اليوم اتصفح اطباق حواء وفيه وحدة من البنات منزلة مقاضي البيت بجدول

والصراحة اعجبتني الفكرة وممكن تضيفين اغراض تبينها وممكن تحذفين اللي ماتحتاجينه

وقلت يمكن البنات هنا يحبون يرتبون مقاضيهم فحبيت انزل لكم موضوعها

وهذا الرابط

http://forum.hawaaworld.com/showthread.php?t=1871566
23-10-1430 هـ, 04:20 مساءً
 
هلا بالبنات كلهم
قريت الموضوع كامل واستفدت من تجاربكم واقتراحاتكم واللي حبيبت اضيفة هو تجربتي في عالم التسوق والشراء بعد ماتزوجت وخصوصا بعد ماجهزت<<< تلاحظون طلعت عن الموضوع بس يمكن كلامي يفيد البعض لما فتحت دولابي لقيت اني اشتريت بلايز حلوة بس مالها بنطلون او تنورة اشتريت بنطلونات شيك بس مالها بلايز تناسبها او اشتريت فستان بس كل مالبس جزمة عندي ماتناسبة الخلاصة من هالمقدمة انه لما تطلعي تشترين ملابس اول ماتعجبك القطعة شوفي هل عندك لها جزمة وشنطة تناسبها وهل بستفيد منها باكثر من مناسبة يعني فكري بالاستفادة من القطعة مو بس لانها حلوة اشتريها .. يعني فيه اشياء في السوق كيوت وحلوة بس ماتنلبس الا في مناسبات معينة حدها جمعة بسيطة او اذا جاك ناس في البيت فتمر سنين وانتي مالبستيها .. شوفي انتي وش طلعاتك ومناسباتك ومجتمعك واشتري على هالاساس .. حاجة ثانية اذا انتي تحبي تظهرين بالمظهر اللائق بس بدون انفاق مبلغ مالي كبير اشتري فستان سعرة معقول او رخيص نوعا ما بس اشتري له اكسسوار غالي وشيك يرفع من شكل وقيمة الفستان .. لية الاكسسوار دفعنا فية اكثر لاني ممكن البسة على اشياء كثيرة ولاكثر من سنة لان موديلات الاكسسورات ماتتغير بشكل كبير .. استغلي شهور التخفيض مثلا الماركات العالمية تبدا من شهر 10 تخفض ويصل الحد الاقصى في التخفيض في شهر 1 فممكن تحصلين على قطع حلوة وباسعار الملابس الرخيصة كمان ممكن في وقت التخفيض تفتحين دولابك وتشوفين وش النواقص وتشترينها بموسم التخفيض بدال ماتدفعين دبل سعرها في الايام العادية .. فية اشياء ماتشرينها غالية لانها ماتختلف كثير من المحلات الغالية والرخيصة مثلا ملابس البيت انا معتمدة على سيتي ماكس نفس موديلات لاسنزا بس الاسعار ارخص بكثير ملابس الاطفال العادية للزيارات البسيطة اقرح H&M اشياءة حلوة وعلمية .. كمان اللي يحبون المواعين سيتي ماكس عندهم شغلات للمطبخ والحمام وانتم بكرامة مرة حلوة ..
بصراحة هذا الاشياء اللي حسيت قللت من مصاريفي شوي واذا خطرت لي اشياء ثانية بكتبها لكم
يمكن كلامي يكون بعيد شوي عن الامور الاساسية في التوفير بس ممكن احد الاخوات تفيدها ..

وبالتوفيق للجميع
23-10-1430 هـ, 04:22 مساءً
 
هلا فيكم يا احلى اقتصاديات

اممممممممممم انا اقترحت على سندريلا لاني اعرف عشق المواعين اللهم لك الحمد احسين بجنون اذ شفتي شي حلو

عشان كذا اقترحت الاقتراح لكن لازم تنتبه للاولي فاللولي وطبعا ما تشتري مواعين الا اذ حست انها محتااجه لهم مثل مواعين الضيوف والاستقبالات

ومشكوووووووووورين على المتااابعه بس بين الاطلال والاخت نيرزا وينهم اختفوا عسى المانعه خير

بنات لا تخلون شي كل شارده ووراده حطوها عشان نستفيد من تجارب بعضنا
23-10-1430 هـ, 04:27 مساءً
 
حيااك اختي مدام جديده بالعكس تجربتك تفيدنا كثير احنا وش طير فلوسنا الا الملابس والتشري على غير سنع بس تعجبنا القطعه اشترينها وجلست بالدولاب ما تنلبس الا بمناسبه او مناسبتين

لازم الوحده تفكر قبل لا تشتري اي شي ان شالله مصاصه احنا وش طير فلوسنا الا قلة التفكير بس نشتري وبس ونستهين بالقليل مع انه يطير الكثير

وعلى رائ جدتي الي ما يمسك القليل ما يمسك الكثير صدقت والله
23-10-1430 هـ, 04:35 مساءً
 
اهلا مدام جديدة فكرة تبسيط الفستان والتركيز على الاكسسوار رائعة

اختي ريانة فكرة تكميل مواعين الضيوف وتحطينها بدولاب لحالها حلوة ...

لكن بعد ما اخلص الاساسيات اللي مابعد كملتها في بيتي

عندي الخطة القادمة تجديد ستائر غرف النوم ..

تفصيل غرفة جديدة لبنتي علشانها كبرت وابفصلها بغرفة مستقلة عن باقي اخواتها
23-10-1430 هـ, 04:40 مساءً
 


الساعة الآن 03:27 .