الله يعطيكم العافية اليوم مبارك للجميع نزول الراتب

بننزل نتقضى ونشوف الباقي واحط التقسيمة ان شاء الله

بالنسبة للحلوة فعلا زي ماقالوا الاخوات وبند المقاضي مااعتقد ابدا 700 لان الاشياء غالية

عموما امشي على ميزانيتك شهرين وشوفي الزايد دخليه توفير افضل من تصرفينه...
مرحبا بنات كيف الحال ان شاء الله بخير

جالكسي مالح الف الحمدلله على سلامة الوالده لاباس طهور ان شاء الله

معليش يا بنااات اعذروني لو ما دخلت على الموضوع ورديت على فكره اكون متابعه معاكم بس عشان هذرتي واجد وانا تعبانه هالفتره الله لا يوريكم انواع التسطيح لازم الظهر متمدد فتره وشلت الابتوب على رجولي عشان اتابع معكم وينكسر الوصله اللي بالجهاز ههههههههه هالحين عاد خلني اشوف وين ادور الوصله في هالديار والله اني ما اعرف راسي من رجولي فيها

ولا احب اشتغل على اجهزة عيالي وزوجي بس عاد انجبرت هالحين فتحملوني الين يتعافى ظهري باذن الله واخلص اشغالي من تاثيث ومقاضي وتسجيل عيال في المدارس بعدين ادور على وصله بعدين اتفرغ لكم مع كوب حليب بالنسكافيه اروق معااكم

بس عاد ادعولي الاقي اغراضي واجهز بيتي والله طفشت والتعب في هالوقت ماله دااعي الله يتوب علينا من جد تعب ودوخه والنفس بس تلعب لعب ادخل هالمحلات من هنا واطلع مثل المهبوله ارجع اللي في معدتي عليهم ريحه خاااايسه يا ناس هو انا اهوجس والا هو صدق مين فيكم سافرة لامريكا تحسون فعلا ريحتهم خااايسه والله على وحمي بعيالي ما رجعت هالترجيع لعنبوو ابليسهم ما يتنضفون

المهم فيه وحده هنااا ودي اتطاق معها ما اذكر الاسم ما ابي ارجع ادور بس على حسب قرائتي

منهي اللي فيكم تقول حدي الاتماني 1000 ريال يا عيون نيراز انتي مع شركه النصب والاحتيال حطي 300 وتجيك الفاتوره 400 او 500 صدقيني تحطين 1000 تجيك 1300 صح والا لا لا تقولين لا لان كان حدي الاتماني 5000 وخليتها 8سنوات ورجعت نزلتها على 300 فقط يقولي الموضف متاكده قلت ابد متاكده انت حطها 300 وماعليك


تبين الصراحه هالحين يدوب تكمل 130 واذا صارت ضروف واتصالات بحكم ان الاهل والصديقات كلهم بمدينه غير اللي انا فيها تصل احيانا الى 300

لكن والله ثم والله جلست فتره ما ارسلت لاحد رساله لا تهنئه ولا اتصال ايام ما كانت الفاتوره تشطح على 3000 ريال تعرفين ما لقيت احد افتكرني برساله او اتصال قلت ما بدهااااش على 300 درعم بسرعه

وبعدها ارتحت وريحت دماغي اي نعم وقت رمضان والعيدين هي اللي ارسل فيها للعالم القاطع والواصل وخلاص والاتصالات اقتصرها على اللي ما اقدر اوصلهم برجلي والباقين لا اواصلهم شخصيا وبكذا اترحت


فاهجدي ونزلي اللمت الى 300 وصدقيني بترتاحين وخلي عنتس رسايل الوسائط

فيه وحده تقول زوجها اعطاها المصروف وقال يبي يشوف كيف تدبر الامور بس كمان تحط في بالها الديون والاقساط يا حلووه هذا بالله منهي فيكم يعني هو يخرب وهي تصلح لا وبراتب واحد بعد خوووووش والله لازم تحددين الاشياء قبل ما تتفقين ترا حتصير علقه لك انتبهي ما ادري هي سندريلا والا هي ريانه المهم تنتبه اللي حط الجمل بما حمل مع الدياانه


امممم وش بعد ايه حيالله الجدد شخباااركم وعلومكم على طاري اللبس والاكسسوار تقولين اشتروو اكسسوار غالي


انا ما انصح ابد باكسسوار غالي رغم اني هبله كنت اشتري غااالي واكسسوار بس ابشركم من كم شهر عاهدتي نفسي لا للاكسسوارات

وراح ارجع للذهب لين لبسته وترززت عند الناس بيقولون الله وش ذا الزين منتم ملاحظين هجرنا الذهب وبطلنا نشتريه اقل شي لو راحت موضته قدرنا نبيعه ونشتري غيره بس الاكسسوار نجلس نناظره ونندب حظنا فبصراحه بصراحه راح ادخل مقاطعه مع الاكسسوار وراح اشتري ذهب وعلى شرط عيار 21 ولا الف لا للــ 18 ههههه تصدقون هنا بامريكا فيه عيار 10 وفيه عيار 8

قلت ليتني جايبه ذهبي ابيعه هناا اخاف تجيهم سكته قلبيه وهم يشوفون 21 هههههههههههههه

كثرت عليكم والظهر صار يعطي انذارات بالالم بعيد عنكم

يالله اشوفكم على خير يالغاليات


الحياه فوضى عندي
خلاص ستوب
صباح الخير

ما شاء الله شايفة تطورات في الموضوع ... بس سؤال انتو الرواتب عندكم بنص الشهر ؟؟ ولا بداية الشهر العربي ولا كيف؟

كمان سؤال استغربت انه كلكم فواتير الجوال عندكم والثابت عالية جدا ... هل هي الاسعار عندكم عالية ولا انتو بتستخدموا الجوالات كتير؟

انا وزوجي جوالاتنا على بطاقة الشحن (يمكن عندكم في متلها اسمها سوا) .. صار له جوالي معي 10 سنين ما انفصل ولا مرة و عمره ما كلفني بالشهر اكتر من 100 ريال .. الا لما اسافر برة بعبيه عشان التجوال ويستقبل الشغلات المهمة ..

