بنات في تجربة بسيطة دخلت اكتبها لكم هي اكثر شي في التربية
وبرضو في التوفير

الموقف :طلعت وابو الشباب وما جيت الا والبودرة حقت البيبي كلها مخلصة كبوها عالارض من الزعل ليش ماراحوا !!!!!

اليوم الثاني قلت لهم سلموا فلوس البودرة واخذت منهم فعلا القيمة هم يكسرون خاطري بس ماابغاهم يحوسون ويخربون بالبيت

وقبل شوي خلود يبخ بالمريتو وماهمه طيب تذكرت السالفة ذي قلت تبغى توقف ولا تدفع قيمته وتشتريه لك وتبخه واحنا نجيب بداله

تردد بغى يدفع بعدين قال لا هذا مستعمل باشتري جديد والعب فيه خخخخخخ
وافتكيت من تخريبهم

صراحة كانوا عيالي كل مازعلوا خربوا بزيادة يحوسون حوس بس ماشاء الله الكل يمدح ادبهم عند الناس _اهم شي الناس لايخربون عليهم وبس _بعدين تخلصت من تخريب الاشياء بتحميلهم تكاليف تصليحها او شراء بدالها والحمد لله انحلت مشكلتي معاهم
27-05-1431 هـ, 02:56 مساءً
 
بصراحة أنا عودت عيالي بس إذا أستلمت الراتب يطلعون ويتمشون وياخذون اللي بخاطرهم من ملابس وغيره وإذا بيلعبون مايشترون لعبة والعكس وحتى الحلويات يختارون شي واحد فقط علشان أسنانهم .يعني بالشهر مره وإذا جاء الشهر الثاني تلاقينهم متشوقين وبكذا ماينتهي الشهر إلا ولله الحمد معي مصروف زيادة
27-05-1431 هـ, 04:00 مساءً
 
هههههههههههههههههههههههههههههههههههههههااااي يا ام خالد

اجل يبي ماريتوو جديد ما يبي مستعمل ههههههههههههههههههههههههه اعجبني بصراحه ربي يحميه لوهو قدااامي كان وربي ماسلم من العض

بعدين تعااالي ليه يلعبون كذا بالاغراض والبودره تعرفي لوهم عياااالي والله لامسكهم بالبودره الين تطلع اشكالهم غلط واوقفهم بالشااارع اخلي العالم تضحك عليهم عشاان يتوبون ثااني مره يحرمون يخربون شي لا وبكتب عليهم لوحه استاهل العقاااب لاني لعبت في البودره عشان العالم تعرف السبب خوووووووووش والله


++++

بالنسبه للغبااار ايه يختي جانا اسبوع واحد غبااار الله وكيلك واقول وش بلا العالم معطيتهم اجازة اسبوع من المدارس والعالم مغطيه سيارتها بالبلاستيك والمكان شبه خااالي طلع من الغباار بس لو تدرين وش غبااارهم سبحان الله اشجار الصنوبر هناا تجي لها فترة اسبوع تشوفين الجوو كانه غبااار شفتي اللي صار في مطار الملك خالد نفسه بالضبط بس لونه على اصفر فسفوووري تحسين الجوو مليااان بودره طلع غباار الطلع تلقيح الاشجااار خلصت الاجازه من هنااا اسبوع نزلت مطره لمدة 3 ايام متواصله ما وقفت اول يوم مع رياااح قويه واليومين الثااانيه كانك فاااكه دش المروش على خفيف غسلت الشجر والشوارع والبيوت شي خراافي وقف المطر من هناا من بكره الارض ازهاار الشجر مورق اقول لزوجي متى يمديه يطلع الورق وقبل يومين الشجره كلها عيدان سبحان الله الورق تجيك على هيئة عيدان بنيه بس ينزل المطر تتفتح ورق اخضر يجنن وبعدهاا خلاص نظفي البيت زين واستمتعي بالحياااه

لكن فترة الاسبوع والله تقفلي بيت تقفلي ماني عارف ايش زي البودره تحسي جسمك مغطى ببودره سبحان الله فترة الفجر والمغرب تشوفين الشجر وهي تبخ الطلع سبحان الله وهالحين لو تشوفين الاشجار جنة الله في ارضه ما كانها اللي بالشتاااء ناااشفه لو هي بالسعوديه ما تحملوو طوالي حولوهاا حطب بصراحه الطبيعه هناا علمتني شغلات كثييييييييير
27-05-1431 هـ, 04:13 مساءً
 
مساء الخير
انا موجوده بس ماعندي شيء اضيفه
حوس ودوس في هالدنيا الله يعيناء وياكم
ولا يشغلنا الا في طاعته
الجمعيه اللي دخلتها خلصت لان اغلب اللي كانوا داخلين انسحبوا فصارت بس على 8 اشخاص
ولاوني داريه انها كذا كان ماتحمست لها
والحين ابي احد يدخل جمعيه غير هذي لان هذي من 500 بس
ففكر اني ادخلها مع زوجي واخوياه في الدوام لانهم يدخلون بمبلغ جامد
ورجلي يقول استني اسئلهم
والله يعين
انا من عشاق الجمعيه لانها غصب تمسك فلوسي وتخليني ادفع لاني عجزت اجمع
كل هالبربره وانا ماعندي شيء اشوى ان ماعندي ولا كان ادوختكم
27-05-1431 هـ, 04:35 مساءً
 
هلا بالغاليات
أنا مثل الحلوةه متابعتكم لكن ماعندي شي اضيفه
والجمعية صح تمسك الفلوس بس لاجات وانتي ماعندك التزام ماتدرين وش تسوين فيها
أنا اليومين هذي مستلمه جمعية 20,000 ومتعبتني مدري وش اسوي فيها لاهي تجيب ارض ولا تسوي مشروع ومطيره نومي واخاف اطيرها وأنا ما استفدت منها
وش رايكم زوجي مقترح علي يشغلها لي في التقصيد ويطلعلي فيها مكسب 10,000 المشكلة ما احب اصبر 15 شهر وش رايكم
لو عندكم مشروع لاتبخلون علي قبل ما اطيرها
27-05-1431 هـ, 04:53 مساءً
 


الساعة الآن 09:55 .