صباح الخير
بالنسبه يوم قلتوا سافروا بالحالكم اول ماتزوجت بعد فتره رحت انا وزوجي لشرقيه والبحرين وبعد مارجعنا بدا التلميح من زمان عنها ودنا نروح والجو حلو وسار في عطله عيد الاضحى زياره لزوجي لمصنع الشرقيه انا كنت حامل وتعبانه قالوا الا نروح وابد ارتاحي
وكنت مانيب رايحه بس زوجي قال اذا مارحتي منيب موديهم فااضطريت اروح عشانهم
وبعد سنه رحت ماليزيا وبدا الكلام اجمعوا عشان البيت الحرمه الصنعه ماتروح وتعيي على رجلها لاحظوا الحرمه بس الاهل عادي يروحون
وحصلت المفاجاه الكبرى دقوا علينا نبس فلوس يرسل زوجي لهم وقب لانسافر معطي امه 5000 وابوه 2000
حولنا لهم 10000 وسيده لابهل شهركامل وبسيارتنا بعد عشلني رحت ماليزيا وكنا قايلن انه انتداي لمده اسبوع وبنجلس اسبوع زود

السنه اللي بعدها كانت بنتي تعبانه وماسافرت هم تعودوا على ابها معد يقدرون على حر الرياض الله واكبر يلي كل سنه مصيفين في ديره ويروحون شهر ثاني لابها وكان فيه تقديم شغاله ورواتب متاخره يعني ماسافرنا بس لعبوا بحسبة الميزانيه


يعني اذا رحت انا رزوجي لازم نوديهم بعدين وزوجي ماعنده اجازات على كيفه لان شغله قمتة الاحباط والنكد هم الحين يبون مخيم ويبون الشرقيه


قد سمعتوا ان الولد يكون هو الاب الروحي لهم
هو ابوهم في كل شيء حتى لو يبي يشترون كيسه خبز
الحين من يطلع من الدوام يتغدى يريح شوي ويروح عندهم يشوف وش يبون مع ان عندهم في البيت ولدين واحد اكبر من زوجي وساكن معهم واحد اصغر واحنا ساكنين برا
يعني مافيه راحه ابد

وبالنسبه يوم اقول امي جايبه لي او اخوي يقعدون يكرهوني في نفسي ليش اخونا مايجيب لنا يعني العيب فيني مااخليه يجيب لهم

اتوقع مافيه نمط شخصيه معين الا كل الطلبات والغثه فيهم

وزوجي من النوع اللي مايبي يضيق صدر احد حتى على حساب نفسه يضغط في عمره عشان الناس

الله يهديهم ويخليه لنا


لدرجة يوم زوجي يدرس براء كل شوي يدقون يشتكون لين حامت كبده وضغط نفسه وانهبل عشان يرجع

متعلقين فيه مره مره هو ابوهم وامهم وسواقهم واللي يصرف عليهم وكل ابو شيء

الحين انا ابي اهج من الديره عشان ارتاح يقول الا بتكرهين عمرتس زود اهله وهم اخبر فيهم
كانوا يدقون عليع الشغاله اضربت والشغاله تبي راتب واخوك صدم واختم تهاوشت مع رجلها وكل المشاكل

انا بربرت واجد واوجعت عيونكم بس امري لله
والله يخليه لنا ولا يحرمنا منه

انا اي نمط شخصيه
لان كل ابو شيء فيني ناعرفت وش اصير
03-02-1431 هـ, 01:55 مساءً
 
يالله ردوا علي ارفعوا من روحي المعنويه
03-02-1431 هـ, 02:18 مساءً
 
ياحبي لك يالحلوة زوجك نمطه وااضح جدا جنوبي شرقي وفيه شوي غربي ....

