Analysis Services
اقتباس مشاركة
جالكسي مالح الله يقومك بالسلامه يارب بس لا تسبي ولا تلعني المرض لانه رحمه من رب العالمين يكفر به خطايانا وانتي هالحين حاولي تجلسي وتوزعي جمعياتك على حسب مستوى صرفك لها افضل من الان لانه بتجيك حوووسه تخبصين الاول والتالي
والحلوو انك بالجنوب بتولدين ماعندهم خرابيط الرياض الله لا يبلانا وحلاوة اهل الجنوب كل حرمه تجيب طبقها وقهوتها وشاهيها معاها يعني ان شاء الله ماهنا صرف عل الضيوف الا صحن شكولا بس
الجمعية غير قابلة للصرف نهائيا لأني ابي اشتري فيها أرض أن شاء الله لني لو صرفت المبلغ على هالمناسبات الي جاية بيكون صعب علي أجمعها من جديد

وبالنسبة للولادة بالجنوب فزي ماقلتي مافية ذيك الخساير في الأستقبال بس لا تنسين انه يبي لي تجهيز ولمولودي

وبنكون في صيفية يعني أغلب زوارنا من الأهل الي بيجون في الأجازة ويبي لنا نعزم ونعشي ونغدي صعب يجون يسلمون ونخليهم يروحون من غير ماياخذون واجبهم

يعني الصرف كلة على أبو الشباب الله يعينه لو يدري اني ناوية علية من ألحين ان ينجلط
14-05-1431 هـ, 09:00 مساءً
 
مراحب بالكل والجميع

اخباركم يالغاليات

ام فهد وخالد معوضين خير ياقلبي اهم شي انكم مو موجودين فيها وسلامتكم بالدنيا ومافيها وربي ي عوضكم خير يارب

جالكسي هلا يالقاطعة وينك على المسن افتقدتك وبالنسبة للصرف في الولادة كان الله بعونكم بس انتي حاولي تاخذي

اقل التكاليف ربي يفرحنا بسلامتك زي ام فهد وخالد ماشاء الله
15-05-1431 هـ, 07:36 صباحاً
 
اقتباس مشاركة  (مكاوية مووووت)
مراحب بالكل والجميع

اخباركم يالغاليات

ام فهد وخالد معوضين خير ياقلبي اهم شي انكم مو موجودين فيها وسلامتكم بالدنيا ومافيها وربي ي عوضكم خير يارب

جالكسي هلا يالقاطعة وينك على المسن افتقدتك وبالنسبة للصرف في الولادة كان الله بعونكم بس انتي حاولي تاخذي

اقل التكاليف ربي يفرحنا بسلامتك زي ام فهد وخالد ماشاء الله
والله يافلبي صارت دخلتي قليل المسن وفي أوقات تتعارض مع وقتك الي انتي تدخل فيه بس ادور من منتدى الحمل والولادة ألى حملة الخير

ومشغول وقتي كثيييييييير بالتجهيز لزواج أختي الله يجعلة يتأجل لبعد العيد قولوا أمين
15-05-1431 هـ, 10:11 صباحاً
 
