اقتباس مشاركة  (الطموحه2)

ومثل ماقال الشيخ ابراهيم بو بشيت جزاه الله خير
أننا صرنا نسكن مالا نملك , ونركب مالا نملك , ونأكل مالا نملك , ونلبس مالا نملك
في حين إن القاعدة الإسلامية في الصرف هي بمعنى الآية الكريمة لينفق ذو سعة من سعته
فلماذا الإنسان يتخطى حدود راتبه في الصرف ..!!!!
هاه وش رأيكم ياغاليات ؟ كل وحده تدلي بدلوها في الموضوع , حتى نفيد ونستفيد , ونشوف أسباب هذا السرف , ومظاهره , وكيف نعالجه ؟؟
وعلى الخير نلتقي
هلا فيك اختي كلامك اكثر من رائع وخصوصا كلمة شيخنا ابراهيم بوبشيت من جد في الصميم..

واعتقد هي اختصار لسبب الأزمة المادية اللي نعيشها ..اغلب العالم صارت تعيش بالمظاهر..وانقلب ت الموازين يعني الضروريات صارت كماليات والكماليات صارت ضروريات بمعنى ..

ناس كثير ساكنين بشقق آيجار وتلقينهم يسافرون تقريبا كل سنة واقلها راحوا لك البحرين ولا دبي على قولتهم حذفة حصى ..>>>>وكل هذي يبيلها ميزانية ..هذا غير اكل المطاعم والروحه والجية والشاليهات ..والحين طايحين لنا بالبلاك بيري..ولو قلتي لهم ورى ماتحوشون للبيت يقولون من وين ياحسرة..؟ يعني كل هالصرفيات اللي قلتها من قبل ماكانت مهمة ابد ..وكلن يدور على البيت الحلال..بس هالحين غير ..


اقتباس مشاركة  (مكاوية مووووت)
وبعدين بطلت من سالفة الاجار وسرت اجيب بالخفاء اشياء عينية زي السلاسل اللي قلتلك عليها وسرت اجيب

صابون مغربي بالخلطات والحمدلله نجحت وقدرت ابيع اول طلبية بسهولة ماشاء الله والحمدلله رجعت وطلبت طلبة تانية

ودحين راح اجيب اكسسوارات مرة حلوة وراح ابدا فيها باذن الله هذا الاسبوع وبحكم اشتراكي في نادي رياضي

علاقاتي راح تكون اكبر وماشاءا لله البنات اللي معايا في النادي مرة حبوبات ويشتروا ويشجعوا الحمدلله

وخلاص قلت اجيب اشياء زي كده حتى هو لو شافها مايفتح فمه لافيها شغل في البيت ولا شي خليها على الله

الله يوفقك يارب ويفتحها عليك ..



اقتباس مشاركة  (صعب أختصاري)
وااااااااااااه أخيرا خلصت الصفحات


كيفكم يا أحلى خوات ***** الله بخير

أنا قبل لا أتزوج يعني من أيام الكلية وأنا أ حب أستفيد من المكافأه وسبحان الله كان فيها بركه كنت أشتري ذهب هدايا لأخواني المهم ما تروح بخرابيط...

