تقسيم الارباع

تاخذين مالك او مصروفك وتقسيمه على اربعة .. ربع تنفقيه على
نفسك وربع تدخرينه او مايسمى "بند الطوارئ" وربع صدقة وزكاة
وربع تعيدين تدويره يعني تستثمرينه حتى لو حصل خسارة يكون عندك مال ادخرتيه


طبعا اخواتي هذه التقسيمات للناس اللي بيكون عندهم فائض من

الميزانية ويخافون انهم يكونوا اسرفوا او شيء من هذا القبيل ..
لان كثير البعض يرى ان شراء بعض الاشياء فيها سرف كبير
والبعض الاخر يرى انها مصروفات عادية لنضرب لكم مثال ..
مثلا وحدة يدخل عليها في السنة 400 الف ريال والاخرى يدخل
عليها في السنة 40 الف ريال صاحبة الدخل الاقل لو اشترت

فستان قيمته خمسة الاف قلنا انها بالغت واسرفت ليش ؟؟ لانها
انفقت نصف مالها في شراء فستان على فرض انه استخدمت

تقسيم الارباع وبتصرف خلال السنة عشرة الاف .. بينما
صاحبة الدخل الاعلى لو اشترت نفس الفستان بنفس القيمة
مانقول انها اسرفت لانه باقي بحسابها 95 الف ..


وهذا مصداق قول الله تعالى .. " لينفق ذو سعة من سعته " ..
لذلك ياحبيبات الواجب اننا ننظر في حال الشخص قبل مانحكم
عليه انه مسرف وبكذا نضع حد لتانيب الضمير بالنسبة
للاغنياء .. وترى هذه وجهة نظري الخاصة قابلة للاخذ والرد
وممكن حتى تستشيري العلماء في هذا التقسيم حتى لايقع في
نفسك حرج من الانفاق على نفسك وابنائك ... والله اعلم واحكم .
وما توفيقي إلا بالله
الله يعطيك العافية سندريلا كلام جميل
اللهم لك الحمد حتى ترضى ولك الحمد إذا رضيت ولك الحمد بعد الرضى
موضوع راااااااااااااا اااائع جدا جدا جدا

اتمنى تستمري فيه ونشوف تفاعل البنات ونقدر نغير سلوكياتنا التعبانه بالصرف


اضغطي على الصوره لمعرفة لماذا حذف توقيعك .
اقتباس مشاركة  (الحلوة ام الحلوة)
صباح الخير
واذا قلت لبنتي هالعبه غاليه والله ان تروح سيده لمي وتقول لها اشتريها
وعاد اخواتي هالايام ماسكين على ام هباش انا اخبره ابو هباش اللي بخيل مدري وراها صارت ام هباش
على العموم انا من دخلت معكم هالحمله وانا بديت اعقل بس اهلي دايم ينتقدوني ويذبون على
اخرها امس انا جوالي فاتورته وصلت 1000 وشوي قلت منيب مسدده وبصير اشحن للاشياء الضروريه
وامس اختي خذت جوالي وتراى لي حول 10 اياد استقبال الا تلقى مكالمات محظوره قالت هو جولتس مقطوع
وانا بكل ثقه قلت ايه منيب مسدده ومن هالبربره
بعد ربع ساعه مادريت الا امي معطتني البطاقه قلت ليش قالت سددي جوالتس ماله داعي تشحنين والفلوس موجوده ابي افهمهما اني مو قصد الفلوس اقدر اسدد بس ابي اعقل من هالبربره مااقتنعت
وكذا طاح وجهي جاء في بالهم ان مامعنا قيمه الفاتوره
احس مع اهلي مايصلح الواحد يوفر على بالهم بخل او ماعندي اذا قلت لهم ابي اقلل صرف قالوا اذا محتاجه نعطيتس
اقول ابي شيء خاص فيني مايقتنعون


يابنات الحمله اقنعوني ولا اقنعوهم
وش السوات
اهلي اثرهم هم السبب الاول في اني اكبر صريفه في العالم
بس الله يخليهم لي موب دايمين لي كذا
وهم مااقتنعوا
السلام عليكم ورحمة الله وبركاته...
شوفي حبيبتي أنا من رأيي أنك تفهميهم أنا هذا موبخل هذا توفير وتنظيم لكي موبخل ياأم هباش<<<<وحده متأثره بخواتك
المهم أنصحيهم حتى هم أنهم يخففو مصاريف قوليلهم لمتى وحنا عايشين في أسراف ومحنا عارفين قيمة الفلوس
وترتيب والتنظيم في الصرف>>>>أنصحي أهلك أولأكبر مسرفين بس أن شاء الله بغيرهم للأحسنوبخليهم مثلي مقتصدين وموفرين
سبحان الله وبحمده ...سبحان الله العظيم
كلامك جمــيل اختي سندريلا....جزاك الله خير...

اختي العطاويه وصلت الرساله بس عندي استفسار لكن بحاول ارسلك من نيك وحده من خواتي ان شاء الله....


الساعة الآن 02:02 .