يعني لو الفكرة كترة الحكي خلوها على التلفون الثابت .. والمكالمات الخارجية احنا دايما بنحكي مع قرايبنا برة على المسنجر او سكايب أو الياهو .. المهم اي شي اونلاين ما هو ببلاش طالما الدي اس ال مركب وخالص ..

وحبيت احكيلكم كم نصيحة عامة للتوفير ..

- مثلا الدي اس ال دايما بتكون التكلفة السنوية اقل من الدفع كل شهر بشهر أو كل فترة قصيرة... فالأحسن هو الاشتراك السنوي اولا بتدفعي مرة وبتنسيه، يعني ما بيكون بند مصروف، وثانيا بيكون ارخص من لو دفعتي كل شهر او شهرين

- بنزين السيارة من تجربتي الأفضل هو انه تتركي السيارة تفضى من البنزين تقريبا و بعدها تعبيها فل .. لما اعمل هيك السيارة بتمشي مسافة أكبر و سحبها (يعني أداءها) بيكون أحسن .. يمكن اللي بيسوق بيعرف لهالشغلة اكتر بس عموما هي فيها توفير أكتر من التعبئة بمبالغ صغيرة كل مرة ..

- الجمعيات طبعا معروفة للكل وفكرتها رائعة بس بالنسبة الي انا بشوفها أفيد شي لما يكون المبلغ كبير نسبيا ، المدة قصيرة وعدد الناس قليل، والأهم لما تكوني آخر وحدة بتستلمي الجمعية .. هيك بتحسي انك عم تحوشي فعلا مبلغ مرتب..
اما لما تقبضيها بالأول بيكون كانه دين و عم تسدديه ..
وأهم شي لما تاخدي الجمعية اعتبريها ما كانت أصلا ولا تاخدي منها الا الشي اللي فعلا ضروري لو كنت عاملتيها بهدف سداد الدين
اما لو كانت للتوفير ... على طول على البنك وانسيها لحد وقت حاجة ..

أكيد في كتير شغلات ببالي بس بلاش اوجع راسكم
فاطر السموات والأرض أنت وليي في الدنيا والآخرة توفني مسلماً وألحقني بالصالحين



أنشطة أسرية متميزة للإجازة - بالصور

[/color][/size]
[/center]
ايه نسيت فيه وحده مدري هو بموضوعنا والا في موضوع ثاني <<<< مرررررررررررررر ه ضاربه فيوزي

المهم تقول تبي تاخذ دوره عند البسام سنتين وتبي تعرف هي بتتوضف والا لا اقولها لا ما راح تتوضفين


رحت بتوضف بالثانوي قالو هاتي شهادة حاسب رحت 3 شهور قالو لا نبي 6 شهور وذاك الوقت اول سنه للدبلوم سنتين من العالميه واروح واخذ سنتين بــ 25 الف ويا حلوه الى يومك هذا وانا اتصور معهااا رحت قالو مافي وضايف لازم بكلريوس والا بقر وتيوس المهم هالحين رجعت اكمل دراسه خلصت سنتين وباقي سنتين جمعت بالاولى البقر وباقي السنتين حقت التيوس وربك يسهل ونشوف تاليتها مع ذا الوظايف اما لو اخلص ويقولو عمرك الافتراضي لا يسمح بالوظيفه ههههههههههههههه ههههههههه عشان ينطق فيني عرق اقول خذوني طيب رمسيس الثاني اقل شي حطوني في متحف اي شي المهم تصرفوو ههههههههههههههه


ما ابي احبطك بس دبلوم لا تاخذي اذا على الحاسب خذي 3 شهور فقط وبقية المبلغ انتسببي في الجامعه 3000 كل شهر

3000 *8 =24الف وبعدها قدمي على بعثه ماجستير او واصلي هذا اللي اشوفه افضل صراحه

والله يوفقك يارب


الحياه فوضى عندي
خلاص ستوب
دندوش يا حبنليك تكفين

انتي تعالي هنااا بالسعوديه بس دخلي يدك مع الحدود واجلس ساعه ماسكه جوال من الاتصالات السعوديه لاتردين على اي اتصال ولا ترسلين رسايل اذا ما دفعتي فوق الـ 200 قولي ما قالتها نيراز ولو فتحتيه دولي الله وكيلك جلس معاااي يوم واحد بس وقفل الجهاز الحين ورافضه اسدده الين ارجع السعوديه باذن الله بس خليته مفتوح علشان الوالده يا عمري

بس اقنعتها على السكاي بي وابشرك اقتنعت ووفررت علينا السداد الى وقت اخر وربك يسهل


الحياه فوضى عندي
خلاص ستوب


الساعة الآن 07:06 .