أتزوجت رجل مسرف يحب يدلع نفسه عايش يومه وبس ...بس للأمانه مايحب الدين ولا القرض أشتغلت في المدارس الاهلية فترة بسيطة ودخلت جمعيات وطلعت بمبالغ مره حلوه ..راحت كلها في أثاث للبيت بعدها طفشت من التدريس والدوام ...أشتغلت مندوبة في شركة تجميل توسعت وصرت قائدة لمجموعة كبيرة من البنات..مسكت عمل مكتبي فتره وبعدين صار أختلاط وتركته. ..جاني أطفال ولهيت معهم كبروا وبدأ الملل والبحث عن مصدر رزق ..زوجي مو مقصر علي الحق يقال لكن أبغى فلوس في يدي
جربت جميع أنواع العمل حتى المصانع أشتغلت فيها والبازارت كمان ههههه والله كلوا
بس أنا طبعي ملوله وما أحب الربطه لأني أسافر دايم ..
أفكر حاليا أني أبدأ عملي من البيت...... فكرت وفكرت وفكرت ويا كثر مافكرت
أشتغلت فتره بسيطه ببيع الحلويات بس على قولة نيراز هذي يبيلها مجهود جسمي
وعالم تسوق ودعايه كبيره ..مع أنه المنطقه اللي أنا فيها العالم تشتري بالهبل
أنا ساكنه في مجمع فكرت نفتح ميني ماركت صغيرة المبنى موجود بس شغلتها شغله
لازم سجل تجاري وحكاية أو أحط النطيطه اللي تنفخ يلعبوا فيها الاطفال...
المبلغ اللي عندي بسيط ودي أستثمره عشان أشتري ارض وبعد كم سنه أبيعها وهكذا
فكرت بعد بموضوع الذهب أشتري جنيهات وأصبر عليها بعدين أبيعها ....


أدري أني طولت عليكم بس محتاره ومحتاجه مشورتكم
ماشاءالله ..عجبني حماسك واصرارك على مواصلة العمل ايش ماكان..الله يبارك لك ويوفقك يارب

وبالنسبة للجنيهات كثير يمدحونها بس المشكلة الذهب جدا مرتفع ..يعني تهقين راح يرتفع اكثر من كذا ؟؟اتمتى البنات يفيدونك بهالمجال
اقتباس مشاركة  (المتفائله ؟؟)
السلام عليكم ورحمة الله وبركاته.....
كيفكم يابنات ياوجه الخيروالله العظيم أني أستفدت من ذي الحمله كثيروأنا وضعي ولله الحمد كل ماله للأحسن وزوجي الحمدلله أشترى تاكسي عشان زيادة الدخل والحمدلله الحين قاعده أنقل في شقه صح انها صغيره بس أحسن من غرفه أنا وعيالي عند أهل زوجي صح أنهم ماقصرو بس الحريه حلوه بس أبغاكم تساعدوني يابنات نفسي أصبغ الشقه بويه أيش أحسن شي عشان عند عيال صغار أبغى شي ينمسح لأن بويتها قديمه وبشتري دولاب للمطبخ وكنب ودولاب للملابس لأن البيت صغير غرفتين وصاله وماني عارفه كيف راح تكون طريقة الصرف وكيف راح أشتري المقاضي ابغى جدول بالمقاضي الي عندها خبر لتقصر يعني أبدأ أشتري أول شي أيش وأيش المهم ساعدوني
ومكاويه مووت خساره انك ماكملتي موضوع الاجارماشاء الله أهلي كلهم بمكه كان سويت لكي دعايه وأن كان على صديقتك كل الي سويتها معاها صح انك حافظتي على النعمه وصديقتك أنصحيها وخلاص الله يهديهاوالي سويتي مع بنات عين العقل أنا كذا لما أروح مجمع ويطلبوني عيالي فشار أشتري لهو واحد كلهم سواياكلو يزيد بدل كل واحدلحاله على أيش الفسقه الزايده حرام كل هذا محاسبين عليه والطموحه كلامك كلو صح100%رضا الناس غايه لاتدرك الواحد يسوي الي يقدر عليه وخلاص وتصبحون على خيربقوم أرتي أغراضي الله يعينني ويساعدني
ونيراز الله يسعدك متى بترجعي السعوديه بالسلامه

ماشاءالله مبروك عليكم التاكسي والله يرزقكم من اوسع ابوابه ..

