Analysis Services
الموضوع رائع وحساس وكثير ما نحتاجه والله
انا عندي صديقة لي زوجها راتبه على قده 3000 ومستاجرين شقة صغيرة في حي شعبي بي 1300في الشهر وعندها ولدين الله يحفظهم ويجي نص الشهر وماعندهم مصاريف كيف ممكن تقسمونها لها
اتمنى تساعدوها بافكاركم ولكم الاجر والدعاء
05-02-1431 هـ, 01:32 صباحاً
 
يابنات كلتوني انا مو قصدي بالفلوس الله يكثر خيره ويعطيهم بدل الاف عشره
انا منيب محتاجه عشان او متضايقه من الفلوس
بس ابي احس ان زوجي مسئول عنا مو عن العايله كلها والله انه احيانا مايفضى يتقضى لنفسه
انا اعرف ان هذولي اهله ولي مافيه خير لهم مافيه خير لحرمته
بس اولا اهله مو محتاجين ماديتهم احسن مننا مره ابوه نص البطحاء والديره له غير فله ياجرها الله يزيده
بس هم مايعتمدون الا علي زوجي مع ان فيه اثنين غيره وعندهم بالبيت وبعدين لو يسافربي لازم يوديهم هو احيانا يتكفل بالسفر من الى بس اخوانه مايرضون يودونهم اجل دراسته واثر على وظيفته عشان ارتباطهم به مان ماعندهم الا هم وهذا الصح بس ياليت يفيد
كل شيء يمدحون الثانين والرجلي سب فيه اشكل عيني عينك هذا يضايقه مرررره ويرفع ضظغط


انا يوم شكيت ماشكيت على الماده انا اهلي موب مقصرين عني لو احتج حتى البيت قالوا بشتري لتس
ورجلي بعد الله يخليه ماقصر ورايته بيضاء

بس اللي يقهرني مايبونه يملك لو ريال اجل محفظه الاسهم بمبلغ وقدره اخذها ابوه وارض مساحتها كبيره في الرياض خذها
الحين زوجي يقول لو اعمر بيت بياخذه

مو الحق هذا لي ولعياله
مو المهم انه يوفر بيت لبنته بعد عمر طويل
خصوصا ان شغل رجلي كله اصابات ومخاط اللهم اني استودعتك زوجي وبنتي واهلي ونفسي
كل يوم ميت عندهم واحد او منقطعه يده او رجله
انا ماطلبت منه شيء لي بس لبنته
انا اهلي مغنيني بس بنته ماعندها شيء

والحين ارضنا باسم خالي والمحفظه لها
وين حق بنتي موب ابوها وملزوم يصرف عليها
مو الصرف بس لبس واكل وسفر
ابي يامن مستقبلها بشه او ارض او فله
الواحد مايامن نفسه
لو اموت انا وهو من بيصرف عليها بيعطونها ريال مافيه امل الحين يكبون على عيال بناهتم وعيال ولدهم باهبل الله يهنيهم وبنتي ولا ريال يذكرونها به بس بنتي مو محتاجه الله يخلي لها ابوها
05-02-1431 هـ, 02:49 مساءً
 
الحلوة ام الحلوة

فاهمة عليك من ياحلوة .. لكن اقترحي عليه انه يفتح حساب باسم بنته ويوفر فيه كل شهر مبلغ خاص فيها

وغير كذا خليك انت ذكية واسحبي منه بجميع الطرق لما تجمعين لك مبلغ محترم وحطيها في عقار باسمك

اعرف شخص مثل حالة زوجك واهله وسبحان الله اصيب بمرض خطير وتوفى الله يرحمه ...

فاهله ما سالوا بعييال ولدهم ابدا حتى سكن زي الناس وسيارة ماوفروا لهم ...

مع انهم اغنياء جدا يملكون عقارات كثيرة لكن اللي راح فيها اعياله وزوجته اللي اهلها كانوا على قد حالهم

فانت حاولي تقنعيه انه لازم يمتلك شيء علشان اولاده وقولي له لو حصلك شيء ترضى ان اخوانك او اخواني يتصدقون على اعيالك ؟؟

وايضا اعرف شخص توفى الله يرحمه وشغله شراكة بينه وبين اخوه ... والله ان عمهم لهف فلوس اعيال اخوه وما اعطاهم شيء

الدنيا مالها امان وخصوصا بهالزمن هذا قليل الخوف من الله ..
05-02-1431 هـ, 03:36 مساءً
 
اقتباس مشاركة  (angelmoon)
بشور عليكم ياخوات انا لما رحت البنك اخر مره قالت لي شرايك تدخلين بصندوق اسمه ادخار استثمار يعني زي الجمعيه بس يستثمرونه لكن المشكله لمده عشر سنوات يستقطعون مني 600 ريال شهريا المشكله انا حاليا مو موظفه كيف اضمن اني بسدد لمده عشر سنوات ؟؟
الحين عمري 24 يعني بعد عشر سنوات 34 سنه لو انتم مكاني شبسوون وش تنصحوني فيه ؟؟
على فكره انا الحين اشتغل بمشغل لكن ماضمن بعد الزواج يخليني اشتغل او لا ؟
انا عاجبتني الفكره بس المشكله لمدة 10 سنوات ..
يعني شلووووووووووووون
05-02-1431 هـ, 11:10 مساءً
 
^^^^^^

يعني فيه ارباح تستاهل اخاف مثل الاسهم والصناديق خسرنا كل شي فيهاااا

كم قالوا ك الربح
بعدين انتي قلتي يمكن مقدر اسدد كل شهر شلون نجاوب ؟؟
06-02-1431 هـ, 01:09 صباحاً
 


الساعة الآن 10:18 .