النصوحه

تسلمي يالغاليه ابد ما قلنا الا اللي بخاطرنا على قولتهم ودنا والله نفيد ونستفيد من الكل والحمدلله ان الحمله اعطت ثمارها حتى لو ما العالم دخلت وشاركت المهم فيه نتائج جالسه تصير للناس هذا المطلوب

بس والله يا النصوحه اني متضاااايقه مررررررررررره

لما اتذكر ان لا تقوم القيامه وذكر من الاشياء اللي تنتشر بين الناس قطع الارحام
واصيح واقول اسئلو وسلمو وزورو يقولون الزمن تغير والعالم تغيرت وبيقولن توفر عشاها
القيامه قايمه قايمه لكن ما تقوم الا على ارذل الخلق ولا ودنا نكون نحن ارذل الخلق ان تكالبت علينا مور الدنيا اقل شي خلينا نتمسك باللي نقدر عليه صلة الرحم

المهم في حياتنا واللي احس العالم ابتعدت عنه سافري اطلعي انبسطي تسوقي روحي تعالي فليها صح بس اربطي كل شي بالدين
قطعتي خوالك وعمامك تذكري قاطع الرحم ايش عقابه ؟؟
رميتي اكل زايد بالزباله وانتم بكرامه تذكري المسرفين اخوان مين ؟؟
اشتري والبسي واكشي بس لا تنسين الفقراء من الملابس اللي عافتها نفسك !! لا تقولين انا ما احب احد يلبس بعدي ولا احب اشوف ملابس على احد صحيح فيه ناس اعرفهم يقولون ما نحب نشوف ملابسنا على احد والملابس والله انها بالزباله الكبيره وانتي بكرامه طيب اذا مرررررره مررررررره ما تبين ترسلينها لجمعيه ولا لك خلق تعطينها احد تعرفينه مثلا عندهم بنات كثير او عندهم عيال وصغار كثير حتى لو تحسين ان الله منعم عليهم اسئلي الام قولي والله عندي ملابس كذا ما تعرفين احد عادي عنده ياخذ ويلبس لا تقولين كلمة محتاج لانها بتقول انا ماني محتاجه بس استبدلوو العباره بــ ماتعرفين احد عادي عندهم يلبسون من بعض يعني اللي يصغر على عيالي اعطيه احد واحشري نفسك انتي قولي وانا البس من عيال اختي والا عيال خالتي خلي الموضوع بسيط وعادي حتلاقينها طوالي تقولي اي والله الله يجزاكي خير والا طلبات البنات ما تخلص اذا ما تبينهم هاتيهم .. واذا مرررره مالك خلق اربطيها بكيس بس خذي اكياس مش زباله خذي من اكياس الهرم الكبيره والا طابا واربطيها وحطيها بجنب الزباله الكبيره او حطيها بجنب باب مسجد عادة أامة المساجد يعرفون عوائل فقيره وكمان الهنود اللي يشيلون الزباله وانتم بكرامه يشحنوها لاهلهم وبكذا شوفي خيرك وصل لاي بلد

والله يا بنات شفت برنامج في احد القنوات ما اذكره بس عادة تلاقوني مرابطه عند قناة الجزيره الوثائقيه احبها بصراحه هي وفتافيت محبوبة الجماهير هههههههههه المهم انهم جابو عن دولة في جنوب افريقيا شعب فقير جدا وعلى فكره اكتشفت اننا نلبس من عندهم شغلات بعد وشفت طريقة تصنيعها تعرفون الجلال اللي طحنا فيها فتره تجيك الوان ملخبطه على بعض على شكل دوائر متادخله ونزل بعدها بسنتين نفس هالشراشف تنانير لف ... المهم انه تجي من هذيك الدوله اللي حصل تشوفينهم ينتظرون يوم في الشهر تجي شاحنه كبيره مررررررره تنزل اكياس وتنزل ملابس مجمعة اكوام فوق بعض يعني لا كيس ولا شي ويكبونها بالارض طبعا اللي عنده محل وهو عباره عن خشبه يعلق عليها الملابس له الاوليه بانه يشوف الاشياء لانه بيشتري بس اصلا وش يطلع وش يخلي من هالاكوام وهم ينبشون كنك عند مبسط حريم يوم تشيلين وتناظرين واذا ما بغيتيه حطيته على جنب وشفتي الثاني شوي تلاقينهم يطلعون ثياب سعوديه وشمغ عاد اللي فاهم واللي جا للسعوديه تشوفيه يعلمهم انها تنلبس كذا يعني السروال الطويل وبعدين الثوب فوقه عاد اتذكر ان فيه راعية محل تاخذ الزين وتجلس تخيط الشي المشقوق والله برنامج رائع

