اقتباس مشاركة  (جلكسي مالح)
يلويلي كليتوني بهدومي كله علشان الجلكسي ههههههههههههههههههههههههههههههههههههههه كله منكم مابقيتولي أسم أسجل فيه بالمنتدى


وأوعدكم اني اطبق كل النصايح بس احية يتضاااااااايق مرة لو ماجبت له الي يبي بس الله يقويني قدامه وماأضعف قدام توسلاته
ههههههههههه يوووه وانا اقول وش ذا اللي ناشب باسناني اثره هدومك ههههههههههههه يا حبيلك تكفين بس شف ترجع تقول يتضايق ادري بيتضايق بس انتي هالحين لازم تتعلمين اشلون تسايسينه يعني التدريب مو بس له حتى لك انتي يالام اشلون تحاولين تضغطين على نفسك قدام حنانك لولدك عشان مصلحته بالنهايه والا مهي عايقه معانا شي الحمدلله بس كله لهم بس لا تقولين قدام توسلاته لانه فعلا اذا وصلت لتوسلات انا انسى كل شي واقوله تم وسم وامر لبى معاليق قلبك يا جمارة قلبي انت لين جا قال ماما الله يسامحك الله يسامحك <<<<يدعيها مثل ما يدعي الله يخليكي وقتها خلاص ابشر

اقتباس مشاركة  (raianh2007)
هلا وغلا في كل الي شاركونا بتجاربهم

غاليتي بين الاطلال الف الف شكر لك على اهتمامك والله ان كلامك صحاني وخلاني انتبه انا فعلا

مطنشه والوضع ما يطمن ابد دققت في الوضع حصلت الرجال مبسوط ولا هو سال عنا

قلت با بنت فجريها ههههههههههههه وقولي الي بخاطرك

جلست معه جلسة مصارحه ومشكلتي اني صرييييييييييحه والي في قلبي على لساني

قلت لحد متى ذاالفوضي احنا نبيك نبي حنانك عطفك طز بالفلوس <== وهذي خطه ارض جو عشان اكسبه خخخخخخخخخ

وابي الطف الجو طبعا الجو كله محيوس بسبب الماده التعبانه وعدم التنظيم بس هو مو مقتنع

حاولت منيه منااك وشكله بداء يحس وان شالله بيسوي شي بس مدري وش هو ذا الشي

وانا اكيد راح ابلغكم اول باول واقول لكم شنو استفدت من تنظيم حياتي بكبرها لان الماده تلعب دور كبير في الحياة الاسريه

وتنكد على كل الاطرااف

ويا الغاليه لاتتقولين انك زعلتني بالعكس انتي صحيتيني بس انا ما دخلت لاني كنت بعرس اردح اطلع الي براسي واسخن للمواجهه ههههههههه وما فضيت الاسبوع الي راح ابد

وان شالله باكون معكم خطوه بخطوة وراح افيدكم من خلال تجربتي مع الازوواج الصعبين امثال زوجي
شوفي مع ان الرد للغاليه بين الاطلال بس هي كذا انا اعتبر الفرص هذي مثل الدمله تتجمع الين تنفجر تطلع ريحتها في البدايه بعدين تتحسن الاوضاع والامور للافضل اهم شي لا تضعفين ولا تسكتين

وسالفه انه يرسل عيالك او هو يفضي السياره يا حلوه الحل عندي ادخلي بكامل المبلغ في جمعيه وانتي ان شاء الله انك منتي محتاجه شي الجمعيه خليها لمده 10 شهور احسن شي واذا جاتك اول مره طوالي درعمي على السوق واشتري لك ذهب صااافي اما اسوره بخاتمها مع تعليقه كبيره وحلوه واذا بقى 600 اشتري عاد فيها اي شي لك ثاااني وسعي صدرك فيه وعندك شهرين انبسطي فيها وشوفي نواقصك بس قولي له انك بجمعيه واذا جا وقت الجمعيه قولي يالله ما ابي اتاخر على البنات ينتظروني كذا تحديه على انه يعطيها لك طوالي وكل ما خلصت جمعيه ادخلي بوحده ثانيه وابدئي بزنس صغير وبكذا سويتي دخل خاص فيك وهكذا لا تقطعي الجمعيه ابد تجبره على الدفع والله يسخره لك يارب بس اسمحيلي سؤال كيف يصير عنده راتبين من وين يعني واحد من الشغل والثاني هل مشروع خاص يعني او برضو من العمل نفسه سوري على التطفل بس استغربت

كمان راتبكم اذا جمعتي الاثنين ماشاء الله لا قوة الا بالله حلووو يعني المفروض عاشين بعز صراحه من غير اي مشاكل

اقتباس مشاركة  (رودينا505)
طيب وش استفيد من التوفير انا طالبه جامعيه وجمعت مكافآتي
بس ماحسيت فيه فايده
وخفت اموت وانا ما استفدت شيء فخذيت منها لمتعتي
لكن باقي نصها مادري احيانا اقول اوفره واحيانا اقول الدنيا فانيه واضيعه
يا حبيلك مهو عشان انتي لسى صغيره شايفه انه مالها فايده بس بكره لين تزوجتي ودخلتي في المعمعه اللي احنا فيها تقولين ياليت سمعت كلام الحريم وانتصحت

بقولك شغله تعرفي عشان اريح دماغي شوي ولا اتفاجئ من الجديد في الحياه والله ثم والله رحت اشتريت كتاب امثال وحكم شعبيه قديمه تعرفين له يقولك اكبر منك بيوم اعلم منك بسنه تلاقين الواحد ما طلع هالمثل الا بعد تجربه وخلاصه حياه صحيح البعض صائب والبعض خاطئ لكن في النهايه هي خلاصه حياااه فتاخذي منها العبر لتستفيدي
جعل ايامك كلها هنااء وسعاده يارب
18-10-1430 هـ, 07:38 صباحاً
 
