بعد ما اطلعنا على طرق ضبط الميزانية وقضينا على بعض الديون ونقدر نقول اننا وضعنا اقدامنا على الطريق الصحيح
وش رايكم يالغالياااات
نتكلم عن التوفير وهي فرصة مادام نيراز موجودة عشان تتحفنا بافكارها النيرة
وراح ابدا معكم بهالمقال


يستحق القراءة فعلاً


محمد بن عبد الله القويز
تطرقت في مقالات سابقة لأهمية الادخار في تحقيق الأهداف المالية للفرد. وأن الادخار يوازي الاستثمار في أهميته أو قد يزيد عنه في كثير من الأحوال. ولكن المُعضلة في هذا الصدد أن الكثير من الناس يجدون صعوبة بالغة في الادخار، كما يرون فيه مصدر تقتير وقلق. إذ يرى الكثيرون أنهم بالكاد يغطّون مصاريفهم الشهرية، فكيف لهم أن يدخروا؟
وفي هذا الصدد, أرغب في أن أوضح أن الادخار لا ينبغي أن يعني أن تقلق على كل هللة تنفقها. فلو أديت لنفسك حقها المالي لما استلزم الأمر قلقك. بالطبع سيستغرب البعض ويقول: ماذا تعني؟ وكيف لي أن أؤدي حقوقي المالية لنفسي؟
الجواب على هذه الأسئلة يكمن في المقولة التالية: "لا تدّخر ما يتبقى بعد الصرف، بل اصرف ما يتبقى بعد الادخار".
فعندما تنظر لفواتيرك سواء كانت بطاقات الائتمان أو الكهرباء أو الماء أو الجوال أو ملابس العيد لأم العيال، تأكد أن تضيف فاتورة أخرى لتلك القائمة بل وعلى رأسها، وذلك بأن تضع قسط ادخارك في قمة قائمة الفواتير وتعامله كما تعامل أي فاتورة. وبهذا تدفع لنفسك أولاً ومن ثم لا يتعيّن عليك أن تقلق بشأن الادخار أو حتى تفكر فيه مرة أخرى حتى الشهر التالي. وإذا اتبعت هذا الأسلوب فستفاجأ كيف أنه من السهل الاستمرار في الحياة ببضعة ريالات أقل كل شهر، بل إنك قد لا تلاحظ الفرق في مصروفك اليومي، ولكنك ستلاحظه حتماً في رصيدك الادخاري والاستثماري بعد فترة من الزمن.
بالطبع قد يستغرب بعض القراء هذا النهج، فيسألون: "هل الإنسان غير منظم إلى هذا الحدّ، لدرجة أنه لا يتمكن من الادخار بوَعيِه إلا إذا أجبر نفسه على الاقتطاع من راتبه؟ فإن كان ذلك ينطبق على الآخرين فإنه لا يمكن أن ينطبق عليّ، لأني شخص منظّم وملتزم وبإمكاني التخطيط والتوفير بإرادتي". إذا كنت يا عزيزي القارئ تؤمن بذلك فأنت أحسن من 90 في المائة من الأفراد الآخرين (ولكني لا أظن ذلك). فالعديد من التجارب العلمية والعملية وجدت أن معظم الناس الذين يتمتعون بدخل ثابت، يؤقلمون مصاريفهم (شعورياً أو لا شعورياً), بحيث ينتهي بهم الشهر برصيد (صفر)، حتى إذا زاد مدخولهم, فإنهم يحسون بتأثيره في أول الأمر، ثم ما تلبث عاداتهم الصرفية حتى تتأقلم مع مدخولهم الجديد صعوداً (وذلك بشكل لا شعوري في معظم الأحوال). ولهذا نجد الناس -على اختلاف مداخيلهم- يشتكون من المصاريف، ولهذا السبب ذاته نجد أن معظم محاولات الادخار التي تعتمد على إبقاء مبلغ في آخر الشهر تبوء بالفشل، ما يجعل الحل الأمثل في معظم الأحوال هو استقطاع مبلغ التوفير من البداية.
ومن التسهيلات الممتازة في هذا الصدد أن الكثير من البنوك اليوم تقدم خدمة الحوالات الآلية المتكررة أو التعليمات القائمة، التي يمكنك بموجبها تحديد مبلغ معين يتم سحبه من حسابك تلقائياً كل شهر (وقت صرف الرواتب) وتحويله إلى حساب ادخاري آخر، إما لتقوم باستثماره بنفسك أو ليتم استثماره بالنيابة عنك. وفي هذا الصدد من المستحبّ ألا تجعل سحب أو استرداد المال من هذا الحساب الادخاري أمراً سهلاً، لذا يُحبَّذ أن يكون حسابك الادخاري غير مربوط ببطاقة صرّاف, ولا يمكن سحب الشيكات عليه، لهذا تُعد حسابات الشركات الاستثمارية المستقلّة الجديدة مثالية لهذا الغرض لأنه يصعب الصرف اليومي منها (فهي لا تصدر بطاقات صراف ولا دفاتر شيكات).
الهدف هو أن توفر كل ما تستطيعه بحيث لا يقل عن ادخار نسبة 10 في المائة من دخلك السنوي. وقد تزيد النسبة أو تنقص بحسب التزاماتك المالية الأخرى. وكلما ادخرت أكثر تمكنت من تنمية ثروتك أكثر. وتَذكّر أن ادخار أي شيء – مهما كان قليلاً - هو أفضل من عدم الادخار مطلقاً. وتذكر أن بضعة ريالات تدخرها اليوم تعادل الكثير من الريالات التي قد تدخرها في المستقبل.
بالطبع بإمكانك أن تكون مرناً بشأن هذه القاعدة. فلو وجدت نفسك لا تأكل إلا التونا والميرندا كل يوم لمدة شهر (بالذات إذا كنت لا تحب التونا والميرندا) فأنت حينئذ ربما تدفع لنفسك أكثر مما ينبغي. أو في ظروف أخرى قد لا تكون في وضع يسمح لك أن تدفع لنفسك على الإطلاق. ولكن حالما تسمح لك الفرصة ابدأ بانتهاج هذا الأسلوب.
ولكن يكفينا القول إن قوة العوائد التراكمية هي الدافع الرئيسي لأن نبدأ الاستثمار من الآن. فكل يوم تستغله في الادخار والاستثمار هو يوم إضافي يقضيه مالك في النمو ليساعدك على تحقيق حاجاتك في المستقبل وعلى ضمان راحة البال لك ولأولادك بمشيئة الله.
احنا العرب اشتهرنا بالصرف ... نصرف زي المجانين ... حتى اللي بينا على باله انه اقتصادي تلاقي عنده نزوات بين الحين والاخر تجيب بادخاراته العيد وسؤالي هنا ليه احنا كذا ؟!!!