السالفه ومافيها انه شوفي وين ملابسنا تروح ونحن ما ندري اضعف الايمان حطيه بجنب الزباله وانتي بكرامه وطلعي لو قطعه وحده براا من طرف الكيس بحيث يعرف اللي يشوفها انها ملابس حتى الجزم وانتم بكرامه وش يمنع تحطينها باحد هالاكياس الحلوه من هالماركات وتخلينها عند باب مسجد والا بجنب الزباله والا صح نسيت فيه مكان والله يابنات كلنا غافلين عنه شوفو توه طرا على بالي حطوه عند باب المدرسه اي مدرسه عاد يا كثر المدارس ترا والله البوابين حقين المدارس والله حالتهم يرثى لها اذا جاء يوم الاربعاء روحي حطيها خلي زوجة الحارس تجلس عليها الخميس تفرز الملابس تشوف اللي يناسبها واللي ما يناسبها ترا فيهم هم الخير يعني حتى اللي مو علا قد عيالها وقدها تروح تعطيه عيله ثانيه محتاجه ترا المجتاجين يتواصلون ويتقاسمون الخبزه مو مثل حالات البعض لا حول لا قوة الا بالله ما يدري حتى عن جاره اذا محتاج شي او لا


يالله يالنصوحه انا اللي اشكرك خليتيني احكي مع فيه نقاط معاده لكن يالله للتذكير دائمة الرواتب نازله والعالم تبي تقضي مع التخيفض


الاخت اماني الحلوه

مش مسالة غالي ورخيص مثل ما قالت جالكسي طلعات البر والبحر خذيلهم رخيص بس حلو بس لا تكثرين واذا بتروحين زيارات خذيلهم ماراح اقولك غالي لكن بقولك راقي لانه بعض الاشياء الغاليه لو عطوني بريال ما خذيتها بعدين ترا مو شرط يكون اغراضها قليله

يعني ممكن تكون هي من النوع اللي مثلا فصل الشتاء تنزل ملابس الشتاء والصيف طبقيها وارفعيها

انا عن نفسي نظامي مع نفسي وعيالي دولاب لبنتي ودولاب لولدي جاي ثلاث رفوف تحتها درجين وعلى الجنب قسم للتعليق الرفوف عريضه مع الادراج يعني ماخذه بابين

المهم ان الرف العلوي هذا حق المواسم يعني اذا فصل الصيف جاء خليت هالرف لفصل الشتاء طبقتها بتصير قدام عيني اولا ثاني بعرف كمية الملابس اللي عندهم

الرف الثاني اخليه للبناطيل والبلايز والبديهات
الرف الثالث اخليه للملابس الداخليه وبجايم النوم وزي الصندوف فيه الكيلونات والشراريب
الدرج الاول فيه بحكم انها بنوته فيه شناط على ملابسها
والدرج الثاني للجزم والصنادل
والتعليق فيه الفساتين والتنانير

الولد نفس الشي الرف اللي فوق خاص للفصل اللي راح
الرف الثاني بلايز بناطيل شورتات
الرف الثالث ملابس داخليه وبجايمه
الدرج الاول الجزم والصنادل
الدرج الثاني الشراريب والاحزمه واغراضه الخاصه من بروشات وتعليقات البناطيل
وقسم التعليق فيه الثياب
وبطعا الجاكيتات مع الفراا تكون معلقه ما تتغير مكانها عشان ما تخرب

اروابهم والمناشف حاطه لهم تعليق على الباب من الخلف على شكل بسه وتحتها تعليق يعلقو فيها مناشفهم

لما اجي انزل السوق اشتري لهم شي كل الملابس قدامي بس اشوف ايش اللي قدهم وايش اللي مو قدهم واطلع الاشياء اللي ما ابيها احطها باكياس وعلى غرفة الملابس الخاصه فيني اخليها طارفه عند الباب واي احد من اهلي او خوات زوجي او جاراتي اقولهم فيه كذا كذا عندي واحيانا خلاص اكون عارفه انه فلانه تحتاج ملابس بنتي لان بنتها اصغر

