من زمان وانا ادور موضوع زي كذا لدرجة اني افكر اخذ دورة في كيفية الانفاق .. لاني بصراحة فلوسي مادري وين تروح والمشكلة مافي شيء باين .. والزمن صار يخوف وود الواحده تدخر شوي .. لكن كيف في زمن الغلا و خاصه اذا لم تكوني موظفة ولا تسكنين ملك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله المستعان
حمله حلوووووووووه ومهمه


اتمنى الكل يستفيد


وانا ابغى احد يسوي لي دراسة لراتببي وراتب زوجي


بالتوفيق
فعلا هذي الازمه الكل يعني منها وكلام الاخوات صحيح تماما
مثل ماقالت الاخت نيراز المولات لازم بشكل اسبوع اذا مو مرتين في الاسبوع وهاتي صرف اشكال والوان
هـــــــلا و غـــــــــلا
قبل كل شي

كل عام وانتم بخير ومن العايدين الفايزين

****

نجي لتكملة الحوار اللي صار بالمجلس

انا ما امدح نفسي وبقولكم نبذه عن حياتي مع اولادي

الاخت اللي تقول يبون بلاي ستيشن وقم بوي حالهم حال الباقين اقولك صدقتي وهذا اللي المفروض يصير


لا تنقوصون على اولادكم شي

اولادي ولله الحمد والمنه عندهم اقم بوي و ال بي اس بي والبلاي ستيشن وعند لكل واحد فيهم لاب توب ومدرستهم بارقى وافضل مدرسه اهليه تعليميه صحيح الاقساط غاليه لكن معليش خلنى ندفع على تعليم راقي وتهذيب سلوكي ولا ندفع على اي شي ثاااني بس ايش قاعدتي مع اولادي للامانه

المولات مالها دااااعي اول شي انا زارعه في اولادي ان المولات للتسوق يعني شراء الملابس والاحذيه وانتم بكرامه وبس

الملاهي اللي داخل المولات هذي تكون لها الزياره كل شهرين الى ثلاث شهور مره وحده وبس العاب عندهم في البيت كل وسائل الترفيه اذا المولات اخليها كل ثلاث شهور مره وهم مقتنعين بهالشي .. طيب بتقولون مثل الحريم اللي واجهتهم وحده نقزت بحلقي تقولي طيب عيالي يبون يطلعون من البيت طفشووو

آمنا بالله كلنا نطفش ونطلع من البيت لكن اتكلم عن نفسي الترفيه الخارجي عند اولادي وضحت لهم عن طريق زيارة الاهل والاقارب واصحابهم للاسف الشديد الناس قطعت هالخصله الحلوه الين صار الشخص يجل شكل اهله وحتى لو قابل عيال اخوانه واخواته في مكان عام والله ما يعرفهم

خصصت لهم الاربعاء والجمعه للزياره يالله اختارو وين تبون وعلى فكره الاهل مو بس امي وابوي وخوال لالالالالالالالالا هذول صلة رحم غصب عنك تزرعين فيهم صلة الرحم اقصد الاصدقاء القدامى للعائله الجيران القدامى أصدقاء الوالد والوالده خلهم يتعلمون محبة الناس وتواصل الناس لا تقولون مشاغل مافيه لا مشاغل ولا حكي فاضي بدلي هالطلعات بزيارات وشوفي رصيدك انتي من التجديد في تعاملك وتعامل اولادك ... ما اكذب عليكم لو قلت لكم الويك اند ساعات اخليه سفر عشان ازور ناس في منطقه ثانيه تقولون حرام والسفر ضياع للوقت اقولك كيف تفهمين الموقف

انتي ضايع وقتك انتي واولادك في البيت عند التلفزيون والنوم من الساعه 1 الظهر الى الساعه 7 بعدين بتطلعين المول صح


طيب خلنا نقول لبستي وتجهزتي انتي واولادك وش زينكم وش حلاتكم طلعتو من البيت الساعه 2 الظهر مثلا كنتي بالشرقيه رحتي الرياض الساعه 7 وصلتي مو نفس الوقت الضايع بس وين وجهتك هل كانت المول لا طبعا كانت صديقه لك او اهل صديق زوجك او احد اقاربكم او جيران قدامى هل فرحتك وسعادتك وقتها بهاللقاء نفس الفرحه والسعاده في المول مستحيل اصلا تطلعين وانتي مصدعه ولا اعجبك شي واذا خلصتو من الزياره على قولتهم اضربو عصفورين بحجر روحوو لاحد الاقارب المقربين اللي تمونون عليهم كملوو سمره وسهره وناموو عندهم هذالا الاربعاء الخميس (( هذا راح افرد له رد لحاله لانه اعجوبه هذا اليوم وفيه من المتعه الشي العجيب )) الجمعه تعرفون احب اخصصه لايش وعشان عيالي يتعودون مو يصيرن مثل هالجيل الله يهدي لنا ولكم الذريه