ليه المواطن الخليجي يعيش براتبه كله كامل وما يدخر منه ولا ريال !؟

ليه كلمه توفير ملغيه من قواميس حياتنا اليوميه ؟
لدرجة لو وحدة طلبت من بنات المنتدى مساعدتها كيف يدخروماتلقى من يجاوبهالأنا مانعرف شي اسمه إدخارحتى نقدر نفيدها؟؟!!
ليه نوفر في جهه ونخربها في جهه ثانيه ؟

ليه اللي فينا راتبه خمسه الاف يعيش بعشره الاف واللي راتبه عشرة الاف يعيش بعشرين الف ؟


انا عارفه انه في ناس رواتبها ما تساعد على الادخار وزاد الطين بله الارتفاع الموحش في الاسعار والغلاء الفاحش في كل شيء نشوفه اليوم .. بس مادري تجي في بالي بعض الدول الاخرى اللي فيها عوائل عايشين ب 600 ريال و 700 ريال و اقل من كذا بكثير !

هل الادخار يا اخوات شيء صعب ؟

هل بينا من قدر يدخر و يجمع مبلغ يستاهل ؟

هل هو من متطلبات الحياة اللي لازم نبدأ نفكر فيها ؟

ولا نكمل حياتنا بالبركه وندعو الله انه ما يحصل لنا اي موقف بايخ او صعب نحتاج فيه الي مبلغ ادخرناه مسبقآ؟

ليه كل ما كبرنا في العمر كل ما زادت مصاريفنا ؟؟

ليه حتى الناس اللي رواتبها مرتفعه تلاقيها مطفره من نص الشهر او قبل ما يخلص الشهر بكم يوم بس ؟

هل في رايكم الادخار يعني البخل ؟

مع اننا مثلا قدرنا نعيش بمبلغ معين فتره معينه وكان يكفي بس اذا زاد الراتب المبلغ الزايد كمان يطير في مصاريفنا !