أم فهد وخالد
الله يعوض عليكم يارب وكل شي يتعوض أهم سلامتكم
ومشاء الله عليك مدبرة
جلكسي مالح
أيوا كذا خليك قوية ولاتفرطي بالجمعية أبدا والمناسبات راح تتدبر زي مادبرتيها قبل الجمعية أو حتى قبل ماتتنظم حياتك مع الحملة
الجميع
ماسألتوني عن الفكرة اللي خطرت ببالي وقلت لكم عليها وإلا نسيتوها
هي فكرة راح تساعد في جمع راس مال مشروع طيب كيف؟؟؟؟!!!!
راح أقولكم كيف
الفكرة مو جديدة بس مطورة ههههههههههههههههه
هي تشبة فكرة صندوق العائلة والجمعية بنفس الوقت>>>ماقلت لكم مطورة هههههههههههه
يعني يجتمعون الاخوان والاخوات مثلا ويكون عددهم 10أشخاص وكل واحد منهم يدفع 2000ريال شهريا ولمدة 5سنوات مثلا
وكلما زاد عدد السنوات زاد الملبغ خلال هالفترة بس بشرط ماياخذون منه شي أبد لين تنتهي الخمس سنوات مثلا.... تعالوا نحسبها
2000×10=20000هذا المبلغ في شهر واحد بس طيب نضربه بعدد الاشهر اللي هو 12 شهر
20000×12=240000
نضربه في عدد السنوات
240000×5=1200000 مليون ومتين الف
يعني بهالملبغ يسوون مشروع مشترك بينهم مثلا يشتركون عمارة تجارية من كم دور خلينا نقول ثلاث أدوار وكل دور فيه اربع شقق مثلا وتحت اربع محلات
ولنفرض الاجار 20000اقل شي مع ملاحظة بعض الشقق فيها كبيره واكيد اجارها اكثرمن عشرين أنا بس اقرب لكم الحسبة على أقل سعرممكن
خلونا نحسبها
العمارة ثلاث ادوار مع المحلات تحت نقول صاروا اربعة أدوار وكل دور فيه اقل شي اربع شقق راح تكون الحسبة كذا
4×4=16 ضربنا عدد الادوار في عدد الشقق في كل دور
16×20000=320000وهالمبلغ مجموع اجارات العمارة بالسنةوهو ثلاث مية وعشرين الف يتوزع عليهم بالتساوي وهم عشرة
320000÷10=32000 لكل واحد فيهم اثنين وثلاثين الف حلوين
ممكن كل واحد يجمع حصته ويبدا فيها مشروع خاص فيه
انا اخترت فكرة العمارة أو العقار عموما لانه إن شاء الله مافيها مخاطرة ومضمونه بعد الله تعالى
وممكن نفس الفكرة بس بعد السنه الاولى يطلع لهم مبلغ
2000×10×12=240000 هذا مجموع جمعيتهم لمدة سنة يشتروا فيها ارض تجارية بموقع حلو بالرياض او جدة مثلا والمبلغ إن شاء الله يكفي خصوصا إن العقار راح ينخفض بسبب الرهن العقاري الي راح تنفذه الدولة الاشهر اللي جاية
المهم بعد مايشتروا الارض يكملو جمعيتهم ويبنونها اكثر من 10 ادوار وكل دور فيه اقل شي 6شقق ومحلات تحت
وهذي راح تاخذ وقت اكثر من5سنوات لانها مشروع مربح جدا
وممكن انهم يبنوها بالتقسيط كل شهر يدفعون 20000 لين تخلص
وممكن بعد انتهاء الخمس سنوات يتقاسمون المبلغ وكل واحد يسوي المشروع اللي يبيه
وهنا راح تكون الحسبة
1200000÷10=120000 ريال لكل واحد

بصراحة قاعدة اخطط أفتح هالموضوع مع خواتي واخواني لارحت لهم بالعطلة إن شاء الله بس أدعولي بالتوفيق
بصراحة هالفكرة جتني بعد تم الاتفاق مع زوجي على انه يعطيني مصروف شهري 2000ريال وقعدت افكر كيف ممكن استفيد من هالالفين بش يفيدني على المدى البعيد
واذا دخلت معهم إن شاء الله راح أقوله إني دخلت بها جمعية مع اهلي لمدة 5سنوات وهو اكيد مراح يقصر معي راح يعطيني اللي يكفيني انا وعيالي وماراح يبخل علينا بشي الله يخليه لنا يارب
وأنتم يالغاليااات حاولوا تطبقون هالفكرة ومو شرط 2000ريال ممكن الف أو اللي تقدرون عليه
واذا على السنوات والله راح تركض ماحسينا بها المهم يكون عندناشي خاص بنا ويكون لنا هدف نوصله ولو بعد حين
هاااه وش رايكم ياعسولات آارئكم تهمني واذا فكرتي فيها مغالطات أو بعيدة عن الواقع خلونا نتناقش فيها عشان نكون على بينه لانه اجتهاد شخصي احتمال الخطأ فيه وارد
ايه نسيت شي مهم وهو وين نجمع هالمبلغ كل هالمدة
نسوي حساب مشترك بالبنك بدون بطاقة وما أحد يقدر يسحب منه شي أبد الا بموافقة الجميع أو حضورهم للبنك مع بعض
15-05-1431 هـ, 12:56 مساءً
 
السلام عليكم ورحمة الله وبركاته
اليوم اتصلح الكمبيوتر عندي مادخلت على الموضوع لي شهر تقريبا
" والله وحشتوني يالغاليات "
" مكاووية مووت " ياهلا بك في المدينة لو دريت استقبلتك ياالغلا , ماشاء الله تبارك الله إنسانة مبدعة , وكلامك وردودك رائع , لاحرمك الله الأجر ..
"نيراز " ياهلا باالطلة الحلوة , وترجعين بالسلامة يارب , وتمسكك بحجابك الأصيل أسعدني وفعلا أنتي راقية , الله يثبتك .
وياهلا بكل الغاليات والأخوات وكل من قدم نصيحة حلوة وتجربة مفيدة ولي عودة بإذن الله ..
15-05-1431 هـ, 01:23 مساءً
 


الساعة الآن 08:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