Analysis Services
الشيماء جزاك الله خيرا اختي

فعلا تقسيمك رائع وواضح جدا ومرتب .. لكن انا مشكلتي بالفواتير لان عندنا اربع جوالات ..واثنين ثابت مع خدمة النت اقل شي تستهلكه هذي الفواتير اذا جمعناها 1500 حد اعلى و1300 حد ادنى.

طيب فيه سؤال يحضرني البنات المراهقات كم يكفيهم مصاريف ؟؟ مصاريف جيب ولبس وتكشخ وتزين .. قبل ما تزوج امي ماعندها غيري وكل ماطلبت شي ماتقصر معاي ابدا علشان كذا والله ماني عارفة كم اعطي بنتي المراهقة بحيث ماابي ينقصها شي عن زميلاتها وقريباتها ؟؟؟؟
21-10-1430 هـ, 08:35 صباحاً
 
اقتباس مشاركة  (بين الأطلال)
هههههههههههههـ ياحليلهم كذا انتي تمام بس واصلي وخبرينا هنا استمرتي ولالا




ياحبيلك بالعكس انا ملاحظه تواجدك الحلو الدائم ورفعك للموضوع يعجبني الي يتواصلو ع طول

وشي طيب عملتو جمعيه بدايه الخير قطره ع قولتهم .بالنسبه للكهربا والجوال ياعزيزتي سددوه كل 3 شهر

افضل لكم وثانيا لو تحددو بعد الجوال افضل ..ولو تكتبي جدولك كيف نضمتيه لأجل نساعدك لو فيه ملاحضه ..

وخليك معانا
فديتك طلوله << اسم الدلع

ابشششرك قلبتها يمين شمال وضبطت الميزانيه ..

تدرين ماكسر ظهري الا تاثيث البيت لانه الحين ع البلاطه ..

وهالشهر حاطه ميزانيه للمطبخ .. لانه مافيه مطبخ البيت اللي استاجرناه

بس بتهون ان شاء الله .. واذا فضيت واستقريت حطيت لكم جدولي ..

لان جدولي كل شهر له سالفه وتقسيم .. زي ماقلت لكم عشان البيت ..


اقتباس مشاركة  (بين الأطلال)
سعووديه ذوق غريبه معاد رفعت الموضوع ؟

وبعض الاخوات بعد.فاقدينهم شكلهم بردوووو

جالكس مالح؟ بالله كيف تجي

باين عليك من محبين البر واجواءه الروعه ويسلام عاد بالشتاء عشق لاينتهي

ابعزمك كل مارحت لستراحتنا المهجوره يدوب بالشهر مره نروح لمها

عشان اعيالك ينسون الصرف نهائي




اي والله ماعاد رفعت الموضوع خخخخخخ

ولا يهمك باسوي لي بسطه هنا باترزق منها بابيع حلاو مصاص وجلكسي

منها رزقه ومنها ماعاد اطلع من هالموضوع


اقتباس مشاركة  (جلكسي مالح)
فديتك يانيراز لو تبين تسميني تويكس عادي راضية أهم شي نتواصل بهالموضوع
جديدي من حبي لتنظيم الميزانية بديتها من هالأسبوع أشتريت من بنده ب225 ريال فقط بعدماكنت اطلع أقل شي ب700ريال

والله يابين الأطلال اني اتمنى اتعرف عليكم من جد حسيتكم ساندتوني في هالوقت الي احسة من أصعب الفترات الي مرت علية

دعواتكم لأامي بالشفاء العاجل بكرة بتسوي عملية وراح اغيب عنكم فترة بسيطة معى أمي فديتها لا تبعدون عن الموضوع مابيه يروح بعيد ابية بالصفحة الأولى تكفون
الله يقومها بالسلامه ولا يحرمك اياها .. ولا يهمك مثل مااسلفت .. راح ارفعه كل شوي لا تشيلين هم

اقتباس مشاركة  (*الشيماء*)
جيتكم ياعسولات بتقسيمي للراتب قبل سنة وكنت ماشية عليه 3 سنين وبفضل الله ثم هذا التقسيم قدرنا نسدد دين فوق 50000 ويبقى لنا من الراتب الى اخر الشهر الشي الكثير...ممكن استقبل ضيوف ليلة الراتب مع اني كنت قبل هالتقسيم من نص الشهر واحنا عندنا حالة طوارئ...

في البداية كتبت بنود الصرف عندنا...

الآجار...الفواتير ,..الأقساط...المواد الغذائية .. الرحلات والسفرات طبعا داخل المملكة...المصروف الشخصي حق كل فرد بالعائلة وهالمصروف يشمل ملابسه العابه اي شي يبيه وما يدخل فيه الأكل والترفيه وهالشغلات...ولا يدخل فيه الفواتير لأن لها بند مخصص..

