السلام عليكم يا غاليات
حبيت أطل عليكم ما استغنى عن الطلة
نيراز
مكاوية
الطموحة
ما قصرتوا يعطيكم العافية ولا يهونون الباقيات...الله يلهمنا جميعا رشدنا ويقينا شر أنفسنا
السلام عليكم ورحمة الله وبركاته
والله أنا أشكر صاحبة الموضوع ( dalia.dream ) لها الفضل بعد الله عز وجل في إنطلاق الحملة الرائعة
والصفحة الأولى أنا طابعتها عندي لانه كلام قيم وثمين فالحكمة ضالة المؤمن أنا وجدها فهوا أولى الناس بها .
بارك الله في جهودها وأثابها بكل حرف خيرا وإحسانا ..
وشكرا لكل الأخوات الرائعات ومشاركاتهم القيمة .
سلمت يداك مكاوية موووت
والأموره الحلوه
وصعب اختصاري
والمتفائلة
وسندريلا2000
وشجرة الدر
على الردود الحلوة والله لايحرمنا منكم
وينك نيراااااز ننتظر الإبداعاااااات ...
قولولي بنات كيف أحط توقيع في إسمي وشكرااا لكن
وعلى الخير نلتقي
أهلين حبيباتي أبغى أطل كل يوم عليكم .أخبااااااااااا ركم
صراحة المثبطين كثير فأنا صراحة أحاول أطقطق في البيع مثل الملابس والأشياء اللي أحسها غريبه وحلوه ولكن كثير كانوا يرمون بعض الكلمات المحطمة لكن مع ذلك أتوقف فتره ثم أرجع أستعيد قوتي فكنت أحياناً أقولهم أن البضاعة جايبتها من حرمه أعرفها وأنا ما كذبت فبكذا يشتروا بدون تجريح أو أحراج لان بعضهم يتأخر بالتسديد فأقول إني دفعت لصاحبة البضاعة الفلوس فلاتتأخرون علي بالتسديد هذا للتمويه إن البضاعه ماهي تبعي وبديت أتعامل مع زميلاتي اللي لهم بالبيع والشراء فأعطيهم يمشون بضاعتي وأنا أمشي لهم بضاعتهم وأحاول أني أكتسب من اللي تبيع في الإجتماعات طريقة عرض البضاعه وإقناع اللي حولي بالشراء .
هذا بعض مالدي لاني توي جايه من إجتماع وراسي يوجعني بعد عرض بقايا بضاعة الصيفي من العام وبعض الشغلات اللي عندي.
وبالتوفيق للجميع.
اللهم إكفني بحلالك عن حرامك وأغنني بفضلك عمن سواك.
سبحان الله
اقتباس مشاركة  (الأمورالحلوه)
السلام عليكم
كيفكم احبتي
انا دايم احب اقرا للبنات الكرام بدون ذكر اسماء رغم ان فيه بعض البنات من اشوف لها رد اجلس اقراه لانها تكتب حكم وتجارب
انا ابغى اشاوركم في حاجة
مشكلتي الاسراف في الفاتورة توصل مبالغ 400 شهرين واجد علي وش الحل
انا جوالي اتصالات واللي حولي اتصالات مشكلتي ما ينفع احول موبايلي خلصنا من هذي النقطه
النقطه الثانيه وش رايكم احوله سوا يمكن يحد من الاسراف شوي واحط للي مبلغ معين مثلا 100 ريال اقسنها على اسبوعين كل اسبوعين 50
زوجي يقول المشكلة مو في نوع الاتصال المشكلة في اللسان؟؟؟؟؟
من جربت
هلا مراحب ياقلبي

شوفي اول شي الفاتورة العام ماتتحول سوا قبلك زوجي بغى يحول يقولوا مايصير من فاتورة لسوا يتحول

ممكن من سوا لفااتورة يسير هذا شي

الشي الثاني خففي من الكلام والرسايل اللي مالها داعي وعندك نقاط قطاق تخفف كثير اقولك كيف طريقتي

شهرين احطها دقائق مجانية وشهرين احطها على مبلغ الفاتورة وبكذا انا استفدت وخفضي الحد الائتماني خليه

300 ترى ماحد نافعك الا فلوسك والكلام الزايد ماله داعي تقبلي مروري
اقتباس مشاركة  (صعب أختصاري)
وااااااااااااه أخيرا خلصت الصفحات


كيفكم يا أحلى خوات ***** الله بخير

أنا قبل لا أتزوج يعني من أيام الكلية وأنا أ حب أستفيد من المكافأه وسبحان الله كان فيها بركه كنت أشتري ذهب هدايا لأخواني المهم ما تروح بخرابيط...

أتزوجت رجل مسرف يحب يدلع نفسه عايش يومه وبس ...بس للأمانه مايحب الدين ولا القرض أشتغلت في المدارس الاهلية فترة بسيطة ودخلت جمعيات وطلعت بمبالغ مره حلوه ..راحت كلها في أثاث للبيت بعدها طفشت من التدريس والدوام ...أشتغلت مندوبة في شركة تجميل توسعت وصرت قائدة لمجموعة كبيرة من البنات..مسكت عمل مكتبي فتره وبعدين صار أختلاط وتركته. ..جاني أطفال ولهيت معهم كبروا وبدأ الملل والبحث عن مصدر رزق ..زوجي مو مقصر علي الحق يقال لكن أبغى فلوس في يدي
جربت جميع أنواع العمل حتى المصانع أشتغلت فيها والبازارت كمان ههههه والله كلوا
بس أنا طبعي ملوله وما أحب الربطه لأني أسافر دايم ..
أفكر حاليا أني أبدأ عملي من البيت...... فكرت وفكرت وفكرت ويا كثر مافكرت
أشتغلت فتره بسيطه ببيع الحلويات بس على قولة نيراز هذي يبيلها مجهود جسمي
وعالم تسوق ودعايه كبيره ..مع أنه المنطقه اللي أنا فيها العالم تشتري بالهبل
أنا ساكنه في مجمع فكرت نفتح ميني ماركت صغيرة المبنى موجود بس شغلتها شغله
لازم سجل تجاري وحكاية أو أحط النطيطه اللي تنفخ يلعبوا فيها الاطفال...
المبلغ اللي عندي بسيط ودي أستثمره عشان أشتري ارض وبعد كم سنه أبيعها وهكذا
فكرت بعد بموضوع الذهب أشتري جنيهات وأصبر عليها بعدين أبيعها ....


أدري أني طولت عليكم بس محتاره ومحتاجه مشورتكم

ماشاء الله تبارك الرحمن اهنيكي على كفاحك ووقفتك جنب زوجك ماشاء الله

بالنسبة للمبلغ حلو استثمار الذهب فيه فايدة كبيرة بس شوفي الذهب الحين مرة غااالي


الساعة الآن 03:47 .