Analysis Services
بالمناسبة عندي لكم اقتراح

فيه ناس لمن يقضون للعيد يقضون كل شي مرة وحدة من إلى من ملابس داخلية لجزم لعطور لثياب .............الخ طبعا هذا يسبب انهيار شديد للميزانية أنا باقولكم شي ليش ما تبدون من الحين تشوفون ايش محتاجين انتم أو عيالكم وكل مرة تجيبون شي ..يعني أنا مثلا الشهر هذا شريت ملابس داخلية لعيالي الكبار وزوجي فخلاص هذه طاحت بحسابها.
محتاجة بجايم لعيالي الصغار الإثنين ناوية اشتريها ان شاء الله في هذه اليومين.طبعا ما باقي على العيد ان الله عطانا عمر وعافية الا 4 شهور يعني ما بتلحق تستهلك خلال 4 شهور...أنا أشوف كذا أفضل من اني اجمع كل أغراضي بشهر واحد فأرهق نفسي وأرهق ميزانيتي ..وغير كذا مشترياتي بتكون حسب حاجتي: هذا الشهر محتاجة جزم ، الشهر اللي بعده ثياب ، الشهر اللي بعده بجايم وهكذا ما يجي رمضان أو قبله الا وانت باقي لك أغراض بسيطة اللي تكون خاصة فعلا بالعيد مثل لبس أول يوم العيد وما شابه .[/quote]

حبيبتي شجرة الدر
نفس طريقتي أكتب كل شي أحتاجه في ورقة ابدأ بالضروري وأنتهي بالكماليات من مستلزمات مطبخ أغراض للبيت وحتى أغراض شخصية مثل مكياج جوال ...الخ

أغراض للأولاد وكل شهر أقضي شي أوشيين على حسب أهميةالغرض واذا خلصت أشطب عليه بالورقه والله تراها طريقة حلوة .. وأنا زيك بديت أقضي للعيد الله يلحقنا أياه لأني حكون ولادت ان شاء الله وما أقدر أنزل السوق كل شوي والحين بدت التخفيضات أنا الشهر اللي فات شريت الجزم
والبيجامات وهذا الشهر ناوية الملابس الرسمية ...الله يبارك لنا في أموالنا وأولادنا وأوقاتنا يارب..
27-05-1431 هـ, 12:44 صباحاً
 
الله يجزاكم خير نيراز والطموحة كلامكم درر

فعلا ليش ما نغرس الفضيلة وحب الغير والايثار في نفوس عيالنا ؟؟

كل ما عودناهم عل البذل صار شي أساسي ما يحتاج يتعودون عليه لمن يكبرون سلفتي تحكيني عن وحده أبوها من اغنياء هذا البلد بس مشاء الله عليه يحب الخير تقول كان أبوي ياخذنا على بيوت ناس مررره فقراء حتى تستحين تشربين كاس مويه عندهم وتقول يقعد يسولف معاهم ويخلينا نشرب بالغصب وناكل أي شي يقدمونه وتقول حنا صغار نقرف تقول والله ندخل حواري وبيوت تستغربين أنها موجوده مات الأبو والحين هي مشاء الله عليها تزور الفقراء وتتصدق عليهم وما تحسسهم بالنقص هذي التربية الصح تربت من الصغر وتعودت على كذا
الله يهدي عيالنا ويصلحهم يارب ويعينا على تربيتهم ..
27-05-1431 هـ, 01:13 صباحاً
 
اللهم لك الحمد اشكر طرحكم للفكرة وتربية الابناء لانها اساسية

الحمد لله من فترة احب ان اولادي يتعلمون الصرف وعندي الكبير مسرف مرة فخليه يسرف فلوسه وهو صغير

عشان يلاحظ الفرق بينه وبين اخوه من بدري ويتعلم احسن من لما يكبر ويستلم راتبه ويصرفه هباء عموما

الصغير طلبني سيارة قيمتها حدود الستمية وقلبي والله يتقطع اقوله لا لاني اقول ليش اشتغل مش عشان اسعدهم بس تجرات وقلتها

قلت ماعندي فلوس تكفي ...................وش سوى زعل وقال انا باشتريها وياعمري ريالاته على طول بالحصاله وماعنده غير 33ريال

وبدا يجمع وكل ماتناقشوا في فلوسهم اسمعه يقول باشتري السيارة ؟؟؟؟بالنسبة لي حلو الطفل يضع له اهداف بعيدة يحققها احسن من محل بو ريالين اللي شوية واللعبة مكسورة ...........بكرة الطفل يكبر وتكبر اهدافه باذن الله ..

مع ان اهلي يعلقون على عيالي :اهلكم جننوكم من بخلهم _طبعا مش بخل بس تخطيط معين -لان اهلي من النوع اللي معك فلوس

اصرفها وعند الله الفرج وهذي الطريقة اكرهها جدا بعد ان تعلمت في منتدانا الغالي وهي طريقة غالبية مجتمعنا
المتفائلة فعلا تصدقوا بالالعاب ناس يسوونها خصوصا الطفل اللي بياخذها يفرح فيها طيب مرة كنا بحراج بن قاسم ومرينا عالمستعمل للبيع

وكانت العاب مكسرة يبيعونها قال زوجي من يشتري من هنا ؟؟؟

قلت :الفقير اللي وده يسعد ولده ويرضي طفولته ؟؟يشتري له لعبه مستخدمه عادي فعلا في ناس محتاجه الحمد لله


اثابكم الله على هذا الطرح
27-05-1431 هـ, 11:33 صباحاً
 
نيراز عندي سؤال عندكم غبار وكيف تنظفون بيوتكم هناك اذا مافي غبااااااار

لاني اعرف ان الاجانب مرة اسبوعيا ينظفون اما احنا ندور وندور وندور في نفس الحركة لو نخلي بيتنا يومين

في نفس اليوم نكنس ويرجع الغبار سبحان الله
27-05-1431 هـ, 11:42 صباحاً
 
هلا بالغاليات الحبوبات المقتصدات
نيرااااز
حلوه قصة الوالي مع أهل القرية , وفعلا كثير في مجتمعنا من هالنوعيات .. والله يصلح الحال
صعب اختصاري
هلا بك يالغالية وتنظيم الشراء من النقاط المهمة في تنظيم الميزانية , الأهم ثم المهم
وكلام شجرة الدر الله يسعدها حلو وصحيح , وناوين انطبقه إن شاء الله , وكمان تقدرين تخصصين لكل شخص شهر تشترين له كل احتياجاته
أم فهد وخالد
هلا بك يالغلا , حنا نشتغل إيوه , عشان نسعدهم صح , بس السعاده والله في التربية الصحيحة , كيف نحسسهم بقيمة أشيائهم , وكيف يحافظون عليها , ويقدرون مجهود والديهم ..بكرة الله يبلغك إن شاء الله ويكبرون وتشوفينهم من أنجح الشباب , لأنك ربيتهم على كيف هم يصنعون السعادة ولا ينتظرونها على ملعقة من ذهب تهدى إليهم ...

وين مكاووية مووووت
كأني أشوفها بالسوبرماركت
وين جالكسي مالح
والحلوة أم الحلوة
وشجرة الدر
وكل الغاليااااااااات
27-05-1431 هـ, 02:18 مساءً
 


الساعة الآن 04:04 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