Analysis Services
ياااا حبي لك يا جلكسي مالح ترى الحال من بعضه وانا ختك

الدنيا تغيرت واحنا على ما احنا عليه لكن مثل ما قلتي الاعتراف بالخطاء وتغييرة افضل من الاستمرار فيه

ويدك على يدنا نساعد بعض عشان نرتب حياتنا ونشوف الي لنا والي علينا

والله اني اعرف نااس يبخلون على انفسهم لدرجه ما احد يتصورها وراوتبهم اقل اقل بكثيييييييير من رواتبنا وتعالي شوفي ارصدتهم بالبنوك واعيشين ويضحكون علينا من كثر صرفنا بجد شي يقهررررررررر
22-10-1430 هـ, 05:26 مساءً
 
ياكثر الغلطات الأملائية بموضوعي بس الله يعينك مافيني حيل أعدلها
22-10-1430 هـ, 05:30 مساءً
 
موضوع جدا ممتاز من الحماس كلمت زوجي وهو في الدوام وقلت له عن الميزانيه وقال لي ايه ان شاء الله بس مدري يسكتني ولا مقتنع
ولا اذا درى انها بتكون بيدي اخاف مايردني الا الدرجه بس اللع يعيني ويقويني اني اقنعه من جد تعبت من الطفره قبل لايخلص الشهر مطفرين


ولي طلب بسيط عند اختيraianh2007 اللقافه شبت في سبدي سديراويه عاد وش يشتغل زوجك بعرف ماشاء الله لاقوة الابالله
22-10-1430 هـ, 05:38 مساءً
 
اقتباس مشاركة  (raianh2007)
جالكسي مالح

الحمدلله على سلامة الوالدة الله يخليها لكم ويمتعكم بها ويرزقهاالصحة والعافية

مشكووورين يا الغاليات على طرخ تجاربكم

والغاليه نيرز مشكوورة على الدعوه

اخر التطورات اخيرا زوجي واافق يعطيني الراتب ابو 8000 الاف وانا اصرفه بمعرفتي بس طبعا تحت نظره يعني هو قال باعطيك لمده ثلاث شهور اذ نجحتي ولا سحبت منك كل الصلاحيات

الله يستر يا بنات والله من قال ذا الكلام وانا ما انام حسيت بالمسؤليه
ويم قسمته طلعت الفواتير اكثر من الراتب مدري وش الحل
بس سؤال لكم يا بنات انا جننتني فاتورة الكهرباء مدري احد مثلنا ولا وش السالفه

اقل شي 2000 ريال مع اني البيت كله طاافي بس نشغل ثلاث وحدات للتوم ومكيف جداري لغرفة الجلوس

وكل مرة اطفي اللبنات بس ما فيه فايده اشتكي زوجي وطلع كل شي تمام تتوقعون كل الناس مثلنا
ياعسل 2000 كثيييييييييييييير كانت تصير لي انا وزوجي ويوم سألنا قالو لنا الفاتورة تطلع كل شهر ويحسب الوات بكذا من الريالات خلينا نقول ريال يعني يحسبها العداد بريال اذا ما تسددت الفاتورة اول ما تصدر يبدأيحسب الوات دبل يعني بريالين وتصدر الفاتورة الثانية دبل وما تسدد يصير يحسبها ب اربع ريالات وهكذا الوات يضرب في 2 كل ما تأخرت في التسديد عشان كذا توصل الفواتير لهالمبالغ وانا خايفة بعد ان الاتصالات نفس الشي لأني ملاحظة كل ما تأخرت بالتسديد تزيد بشكل مو طبيعي لكن الكهرباء متأكده منها عشان كذا اول ما يجي الراتب اول شي نسويه نسدد الكهرباء والجوالات والكهرباء ماتتعدا ال 200 ريال|...

ملاحظة ...ماادري هو اسمه الوات اللي يحسبها العدادات والا ايش مو متأكدة المهم وصلت الفكرة
اقتباس مشاركة  (سعوديهـ ذوق)
اختي دندوش ..



