اقتباس مشاركة  (ام فهد وخالد)
الله يسعد بنات الحملة
وشكرا نيراز على السؤال والاخت غادة ان شاء الله وصلت رسالتي ويعطيك العافية مقدما

عندي سؤال بالنسبة لتوفير الاولاد بعضهم يقولون مايصلح لانهم بيسيرون ماديين وصراحة ساروا يهتمون ويوزعون بانفسهم

لدرجة واحنا طالعين نشتري التراب والسماد قال الكبير لالالالا

نجيب ببلاش من البر !!!!!!!!!!!!!!ليش تدفع يابابا

هل فعلاتعليمهم ذلك يخليهم بخلاء عند الكبر بالرغم من مافي هذه الصفة من كره والعياذ بالله

بس يشترون احيانا بفلوسهم واحيانا يوفرون واللي قالت لي تخصص رياض اطفال

ارشدوني
بالعكس تفكيره صح ما شاء الله ...دام فيه شي أقدر أستفيد منه مجانا ليش أدفع فيه فلوس في مكان ثاني.

أعطيك مثال :
حنا مربين سلاحف برية وهامستر(هرب الهامستر) وكلهم يحتاجون نشارة خشب تفرشينها لهم علشان الفضلات وانتم بكرامة...المحلات المتخصصة في بيع الحيوانات والطيور تبيع النشارة كيس صغير ب 20 ريال تقريبا والمنجرة تعطيك كيس كبير من حقت الزبالة السوداء أجلكم الله بدون مقابل لأنهم هم يبغون يتخلصون منها ...فليش نروح نشتري من المحلات وانا ممكن آخذها مجانا حتى لو كان السعر قليل.

نيراز
مشكورة يا غالية حمستيني وبالنسبة للذال هذه المشكلة تواجهني لمن استخدم الكمبيوتر المكتبي أما جهازي حبيبي ما عليه خلاف والحمدلله بس ما كان راضي يلقط شبكة النت وما قدرت ادخل منه..جزاك الله خير على الإفادة.
بالنسبة حبيباتي للأفكار الثانية لترتيب الحياة المادية

الجمعيات...البعض من خلال بعض الردود اللي قرأتها معترض عليها وأنا أقول بالعكس...الجمعيا راااااائعة جدا وأنا معتمدة عليها بعد الله عز وجل في مصاريف أولادي .
يعني انت شوفي إيش الشهور اللي يكون فيها مصاريف مادية كثير ، وضغط على الميزانية ، أو تكونون محتاجين فيها مبلغ معين لتجديد شي في البيت(سيراميك، بويه،طقم كنب، غرفة نوم) أو شراء جهاز كهربائي مثل(مجفف، فريزر،)..أو تكون مرتبطة بمناسبة معينة (مثل الإجازات وما يتبعها من سفر أو استقبال للضيوف، العيد، الحج)
مثل هذه الأشياء لو جينا نبغى نسحبها من الراتب في شهر واحد (هذا إذا غطى الراتب) تسوي هزة كبيرة في الميزانية ...ولو قلت أدخر لحين أحتاج المبلغ ما تلتزمين بهذا الأمر ..لكن لو دخلت جمعية بجزء من الراتب أو المصروف الشخصي ويكون المبلغ المدخول به يعادل الحاجة المراد تنفيذها أو شراؤها.
مثلا تجديد مجلس الضيوف الرئيسي في البيت يكلف 10000 ريال من دهان جدران إلى سيراميك أو موكيت إلى طقم كنب ......الخ.
بدل ما اقتطعها في شهر واحد أو أجلس أجمع فيها 3 أو 4 شهور وممكن أضعف أمام حاجة من احتياجاتي الأخرى وأسحب منها أدخل جمعية بألف ريال فقط وأحدد موعد استلامها في الوقت اللي أبغى أجدد مجلسي فيه وبعد كذا أدفع باقي شهور الجمعية بحيث ألزم نفسي بالدفع وفي نفس الوقت ما أضغط ميزانيتي...يعني بدل ما اقتطع من راتب 3000 شهريا لمدة 3 شهور (هذا إذا كانت عزيمتي قوية وما سحبت شي منها) أدفع 1000 شهريا.
وأنا متبعة هذه الطريقة في مصروفنا الخاص أنا والأولاد ..أقتطع منه جزء وأدخل جمعيات صغيرة (200 ريال) بحيث استلمه 2400 ريال (مدتها سنة) ومخلية استلامي لها آخر رمضان(علشان يكون معانا مبلغ محترم فترة العيد والإجازة ) وآخر رجب (علشان أقضي لعيالي فترة التخفيضات ملابس وجزم .......الخ) وما شاء الله اللي قضيته في موسم التخفيضات الماضي والله بعضه ما يزال جديد للآن ما لبسوه لأني أشتري كمية معقولة وكافية من الملابس والأحذية وغيرها وما احتاج اقضي بعدها الا في الموسم القادم أو لو احتجت شي عارض(بنطلونات تحتاج بلايز، سويترات في حال برودة الجو،بدلة أو ثوب لمناسبة معينة ...الخ)وهذه عادة ما تكلف كثير وممكن اشتريها عادي من المصروف.والسهم الثالث من الجمعية أخليه في الإجازة اللي أعرف أنه بيكون فيها صرف كثير بسبب التنزه أو السفر أو غيره..
طبعا أنا عطيتكم مثال فقط على الجمعية اللي اقتطعها من المصروف الخاص لي ولأولادي وهي خاصةبنا فقط مالها علاقة بالبيت.وكل وحدة تقدر تسوي الجمعية وتستلمها في الوقت اللي تكون محتاجتها فيه وحسب احتياجها(اجار البيت، تجديد شي في البيت ، مناسبة سعيدة كزواج أحد الأقارب تحتاج تجهيز وهدايا، تجهيز مولود وأشياء ما قبل الولادة....ألخ)

