السلام عليكم ,,,,,,,,,,,
بصراحة موضوع جداً رائع ومفيد وهذا الذي حاصل اليوم مع أنني موظفه وزوجي موظف ولكن لم نستطع الى الآن توفير المسكن علشان احنا ألحين ساكنين في سكن حكومي وحتى عيالنا طلباتهم ماتخلص خاصة البنات اذا طلعنا مشوار أو سافرنا للأهل لازم نقضي ملابس وكأن الدولاب فاضي والله ماأدري إيش السبب
أتمنى أني أستفيد من الموضوع وأجد الحلول المفيده لي ولغيري
الله يجزاكى خير على مثل هذى المواضيع اللى فعلآ أحنا بحاجة مااااااااسة لها
اقتباس مشاركة
هلا بيكي امونة حياكي الله

اول شي 1500 موكثير مقاضي بيت

انا اولادي 4 وانا وزوجي يعني 6 افراد مقاضي البيت من البقالة الى الخضار الف ريال حاولي تنقصي اذا نفع كملي

500 خاص لكي يعني ملابس وكذا طيب شهر ادخريها وشهرين اشتري

500 لاولادك اذا اشتريتي الملابس بعد كده حاولي تدوري جمعية تجيكي 5الاف تنفعك صح

400 موية وكهرباء جيد جدا

200 مواجيب كل شهر مواجيب وهدايا ياهوو

1000 ادخار افضل ماسويتي

وشوفي راي البنات معليش انا يمكن اكون قسيت بس والله حاولي تشيلي شي ينفعك اتركيكي من الهدايا والمواجيب

الزايدة اللي مهما تسوي ماترضي الناس

انا من الناس اللي كنت ارد الهدايا فوق قيمتها اللي تجيني اقول خليني احسن

بعدين قلت لاوالله ماراح ينفعوني ولا راح يرجعوا قيمتها فسرت ارد بدل ببدل

ارجو انك فهمتي علي ومازعلتي
هلا وغلا حبيبتي مكاوية <<وحدة تمون بس بصراحة لي فترة وانا اقرأ الموضوع وحسيت اني اعرفكم من زماااان
وما حبيت اشارك الا اذا خلصت قراءة (ولسى باقي كم صفحة )
بس حبيتكم كلللللكم دون استثناء وحبيت فيكم روح العطاء والخير الموجود بالمؤمن ....

ندخل بالموضوع ..<<< ؟؟

1500 هذة الحد الاعلى للاغراض ..وانا اشتري بكميات كبيرة مثلا الرز كيس 45 ويقعد عندي 5 اة 6 شهور او اكثر وكذلك الصابون والدقيق الابيض ..والكلوركس وكذلك الفيري ..
وانا معاك انها كثيرة بس موكل شهر تنصرف شهر نقضي فيها والباقي يروح للتوفير مع 1000 وبرضو هذا الحد الادنى للتوفير ..
وبالنسبة لي أشتري من فترة وطلعاتي قليلة ....فما فية صرف على الملابس ..
اما الهدايا والمواجيب ..ااااخ منها والله يا حبيبتي انا ما ودي فيها بس الظروف احيانا تحكم ...عايلتي كبيرة وعايلة زوجي بعد والا انا ما اعطي الاقاااارب وبس ...
والحين حتى صحن الشوكولاتة بـ 200 و 300 ويقالك ما جبتي شي ..
بس انا بديت بحركة حلوة يمكن تفيد البنات ...اشتري صحن او سله حلوة من محلات المواعين او حتى من ابو ريالين ما تكلفك شي 25 او 30 ريال واوديها لمحلات الشوكلاتة يعبوها لي واوفر 150 ياخذونها قيمة الصحن ..<<وش رايكم انفع موفرة هههه جت على ذي


واخيرا تموني ياقلبي وكلامك ما فيه شي يزعل ...
اقتباس مشاركة
ماشاء الله باين عليك منظمة جدا .. وشكل الحملة بتستفيد ممن تدبيرك ننتظر مشاركاتك الرائعة .
هلا والله بسندريلا الغالية ...الله يعافيك منكم نستفيد والله يوفقنا لنفع بعضنا البعض..
منظمة ههههه شرقيييية نمط وتربية وانتي عرفتي الانماط ومنهم الشرقي المخطط والمدقق (يقتل الموضوع بالتحليل ) الله يعين عيالي علي ..


اقتباس مشاركة
هلا والله حبيبتي اعتذر عن تأخير ردي عليك توني اقراه والله تفوتني احياناً صفحتين ثلاث بس متابعتكم على طول
اقتباس مشاركة
عجبني فيك محاولتك التدبير الله ييسر امورك
اقتباس مشاركة
بالنسبه لمقاضي البيت مو كل شهر 1500 خليه كل ثلاث شهور يعني مثلاً الشهر هذا قضيتي ب1500 طبعاً بالجمله وراح تكفيك مع الشهرين الجايه لو اشتريتي ب100 فهمتي عليه و500 بتصير 1000 لو وفرتيها بس تزيدي عليها500 وتكفيك الشهر الرابع وتقضي بالجملة ب1500 حلو لا تلتزمين بنفس المبلغ كل شهر
وال500 حقتكي قضي فيها في هذا الشهر والشهور الجايه وقفي عن المشتريات مو كل شهر تقضين خليها ادخار
كذلك حقت الاولاد مو كل شهر 500 قضيلهم في شهر وشيلي الباقي مع الإدخار ولا تكثري الملابس لأنهم يكبرون بسرعه مو زينا نقدر نستفيد من الملابس السنين الجايه وملابس الخروج خليها وقت تعرفي فيه مناسبه روحي قبلها واشتريها وعلى فكره انتشرت محلات تقليد الماركات ماتفرقي بينها وبين الماركة ابد وتوفر عليك تقدرين تاخذين البناطيل والشرتات من عندهم بحوالي 20 وخذي بلوزه من محلات الماركات ب60 تقريباً بس تكون مميزه يعني باين انها ماركه وتختلف عن التقليد وبكذا كأنك ملبسه طفلك كلش ماركه البلايز هي الواجهه أما البناطيل مو ضروري
و200 المواجيب مو كل شهر انتي شيليها لوقتها يعني خصصيها واشوفها مهمه والله احيان تولد اكثر من وحده وتتزوج اكثر من وحده في شهر واحد ونتورط خاصة لو كان في الإجازهونزنق انفسنا فالأفضل تخليلها ميزانيه
والفايض خليه للإجازه طبعاً غير 1000 الإدخار
اتمنى اكون افدتك
هلا واللع بالغلا العطاوية ..
الله يجزاك الخير على الرد ..وخوذي راحتك حبيبتي لو ما تردين الا بعد شهر
متى تصير ردودر فوق 50 علشان ارد عليكم واشارك معاكم ...