ساعات مثلا يكون عندي ثلاث من عيلتي وكلهم عندهم بنات وملابس بنتي تنفع على قدهم كلهم

تلاقيني اقسم ملابس بنتي بالتساوي هنا فيها كم تغيره للطلعات الزينه وكم تغيره العاديه على اساس ما اظلم احد فيهم واحط كل جزمه مع لبسها مرات انتظرهم اذا جو عندي اعطيهم ومرات اتصل واقول ترا عندي اغراض لبنتي جاهزه برسلها لك ومرات اقرب زياره لي اوديها معاااي

الموضوع مش غالي او رخيص الموضوع شوية ترتيب حتى لما ترسلي ارسليها مرتبه مثل اللبس كامل التنوره مع البلوزه مع الكيلون اللي انتي مطقمته مع الشنطه حقته وان كان فيه حزام وبنتي ما تحتاجه كله كامل كذا حتى العالم تتقبل تاخذ منك بس تخبصين الدنيا وترسلين ما ينفع والجزم خليها بكيس لوحدها واذا اعطيتي الاغراض قولي ترا كل لبس له جزمته لا تشيلين هم عشان حتى هي تحرص انها ترتب كل شي بالشكل الصح

اذا الاهم هو الذوق في الاختيار هذا المهم


وحيالله كل البنات الجدد في الحمله


الحياه فوضى عندي
خلاص ستوب
بنات ابي افكار لشغلات حلوه اقدر اسويها ببيتي واكسب منها
انا موهوبه بالطبخ
وذوق بالتغليف وعندي مواهب كثيره
شاكره لك جالكسي

ونيراااز اللي اقصده قلة الملابس يعني اشري ماركات حليوه ومن تخفيض ممكن تكوت بقيمة الرخيص ترا بتصير افضل وتتحمل الا ستهلاااك

وتكون عمليه ومناسبه مو شرط فخمه لان لاحظت الرخيص بسرعه يخرب من ناحية اللون او القماش او الخياطه بالنسبه للترتيب انا مرتبه كل شي يانيراز بس احس بتبذييررر ودي احلل الشي اللي اشتريه زي قريبتي مشاء الله شفتهم كم قطعه للفصل وقمه الترتيب وكل قريباتي كذا الله يخلف علي بس مدري مته بتسنع
رسالة إدارية
خدمة البحث المتقدم مقفلة اليوم لإجراء بعض أعمال الصيانة ، شاكرين لكم حسن تعاونكم


إلى متى !!!!!!

اقتباس مشاركة  (ام طلال1411)
بنات ابي افكار لشغلات حلوه اقدر اسويها ببيتي واكسب منها
انا موهوبه بالطبخ
وذوق بالتغليف وعندي مواهب كثيره

اشوف البقاله اللي جنبي تبيع معمول ومراصيع شغل بيت انا مفكره اسوي اكل مفرزن بس مااش ينقصني الحمااااس والاراده

انتي سوووي وحطي عند البقاله كبدايه وحطي رقمك واسمك
رسالة إدارية
خدمة البحث المتقدم مقفلة اليوم لإجراء بعض أعمال الصيانة ، شاكرين لكم حسن تعاونكم


إلى متى !!!!!!

["]ام طلال دامك موهوبه في الطبخ حلو اجل اطبخي وبيعي وانا اشوف انه الاكل دايم ماشي سوقه وخصوصا في رمضان

ام اماني اللي تسال على الملابس تكون رخيصه ولاغاليه تصدقين دايم انا وصديقتي نتكلم في هالموضوع يعني انا بالنسبه لي اشتري من الغالي والرخيص لبس البيت دايم رخيص لي ولبنتي من سيتي ماكس او الهرم احيانا او سنتر بوينت
اما لبس برا البيت فاشتريه غالي ومن الماركات المعروفه وعلى قد الحاجه يعني اذا مناسبات كثيره شريت كثير واذا شويه اشتري شوي
اما لبس البيت طبعا كثيييييير لانه يستهلك ويوميا تلبسين وتغسلين وحتى بنتي لبس البيت كثييير]
اما صديقتي عكسي كل شي تشتريه من الغالي حتى لبس البيت مستحيل تلبس من سيتي ماكس او الهرم بس ماتشتري كثير


الساعة الآن 07:35 .