أم بدرالقمر
اعجبتني فكرة قطة الطقاقات وتفك زنقه
الطموحة
مشاء الله عليك معلوات رائعة تسلم ايدينك يارب
وفكرة تعويد الاولاد على التوفير مررررة حلوة
انابديت مع عيالي الشهر اللي فات وعطيت كل واحد حصالة خاصة يجمع فيهاسواء من مصروفهم أو من هدايا الاهل والاقارب
وياحبي لهم صاروا يحرصون على مدخراتهم وصاروا كل فترة يسألون متى نفتحها وكل واحد يقول للثاني وش ناوي تسوي بفلوسك هههههههههههه
بس الشهر هذا فتحتها لهم بشوف كم جمعوا بشهر بصراحة موكثير وبعضهم تحطم وقال لوداري بس هالمبلغ كان ماتعبت عمري فعلى طول جت في بالي فكرة وبسرعة اقترحتها عليهم لاني خفت يرجعوا زي اول طلبات كثيرة وعلى طول طفش
فقلت لهم يجمعواعشان يشتروا اي حاجة نفسهم فيها ولوبقي شي بسيط انا أزيد عليه
طبعا أنا كنت حريصة إني ماأقول أنا أزيد اللي ينقص فيعتمدواعلي في تكملة المبلغ وترجع ريمة لعادتها القديمة
صعب اختياري
انا نزلت روابط لجدوال الميزانية في احد ردودي هنا وبعد نزلت رابط تحميل لبرنامج اكسل مفتوح تحطين الارقام لخاصة فيك بكل خانه وتحسب لك مصروفاتك بشكل دقيق كل شهر وكل سنة أرجعي لها
سندريلا
واحنا بعد اشتقنالك مرررة ياعسل
مكاوية
الله يجزاكِ خيرعلى التذكير بأخواتنا اللي اشتقنا لهم وكل يوم يزيد إعجابي بك الله يحميك يارب
أم حنين2005
شوفي قسم المشاريع مليان مشاريع بدت من المنزل وإن شاء الله راح تحصلين مشروع يناسبك
فرحة قلب
موعيب إن الانسان يغلط المهم مايستمر بالغلط
وحلوإنك انتبهتي في الواقت المناسب وبديتي تغيرين حياتك للأفضل

نيراز
مشاء الله تبارك الله حلو الاستثماربين الاهل كل على حسب موهبته وأكيد راح تلاقين عندك أشياء حلوة وغريبة تخدم الموضوع وماهوخسارهة فيها الصرف
حبيت هالجملة ووقفت عندها كثير
حبيت تكون مشترواتي هناا تعتمد على الانتاج اكثر منه استهلاك
ياليت يكون تفكيرنا إيجابي عند شراء أي شي مهماكان
فكرة صنع البيتزامرررررةخطيرة وتكسر الروتين
وعندي لك فكرة إن شاء الله تعجبك
أكيد عندك شغلات واجهزة غريبة موموجودة بالسعودية أو أي شي يناسبنا كعرب بسموموجود هنا
الفكرة ليش ماتتعاملين مع أحد التجاربحيث يشحن لك البضاعة اللي اخترتيها وأنتِ عليك التوزيع ولك نسبة معينة على كل عملية
بيع أوعلى كل شحنة توصلك أوحتى تاخذي كتالوج للبضاعة اللي اخترتيها وتكوني وسيط بين البائع والمشتري ولما الزبون يختار أي قطعة اعجبته تطلبينها له من الشركة الأم وتكاليف الشحن عليهم والتوصيل على الزبون وممكن تسوين لك متجرعلى النت أو حتى تعرضي بضاعتك بتوقيعك بالمنتديات
شجرة الدر
اعجبتني فكرة إن اغراض العيد نقضيها على فترات
الله يسعدك على الفكرة يارب
جمرة الشوق
الحملة كلها أفكار وحلول لسلبيات الصرف إرجعي وأقريها راح تستفيدين يالغلا
سلين
ماشاء الله عليك خططك سليمة وتفكريك في تغيير الوضع في محله
استمري وراح تلاحظين التغير صارللأفضل في كل جوانب حياتك
لي عودة للرد على بقية المشاركات



الله الله يانيراز وش ذا العقاب الزين شكل عندك انواع من عروض العقاب ..............متاثرة بالحملة .....
اعطينا مما اعطاك الله الله يردك بالسلامة ان شاء الله
فاصل شقاوة

عيالي مسكوا الشاكوش ماغيره وضرب فالباب لين انكسر وغطيته بجلاد لين صلحه ابوهم والعجيب اللي صلحه

لاجوه الزباين وشافوا الباب من جوه قالوا مانبغى زي هذا الباب ويقعد يشرح لهم انه مو شغله لاكن شغل المحل الثاني طلع غشاش من الداخل متهالك وبحكم صغر مدينتنا تسبب ابنائي بعد الله في كشف منهو اللي يغش ...
والموقف الاعجب من الفاصل مسك الهامستر خلود وحطه بالشارع يوم سالناه :بس بغيت اشوف يندعس ولا مايندعس ؟؟؟؟؟
الله يهديهم
اللهم انصر اخواننا في سوريا واعنهم وثبتهم يارب واهلك الطاغية واعوانه وانصر اخواننا المسلمين يارب ياكريم
الحملة والخطوات الى التنفيز بسيطة
جوجو

تسلمي على الاقتراااح

بجلس اقرااه يوم كامل عشان افصله وافهم تفاااصيله اكثر بصراحه


+++

ام فهد وخالد


ماراح اعطيك من العقاااب اللي عندي

تعرفين ليه لان بعض الامهااات ما تتقن العقااب قد ما تخربه

فارسلي اولادك لي اسبوع واحد بس اسبوع واحد

لك مني يرجعون لك يمشون على العجين ما يلخبطووونه
والدعوه من غير ضرب عشان قلبك يطمن عليهم

الله يهديهم لك يااارب

++++


العطااويه الله يطرح فيها البركه يااارب واستخيري قبل اي شي تحبي تسويه

+++

الحلوه اي والله يا زين الجمعيااات بس يا بيخهااا اذا كانت قليله المفروض يكون الموضوع من البدايه جديه

+++

مسك وعنبر

حياااك

ماشاء الله عليك برااافو عليك الله يكثر من امثااالك

++++

كادي اور سادي <<< ضيعت الاسم

كل شي سهل باذن الله مع الصبر والاستمرار


الحياه فوضى عندي
خلاص ستوب
السلام عليكم ورحمة الله وبركاته
ياهلا بجوجو ..
فعلا يالغالية الحملة كلها حلول , وكلها خير , وكلها فائدة
بعد توفيق الله عز وجل ومن ثم الإشتراك بالحملة تغير أسلوبنا في الحياة , صرنا نقدر نعمة المال , ونفكر , ونخطط , ونطمح , ونضع أهداف , ونسعى إلى تحقيقها , نعم لابد من التخلص من عادات سيئة , وقعنا في فخها من إسراف وبذخ يتجاوز الحد , والإستهلاك بدون عقلانية ...
فجزا الله خيرا كل أخت شاركت وأثرت الموضوع ..

أم فهد وخالد
الله يبارك لك في أبنائك , ويصلحهم لك , ويرزقك برهم

cade
هلا بك ومرحبا


الساعة الآن 06:18 .