الجمعه اخصصه لزياره برضوو بس مش للترفيه مع الناس لا ابدا احب اخصصه لزيارة اي مسن في العائله اي حرمه عجوز كبيره سواء مقعده او لسى بعافيتها حتى لو ما كانت من العائله خلنى نقول حرمه كنتي تحبينها وانتي صغيره ويوم تزوجتي تحنين لها

اسئلكم بالله انتو الحين كل وحده فيكم تجلس شوي وشوفي من يطرى على بالك حرمه كبيره اذا جات على بالك قلتي الله يا حبي لها هالانسانه رائعه ولو قابلتيها بالصدفه عنداي احد وانتي تسلمين عليها تحسن نفسك تبين تشمين ريحتها عشان تتذكرين الماضي الحلووو اللي عشتيه اكيد كذا وحده وواحد جاء على بالكم صح ايش اللي يمنع انك تزورينهم على الجمعه بعد صلاة العصر الين صلاة المغرب لا تروحين لوحدك لا القضيه مش في الزياره القضيه في تعويد الاولاد على التواصل والزياره ..

طيب اسئلك بالله بنات جيرانكم او صديقات طفولتك بالله ما ودك تشوفينهم بعد ما كبروو وتشوفين عيالهم هل هم مثلهم ونفس الشقاوه هل ودك تقولين هذول عيالي وكل وحده فيكم تحكي لعيال الثانيه وش كنتم عليه اول وش مواقفكم .. هل تتخيلين اولادك راح ينبسطون ويتحمسون مثل ما احنا نتحمس اذا جلس احد من اصحاب الوالد او الوالده يسولف عن مواقفهم وماضيهم صح .. ايش يمنع يكون الجمعه مخصص لهم والاربعاء صح او لا مواحسن من زيارة المولات اللي ورب البيت اني ما ادخل الا واقول ياااساتر متى اطلع اخاف ينخفس فيني من كثر هالمعاصي اللي فيه واللي ما ودك عيالك يشوفونها ويحسون ان الوضع عاادي قدامهم ...

واذا جات الساعه 8 بالليل حركو سيارتكم وعلى منطقكم 12 وانتي بالبيت مو نفس رجعتك من السوق صح اولا

وش كسبتي في السوق من معاصي ومن خساير فلوس وفي النهايه العيال مهم راضين عن وضعهم

وايش كسبتي من اجر ووساعة صدر والعيال انبسطوو وتعرفوو على حبايبهم وحبايب اهلهم ورجعوو وهم متحمسين وتلاقينهم يتفقون متى يتقابلون المره الثانيه بعد كم اسبوع صح او انا غلطانه ....



طيب السؤال اذا هذا جدولك لمدة 6 شهور ممكن تتخيلي كم وفرتي ؟؟؟ وحطي بالك انا ما تكلمت عن يوم الخميس والابداع اللي فيه ....

ابي تفاااعل مش صح كلامك لا ابي انتم وش تسون عشان تحسنون الوضع الاقتصادي في العائله ..


الرد القادم راح اتكلم عن يوم الخميس بالتحديد وعن المدرسه ومصروف المدرسه وبقولكم وش صار مع ولدي عشان المصروف ....

والرد اللي بعده باذن الله راح اقولكم اذا نزلت المول فليش انزل وايش الاولاد تبرمجوو عليه .....


الحياه فوضى عندي
خلاص ستوب
اكيد بتقولون الموضوع قلب بدل مشروع تجاري صار مشروع اجتماعي

بس قبل ما نبدء في المشروع التجاري لازم نغير من حياتنا عشان نوفر المبلغ اللي راح نبدء فيه

انا بدئت الان بالحديث عن تغير نمط الحياه بشكل عام وراح نتكلم بعدين عن تغير نمط قائمة المشتروات بس حطو في بالكم ماراح اقولكم بدلي الشركه هذي لانها غاليه بالشركه هذي لانها رخيصه انا ضد هالنقطه تماما بالعكس اشتري الزين حتى لو كان غالي والاكل حتى لو كان غالي بس اعرفي الكميه اللي تحتاجيها وراح نفرد لها رد كامل ...

وخلك بين الناس بكل رقي من ماكولات ونوعيات جيده الى ملابس راقيه مهي مبهذله وتعليم راقي وترفيه راقي وتوفير ايضا رائع

ونراكم على خير


الحياه فوضى عندي
خلاص ستوب


الساعة الآن 02:07 .