مساء الخيرات
قبل فترة بسيطه فكرت في مشروع بسيط اقدر اساعد فيه زوجي وبديت طبعا جبت بضاعه متنوعه اقترحت علي زوجة خالي الله يجزاها خير انها تسوقلي بدون مقابل لانها مدرسه تقول دائما يجيبون بضاعه المدرسات ونشتري الي يصلح انا صورة لها الاغراض الي اقدر اجيبها وارسلها لهم ويختارون واوفره على طول لاني ماابي اشتري وما تروح واتوهق المهم تحمست اوفر لهم كل جديد وارتفعت معنوياتي حسيت اني ***** الله بابدا في التجاره الطامة الكبرى جت وحده من المدرسات الله يهديها وقالت لهم انا بوفر لكم كل الي تجيبه لكم وخذوه مني باقل من سعرها دقت علي زوجة خالي وقالتلي صراحه تحطمت وضاق صدري سبحان الله الرازق في السماء والحاسد في الارض المشكله ان اسعاري مره رخيصه ارخص من السوق ومن النت بس مدري وش الحكمه عندها قالت لها زوجة خالي هي محتاجه وتترزق الله لكن انتي وش بتستفيدين وش رايكم اكمل مشواري والا اواصل ابي مشورتكم
انا من رأيي انك تستمري والرازق الله بس نوعي في بضاعتك شوفي ايش اللي محتاجينه اكثر وتقدرين توجديه والله يوفقك ويفتح عليك ويسر امورك في الدنيا والأخرة ويفرج همك ويرزقك من حيث لم تحتسبي امين يارب العالمين
الله يجزاك الف خير دعوات تثلج الصدر لاعدمناك
اختي حوريه
دوريلك اكثر من وحدة يعني لا تعتمدين على مرة خالك
حتى لو صار اي ظرف ماتتعطلين
ونوعي في بضايعك
استغفر الله


السلام عليكم

الله يجزاكم خير يابنات فعلا استفدت كثير من هالحملة..

ومابالغ لو اقول 70% من طريقة صرفي تغيرت ولله الحمد..

والحلو في الموضوع اني يوم وفرت 300 ريال من مصروفي الشخصي شريت لي فيها(ميني ماركت) يعني بسطة صغيرة شيبس وشوكولاتة وعصيرات وخليتها في بيت اهلي لأن ماشاءالله عددهم كبير وماجنبهم بقالات وفوق هذا يجونهم ضيوف من الصغار بشكل دايم ولله الحمد تقريبا لي شهرين واموري ماشية تمام..

وطبعا المبلغ اللي آخذه من الربح ماأصرفه مخليته على جنب واشوف ايش بسوي فيه بعدين..

واحلى شي سددنا تقريبا 50% من ديوننا المتراكمة خلال سنوات وبالنسبة لي هذا انجاز عظيم وبرضوا سددت الفواتير اللي كانت متراكمة لشهرين او ثلاثة ..وكل هذا بفضل الله ثم فضلكم..ايه ونسيت اقولكم من الأشياء اللي كنت شايلة همها هدية جارتي ساكنة في بيت تمليلك واعطيتها مبلغ صغير اللي ربي قدرني عليه من مصروف الأدخار..

ماتتخيلون وشلون انا مبسوطة كنا وين وصرنا وين من عقب اول نستلف حتى قبل نص الشهر الحين ولله الحمد عندي اللي يكفينا لنهاية الشهر بأذن الله..
بس طبعا كل هذا صار مو من راتبنا ..طبعا مستحيل احنا استلمنا بدل السكن وعلى الراتب وانا طلعت لي جمعية صغيرة ومنها قدرنا نسوي هالشغلات يعني على الأقل نظمنا امورنا للشهور الجاية..
وبرضوا يابنات جبت اغراض البيت اللي ماتخرب بالكراتين وتقريبا كلفني 3000 ريال واتوقع انها تكفيني لشهرين وثلاثة ويمكن اربعة بما ان انا وزوجي بس بالبيت..وبصراحة قمة في التوفير واريح من روحتنا للسوبر ماركت كل شوي ومستحيل اذا نزلت للسوبر ماركت راح نتقيد باللي نبيه بس اكيد بنشتري شغلات منا ولا منا ..

ادعوالي ان ربي يتمم لنا على خير ..وقولو ماشاءالله>>>حشى كني مخترعه الذرة
اللهم ارحم نفوس تتألم..ولاتتكلم
رَبيً آلْهَمنيً لْقًدرة عَ تقّبلْ مآ لـآ آستطييعً تَغييرهـَ


الساعة الآن 08:38 .