اقتباس مشاركة  (محبة التجديد)
أهلين حبيباتي أبغى أطل كل يوم عليكم .أخبااااااااااا ركم
صراحة المثبطين كثير فأنا صراحة أحاول أطقطق في البيع مثل الملابس والأشياء اللي أحسها غريبه وحلوه ولكن كثير كانوا يرمون بعض الكلمات المحطمة لكن مع ذلك أتوقف فتره ثم أرجع أستعيد قوتي فكنت أحياناً أقولهم أن البضاعة جايبتها من حرمه أعرفها وأنا ما كذبت فبكذا يشتروا بدون تجريح أو أحراج لان بعضهم يتأخر بالتسديد فأقول إني دفعت لصاحبة البضاعة الفلوس فلاتتأخرون علي بالتسديد هذا للتمويه إن البضاعه ماهي تبعي وبديت أتعامل مع زميلاتي اللي لهم بالبيع والشراء فأعطيهم يمشون بضاعتي وأنا أمشي لهم بضاعتهم وأحاول أني أكتسب من اللي تبيع في الإجتماعات طريقة عرض البضاعه وإقناع اللي حولي بالشراء .
هذا بعض مالدي لاني توي جايه من إجتماع وراسي يوجعني بعد عرض بقايا بضاعة الصيفي من العام وبعض الشغلات اللي عندي.
وبالتوفيق للجميع.
اللهم إكفني بحلالك عن حرامك وأغنني بفضلك عمن سواك.
ماشاءالله عليك الله يوفقك بتجارتك ..وبالنسبة للناس اللي يلطشونك كلام او حتى نظرات ..صدقيني لو الموضوع حاصل لهم كنتي تشوفينهم يزاحمونك على البيع بس ماعليك منهم..توكلي على الله وربي يسهلها..وسبحان الله فيه ناس بس حسد فيهم يعني تخيلي ..انا مسويه لي (ميني ماركت)خخخخ طبعا هي بسطة صغيرة بس انها مكشختها ومسميتها ميني ماركت ..المهم يوم الأربعاء نجتمع في بيت جدي ويصير البيت مليان ماشاءالله وعاد ولد اختي هو اللي يدير البسطة ويوديها هناك..والله لو تشفين بعض الناس وشلون في عيونهم الحسد لك ..وليتهم بس على النظرات ..لا وتقول بالفم المليان الأسبوع الجاي بجيب معي بسطتي واحرق عليكم شغلكم.. ليه مدري ..؟

اقتباس مشاركة  (نيــــــــــراز)
تسلمي مكاااويه


بس ما عندك عذر انا جبت الاحواض عشان اللي ما عندهم احواش


يعني عندك سطح استغليه

عندك بلكونه استغليها

اقل شي عندك مساحه ناحيه شبك المطبخ جيبي الاحواض الصغيره ودقي المسامير على السقف اللي تجيك منحنيه وعلقي فيها الاحواض اللي كانها سلال بيضاء وازرعي فيها

ههههههههههههههه ههههههه

ماراح اعطيكم عذر لازم تزرعون ههههههههههههههه ههههههه
نيراز فكرتك رائعة وفعلا من سنتين طبقتها بالنعناع والكزبرة وكانوا جاراتي يجون مخصوص عندي يشربون شاي بالنعناع..مع اني ساكنة بشقة ولكن عندي مساحة مع كل شباك والله ابوي الله يجزاه خير اعطاني من الشتلات اللي هو زارعها في حوشهم واعطاني احواض وفعلا مافي اسهل من كذا ..ويارب يرزقني في بيت ملك واسوي حوش وازرع فيه على كيفي..

واذكر جارت اهلي الله يرحمها سورية وعاد انتي تخبرين السوارية ماشاءالله عليهم يموتون عالزرع كان عندها نافورة اللي تنحط في وسط البيت الشامي الشعبي كنك عرفتيها ..وحوالينها كانت حاطه اصيص وزارعة فيه فراولة وكان شكلها خيااااااال من جد ..وكنت وقتها اول مرة اشوف نبتة الفراولة..وكانت برضوا زارعة ترنج(الأترنج) وكان رائع ..

