Analysis Services
يانيراز ياعسل الله لا يحرمنا طلتك علينا أقول لا تاخذك المشاريع منا تراك زي الشمعة المضيئة بحملتنا

وعقبال ماتنورينا بطلتك لأرض الوطن سالمة غانمه ان شاء الله
26-12-1430 هـ, 02:05 مساءً
 
الله يسعد بنات الحملة
وشكرا نيراز على السؤال والاخت غادة ان شاء الله وصلت رسالتي ويعطيك العافية مقدما

عندي سؤال بالنسبة لتوفير الاولاد بعضهم يقولون مايصلح لانهم بيسيرون ماديين وصراحة ساروا يهتمون ويوزعون بانفسهم

لدرجة واحنا طالعين نشتري التراب والسماد قال الكبير لالالالا

نجيب ببلاش من البر !!!!!!!!!!!!!!ليش تدفع يابابا

هل فعلاتعليمهم ذلك يخليهم بخلاء عند الكبر بالرغم من مافي هذه الصفة من كره والعياذ بالله

بس يشترون احيانا بفلوسهم واحيانا يوفرون واللي قالت لي تخصص رياض اطفال

ارشدوني
26-12-1430 هـ, 07:42 مساءً
 
هههههههههههههههههههههههههههههههههههههههههههههههههاااي

ام خالد وفهد

انا جالسه اتخيل نظرتك انتي وابو الشباب لبعض بعد تاثير الحمله


على فكره انا اشوف ان التفكير اللي فكر فيه ولدك صح

العالم بتاخذ الرمل من الثمامه ويبيعونه عليكم ايش اللي يمنع انكم تطلعون رحله بريه وكل واحد معاه سطل ويعبي رمل وحطي بالكيس او خليه بالسطل

هو صادق بالعكس هو ماراح يعوده على البخل لا راح يعوده على ان بعض الامور الحصول عليها مجانا افضل من شراها مع توفرها بكثره في كل مكان

اهم شي السماد لا يقولكم بعد ماله داعي نروح نقول لراعي بيع الطيور عطنا اللي تنظفه من عشش الحمام اتوقع يقولها لاني انا ممكن افكر فيها بصراحه


تعرفي هنا في امريكا وش مسوين بحكم ان عندهم فصل خريف وتشوفين ورق الشجر في كل مكان يجمعونه من خلال اله ويطحنوووه ويرجعونه عند نفس الشجر فيصير سماد لها

انا شغلتي كل يوم اثنين اجلس اراقب اللي يشتغلون بالزرع والله عجب عجب عجب


فاستغلي كل شي عندك متوفر بالمجان

بالعكس انا اايد ولدك الله يحفظه ويخليه لك

وعلى فكره زمنا غير زمنهم عوديه على كذا مو احسن بكره يندم ويدعي عليكم لانكم علمتوه التبذير وعدم التصرف بحكمه في الامور

يالله الله يوفقك يارب


++++

جالكسي مالح لا والله ما تاخذني المشاريع عنكم انا معكم بس المشاريع تمشي بدمي وش اسوي مشكله والله

++++

الحلوه ام الحلوه

يوم السبت هذا كان تخفيض كبير بخصوص الكرسمس بس المحلات عندهم تخفيضات بس البضاعه ماش ما اعجبتني بصراحه


مع انهم يقولون التخفيض الكبير بيكون بعد الكرسمس تروح الدنيا على الكليرنس

بس فيه عروض مش خصومات لا عروض مثلا اشتري العطر وخذي اللوشن اشتري مثلا عند فكتوريا سكرت اشتري الانجري وخذي الكلب هذا مجانا لعبه وش ابي فيه تكفين

عروضهم زي قلتها للامانه مش زي مره كنت متواجده بامريكا وكانت فيه عروض حلووه وبضاعه حلوه لكن الحين يعني مو مثل اول صراحه او ان نحن سوقنا صار متنوع ن ناحية الاسباني والفرنسي وغيره فصرنا نشوف خيارات كثيره يعني لدرجه صرت ما اتحمس اروح سوق لكن تعالي قولي ادوات المطبخ اقولك ياسلام يا سلام سلم كل مره اطلع وعيني لسى جواا المحل اتعب نفسيا اذا دخلت هناك خصوصا اني من عشاق الطبخ

وربكم يسهل
26-12-1430 هـ, 10:35 مساءً
 
جالكسي مالح لا والله ما تاخذني المشاريع عنكم انا معكم بس المشاريع تمشي بدمي وش اسوي مشكله والله


المرض واحد المشاريع بدمي وأنا أختك رأس المال موجود والمشاريع كل مشروع أحلى من الثاني لكن زوجي دائما يحبطني

عندك لي مشاريع من 30 ألف وحواليها
26-12-1430 هـ, 10:51 مساءً
 
يووووه يا جالكسي مالح

مو بس زوجك كلنا رجالنا ساعات اقوله لعنبو ابليس ما تتمنالي الخير انت يضحك يقول الا ابيلك الخير بس ما اتوقع انك بتنجحين بالمشروع مصيرك تجلسين وتحطين يدك على خدك

ما اكذب عليك كنت استسلم لكلامه واجلس من البدايه بس هالحين صار اذا حاول يكسر مجاديفي اقوله لو سمحت اعمالي الخاصه ما ابي اخذ رايك ابد ولا ابيك تتطرق لها انت اذا فشلت لنفسي وتعلمت شي جديد من فشلي واذا نجحت لنفسي والخير ان مارجع علي رجع عليكم

خلاص يسكت الين صار ما يناقش الا اذا شافني مررررررره مشغوله وحايسه شحن ومن هالحكي يقول هاه وش عندها الشيخه ..... اشوفك لاهيه منتي حول احد ....

واذا شافني متفرغه للطلعات والدخلات يقول مدخلتها اسهم هااه عشان كذا لابده ...

فــ ماحنسلم من تعليقهم ابد ابد لكن المهم انك تشغلين نفسك وتشوفي استثماراتك هذا الافضل واذن من طين واذن من عجين
26-12-1430 هـ, 11:03 مساءً
 


الساعة الآن 11:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