شوفي ياقلبي كلامك صحيح و زي ما قلت بالرد السابق نفس فكرتك <<تقربين لي هههه وحدة تحتك

وبالنسبة لعيالي برضو موكل شهر ..
وفكرة بكلام وحدة هنا تقول اوفرها لهم وادخرها بالبنك بحساب خاص ...
بس انا بدخر بحساب واحد لي ولهم ..

وصدقتي بالنسبة للملابس ..
زي ما ذكرت قبل البس الصغير ملابس الاكبر وحتى ما اشتري لهم غالي لاني اقتنعت انهم نصابين ..
يجيبون ملابس تقليد الماركات ويبوعونها بسعر خيالي زي الماركة الاصلية ...
وحدة اعرفها تاخذ لبنتها من الهرم ماركة اوكايدي ..وتاب الويا تصدقوون وانا اثق فيها ..
وحدة بالشرقية تقول اخذ من طابا بيجامات لاسنزا الساتان تعرفونها ...
والله انهم نصابين ..
فصرت اهم شي عندي الشكل حلو ومرتب وخامة حلوة ووين ما يكون مومهم ..اهم شي الاخلاق هههه وحدة تنكت اخر الليل ....



واخيرا شكلي عورت روسكم بالقرق صح ...

سلام كبيييير للحلوووووة نيراااز ...سلام مربع <<على قولت المصريين
وكمان لجالكسي مالح ولدي والا لسى ؟؟يا حبي لك دمك عسل الله يخليك لعيالك ..

يمكن انتي ما تعرفيني بس انا عرفتكم واحييكم والله يجزاكم كل الخير ويرزكم من واسع فضله
اقتباس مشاركة
الغريب يا أخواتي الفاتورة قبل الأخيرة كنت مستلمة جمعية وسددت الفاتورة مع المبالغ غير المفوترة ب 1116 ريال ...وطبعا طلعت الفاتورة اللي بعد كذا 400 وشوي لأني سديت جزء منها وفرحت فيها وسديتها أتفاجأ أمس وأنا أراجع بيانات الفوترة آليا يقول لي الجهاز آخر مبلغ تم دفعه 1116 ..طيب وين راحت ال 400 وشوي اللي سديتها بعدها حتى قلت لزوجي يا خوفي لا يكونون كل فاتورة يضيفون لي معاها الفاتورة اللي سديتها قبلها لأنهم الحين منزلين لي الفاتورة ب 800 وشوي لكن حسبهم الله...وأنا لو قدرت أراجع في شي أو أوصل لشي باشوف ان شاء الله.



حبيبتي شجرة الدر ..نصيحة مني حولي جوالك من الاتصالات لموبايلي ..الاتصالات نصابييين ..ناس يشتغلون عندهم يقولون اذا تعرف احد فيها وجاتك الفاتورة كبيرة نوزعها على العملاء الباقين كل واحد ريال ولا يدرون ريال ما ياثر زي سالفة اللي بيجمع مليون من كل شخص ريال (مدري هي هنا القصة او لا )
والدليل انا كانت تجيني فاتورتي 600 و700 مع اني ما اكلللم وزوجي نفس المبلغ او اقل بعد مع انه 24 ساعة اذنه معلقة بالجوال بحكم شغله ؟؟شفتي النصب ..
وزنيت عليه نحول لموبايلي ..رقمي حولوه بعد شهر معلق وزوجي علقوه 3 شهور علشان يمل وفعلا مل وقال خلاص والغا التحويل وقبل كم شهر نفس الشي ..يقولون السستم معلق الله يعلق روسهم ..وبرضوا رفضوا التحويل ..
وانا صارت فاتورتي 65او 75 طبعا سنه بدون رسوم بس والله ارتحت ..
حتى زوجي كان يقول ما لك دخل مو انا اللي ادفع الفواتير ..واقوله حرام ندفع وبس على شي وا استخدمناه ..وانا اولى بالـ 500 منهم

والى الان جاري اقناعه بترك الاتصالات والانضمام لموبايلي ..

شكلكم بتقولون اسوي دعاية لهم بس والله هالاتصالات اكلتنا ..حسبي الله عليهم
الهاتف الثابت طالعة الفاتورة 900 وانا ما عندي الدي اس ال ولا حتى صفر والمكالمات ما تجي ولا 15 ريال وكل مرة يحسبون رسوم انترنت وحنا ما عندنا وملغينها من اول شهر تخيلوا ؟؟
معليش يا شجرة جيتي على الجرح


الساعة الآن 03:55 .