر هل طبقنا ووفرنا ولا لا؟؟
قولو أمييييييييييييي ن عسى الله يرزق أميرة القوافي رزقا طيبا مباركا لايعد ولايحصى ويرزقها البركة والصلاح لذريتها أمييييين

أكيد بتقولون ليه كل هالدعوات؟؟؟بقول كم لأنها الي ارسلت لي الرابط حق هالموضوع لما شافتني حايسة بين مواضيع الميزانيات


والموضوع رائع جدا جدا وبالنسبة لي انا مستلمة راتب زوجي كلة بس متى وافق يعطيني انا أوزع واصرف واتحمل المسئولية
؟؟؟ بعد ماصار ثلاثة ارباع الراتب ديون وأقساط وانا موظفة بس ماحبيت ادخل راتبي من ضمن الميزانية لأنه حق خاص لي انا الي اتعب وأشقى فيه صحيح انا أسفرهم وأعزمهم على مطاعم غالية وملاهي وأهديه في العيد والمناسبات الحلوة بس هاذي بكيفي

متى مابغيت تركتها بس اذا تقيدت مع زوجي بالميزانية معاد أقدر اترك شي بيصير الصرف كأنه واجب علي


وانا مطلعة من راتبي مبلغ جمعية ومبلغ مستقطع لولدي فديته هالسنه بيدرس راح أدرسة بمدرسة خاصة لأن اللأستثمار بالتعليم
لعيالنا ماراح يضيع ان شاء الله وراح ينفعهم بحياتهم وبنوتي الصغيرة فديتها بعد مسويه له استقطاع وعمرها سنتين
يخفف علي مصاريفها اذا درست أن شاء الله

وبعد مبلغ داخلة فيه بجمعية لحلوة اللبن فديت تراب رجولها تراحن مقصرين مع امهاتنا يابنات تعبو علينا في وقت أصعب من هالوقت بكثييير وجالوقت الي نحاول نعوضهم هالمبلغ اشتري فية اي حاجة اعرف ان أمي تبيها وخاطرها تشتريه أو أعطيها ياه بيدها طبعا ماعطيها ياه شهريا لا لأنها ماراح تستفيد منه زي أذا جاه مجموع صح ؟؟؟ والا انتو وشرايكم؟؟؟والبا قي يطير بالهواء شلون مدري



ننتظر تجاربكم وتكفون الموضوع لا يوفق زي المواضيع الباقية نبية يستمر والله ينفعنا به ويجزاء صاحبته عنا خير الجزاء


الساعة الآن 12:56 .