وسيطــــرنــا على المصـــروف == كيف نسيطـــر على المناسبــات مثل الزواجات والجمعــات العائليه

وربي تطير جهد سنــه مو أشهـــر

- فساتين بالشئ الفلاني (والله مو غاليه زي بعض الزميلات اللي أعرفهن ).
- هديــه --حتى لو بسيطه.
- والجمعات العائليه بالآجازه شي ثاني مره حلووه وناسه بس تقص الظهر.

شوفي ياقلبي لازم تحددين بدقة ايش تحتاجين طول الشهر بالنسبة للمقاضي اناعندي عائلة كبيرة وبيتي كبير انزل كل اسبوع للسوبرماركت واخذ كل اللي ناقص على البيت مدة اسبوع من معلبات وخضار وفاكهة وحليب وبحكم عندي سائق يبقى البنزين مع حفاظات البيبي والحليب مع مصروف اليقالة اللي هو غالبا خبز وزبادي ولبن مصروفي اسبوعيا ضبطته على 500 ريال فقط ..

نصيحتي لك اضبطي حسابك اسبوعيا ودققي ورا الشغالة خصوصا بالمنظفات .

فعلا صادقة الله يعين .. بعض الاجتماعات اروح وما ببالي ان فيها قطة واتفاجا انهم بيطلبون عشا من برا ثم تدفعين مو مشكلة لو وصلت الى 50 ريال او اقل المشكلة انها توصل 70 ريال او مية والعشا مايكفي ..
عندك حفلات النجاح حضور الحفلة الوحدة تكلفك باقل الاحوال 150 ريال وملزومة اني احضر ثلاث حفلات على الاقل ..
ومرة حضرت حفلة بالصدفة واضطريت اني ادفع ايضا .

المناسبات العائلية اللي هي زواج احد الاقارب اذا ايشتري فستان جديد بيكلف اقل شيء من 500 الى 800 مع الملحقات اضيفي 300 للميك اب والتسريحة طبعا مو كل مرة بتروحي للكوافير لك لابد تمرين عليها .

الهدايا غالبا بتكون وقت الولادة لازم تاخذين هدية او شوكولاته وفطاير ... فعلا مصاريف مالها اول ولا اخر

انا لي فترةوانا اقرا بالموووضوع وفكاركم روووعة


انا لي اربع سنواات موووظة ما قدرت احقق اي هدف كل ما حوشت مبلغ محرزطارر بازمة مادية يااستقدام شغالة او زواج قريب

وانا لاحظت الي لاعب بالميزانية كثرةترددي علي السبور ماركت ياليت القالها حل عندكم

انتظر مساعدتكم خصوصا عيالي يدخلونمع السبور ويلخذون الاخضر واليابس

صدقتي ياسندريلا الشغالة أغلبهم هم أساس اللعب بالأغراض لدرجة الي تكفيك شهرين وانتي لحالك ماراح تكفيك 20 يوم مع الشغالات
عندك انا مثلا عنك انا مثلا اشتريت بالجملة من راتب شهر 10\ 6حبات كلوركس وشغالتي لها يومين وديتهاعند امي ابي افتك من وجهها شوي وانا هالتفترة مو محتاجتها جيت ابي اغسل دورات المياة اكرمكم الله لقيتها حاكة لي العلبة في الحمام نصها
وعلبة في المستودع مليانات موية والكلوركس قد خلصتها ومعبيتها مويه تلعب علي ومو أول مرة تسويها سبق وسوتها لي بالفيري
وغير كذا عمري ماشميت ريحة الكلوركس في المطبخ والا فالحمام لأنها تعبي الدنيا عملاق أخضر فصرت ماعاد أشتريه

وانا مستودعي مايتقفل وأطلع لها علبة كل يوم 15 وواعبي لها علبة حليب نيدو الكبيرة صابون لأن مشترية كيس وأقولها هاذي تجلس شهر و15 يوم وأذا خلص انتي تجيبين وانا عارفة انها ماراح تكفيها شهر و15 يوم بس قلت أقل الأحتمالات بكفي شهر
أثاري الأخت قد خلصت كل شي وعبي موية لأني اجي وأهز العلبة لأن اعرف الكمية من وزن العلبة في يدي


وقبل فترة رجعت من الدوام وبنتي الصغيرة تقولي ياماما الشغالة أخذت من الشامبو حقك أثاري الأخت شامبوها مخلص وتستغفلني اذا داومت وتتحمم من حقي بعد ماقالت لي بنتي بأسبوعين رحت السوبر ماركت وقلت لها هاتي فلوس اجيب لك شامبو
قالت مافية فلوس وانا توي معطيتها 4000الاف قلت لها توي معطيتك رواتبك قالت لا هاذاي ابقى أودي بيبي مافي حقي والقهر تقول لي انتي اول أشتري شامبو حقي مافي قولي هاتي فلوس شفتو أوقح من كذا ؟؟؟؟قلت لها انا اشتري لك لما كنتي كويسة بس الحين لا قالت خلاص مو لازم شامبو وهي شعرها طويييييييييييييييل واذا جلست يوم ماتحممت ريحتها تصك الراس قلت لهغا ريحتك شينه لازم تتحممين كل يوم والا عاجبك الشامبو حقي كل يوم تتحممين منه تفكرين انا مو عارفة وطلعت وتركتها وجبت لها شامبو هيربل اسنس ريحته حلوة وقلت لها تراى هاذا من راتبك

تخيلو يابنات حتى اذا جتها الدورة ماتطلب فوط وانا في البيت ماعندي ولا حبة لأني حامل وماادري وش تسوي والريحة تكوووون قرف لا يطاق كنا جايين الخميس الماضي من جدة سيارة ووقفنا بالطريق نصلي المغرب وماصلت سالتها على جنب انتي معاك الدورة ؟؟قالت ايه قلت ليش ماطلبتي فوط قالت مافيه شي بس خفيف وريحتها مقرفتنا بالسيارة وصلنا الييت ويوم الجمعه في الليل طلعت السوبر ماركت واشتريت لها فوط وتخيلو الى ظألحين مقفله مافتحتها



عطوني حل وأش تصرف معاها ؟؟؟؟؟؟؟ظى اقرفتني وسخة وبطيئة في الشغل وباقي لها 10 شهور وتذلف بس خسسسسرتني في كل شي أحسها تعاند وكل ماارسلتها تجيب شي تجيب عكسها معى انها تعرف عربي مضبوووووووووووووووط

وسبق وطلبتني تروح وتحججت بمرض بنتها ولما علمتها انها لازم تدفع لنا ثلاثة رواتب والتذكرة على حسابها رفضت تدفع لنا ودينها المكتب وترجم لها الأندنوسي كل الشروط وتراجعت عن الروحة وألحين احسها تتصرف كذا تبيني انا اوديها وشرايكم؟؟؟

ادري قرقرت واااااااااجد بس ماعندي غيركم بعد يسمعني