Analysis Services
اخيرا انتهيت ولحقتكم

خلو ايدينا بايد بعض ويد الله مع الجماعة بس النية الصادقة ياحبيبات ولا تنسون الاستغفار وصلة الرحم لان هالحاجتين من اهم اسباب فتح ابواب الرزق .....
بالنسبة للاراضي لما شرى زوجي الارض كان مترها بحدود ال900 تدرون هالحين كم واصلة ؟؟
وصلت 1800 ريال للمتر وخلف بيتنا ارض فاضية كل مافتحت الشباك اشوفها واتخيلها فلة مبنية ادوار لكل واحد من اعيالي وبناتي دور
وفاتحة بيني وبينهم باب وبزارينهم داخلين طالعين عندي خصوصا اعيال بنتي الصغيرة دايم اتخيل اشكالهم حلوين وخفيفين دم موووت

معاليش استرسلت باحلام اليقظة ... لكن ماعلى الله شئ بعيد اهم شيء نحسن الظن يالله ونعمل بالاسباب والباقي على الله ....
25-01-1431 هـ, 08:15 صباحاً
 
نيراز وبين الاطلال

انا معاكم في فكرة ان المراة لازم يكون عندها حزم مع زوجها ولا تصرف من جيبها ولا ريال اذا هو عنده قدرة ....

لكن حبيباتي كل وحدة هي ابخص بظروف زوجها يعني لو كانت اموره ميسرة وبيته ملك وماعنده ديون حلو ممكن تحصلي على ترفيه وتوفير اكبر

لكن لو هو مديون لازم تحطي يدك بيده وتسانديه علشان يسدد دينه وكل هذا تحتسبينه لله يعني مو لما يخلص اديونه ويروح مثلا يتزوج عليها تقعد تولول وتندم على المعروف اللي سوته معاه .. باختصار شديد اجعلي الله بينك وبين زوجك في كل امورك ..

ماشاء الله اشوف بعض البنات ترتبت امورهم وتعدلت الله يوفقهم ويتمم عليهم ...
لكن انا الى الحين انا وزوجي مابين شد وجذب مرة يعطيني فلوس ويقول روحي تقضي للبيت ومرة ارميها عليه واقول مالي شغل

اخخخخخخخخخخخخخخ .... كل واحد متمسك بفكرته مع انه اول كنا كثير نطلع انا واياه نتقضى تدرون وش كنت اسوي ؟؟ كان هو يتجه للخضار والفاكهة وانا جري على قسم الحلويات اضف بهالعربية ... ماكان يعلمني ايش الاولويات اللي لازم نشتريها .. والى هالحين اعاني من هالمشكلة اذا طلعت للسوق لازم اشيل من هالاشياء بس الحمدلله خفيت كثير .. علشان كذا بعض الاحيان يزعل اذا تقضيت
مع اني صرت اركز واحاول اجيب الاشياء اللي استهلكها في عمل الحلويات والفطاير واقتصر عليها فقط
والحمدلله تعدلت كثير مقارنة باول مرة نزلت للسوق اتقضى للبيت ..

من ناحية محلات المواعين سويت مقاطعة نهائية
من ناحية الملابس حددت لبنتي الكبيرة مبلغ اعطيها اياه كل شهر وخلاص لاتعرفني ولا اعرفها باي ريال وطيحت همها
اما اولدي مسرف جدا ... صرت اركز اعطيه مصروف الفسحة اعطيه اول الشهر وبس فتح له ابوه حساب علشان يحول عليه مبلغ المصروفات اليومية علشان يتعود على مسؤلية البيت

المشكلة مازالت معي لا استطيع التوفير ...
لكن ابحاول هذا الشهر ان شاء الله .. لاني احس انه افضل شهر ممكن يمر علي لانه لايوجد في خطتي هالشهر طلعة لاي سوق .

نيراز انا معكم بالمشروع وابحاول اوفر

مكاوية مووووت من زمان عن المسن والله هالبزارين ما يخلون لي فرصة لكن ضيفيني بالمجموعة وعلميني متى تدخلون ؟؟
25-01-1431 هـ, 08:43 صباحاً
 
اقتباس مشاركة  (صمت المشاعر؟؟؟)
يارب يساعدنا مره حايسه انا وزوجي
خربت سيارته << ابوه صدم فيها

وراح الراتب كله عليها
باقي بجيبه ميه بس والراتب نستلمه ب30 ميلادي
بس كويس انو قضى للبيت من كل شي ولا كان احتسنا ياهالسياره الي مصكوكه عين
مافيها شي بس مشاكلها بالصدمات
وحنا مكلفين طبعا

كان الله في عونك وحمدلله على سلامة ابو زوجك
25-01-1431 هـ, 08:53 صباحاً
 
هلا بك سندريلا هلا والله

والله ياقلبي مالنا وقت محدد يعني احيانا نجمع 4

واحيانا 2 واحيانا اكون لوحدي بس ان شاء الله تجمعي معانا
25-01-1431 هـ, 09:00 صباحاً
 
وه بس تعبت لي أسبوع وأنا جالسه اقرا بالموضوع وصلت لصفحه 130
شكلي وصلت متأخر
مشكوره جهودكم أستفدت كثير بس انا بنت وماعندي التزامات بس قلت بسوي لي ميزانيه
عشان اكون منظمه ومرتبه عشان المستقبل
بس ياترى مازلتو متابعين الحمله ؟ وله بطلتووو ؟؟
بقولكم ميزانيتي اللي بعتمدها من هالشهر محرم يعني مع بداية السنه
لي ماشاء الله لاقوة الا بالله 1600 R.S
200 سائق
100 DSL
150 جوال
500 جمعيه
100 ترفيه
200 مصروفات شخصيه
100 طوارئ
250 أدخار

هاااااه شرايكم ؟؟ وأحيانا تجيني ارباح استثماريه واحيانا امي تعطيني 100
أنتظر أرائكم
25-01-1431 هـ, 02:17 مساءً
 


الساعة الآن 04:30 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