وأرجع أقول فائدتها وميزتها انك تحصلين على المبلغ المطلوب في الوقت المطلوب وبعد كذا تبدين تسددين وتدفعين في الجمعية بدون ما تحسين بضغط شديد على الراتب أو المصروف.

أتمنى أكون أفدتكم بهذه الفكرة وإذا فيه شي مو واضح أنا مستعدة أفصل أكثر.

ولو تذكرت فكرة جديد لترتيب الحياة المادية ما بابخل عليكم لأن الموضوع جدا رائع ومهم للجميع
صدقتي ياشجرة الدر الجمعيات فلللللللللللللل للللللللللله وتفك ازمة وانا من المؤيدين لها وبقووووة وأدخل في أكثر من جمعية

ومن أول ماتوظفت حتى اليوم وانا مستمرة فيها بس القهر انها تجيني أحيانن مباالغ كبيرة وماأدري وش وأسوي فيها وعلى

ماأفكر في المشروع واخطط له يكون نص المبلغ طار والبركة زي ماقلت لكم في تحطيم زوجي أخر جمعية كبيرة استلمتها كانت

قبل سنة وكان المبلغ 36 ألف وكان زواج أخوي أشتريت لأمي هدية عقد ذهب ب8000 الاف وأشتريت لي أسوارة ب6500 ألاف والباقي ماأدري كيف انصرف بالله عليكم مو قهر
((يـــــارب أنــــصــــرنــ ـي عـــلى مــن ظــلـمـنـي يارب انت حسبي ونعم الوكيل ))
جلكسي مالح
وانت اسمك فلة أبغى اذوقه كيف طعمه تعودنا على الحالي بس ههههههههههههههه ههه

حبيبتي حاولي تدخلينها لغرض معين بحيث من يوم تستلمينها تروح في طريقها ...أو سوي لك حساب إضافي ما تسحبين منه أبد إلا إذا أغلقتيه وحطيها فيه...أعرف وحدة ما شاء الله عليها أدخرت بهذه الطريقة وشرت أرض وارتفع سعر الأرض وباعتها وشرت ت شقة وبعدين باعت الشقة وخذت قرض وشرت فيلا...والشاهد انها بدأت بطريقة الحساب المغلق.
كلامك درر ياشجرة الدر..>>لا يفوتكم سجع ههههههه

فعلا الجمعية تفك ازمات...كان على زوجي 40 الف دين وزيادة وبفضل الله ثم الجمعية تم سداد اغلب الدين

واخرتها هالشهر سددنا 10000 كانت جمعية وعلى راتب الشهر الجاي والعلاوة بادخل جمعية ثانية وبكذا نكون سددنا الدين كله ولله الحمد..

والجمعية مثل ما قلتي تنفعك لانها تلزمك بإدخار المبلغ لو بيدك ما ادخرتيه غير كذا يعتبر مساعدة لغيرك من

اللي داخلين معاك وظروفهم ماتسمح يستلفون والجمعية هنا تحل ازمتهم...
مندوبة المدينة النبوية لقهوة أم الفاتح للرطوبه والسدد والاحتباس والهوا والعديد من التجارب الناجحه
للتواصل الإتصال أو الرسايل الواتس على الرقم 0530578089


الساعة الآن 03:13 .