السلام عليكم ورحمة الله وبركاته

مراحب بكل غاليات حملتنا حملة الخير المباركة

الصراحة انشغلت كده فترة مع ظروف النادي والدايت وجاتني شوية دوخة مع الحمية الله المستعان

وماكان عندي اي جديد يذكر ولما دخلت انصدمت انه الموضوع اتشال عنه التثبيت زعلت الصراحة كان موضوعنا

في بداية الصفحة ودحين شفته في الصفحة الثانية هزلت وقلت لا لا لا موضوعنا شامخ ان شاء الله وموضوعنا انا اول

وحدة استفدت منه وحققت معاها بعد فضل الله ومنته اشياء كثيرة تسديد الايجار بالكامل واقساط اولادي

والحمدلله تخلصنا من الفواتير المتراكمة ومن جميع الديون الحمدلله والشكر

والان جالسة اجمع مبلغ مو بطال عشان الاجازة والكسوة الله يحيينا بصحة وعافية يارب
اختي جوجو العسل ماشاء الله عجبتني طرحك لموضوع التربية بالحب واللي اثر فيني الصراحة بس لاتفتكروني قاسية لا بالعكس

جوتي كمية حنان هائلة من ناحية اولادي بس زي بناتي الكبار اعمارهم 17 و14 الله يحميهم احيانا لما يساعدوني في اشغال البيت

اجي اقولهم مشكورين حبايبي ماقصرتوا بس ماادري ليش ماابوسهم بس اكتفي بالشكر واربت على اكتافهم اخاف ابوسهم

يستغربوا لكن اولادي الصغار محمد واحمد 11 سنة و5 سنوات كل دقيقة الاحضان والقبلات حرام تلاقي البنات حقدوا علي

بس بصراحة احاول اطبقها ليش لا هذولي بناتي وانا امهم واحاول ان شاء الله اني اكسر الحاجز هذه مشكورة ياعسل

الطموحة اشتقت لكي ولكلامك ماشاء الله عليكي طمنيني عنك

يابنات حابة ابلغكم سلام اختنا المتفائلة لانها ارسلت ليا رسالة على لاجوال تقولي انه ماعندها شحن كونكت وحابة تسلم عليكم كلكم
اقتباس مشاركة  (سندريللا 2000)
المفكرات الفهيمات ابغى اخذ رايكم في حاجة لو عرض عليك شخص ما انك تدخلين معاه مساهمة في مشروع ..

والربح فيه مضمون ان شاء الله .. والسهم من الف ريال فقط ؟؟ وهذه المساهمة تعتمد على الشخص صاحب المشروع هل هو محل ثقتك اولا ؟؟

لكن هو مايضمن لك ارباح ولا انه يرد لك اموالك في حال خسارة المشروع ؟؟ ولا حدد كم ارباحك بالمية .. لانه يقول على حسب الربح من المشروع اوزع الارباح على المساهمين .
بمعنى اصح تسمى تجارة مضاربة ..

ايش رايكم هل تدخلون مثل هذي المساهمة ولا لا ؟؟ انتظر ردودكم ؟


هلا وغلا وكرتون حلا ياسوسو

الصراحة زوجي قبل فترة دخل جمعية واعطاها اخوه كان مبلغ 50 الف واخذها اخوه وشغلها في العقار ماشاء الله

خلال سنة جابت 100 الف الحمدلله والعقار مشروح مربح وناجح فانتي استخيري واتوكلي وربي يكتب لكي الخير

وييسره لكي يارب
اقتباس مشاركة  (صعب أختصاري)
كانت أمورنا ماااشية تمام ولكن أكتشفت الشهر اللي فات أنه أبو الشباب ما يحط في الحساب مبلغ التوفير كامل يعني ينقص منه

وأنا عاااااد انجنيت حسيت كأني أنفخ بقربه مفقوعه سالته طيب ليش قال عشان ودي أسافر بعد ما تولدين <<< بكل ثقة

قلت طييييب والله لا أوريك كتبت لسته اغراض وقلت هاذي محتاجتها أنا وعيالي أنت ما تحس فينا

أنا أجمع وأحرم نفسي لمين ؟؟ والله قهرني بالله وش أسوي شوروا علي ؟؟

هلا بيكي ياقلبي

كان الله في عونك من وجهة نظري اكره الرجل الاناني اقولك على شي

اختي زوجها زي زوجك يحب السفر واصحابه الله يصلحهم بس يقولوله سافر وانبسط وخذ راحة م نام العيال

المهم اختي شغلت المخ وقالتله ماعندي مانع بس سويلي فيزا شغالة انا ولدي صغير واتعب والبيت كبير

ماكذب خبر سوا الفيزا وطار المهم انها خرجت من عيونه فلوس الله يهديهم الرجال ماعندهم احساس ولا مشاعر
اقتباس مشاركة  (زهرة الأيام)
السلام عليكم
أخواتي من زمن ودي اشاركم الافكار لاني بصراحه احب التوفير ومعلمه اولادي على كدا مو كل شي البابا يجيبه لازم يوفرو من مصروفهم ماشاء الله تبارك الله ولاحول ولا قوه الا بالله ولدي صار يوفر من مصروفه عشان يشتري بلاي ستشن 3 لان عنده بلاي ستشن 2 بس الغيره لان ولد خالته عنده بس المشكله في زوجي مايفكر في المستقبل العيال بس يفكر في نفسه كل ما شاف سياره مع غيره وعجبته راح يشتري لدرجه صار مايبقى من الراتب الا1500 ريال ما أدري هي مصروف للبيت أو تسديد للفواتير مع العلم ان عنده محل يدخل دخل معقول بس يعرف يطيره في الهواء بس لي قهرني ان مانروح السوق الا في الاعياد أو دخول الصيف أوالشتاء اما الأجازه نسفر 5000 ريال ويجي 10 ايام من السفر لي بح الجيب لان نصرف حتى على أخوه وعياله وهم مقيمي بس طوال 10 سنوات ماقدر يجمع ريال واحد مع اني دائما أدكر باالتوفير ويقول انتي انسانه فاضيه لكن راح ادخل مشروع وراح اوفر وحقق لاودي لي يتمنوه واشتري اهم شي بيت ان شاء الله
بصراحه انتم لي حمستون لتفكير بجد في المستقبل

ماشاء الله افكارك حلوة الله يبارك لك بالعكس اجلسي معاه واتفاهمي وقوليله الفلوس هذه اللي طايره الافضل

اننا نستثمرها وتدر علينا ربح مضمون احيانا يقهروني الرجال لاسار عندهم فلوس ولاسار عندهم عقل

احنا الحريم افضل منهم بكثير بحكم حملتنا شوفوا فين وصلنا يارجال المستقبل


الساعة الآن 12:06 .