اتمنى ان نتحاور في هذا الموضوع واتمنى من كل انسانه مدبره فعلا ان تعطينا لمحه عن تجربتهامع الادخار

في انتظار تفاعلكم الهادف
احم احم
ترى يابنات اعذروني سفرياتنا كثرت بعد الاربعين عشان ظروف صحية

عموما موضوعك ياجوجو فعلا كلام مزبوط ولاكن ليه الان نعتمد على الصرف الشهري اللي كانه لازم وحتمي

طيب لدينا بالجنوب عائلات لها راتب شهري لاكن جالسين بالبيت بحكم الثقافة اللتي لديهم اللي هي توفر بعض المنتجات

المشي حوالين المنازل والمزارع وفي قضائهم لاوقاتهم مافي مغريات كثيرة او لايوجد حتى !!!!

لاكن اهل المدن امامهم الكثير ممن الاحتياجات التي اصبحت ضروريات ولا يحصى ذكرها فالواجب تغيير الثقافة هذه .....

وانا اولكم صحيح دخلت الحملة لاكن زوجي مرة معي وشهرين ضدي مثلا بحكم بعدنا السفر والالعاب بالنسبة له ضروري واساسي لان اولادنا محرومين !!!!!!!!!

بالرغم من ان الالعاب المقصودة هي المولات وما يتخلله وانتم عارفين .........والالعاب الي تشترى من المحلات وكلاها ذات ميزانية
والحقيقة ان الجواب لان الفلوس فاليد ومانقدر نوفرها ولا الطلعات البرية وش زينها !!!!
عموما عندما نعلم ابنائنا فمن الافضل ان نعلمهم تطبيقيا وعمليا ولا نعلمهم بالكلام فقط فجميعنا يحسن الحديث حتى الاولاد اليوم لاجلستي معاهم قلنا وش حلو كلامهم ينم عن العقل

ولاكن اين التطبيق هذا هو المحك ؟؟؟اعاننا الله
اللهم انصر اخواننا في سوريا واعنهم وثبتهم يارب واهلك الطاغية واعوانه وانصر اخواننا المسلمين يارب ياكريم
اقتباس مشاركة  (jojo-a)
هذي قصة مرررررة اعجبتني واستفدت كثييييي من الأفكار اللي فيها قلت انقلها لكم عشان تستفيدون والأهم تطبقون يالغالياااات

"عن تجربتي ووووووووووووووووووايد انا مسرفه للدرجه الضيج وسبحان الله احصل بيزات من زوجي اخواني حق عيالي بس عمري ماوفرت ؟
بس بقولكم عن بنت خالي مشاءالله عليييييييييييييها في فترة الخطوبه وهي توفر؟ كيف؟
1- فتحت رصيد في البنك وحطت ربع مهرهافي البنك
2- وفترة الملجه كات ريلها يعطيها راتب وتحط كل راتبها 1500 فل البنك
3- بعد الزواج اشترت ثلاث حصلات وحده حق الدراهم ؟ وحده حق الخمسات؟ وحده حق الميات وتصرف حق عمرها300 درهم فقط تكفيها لي اخر الشهر تقول مااصرف شي غير حق شي عادي كاكو لان زوجها يوفر لها الي تباه
4- بعد الانجاب والعيال المصاريف كثرت تسوي جدول بدله حلوه حق الطلعه وبجامه وتستغل فرص التنزيلات وبعض اشيائها من المنتدي
6- اشترت ارض 60 الف وباعتها 180 الف
7- فتحت دكاكين اجاااااااااااااااااااااااااااا ار
8-تبيع ملابس وقطع وبخووووووووووووووور
9-فتحت مكتب عقارات ويديره اخوها الي هو ولد خالي
10- حاليا عندها منجره خاااااااااااااااااصه بتفصيل غرف الاطفال ومع الديكورات الخشب
وهي بنت عاديه ماكملت دراستها وعندها خمس اطفال بحياتها مابيت شغاله وعيالها الله يحفظهم يازينهم
وديما تنصحني بس مااعرف اقتصد يانااااااااااااااااااااااااااا اااااااااااس مثلها
وفي المدرسه اختروها المراه المثاليه
وسلامتكم