جبت مجموعة ظروف رسائل وكتبت على كل ظرف البند الخاص فيه...لا تتكاسلين وخلي عندك عزيمة ...

نبدأ بالتقسيم واقول كل وحده وعلى حسب الراتب وتصبر وتتحمل في البداية لانها بتكون صعبة لكن بعدبن بيتوفر معاك الكثير...

التقسيم لراتب 9000 وفوق...
لعائلة مكونة من ام واب وطفلين

الآجار 1100 يسدد شهريا او يرفع في الظرف او يدخل فيه جمعية حتى ما تتجمع عليك...

الأقساط 2500

المواد الغذائية 1200يوزع على 4 مظاريف كل مظروف فيه 300 ريال

الفواتير (الهاتف.الجوال للزوج والزوجة) 600 ريال كانت فاتورة الهاتف ماتزيد عن 300 وفاتورتي كل شهرين 300 حاطة حد ائتماني وزوجي كل شهرين 500 فكنا نسدد في شهر فاتورتي وفاتورة الهاتف والباقي نحطه بالظرف والشهر الليي بعده فاتورة زوجي والباقي بعد نرفعه بالظرف...

فاتورة الكهرباء 200 ريال تسدد شهريا بانتظام حتى لا تتراكم اذكر تراكمت علينا مرة وصارت 700 زطفو علينا يعني لازم نحط 700 اضطرينا نستلفها فلما تسددين بانتظام المبلغ يكون بسيط ولا يسوي لك لخبطة بالميزانية...

الماء 50 ريال (كنا نعبي الخزان كل شهرين وخزان التحليه بعد كل 3 شهور فكانت تجمع في الظرف وكل ما احتجنا الماء اخذنا من هالظرف...)

الرحلات 500 ريال

المصروف الشخصي

الزوج 500 ريال (الله يخليكم لا تعترضون وتجننوني فكري بعقل عنده ارتباطات مع زملاء قطات للمدرسة مرة هدية للمعرس مرة هدية لواحد بينقل مرة رحلة مرة يبون للمدرسة شي يصلحونه من غير طلبات الأب اكيد يحتاج يطلب من ولده...)

الزوجة والأولاد 500 ريال (لا تقولين قليل انا كنت اجمعها واذا احتجت شي اشتري لهم بشهر وانا الشهر الثاني ومااشتريل هم الغالي مررررررة لانهم يكبرون وبسرعه وانا ماتهنيت فيها اما انا عادي بس الاهم اجمعها واشتري في المناسبات فقط مو كل شوي بالسوق...)

الأم 200 ريال (لا تقولو حرام كل وحده على حسب حاجة الأم يعني زوجي كانو هو واخوانه كلهم يعطوها في الشهر 300 فتجيها فوق ال1000 غير كذا زوجها موجود ومبسوطة واكيد كل واحد ومقدرته يعني هالمبلغ ممكن تجمعيه ويعطيها في وقت مناسبة يجي مبلغ محترم او شهريا اللي يريحك..

الصدقة وهي اهم بند......ريال وتخرجيها في يوم نزول الراتب عشان ربي يبارك بالراتب لآخر الشهر

عندك بنود تكون اضافية مثل

اكلات خارجية 200

هدايا ومناسبات 200

طوارئ وضيوف 200

مصروف صحي 100 الافضل الحكومي لكن هذي تجمع لو صار ظرف واضطررت للخاص

مصروف السيارة 400 برضه تجمع بالظرف يجي وقت الصيانة او اي مشكلة تلاقين فيها مبلغ ممتاز

وطبعا منها كل ما تحتاج السيارة بنزين وغسيل تغيير زيت كفرات كل شي..

كنت داخلة جمعية ب 500 ريال نسوي فيها اي شي للبيت...او نسدد بها دين

في بعض الأيام احتاج شي معين اجي عند الظرف بتاعه الاقيه مثلا مبلغ ما يكفي استلف من الظروف الثانية واكتب ورقة وادخلها في الظرف اللي استلفت له واكتب كم ومن اي ظرف عشان اسدده الشهر اللي بعده..

هذا كان اول وزمان اول تحول صارت لنا ظروف واضطريت اغير هالتقسيم وباذن الله راح اكتب التقسيم الجديد...

وياليت تشوفو موضوعي تقسيم الراتب روووووعه لراتب اقل من هذا بكثير وياليت تقرأو ردودي على البنات قبل ماتعترضين مثل البنات كلوني بقشوري.....

ماشاء الله تبارك الرحمن .. تقسيمك مدروس وروعه ..

واللي ابهرني ماشاء الله تبارك الرحمن هو تسديدكم للدين ..

ودي تقولين لي وشلون سددتوا دينكم لان علينا دين 35 الف ..

