السلام عليكم يا حلوات

مكاوية هلا والله ...وصلتك رسالتي ..؟ فاقدتك من مدة.

أخواتي
أنا اتخذت قرار بالنسبة للجوال وان شاء الله يكون صائب.
قررت أترك رقمي الحالي مع انه معي من أكثر من 10 سنوات ما شاء الله...عشرة عمر يعني وبآخذ شريحة شحن واجرب واشوف لأن من جد الفواتير وضعها غييييير عااااااادي
أم بدر

معليش اسمحي لي أخالفك في الرأي
حتى لو الواحد رب موسع عليه وهو يقدر يحقق مصالحه بتكلفة أقل ليش يدفع أكثر بس علشان عنده فلوس زيادة ...؟ هذا منطق ما اشوف انه صحيح لأن هذا المال اللي ندفعه وهذا النعيم احنا محاسبين عليه ومسؤولين عنه .
صباح الخير
تراني انا بنت النيدو امي مارضعتني يالجالكسي وام بدر مالي اخوات لا يبدا شغل 00000000000
وبعدين خلوني اشوفكم انتم زيي ولا لا عشان يمكن اننا رضعنا من حلبتن وحده
ويام بدر القمر ماشاء الله بدر وقمر انا ماسويت زحمه في الشارع انا مسويتها في الحمله ولا لو اطلع لشارع كان تصطرت
عاد تخيلوني بالهايلكس اللي سويت عليه عرض ولا احد شراه اححد الناس انا ونقابي وماسكته في خشتي عشان مايطير من الهواء ويغطي علي

وانا الحمد الله ماضيقت على نفسي الا اشتري والبس انا وبنتي بس احيانا وهو الغالب اني اشتري اشياء وتتكدس بادالوب وتكون بمبالغ تعيش اسره بس لاني اطلع انا واهلي ونقعد نقم نقم كن السوق يبي يصك ولاهوب فاتح
وثمين تراني مطوله اخذت وظيفه نيراز بالبربره بس هي بربرتها صاحيه وانا مواصله خخخخخخخ وسعت صدوركم صح
كن احد ويده يصكني بقري مامعه
بس الفلوس اذا كانت في يدين غير امينه زيي فا على الدنيا السلام اول اخوي كان يعطيني شهر بشهر وتشوفيني اطيرها على طول الين امي قالت له لعط تعطيها الا نص السنه ومازلت ماعقلت
فمع بدايه الحمله او قبلها لانهم كشفوني اهلي رحت وقلت لها لاتعطيني كثير لاني لو تعطيني حلال الوليد
صار يعطيني نص الارباح والباقي يشغله لي بس انا ودي اصير حرمته صنعه وادير حلالي بنفسي بس هذا تراه حلم وقت العصريه لان اخواني موب فاظين لي ولافكاري الجهنميه
مره قلت لهم مشروع من مشاريعنا
وكل واحد عطاني نظره وقعد يتحمدون علي
انا راسي موب للمشاريع فعشان كذا اخوي معطيته وكاله عامه يسوي اللي يبي يشتري يبيع و يزكي كلبوش

بس سوال وجيه واللي بتجاوب بتصير ذكيه ليش انا كذا اصرف بدون عقل
اختي اصغر مني تصرف بس مكافءتها جامعتها تفكر في مشروع لها بعد الجامعه واهلي بيدعمونها
وانا ماغير ابربر مره فكرت لهم بمشغل وقالةا عطينا مشاريع زينه موب خرابيط حريم
اقول ترى كل الحتسي عشاني مابعد صمتد راسي بالقهوه باسمدها وارجع لكم








هذا اذا لقيت نيكي موب موقوف احس ان المنتدى توثم يوم اشركوني معهم
وبعدين مكاويه واسعد امراء وين غاطسين فيه مالكم حس

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك

شجرة الدر

اذا جوالك اتصالات لازم تطلبين ايقاف الرقم ولا بيطلعون لك فاتورة حتى لو ماكلمتي ..
وما توفيقي إلا بالله
اقتباس مشاركة  (سندريللا 2000)
شجرة الدر

اذا جوالك اتصالات لازم تطلبين ايقاف الرقم ولا بيطلعون لك فاتورة حتى لو ماكلمتي ..
والله يا غالية بصراحة ما عندي نية أسدد أبدا وبكيفهم يطلعون فواتير ولا يقعدون...ترى والله يا أخواتي هذا الموضوع مضايقني فوق ما تتصورون فاتورتي يمكن من رمضان الماضي أو قبل ما تقل بحال من الأحوال عن 700 ريال سواء كنت في سفر ولا حضر وكل مرة اقول أسدد وان شاء الله تجي اللي بعدها أقل ومافي فايدة اليوم رسلت لقيت علي فاتورة 800 وشوي ومبالغ غير مفوترة
ميتين وشوي...طيب ليش أسددها وانا

متأكدة اني ما استهلكت هذا كله..
حبيباتي
أنا كنت موظفة أيام ما كان الجوال الدقيقة بريال وستين هللة وفلوسي بيدي وكنت اداوم فترتين يعني معظم وقتي برا البيت واستهلاكي للجوال أكثر ومع ذلك ما كانت فاتورتي تزيد عن 500 600 بالكثير ...كيف الحين بعد الرخص وتخفيض تكلفة المكالمات والرسائل والخدمات اللي تقدمها الشركة ادفع هذه المبالغ مع اني ممكن تمر علي 3 أيام ما استعملت الجوال.


الساعة الآن 08:34 .