اقتباس مشاركة  (جلكسي مالح)
لا تضحكون علي والله من رجعت من الدوام صليت وسويت الغداء

زوجي تغداء ونام وانا جالسة بين الظروف والدفتر والقلم والألة الحاسبة


ونص الراتب في يدي والباقي نسحبة الساعة 12 لأن السحب اليومي محدود كل يوم انام العصر شوي الا اليوم مانمت نهائيا

الله يقويك ويكون بعونك....انا مثلك بس متعودة خلصت توزيع....
24-10-1430 هـ, 04:30 مساءً
 
هلا بنات اخبااركم

ما شالله اغلب التوزيعات رووعه

وكل وحده تجرب وتسجل كل ريال صرفته عشان تعرف وين رااح

اما انا فما زال انتظار الراتب مستمر

بس مشكلتي انا غيركم كلكم لاني اكثر عدد افراد اسرتي عشرة مع السواق والخادمه كلنا عشرة وما شالله السواق وزوجته ياكلون اكثر مننا

بس بنات بغيت رايكم انا مو مجنني ولاعب بحسبتي الا الاولاد على الطالعه والداخله يبون فلوس وش الحل معهم
عدد الاولاد سته
انا عندي اثنين موظفين ووالباقي يدرسون
المشكله ان الموظفين عندهم ديون وراتبهم ما يكفيهم تصليح سيارت وحووسه

فاضطر ادفع لهم

ااما الباقيين باحسب لهم مصرووف شهري 200 ريال لكل فرد طبعا ما تشمل مصاريف الفسحه والملابس بس شخصيه

وش رايكم جمعتم مجموع المبلغ طلعوا ب800 ريال وما لي شغل بجولاتهم وتمشيتهم هاه حلوة التوزيعه ولا اطنشهم

وترى لسه ما حطيت خطه معينه لاني لسه محيوسه مصاريف الفواتير والبيت اكثر من الرااتب طبعا انا اتفقت مع زوحي انه يعطيني راتب ال8000 الاف والراتب الثاني له يدفع منه فاتورة الثابت وجواله وسلفه من البنك 2000 ريال والباقي مصاريفه وما له شغل براتب ال8000 الاف اوزعه مبمعرفتي

والله احس اني توهقت بس اقل شي اعرف وين يرووح الراتب لان اول مو ملحقين نسدد شي ابد كل شي مترااكم
24-10-1430 هـ, 05:07 مساءً
 
ريانه الله يكون في عونك احس اذا كبروا العيال زادت المسؤليه والهم والصرف بعد هم احنا عددنا كثير8اشخاص في البيت احس والله حوسه البيت يبي له اغراض ومتردده مرة بالروحه واقول ماني رياحه لبندة او كارفور بروح محل الجمله عشان ما اشتري كثير
24-10-1430 هـ, 05:22 مساءً
 
حيااك يا الغاليه بسبوسه اي والله الله يكون بالعون احس كل ما كثروا افارد العائله صعب تتحكمين بالمصرووف خصوصا اذ كان الزوج مو من النوع المتعاون

قبل شوي توني جااايه من بنده سجلت كل الاغارض الي ابيها بورقه قلت بس اشياء ضروريه لين يجي الراتب

تصدقون طلعت ب450 ريال وياادوب كل شي من حبه قال باوفر

اشتريت

صابون

رز عشر كيلو

كرتون برتقال عشان البيت كلهم انفلونزا ههههههههههه

وعلبه جبن كرفت عائلي

وشوية خضار والله يا بنات اني احسبهم بالحبه هههههههههههه ابي اوفر وشوية اغرااض ما تذكر تضحك يوم جيت احاسب طارت ال500 ميه

كنت موفرتها من الشهر الي رااح

الله المستعان
24-10-1430 هـ, 05:41 مساءً
 
صراحه الموضوع حلو ’’ رغم اني ماقريته كله ’’ وحبيت تعاونكم واستمراركم مع بعض الله يديمها من محبه وتعاون يارب ’’

انا انسانه اخذ مصروفي 2000 ودائما تطير ماعرف اتصرف بها’’ ورصيدي الي معي الان 20 بس وحده تقولي ليش متدخلين

فيها اسهم عشان تزود ووحده تقولي اشتري فيه ذهب ’’ وانا اكره شي اسمه ذهب احس بكتئاب للابسته رغم امي كانت نصيحتها

من ونا صغيره الذهب الذهب يابنتي جمال ومال؟ الله يرحمها ’’ ومكنت مقتنعه ولازلت ممكن السبب كرهي له الشديييد (ورحات اختكم

بالله وبعته 80 وطاروو والأن اقول اروح اخذلي شنطه من L F وخلاص ؟جد الان احتاج ارءكم ونصايحكم لي ’’ وفي شغله ثانيه وياليت

نتكلم بصراحه ونعطيها جانب من حوارنا..لبسكم شنطكم هل تعتمدون الماركه ولا مو شرط؟ او متعترفو فيها هالشي يهمني ’’


نسيت اوضح شغله 2000 مصروفي الشخصي مالو دخل بالشوبينق ’’ واعتذر على الأطاله ’’
24-10-1430 هـ, 07:49 مساءً
 


الساعة الآن 09:14 .