اقتباس مشاركة  (jojo-a)
السلام عليكم ورحمة الله وبركاته
كيفكم يالغاليات يشهد الله إني حبيتكم من كل قلبي رغم اني لم اتعرف عليكم إلامن اسبوع بس وحسيت قد ايش انا محتاجة خوات مثلكم
أنا من زمان وانا اطلب من زوجي إني امسك ميزانية البيت كان عندي احساس لو مسكتها راح تترتب امور كثيرة بحياتي وحياة عيالي بس بعد ماقريت الموضوع حسيت إني ضاغطة على نفسي وعلى عيالي عشان نوفرلكن إكتشفت إني مع كل هالتوفيروقلة الترفية وحصر روحة السوق بس على الاعياد والإجازات حتى المناسبات كنت ما أروح لها إلا إذا كان من اهلي حتى أهل زوجي ما أحضر مناسباتهم بحكم بعدهم عنا
حتى أولادي مو كل شي نوفره لهم يعني عندهم بلاستيشن مع شوية العاب
والروحة للملاهي كل كم شهر مرة مع اشتراكنا في استراحة لكل العائلة شهريا يعني كل واحد يدفع 300ريال شهريا وباقي الترفيه ياإما طلعة برأو زيارات عائلية
ومع هذا أحس اللي أنا قاعدة أسويه وهالحرمان موتوفير أبد
أقولكم ليش.....
لأن راتب زوجي زين بالنسبة لغيرنا 8000ريال بس مع الاسف يجي نص الشهر مانملك منه شي بسبب قسط البنك2000ريال ودين بسيط 5000ريال والباقي مصروف
لكن اللحين راح اصر اكثر واكثر اني امسك مصروف البيت بعد ماقريت نتايج رائعة لكثير اخوات اقل من راتبنا تنظمت أمورهم وبدوايسددون ديونهم ويوفرون بعد
ادعولي يابنات إن زوجي يوافق أمسك مصروف البيت
وعليكم السلام ورحمة الله وبركاته ..
ياهلا والله فيكي يالغاليه وأن شاء الله يرضى زوجك أنك تمسكي المصروف أنتي والله أفضل
لأنك لومسكتي المصروف راح تحسي بالمسؤليه أكثر وتعرفي أيش راح وأيش بقى أنا كنت زيك زوجي اللي يصرف وماأعرف شي ماهمني غير أتمشى واتسوق وكل ما قلتله أبي أسكن لحالي يقولي مافي فلوس كلها ضيعناها وخلاص ولي سنه ونصف ساكنه عند أهل زوجي من يوم ماجيت من المدينه وبعدين قررت أمسك المصروف أناوالله صرت ماأطلع ريال الا في مكانه بهذلت كل ماطلب أسوي أستجواب كامل ؟؟؟
وشوفي الحين الحمدلله طلعت بشقه وباديه أشتغل وعارف كل شي عن الراتب يعني أنا المسئوله عنه أي غلطه براسي عشان كذا أن شاء الله أكون قدالمسؤليه ونطلع في بيت ملك بعد فتره الله كريم
أدعولي الله يرزقني من حيث لا أحتسب
20-04-1431 هـ, 04:23 مساءً
 
اقتباس مشاركة  (انا ايمان)
بنات انا توني بالنص بالصفحات عجزت الحق عليكم شوي شوي ..

من كلام البنات استفدت :

بما اني ببيت ملك (شقة تبع اهل زوجي ) بس ودي بسكن كبير خاصة لما يكثرون ويكبرون الاولاد
وحنا عندنا ارض بالتقسيط شارينها ولسى باقي سنتين تقريبا على ما ننتهي منها ..
حبيت استشيركم بامور منها ..انا ودي اوفر من مصروفي الشهري خاصة ان زوجي شهر يعطيني وشهرين لا ففكرت اني ادخل جمعية او اقوله اني داخلة جمعية مع خواتي ويعطيني حق الجمعية 1000 كل شهر وادخرهم لي ..اسوي فيهم مشروع او اشتري شقة تمليك وااجرها ..طبعا مواللحين بعد ما اجمع المبلغ المطلوب لو بعد 5 سنوات ..
لان زوجي ما يقولي شي عن اموره المادية ابدا بس هو ممشي اموره زين والحمد لله ...
واذا قلت له نبغى نسافر قالي ما معي واعتقد انه يدخل جمعيات ويسد ديون عليه من شراء الارض وما ينخاف عليه وراه ابوه ما شاء الله عليه يسلفه وقت الزنقات ويسدد له اقصاد بعدين ..

بس انا احب اوفر شي لي لا وظيفة ولا راتب واحيانا حتى مصروف ما فيه ..ودي يصير لي شي اذا كبرت واورثه لعيالي بعد عمر ..
فهمتوا علي ..خاصة اني تجيني مبالغ صحيح موكبيرة بس برضوا تروح على الفاضي تمشي وملابس ما لها داعي ..

ارجوا اني اشوف ردودكم علي مو زي كل مرة تطنشوني ..
ياهلا فيكي حبيبتي كلامك صح لازم تاخذين منه أذا موافق وتجمعيلك مبلغ حلو سوي مشروع أو أدخلي جمعيه اهم شي تضمني أنك ماتمسكي المبلغ مره عشان لاتضعيه كالعاده في شي مامنه فايده والله يوفقك ويرزقك يالغلا وخليكي متابعه هذي الحمله والله أنها رائعه بمعنى الكلمه
20-04-1431 هـ, 04:31 مساءً
 
تصدقون أن المرأة أكثر تحمل للمسؤلية من الرجل وبعد أحسن تدبير منه <<< أكتشاف خطير

من بدأ زوجي يعطيني الحق بالمصروف تعدلت أمورنا

الحمدلله نص الراتب توفير لأنه يارب لك الحمد ما عندنا ديون أو أقساط

وصرنا نتقضى من حلقة الخضار بدل بنده النصابين وباقي الأغراض بالجملة من المستودعات

خففنا كثييييييير من المطاعم والمولات اللي مالها داعي والله حياتي تنظمت وصار كل شي له طعم

بس ودي استثمر المبلغ اللي عندي قبل ما يطير الله يسهل لي ولكم ويبارك لنا في أموالنا يارب ..
20-04-1431 هـ, 11:46 مساءً
 
مرحبا صبايا

اخباركم؟؟

اخبار الاحوال المالية؟؟


ابشركم بديت اتحرك

بقي عندي مبلغ بسيط من مكافئات الكلية وحبيت اسثمرهم

اشتريت درزنين من الحصالة الذكية

وبديت ابيعها في النت

واللي تبغى الله يحييها>>أراعيها في السعر<<

صح المكسب بسيط جدااااا

لكن احسن من ولا شي

صح؟؟
21-04-1431 هـ, 12:04 صباحاً
 
المتفائلة ارسلي لي الايميل للتفاهم بخصوص المعرض
خاصيه الرسائل الخاصه غير مفعله عندي ...
21-04-1431 هـ, 01:04 صباحاً
 


الساعة الآن 12:27 .