سلامتك نيراز وسلامة ظهرك يارب يشفيك ويعافيك


اقتباس مشاركة
فيه وحده تقول زوجها اعطاها المصروف وقال يبي يشوف كيف تدبر الامور بس كمان تحط في بالها الديون والاقساط يا حلووه هذا بالله منهي فيكم يعني هو يخرب وهي تصلح لا وبراتب واحد بعد خوووووش والله لازم تحددين الاشياء قبل ما تتفقين ترا حتصير علقه لك انتبهي ما ادري هي سندريلا والا هي ريانه المهم تنتبه اللي حط الجمل بما حمل مع الدياانه
نعم اختي نيراز انا اللي عطاني زوجي المصروف وبحطني تحت الاختبار... وبصراحة انا كنت مترددة في قبول الموضوع لعدة اسباب من اهمها .. لاني ما احب اخذ مسوؤليات غيري ومقاضي البيت المفروض يوفرها بنفسه لكن لان عنده ضغط دراسة وعمل حبيت اخفف عنه وايضا انا مجربته اذا انشغل تتاخر المقاضي علينا نقعد بعض الاحيان ثلاثة ايام واكثر والثلاجة فاضية ..لما تجي فرصة يروح يتقضى للبيت .

المهم مالك بالطويلة ياعيوني ان شاء الله ماراح اكل علقة ولا شي لانه عطاني بند مصروف المقاضي والملابس وبنزين السيارة فقط
والباقي من ديون واقساط وراتب الخادمة والسائق والفواتير بجميع انواعها عليه هو لانها تقريبا ثابته وهو اللي يوزعها بحسب خبرته ومعرفته ...
وما توفيقي إلا بالله
بنات خطرت لي فكرة وما ادري اذا ا هي تصلح ولا لا ..

اباخذ من المصروف من الف ريال الى الف وخمسماية على حسب توفيري .. واسوي فيه جمعية بحيث كل ثلاثة شهور استلم وبيكون عندي ثلاثة الاف او اربعة وتكون لمقاضي الملابس فقط بحيث اني اختصر طلعات السوق تكون كل ثلاثة شهور اقضي مرة وحدة لي ولبناتي ..
وش رايكم وهل فيه احد مسوي كذا وناجحة معاه ..
وما توفيقي إلا بالله
بسبوسة احس انك ماشية بالطريق الصحيح .. واذا طلبنا من المطعم اقل شي 60 ريال اذا طلبنا شاورما مثلا لان اعيالي يحبونها بس انا ما طيقها من برا احس انها مو نظيفة

لما دخلت السوبر ماركت لقيت دجاج هبر او صدور دجاج بكيسة كبير والكيسة كيلوين ب30 ريال يعني لو شريتها وصلحت منها شاورما للاولاد بدل اكل المطاعم ابكسب من نواحي كثيرة ..
اهم شي نظافة واكل صحي داخل البيت
الثاني بيكون سعرها اقل وهذا المقصد من موضوعنا
الثالث بيبقى منها للمرات الجاية

وبكذا نكون ضربنا عدة عصافير بحجر واحد ..
ونفس الشيء اذا طلبوا برغر اشتري اغراضهم واصلحهم داخل البيت ..
وما توفيقي إلا بالله
السلام عليكم مساء الخير للجميع ويعطيكم العافية والف سلامة عليك يانيراز اجر وعافية ان شاء الله.
يالله وين الحماس يابنات ترى اليوم تنزل الرواتب اللي ياخذونها بالعربي حبيت اذكر اني انا عندي التزام هو استراحه كل 15 يوم وقطتها سنوي قطتي قيها بحدود 1000 ريال بصير اوفر من بند الترفيه للقطه لانها بتحل في شهر 5 ابي اوفر الباقي اللي في بند الادخار اللي بيبقى منه بحدود 700 ريال عشان الضحيه يعني في شهرين بتكون1400 وهذي تقريبا قيمتها

وبعدين ابي اسال اللي مطبقين هالتجربه اللي كل بند حاطينه بظرف يعني كل الراتب بينسحب مافيه شيء في البنك كذا وشلون اصير اخذ الفلوس معي ولا وشلون خبركم تعودنا اننا نشتري ونحاسب بالبطاقه
ماتعودنا اننا نقنن الصرف
يعني لما اطلع اتقضى للبيت لازم ظرف المقاضي معي طيب لو بسدد الجوالات باخذ الظرف

شكلي بدل ماتكون البطاقات في البوك بتصير الظروف
حركه جديده اخاف يشوفها احد ويصويها يحسبونها موضه
بسرعه علموني وشلون الطريقت بالظروف ولا وش هوبه

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك



الساعة الآن 12:02 .