اولا حياك حبيبتي .. بتجمعنا .. ويارب يكون فاتحه خير علينا وعليك ..

وعلى فكرة .. فكرتك من ناحيه بيع السيارة انا اشوفها جدددد ناجحه .. ومبلغ 55 الف ابدا مو بسيط ..

........

جالكسي مالح .. الله يبشرك بالخير .. والله اني فرررحت من صماصيم قلبي .. لاني ترى عانيت سنين مع امي الله يرحمها من المستشفيات والمراجعات .. الله يحفظها لك ويخفف عنها مرضها وتعبها .. ولا يحرمك برها .,.

اما من ناحيه اهدافي صراحه نفس هدفك الاول وعليه زياده حبتين .. انا تدرون وش اهدافي القريبه الى الابعد ..

1 .. هي تسديد ديون زوجي البسيطة من الناس وهذي ما تتعدى 6000 ..

2 .. تسديد الفيزا.. وهي تقريبا 3 فيز ,, وحده بـ [ 4000 ] وحده بـ [ 2000 ] وحده بـ [ 7500 ] .. محقت الراتب ونتفتنا تنتيف .. اكبر غلطة ارتكبناها بحق انفسنا وهي هالفيز ..

3 .. تسديد قرضنا وهو بحدود 65 الف حاليا .. ولو جمعنا وسددناه ممكن نقدر نسدده بحدود 35 الف ..

4 .. بيت الملك وهذا الشئ اللي بنلتفت له اذا رتبنا امورنا ..

طبعا في هالاثناء .. ومع الاهداف الاولى .. راح يكون فيه تاثيث لبيتي ..


وبس تعبت .. يازينكم والله انكم تحمسوني بششكل ماينوصف .. وربي لو تشوفون الدفتر اللي جنبي تفطسون ضحك ..

كل شارده ووارده اسجلها ..

وترى على فكرة يابنات .. لي اكثر من 6 شهور وانا احاول ارتب الراتب والمصروفات .. بس المشكله امورنا تتخربط ويضيع التخطيط بلحظة ..

مالقيت حل لهذا الموضوع ..
ياعسل عشان تحلون مشكلة الفيز لازم توقفونها وهذي اول خطوة للحل عن تجربة والله
22-10-1430 هـ, 05:56 مساءً
 
مشكوووووووووووورة اختي الشيماء

والله انا شااكه انه من التاخير لان قبل كم سنه ايام العز كانت الفاتورة ما تتعدي ال400 ريال بس يوم فقرنا وقل الراتب صارت تضرب العالالي يا ربي كانها والزمن علينا بس الظاهر اننا ناخرها واحنا ما ننتبه كله نبي نوفر نقوم ما نسدد طبعا هذي خطه زوجي المصون يخلي كل شي يتراكم مثل الي يقول طنش تعش تنتعش

لكن ولا يهمك من الشهر الجاى باجلس للفاتورة عند باب البيت ههههههههههههه ويا روح ما بعدك رووح لازم اوفر للمستقبل

.....................

الغاليه الحلوة ام الحلوة

انا شاكه انك بنت اختي ههههههههههههههههه
لكثرررة الطلب لمعرفة مصدر الراتب المجهول راح اقول لاني بصرااحه ما لي خلق على الخاااص ما عندي وقت ابي افور حتى الوقت مو المااااال هههههههههههه طق عقلها

زوجي مشترك مع واحد من اهلنا بمشرووع تكساي ولزوجي نسبه والنسبه ذي هي المعنيه بالراتب الثاني

اما راتب ال8000 الاف فهذ شقى عمرنا يعني راتبنا الحقيقي

وسلامة قلبك يا السدراويه


ومعكم في الحل والترحااال

يا رب نقضي على الديون ونوفر من رواتبنا

يا الله يا بناات كل وحده تقول وش اخر التطورات معها خل نستفبد
22-10-1430 هـ, 08:33 مساءً
 


الساعة الآن 10:44 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