منقووووووووول

مشاء الله تبارك الله

انا اول زواجي كنت ادخرررر بس مااستفدت منهم يعني اجممع مبلغ اروح اشري شي للبيت مع اني مب ملزومه ليتني فكررررت بالمستقبل ابررررك لان مافي تفكير بالمستقبل



لكن هالحمله راح تنفع العرايس الجدد يوفرون ويكون الهدف بعيد
رسالة إدارية
خدمة البحث المتقدم مقفلة اليوم لإجراء بعض أعمال الصيانة ، شاكرين لكم حسن تعاونكم


إلى متى !!!!!!

المشاركة الأصلية كتبت بواسطة انا ايمان
بنات انا قاعدة اقنع زوجي اني امسك المصروف هذا الشهر..

وفكرت اني اقوله يعطيني 4000 وناوية اقسمها كالاتى :

1500 اغراض للبيت
500 خاص لي
500 للاولاد ملابس وجزم بس
400 موية وكهرباء
200 هدايا ومواجيب
1000 ادخار خاص لي

وبقولكم على شي قبل ما تقولون لي صح او خطا
انا اشتري لي مجموعة ملابس طلعات وبيت واكسسواراتهم
وعيالي برضو اشتريلهم مررة وحدة واخلص ...يعني من الحين لاربع شهور ماراح اشتري شي لهم الا يمكن خفايف ما تكلف .



مكاوية وسندريلا العطاوية والشيماء وجالكسي واماني وكل البنات ساااعدوني الله يعافيكم

هلا والله حبيبتي اعتذر عن تأخير ردي عليك توني اقراه والله تفوتني احياناً صفحتين ثلاث بس متابعتكم على طول
عجبني فيك محاولتك التدبير الله ييسر امورك
بالنسبه لمقاضي البيت مو كل شهر 1500 خليه كل ثلاث شهور يعني مثلاً الشهر هذا قضيتي ب1500 طبعاً بالجمله وراح تكفيك مع الشهرين الجايه لو اشتريتي ب100 فهمتي عليه و500 بتصير 1000 لو وفرتيها بس تزيدي عليها500 وتكفيك الشهر الرابع وتقضي بالجملة ب1500 حلو لا تلتزمين بنفس المبلغ كل شهر
وال500 حقتكي قضي فيها في هذا الشهر والشهور الجايه وقفي عن المشتريات مو كل شهر تقضين خليها ادخار
كذلك حقت الاولاد مو كل شهر 500 قضيلهم في شهر وشيلي الباقي مع الإدخار ولا تكثري الملابس لأنهم يكبرون بسرعه مو زينا نقدر نستفيد من الملابس السنين الجايه وملابس الخروج خليها وقت تعرفي فيه مناسبه روحي قبلها واشتريها وعلى فكره انتشرت محلات تقليد الماركات ماتفرقي بينها وبين الماركة ابد وتوفر عليك تقدرين تاخذين البناطيل والشرتات من عندهم بحوالي 20 وخذي بلوزه من محلات الماركات ب60 تقريباً بس تكون مميزه يعني باين انها ماركه وتختلف عن التقليد وبكذا كأنك ملبسه طفلك كلش ماركه البلايز هي الواجهه أما البناطيل مو ضروري
و200 المواجيب مو كل شهر انتي شيليها لوقتها يعني خصصيها واشوفها مهمه والله احيان تولد اكثر من وحده وتتزوج اكثر من وحده في شهر واحد ونتورط خاصة لو كان في الإجازهونزنق انفسنا فالأفضل تخليلها ميزانيه
والفايض خليه للإجازه طبعاً غير 1000 الإدخار
اتمنى اكون افدتك
ومرحبا الف بالغاليه نيراز الله لايحرمنا منك
اللهم لك الحمد حتى ترضى ولك الحمد إذا رضيت ولك الحمد بعد الرضى


الساعة الآن 11:15 .