فديتكم والله بقولكم بداية التوفير أمس العصر وديت عيالي منتزة بدون رسوم بالبر وفية شويه ألعاب مراجيح وغيرها
وأخذت معاي قهوة وشاهي وفطاير وتمر وموية من البيت ومريت بقاله وعطيت كل واحد منهم ريالين وانا متضايقة أقول في خاطري الريالين وش تجيب لهم وحمودي فديتة يقول بس ياما ريالين وفي عيونه ألف نظرة أستغراب سكت مارديت وابوهم شوي ويضحك ماسك نفسة بالقوة ويقولي بصوت خااافت أحلى مافيك تتراجعين بسرعه وقتها كان يبي يعبي ب نزين فل قلت لها 10 بس قال لية ماما وفي عيونه نظرة الأستغراب حقة ولدة وابشركم العيال كل واحد رجع ريال واشترى بريال ولعبوا وانبسطو االى بعد المغرب وبعدها رجعت البيت وغيرت لهم وأخذنا باقي الفطاير ورحت سهرت عند أهلي

العجيب في الموضوع ان العيال كل شوي يسألون عن الريالين حقتهم ويقولون ياماما خليها معاكي بابا راح يعبي فيها بنزين ههههههههههههههههههه
18-10-1430 هـ, 03:48 مساءً
 
8

8

هههههه ياحليلهم .. ايوه احسها بدايه خير ان شاء الله ..

:::::::

بنات ترى انا متابعتكم من زمن جدتي بس ارفع بهالموضوع الين ما تكسرت اصابعي خخخ

ابششركم بداية الغيث قطرة ..

الشهر هذا بنبتدي بجمعيه بـ 1000 ريال .. لمده 8 شهور ..

يالله من فضلك .. ادعوا تتم بس لانهم اخويا زوجي بالعمل ..

:::

الشئ الثاني بديت بترتيب اموري الماديه .. بس احس ترتيبي فيه عجزز مو بسيط ..

والسبب فاتورة الجوال + الكهربا .. وش السوات الله يعين ..


ويابنات خلونا نستمر مع بعض .. وترى مابيجي الجد الا اذا جا الراتب ومابقى شئ ع الراتب .. خلونا نستمر .. ونشجع بعض
18-10-1430 هـ, 05:38 مساءً
 
اقتباس مشاركة  (جلكسي مالح)
فديتكم والله بقولكم بداية التوفير أمس العصر وديت عيالي منتزة بدون رسوم بالبر وفية شويه ألعاب مراجيح وغيرها
وأخذت معاي قهوة وشاهي وفطاير وتمر وموية من البيت ومريت بقاله وعطيت كل واحد منهم ريالين وانا متضايقة أقول في خاطري الريالين وش تجيب لهم وحمودي فديتة يقول بس ياما ريالين وفي عيونه ألف نظرة أستغراب سكت مارديت وابوهم شوي ويضحك ماسك نفسة بالقوة ويقولي بصوت خااافت أحلى مافيك تتراجعين بسرعه وقتها كان يبي يعبي ب نزين فل قلت لها 10 بس قال لية ماما وفي عيونه نظرة الأستغراب حقة ولدة وابشركم العيال كل واحد رجع ريال واشترى بريال ولعبوا وانبسطو االى بعد المغرب وبعدها رجعت البيت وغيرت لهم وأخذنا باقي الفطاير ورحت سهرت عند أهلي

العجيب في الموضوع ان العيال كل شوي يسألون عن الريالين حقتهم ويقولون ياماما خليها معاكي بابا راح يعبي فيها بنزين ههههههههههههههههههه
هههههههههههههـ ياحليلهم كذا انتي تمام بس واصلي وخبرينا هنا استمرتي ولالا

اقتباس مشاركة  (سعوديهـ ذوق)
8

8

هههههه ياحليلهم .. ايوه احسها بدايه خير ان شاء الله ..

:::::::

بنات ترى انا متابعتكم من زمن جدتي بس ارفع بهالموضوع الين ما تكسرت اصابعي خخخ

ابششركم بداية الغيث قطرة ..

الشهر هذا بنبتدي بجمعيه بـ 1000 ريال .. لمده 8 شهور ..

يالله من فضلك .. ادعوا تتم بس لانهم اخويا زوجي بالعمل ..

:::

الشئ الثاني بديت بترتيب اموري الماديه .. بس احس ترتيبي فيه عجزز مو بسيط ..

والسبب فاتورة الجوال + الكهربا .. وش السوات الله يعين ..

ويابنات خلونا نستمر مع بعض .. وترى مابيجي الجد الا اذا جا الراتب ومابقى شئ ع الراتب .. خلونا نستمر .. ونشجع بعض

ياحبيلك بالعكس انا ملاحظه تواجدك الحلو الدائم ورفعك للموضوع يعجبني الي يتواصلو ع طول

وشي طيب عملتو جمعيه بدايه الخير قطره ع قولتهم .بالنسبه للكهربا والجوال ياعزيزتي سددوه كل 3 شهر

افضل لكم وثانيا لو تحددو بعد الجوال افضل ..ولو تكتبي جدولك كيف نضمتيه لأجل نساعدك لو فيه ملاحضه ..

وخليك معانا
18-10-1430 هـ, 06:13 مساءً
 
موضوعكم جدا رائع واتمنى من الجميع الاستفادة منه
18-10-1430 هـ, 08:28 مساءً
 


الساعة الآن 01:35 .