عاد لو اقولكم ابوي وش زارع ماراح تصدقون..تخيلي زرع مانجا والكل صار يضحك عليه ويقولون له المنجا ماتزرع عندنا ..ولكن سبحان الله بعد 10 سنوات من الأهتمام ..وابوي طبعا مايأس صارت تثمر ماشاءالله وطبعا المنجا هندي ..وصار ماشاءالله كل صيفية يوزع على العيله كلها ..ياحبي له كريم ..ووالله وفر علي صندوق المنجا اللي في بداية الصيف يطق 50 او 45 ....وطبعا موضوع الزرع ماراح ينتهي لو بنحكي>>>>والله انك طلعتي المواهب الدفينة

اقتباس مشاركة  (احتياجي قلب)
أبشركم ياأخواااات اني سددت الفيزاااااا الى غير رجعه بإذن الله

لي خمس سنوات ماقدرت افتك منهاااااا

ان شاء الله يتبارك راتبي قولو أمين
الله يبارك في راتبك وزين ماسويتي..

اقتباس مشاركة  (الرمق الأخير)
انا جداااااااااا عجبني الموضوع وان شاءالله الكل الى الان مستمر في الادخار والافكار الحلوة
احنا اسرة صغيرة زوجين وطفلين 3 و2 سنتين والله يهديهم ويحفظهم يارب
راتب زوجي 2300 تقريبا فقططططط
يستقطع نه 1000 للجمعية وعايشين في اجار ب10.000 ريال في لاسنه
وماعندنا سيارة مع الاسف
وهذا انا اتاجر فيالنت والحمد لله كبرت اشوي وراح اعرض تجارتي الرومنسية والمضيئة والمنوعه هنا على خير انتظروني (دعايه خخخخ)

المهم افكر اقتصد اشوي على الاقلللاجار وخاصة انه قريب ولاعندنا ريال
حساب زوجي على طول صفرررررر

وين ياحسرة ............الحمد لله رب العالمين
قررت اني افتح حساب وفتحته وقمت احط فيه فايدة بضاعتي بس زوجي الله يهديه ياررررررررررب يسحب حتى لو مدري
غيرت الرقم السري وزعل؟؟؟؟؟؟؟!!!!!!!! !!!

المهم قلت له لابد من التوفير ورانا اجار صبرك على نفسك ولاصبر الناس عليك

والسيارة محتارين فيها كثيرررررر
ودنا ناخذ مستعكله بس بالمقابل ان شهريا تصليح تقريبا نص او ثلثين مبلغ الجديدة بالشهر

فمحتارين وخايفين ننضغط ؟؟

الحين بعد الاجار في رمضان ومحتارين والله كثيررر فيه
قلت له هذه شغلتك فكر فيها لحالك

المشكله اني اشوفه مبرد بس اخذت عهد على نفسي اني اخليه يعتمد اشوي لانه معتمد علي في كل شي
اتمنى هو يمسك المصروف ؟؟لا انا ؟؟
اتمنى هو يسير حيانتنا لا انا ؟؟

اتمنى اشوفه مثلاللي تقول زوجي عطاني مصروف وماهو انااعطي مصروووف

شي متعب

والتجارة اخذت عيوني وظهري والله المعين

خلوني من هذرتي وياليت احد ينصحني وش السواة وكيف ممكن احفظ الفلس الابيض لليوم الاسود

واحلممممممممممم ممممممممممممممم ممممممممممممممم مممممممممم ببيت ملككككككككككككك ككككك

ياررررررررررررر رررررررررررررب ياكريم
الله يفرج همك يارب ويوسع رزقك ويبارك لك فيه ..
اللهم ارحم نفوس تتألم..ولاتتكلم
رَبيً آلْهَمنيً لْقًدرة عَ تقّبلْ مآ لـآ آستطييعً تَغييرهـَ
السلام عليكم ورحمة الله وبركاته :