اهل زوجك استغلالين لكن من رايي المتواضع الحل يبدا من زوجك مو منك لازم يكون زوجك عنده حزم ولازم يبين لهم هالشيئ وغالبا الرجل اللي اهله يحبونه وهو يخدمهم يغاارون من زوجته لانهم يحسون انها مشاركتهم فيه على العموم
اذا اخذنا مشكلتك من باب ترتيب الميزانية من رايي انه يخصص مبالغ معينة لهم في الاجازات

مثلا في الصيفية يعطيهم 5000 علشان يساعدهم على قضاء الاجازة .. في العيد يعطي امه فقط وحطي تحت فقط 120 خط ويقول لها تعطي منها البنات اللي ماتزوجوا مثلا 2000 ريال وبالنسبة للخدمة اقنعيه انهم اذا احتاجوا شيء يطلبون من البقالة والسداد يكون اول باول ولا ترى زوجك بيروح فيها ..
ويؤكد عليهم انه مافيه غير اللي اعطاهم وانه عنده التزامات اخرى .. طبعا انا ما اعرف ايش ظروف زوجك لكن اذا ربي فاتح عليه مافيه مانع يزيد لهم والعكس ايضا صحيح انه ممكن ينقص لو مايقدر على المبلغ .. لكن الغلط انه يساويك مع اهله في العطية لان ابوهم موجود وما عليهم قاصر فما يلزمه احد غيرك هو المسؤول عنك
من ناحية الاعتماد علي زوجك بكل شيء خلي زوجك يبعد عنهم 3 ايام فقط ويقول لهم لاحد يكلمني انا مشغوول ولا يبرر لهم انشغاله.. مشغوول وخلاص وبعيدين يروح لهم بيشوف انه الدنيا ماخربت خلال غيابه .. بكذا بيقتنع انهم لازم يعتمدون على انفسهم
اما من ناحية السفر انه لازم يكونون معكم هذا اكبر غلط لان الزوجة لها خصوصية ..

من ناحية اذا اشتريتي شيء لاتبررين من وين جايك هالشيء اذا شريتي جوال لاتقولين من اهلك او من غيرهم اسكتي وبس وحاولي انك ماتكثرين الاختلاط بهم نص ساعة او ساعة اسبوعيا معهم كافية جدا وبوجود زوجك ايضا علشان ماتعطينهم فرصة يسالونك هذا من وين وذا من فين
على العموم ترى مشكلتك حلها واضح جدا وحلها بيد زوجك فقط .
03-02-1431 هـ, 03:06 مساءً
 
اقتباس مشاركة  (نيــــــــــراز)
احمرت وجنتاي خجلا

يسلمووو عن جد قريت احترت وش انا فيني من كل بحر قطره قلت بس اكيد السبب كثرة العروق اللي فيني وكثرة تنقلاتي بين المناطق خلتني اكتسب من كل مكان صفه تتوقعي لها تاثير
حبيبتي انا ماقلت الا اللي لمسته منك من خلال كتاباتك وشهادتي فيك مجروحة

طبعا كثرة التنقل والعرووق اكسبتك خبرات لايستهان بها من خلال الاحتكاك والتعامل المباشر مع اصناف وانماط من الشخصيات المختلفة منذ صغرك فترك اثره على شخصيتك ولانك ميزك الله بالعقل والدين كنتي تمحصين كل شيء وتعرفين الصح من الخطا وواضح انه احد والديك او كلاهما متدينين او شخص متدين لصيق فيك من صغرك وكان له اثر كبير عليك .

اما كثرة التنقل فهذا يكسب الانسان المرونة في التعامل وحب المغامرة والاستمتاع بالوقت وهذا نمط الشخصية الغربية .
03-02-1431 هـ, 04:16 مساءً
 
يسلمو سندريلا

والله هالبوصله ما تخفى عليها شي <<<< شكلها بتتعلمها ههههههههههه

++++

الحلوه ام الحلوه
الله يكون في عونك يارب

غيرت في الرد لان الفكره اتضحت
03-02-1431 هـ, 08:05 مساءً
 


الساعة الآن 03:27 .