ماشاء الله عليكم متكاتفين ومتحمسين حمستوني معاكم أشكر صاحبة الموضوع
وكل من شارك منكم برأي أونصيحة
أنا وضعي حووووووووووسة لي رجعه إليكم
10-01-1431 هـ, 12:59 صباحاً
 
هلا والله بحبايب قلبي الله لايحرمني يارب

غادة افكارك رائعة للتنظيم وعقبال ماتكتبي خلاصة الحملة

وربي يقويكي ويشفي عنك امين يارب العالمين

اسعد امرأة والله احس افكاري خلصت بس البركة

باخواتي الغاليات الله لايحرمهم الاجر وعن نفسي اي فكرة جديدة

تجيني او اي شي يخص الحملة والتوفير صدقيني ماراح اتأخر في كتابته

حبيت اضيف شغلة البنات اللي زي حالتي وتتمنى بيت ملك ويارب يرزق كل واحدة

فينا طالبة بيت انه يعطيها فوق ماتتمنى يارب

المهم كل وحدة تحافظ على اثاثها من دحين

يعني بالنسبة للصالون انا دحين محافظة عليه ومااستقبل فيه الا ناس اجانب مرة

اما اهلي في الصالة وكمان صالتي دحين مرتبة ماشاء الله ومتكاملة

وكمان غرف نوم اولادي الحمدلله مرتبة وغرفة نومي كمان

يعني اللي عندها مشروع بيت ملك على الاقل خلال الاربع سنوات

القادمة بمشيئة الله لا تشتري جديد خلاص تحافظ على اللي عندها قد

ماتقدر وربي يحقق لكل وحدة امنيتها يارب

ولا تنسوا يابنات بيوت الاخرة ربي يسكنا فيها

وموفقين
10-01-1431 هـ, 01:10 صباحاً
 
محبة التجديد اخبار الفواتير فين وصلت طمنينا
10-01-1431 هـ, 01:14 صباحاً
 
هلا مكاويه ربي يرزقكم ما عندكم ارض والاراضي بجدة كيف بصراحة انا اثاثي كله باغيره لان بعضه من زواجه السابق وخصوصا المطبخ ودي اكسره او اسيبه في الشقة بس قلت الدولاب والبوتجاز والثلاجة باحطها في الملحق علشان مو كل شويه نزلين وطابخين في شقتنا
الا باسالك اذا تعرفين محلات اثاث واواني منزليه بجدة تقولين لي
10-01-1431 هـ, 01:19 صباحاً
 
اقتباس مشاركة  (اسعد امراه)
هلا مكاويه ربي يرزقكم ما عندكم ارض والاراضي بجدة كيف بصراحة انا اثاثي كله باغيره لان بعضه من زواجه السابق وخصوصا المطبخ ودي اكسره او اسيبه في الشقة بس قلت الدولاب والبوتجاز والثلاجة باحطها في الملحق علشان مو كل شويه نزلين وطابخين في شقتنا
الا باسالك اذا تعرفين محلات اثاث واواني منزليه بجدة تقولين لي

هلا اسعد امرأة هلا بك حبيبتي

والله ايش اقولك الاراضي في جدة نار حسبي الله عليهم بس ربي يورينا في اصحاب العقار يوم

زوجي مجمع مبلغ مو بطال بس انه يادوبك يكفي سعر الارض يعني يبغاله فوقه مبلغ قده

عشان نبني بس ربك كريم ويفرجها علي وعلى كل صابر شاكر

بالنسبة للاثاث ليش ماتغيري تلبيسة الكنب اذا الخشب طيب وتجيب خديدات ومفارش عليه

يطلع روعة وعندك في جدة سوق محمود سعيد مرة حلو للاثاث واقمشة الكنب

كمان في عندهم الاواني مرة حلوة واسعارها رخيصة بس انتي دوري مو من واحد محل

وربي ييسر امرك يارب
10-01-1431 هـ, 01:33 صباحاً
 


الساعة الآن 12:39 .