ما شاء الله عليكم أخوانى كفيتوا ووفيتوا معاكم على طول كل صفحة اقراها بتمعن كى لاتفوتنى الافكار


وكل ما نقرا نتشجع أكثر والحمد لله انا بصدد التخطيط المبدئى لمشروع تجارى ومعى أختى وبإذن الله


سأوافيكم بالتطورات دعواتكم لى ولأختى بالتوفيق .
السلام علييييكم يابنات
انا متابعه من فتره للحمله ... وكنت متعمده انى ندخل لهالمواضيع الى زى هاذى .. لانى محتاجه لتغيير فى حياتى

لى فتره نفكر فى مشروع صغيرون .. ومااستقريت على راى محدد ... والسبب انى عندى 3 عيال ولدين وبنت
وهاجسى الكبييييييييير تأمين مستقبلهم ماديا .. انا الحمدالله حاليا .. حالتى مستوره ..لكن نخااااف المستقبل
يمكن لانى عشت يتيمه وعاننينا فى اسرتى من صعوبات الحياه .. فخايفه من تعرض ابنائى لاى صعوبات الله لايفدر


وحاليااااااا انا نفكر فى بيع الكيك والكب كيك فى بعض المحلات .. والمبلغ الى نكسبه بأذن الله ..حنستثمره فى مشروع لعيالى
للان مااستقريت ..
للعلم انا من دوله عربيه ومش سعوديه ..لاحضت اغلب عضوات الحمله من السعوديه
وبصراحه انا لاحضت انه الاخوات فى السعوديه ..ماشاء الله عليهم .. تفكيرهم طموووووووح
بصراااحه انامعك احس اني موظفه من اجل اسدد ديون اخر الشهر وهكذا بدوووون فااااائده
اشكر الاخت نيراز انتي عقلية تجاريه ناجحه ماشاء الله تبارك الله والشكر موصول لكل من تفاعلت لأثراء الموضوع/ابقصلكم حكايتي في الادخار والمشاريع اللي دخلتها/انا ولله الحمد جيده وادخر واتحكم في مصروفاتي سواءلي او للبيت لكن سبع صنايع والبحت ضايع مافي مشروع الاودخلت فيه بداية من بيع الملابس اللي دخلته براس مال بسيط وماأستمرلان الاقارب للاسف اشتروا وماسددوا ثم دخلت تاجير الخدامات كان عندي وحده من 11سنه واجرتها 3شهور بس زوجي رفض وبعتها وجبت راس مالي وربح 3شهور وبعدين شاركت وحده بمحل ابو ريالين على اساس اخوها يمسك المحلوكلفني 25000 وبالنهايه سلمتني 5000الاف ريال لان المحل خسر واكتشفت فيما بعد ان المحل قائم واشتركت مع صديقتي في شراء سياره لنقل المدرسات وكان اخوها ماسك الموضوع وبالله رجعنا راس المال بدون ربح لتلافيات بالسياره وغيره من المشاريع انا احب ان اكافح واغامر وممكن ادخر بس مشكلتي ماعندي احد يدير تلك المشاريع واحب الشراكه اوالعمل تحت مضلة احدةمن التجار سواء رجل او امراه لاكتساب الخبره-في نقطه مهمه ارجوا من الاخوات توجيهي للطريق الصحيح للصعود مجددا للنجاح ارغب ان اكافح وابني نفسي من جديد ولااخفيكم انني واجهت احباطات ممن حولي سواءالاهل او الزوج يريدون ان اكون في وظيفه وانا ضد ذلك على فكره الكل يقول مخك نظيف وعقلية تجاريه وهذا اللي رجعني للوراء مايهمني هو ماانجزه وترضي عنه نفسي طولت عليكم بس اثرتموني بحديثكم الشيق


الساعة الآن 02:11 .