وراتب زوجي زي راتب زوجك ..

تسوين فيني معروف و الله ..

وترى منتظرين تقسيمتك الجديده ..

لا تبطين لان الراتب قرب وماودنا يطير مع ادراج الرياح
21-10-1430 هـ, 02:24 مساءً
 
اقتباس مشاركة  (سعوديهـ ذوق)
فديتك طلوله << اسم الدلع

ابشششرك قلبتها يمين شمال وضبطت الميزانيه ..

تدرين ماكسر ظهري الا تاثيث البيت لانه الحين ع البلاطه ..

وهالشهر حاطه ميزانيه للمطبخ .. لانه مافيه مطبخ البيت اللي استاجرناه

بس بتهون ان شاء الله .. واذا فضيت واستقريت حطيت لكم جدولي ..

لان جدولي كل شهر له سالفه وتقسيم .. زي ماقلت لكم عشان البيت ..








اي والله ماعاد رفعت الموضوع خخخخخخ

ولا يهمك باسوي لي بسطه هنا باترزق منها بابيع حلاو مصاص وجلكسي

منها رزقه ومنها ماعاد اطلع من هالموضوع




الله يقومها بالسلامه ولا يحرمك اياها .. ولا يهمك مثل مااسلفت .. راح ارفعه كل شوي لا تشيلين هم



ماشاء الله تبارك الرحمن .. تقسيمك مدروس وروعه ..

واللي ابهرني ماشاء الله تبارك الرحمن هو تسديدكم للدين ..

ودي تقولين لي وشلون سددتوا دينكم لان علينا دين 35 الف ..

وراتب زوجي زي راتب زوجك ..

تسوين فيني معروف و الله ..

وترى منتظرين تقسيمتك الجديده ..

لا تبطين لان الراتب قرب وماودنا يطير مع ادراج الرياح

شوفي ياعسل من ناحية الدين كنت ادخل بجمعية 1000 او 500 وكل ما جات على طول تسديد الدين

ووالحين انا انتقلت لمدينة ثانية الآجار فيها ضعف الأول والبيت مثلك يبي له تأثيث لكن قسمت تقسيمه بحيث اني ادخل بجمعية 1000 وماتوقف واذا جاء المبلغ تسديد دين لأن صار علينا دين بعد ما نقلنا وحطيت 1000 ترفع للظروف والطوارئ بس ترى لي الحين سنة بدون صالة حريم استقبلهم في المجلس او المقلط يعني ما اثثت الا الأساسيات بالبيت غرفتي والمطبخ والمجلس والمقلط لكن قلت اصبر لحد ما نسدد الدين ونكمل تأثيث ان شاء الله وانتظروني بالتقسيم الجديد لكن عندي اليوم ضيوف ممكن اكتبه بالليل او بكرة
21-10-1430 هـ, 04:17 مساءً
 
اقتباس مشاركة  (سندريللا 2000)
الشيماء جزاك الله خيرا اختي

فعلا تقسيمك رائع وواضح جدا ومرتب .. لكن انا مشكلتي بالفواتير لان عندنا اربع جوالات ..واثنين ثابت مع خدمة النت اقل شي تستهلكه هذي الفواتير اذا جمعناها 1500 حد اعلى و1300 حد ادنى.

طيب فيه سؤال يحضرني البنات المراهقات كم يكفيهم مصاريف ؟؟ مصاريف جيب ولبس وتكشخ وتزين .. قبل ما تزوج امي ماعندها غيري وكل ماطلبت شي ماتقصر معاي ابدا علشان كذا والله ماني عارفة كم اعطي بنتي المراهقة بحيث ماابي ينقصها شي عن زميلاتها وقريباتها ؟؟؟؟
وياك ياعسل

شوفي يالغلا حطي حد ائتماني لكل جوال يعني ما تتركينه تجي الفواتير ضربه والثابت بعد لكن الأهم في التقسيمه انك تسددين ماعليك كل شهر بشهره ما تتراكم عليك..

انا ما ادري عن ظروفك لكن 4 جوالات واثنين ثابت احسها كثير...
21-10-1430 هـ, 04:21 مساءً
 
صراحة اول ماافتح النت دغري عالم حواء والمشاريع وموضوعنا على طول

واليومين اللي راحت تعطل عندي الاتصال ونشكر الله على عودته ....

تقسيمات الاخوات نيراز بين الاطلال وكم واحدة رائعة جدا جدا حسيت اني مابعرف اقسم ميزانيتي

فعلا اشياء مدروسة والراتب قرب وبقسم ان شاء الله ...

بس على الله اللي عندي يستمر لانو يد واحدة ماتصفق....
21-10-1430 هـ, 05:02 مساءً
 


الساعة الآن 02:09 .