Analysis Services
اقتباس مشاركة  (سندريللا 2000)
ماشاء الله عليكم والله سنعات واغلبكم صرفياته معقولة جدا الا اللي اصرفوا اللي تحت البلاطة الله يعينهم عاد لازم تملين الفراغ اللي مكان البلاطة .. علشان الناس لما يمشون عليها مايطيحون اخخخخخخخخخخ

نيرااز ياحليلك والله ماتنلامين اجل بتعلمين ولدك بهالاجازة ولا صرفتي حتى اللي تحت البلاطة يعني مافيه مجال تروحي اجازة ؟؟ يلا اعترفي احسن لك .

المهم يالسنعات ساغطس غطساتي المعهودة وحتى ذاك الحين استودعكم الله الذي لاتضيع ودائعه << ماحد درى عنك

واللي تلمح بين الاطلال بين المنتديات تبلغها سلامي وتقول لها طولتي الغيبة ياقمر .

ههههههههههههه سندريلا والله عشان ولدي ولسى ما اتوقع اني بجلس لاني متوقعه اتصال من الوالد يالله قدامي على الجنووب ابي العيال

بعدين بالعكس اذا سافرت ما فيه صرفيه مثل جلستي بالبيت

ياقلبي يالجنوب كل شي من البيت بالعكس بيتنا هنااك هو عنوان الرفاهيه العالم تجي عشان توسع صدرها عندنا

بامكاني اعلمه هنااك وادرسه بس اعرف نفسي مع اجواء الجنوب تلاقين تحت هالشجر وهو الله يحميه ما ينمسك مع ابوي من مكان لمكان عاد تصدقين نسبة 88% راح اسافر للجنوب بس جالسه اقنع نفسي اني ما ابي اروح البلى وانا اختك فيني ما اقدر اصبر عنهااا وجيتي على اخر اسبوع في الاختبارات واهلي طوالي يخلصوو البنات اختبار يمشون عل الجنوب وانا مشتاااقه لهم حيل واقول شكلي بسافر اشتقت لريحة امي وابوي وبجلس الين عيد الفطر بعدين باذن الله امشي على جده اجلس اسبوع فيها ومنها ناخذ عمره وبعدين ارجع للشرقيه وانثبر في البيت والله يسهل يااارب
13-05-1431 هـ, 08:16 مساءً
 
اقتباس مشاركة  (كومبات)
راااح الموضوع مع السوالف

هههههههههههههه



هالحين كل هالموضوع بكبره وكل هالفوائد اللي فيه والنصائح

ما شفتي الا السوالف


صدق الحريم ما ذبحهم الا الشفاااايه
13-05-1431 هـ, 08:18 مساءً
 
الله يعطيكم العافيه وجزاكم الله كل الخير
اللحين أنا بديت تجاره ولله الحمد بعت شغلات واجد وهي أكياس ضغط-حامل معجون-منظم الجزم-مقسم الادراج -أكياس الحافظه للخضار 0....الخ الاغراض كثيره ولله الحمد واللي تبي شي أنا حاضره
طيب أيش الخطوه الجايه يعني أيش أسوي وأيش تنصحوني فيه وحبيبتي قلبي نيراز أبغى نصايحك الحلوه ولاهنو الباقيين ومشكورين مقدمآ
14-05-1431 هـ, 12:23 صباحاً
 
يالمتفائله بكم اكياس الضغط واكياس الخضار
14-05-1431 هـ, 01:42 صباحاً
 
المتفائلة
عليك بالتسويق الجيد لمنتجاتك والاشياء اللي تبيعيها
من النصائح اللي ذكرتها الغالية شجرة الدر لأحد الأخوات
1 - ممكن عن طريق بعض مواقع النت اللي ما تاخذ منك رسوم مثل أسواق سيتي.
2- عن طريق البازارات ممكن تتفقين مع وحدة تثقين فيها من المشاركات وتعطينها بضاعتك تسوقها لك وتتفقين معاها على نسبة تاخذها لها.
3- عن طريق بعض المدارس مثل مدارس التحفيظ وأشباهها لأنه غالبا يكون عندهم مبيعات متنوعة .
4- بعض المدن يكون فيها أسواق للنساء يعني مثلا بجدة في حي الإسكان الجنوبي فيه كشكات خاصة للنساء يبيعون فيها والسوق ما شاء الله حيوي حسب ما اشوفه ممكن تتفقين مع وحدة من البائعات تسوق لك بضاعتك مع بضاعتها وتعطينها نسبة أو مقابل لأتعابها .
5- الصالونات والمشاغل النسائية ممكن تحطين بضاعتك عندهم ويسوقونها لك.

وأضيف على كلام شجرة الدر
6-ممكن تتعاملين مع اصحاب المحلات ويكون لهم نسبة
7-سوي لك برشورات ولزقيها على ابواب المحلات وحطي رقمك على الملصق
8-سوقي لنفسك هنا بتوقيعك بعالم حواء واشتركي بعضوية vp وحطي منتجك بتوقيعك
9-اعملي اسلوب دعاية لك مثل العينات المجانية للزبائن في حال أعجبهم المنتج راح يطلبون منك بالتاكيد
14-05-1431 هـ, 07:27 صباحاً
 


الساعة الآن 04:52 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