مساء الخيرااات

اختي ريانة بما انك سالتي ابجاوبك لو كنت مكانك ايش اسوي

اقتباس مشاركة  (raianh2007)
هلا بنات اخبااركم

ما شالله اغلب التوزيعات رووعه

وكل وحده تجرب وتسجل كل ريال صرفته عشان تعرف وين رااح

اما انا فما زال انتظار الراتب مستمر

بس مشكلتي انا غيركم كلكم لاني اكثر عدد افراد اسرتي عشرة مع السواق والخادمه كلنا عشرة وما شالله السواق وزوجته ياكلون اكثر مننا

بس بنات بغيت رايكم انا مو مجنني ولاعب بحسبتي الا الاولاد على الطالعه والداخله يبون فلوس وش الحل معهم
عدد الاولاد سته

ماشاء الله ربي يحرسهم
انا عندي اثنين موظفين ووالباقي يدرسون
المشكله ان الموظفين عندهم ديون وراتبهم ما يكفيهم تصليح سيارت وحووسه

فاضطر ادفع لهم

من رايي ماتدفعين لهم خليك قوية شوي وحاولي انهم يعتمدون على انفسهم خصوصا اذا رواتبهم فوق الثلاثة واتوقع ديونهم اقساط سيارات بس اتركيهم يعتمدون على انفسهم لانهم بيستمرون يطلبون منك حتى لو صار عندهم اولاد واعتذري منهم قولي التزاماتي كثيرة وما اقدر اعطيكم شيء خلال الاشهر القادمة .

ااما الباقيين باحسب لهم مصرووف شهري 200 ريال لكل فرد طبعا ما تشمل مصاريف الفسحه والملابس بس شخصيه

برايي كثير 200 الا اذا فسحتهم عليهم وترى المال بيد المراهق سبب يجذب عليه اصحاب السوء الا ذاا كانت عليه متابعة جيدة

وش رايكم جمعتم مجموع المبلغ طلعوا ب800 ريال وما لي شغل بجولاتهم وتمشيتهم هاه حلوة التوزيعه ولا اطنشهم

وترى لسه ما حطيت خطه معينه لاني لسه محيوسه مصاريف الفواتير والبيت اكثر من الرااتب طبعا انا اتفقت مع زوحي انه يعطيني راتب ال8000 الاف والراتب الثاني له يدفع منه فاتورة الثابت وجواله وسلفه من البنك 2000 ريال والباقي مصاريفه وما له شغل براتب ال8000 الاف اوزعه مبمعرفتي

والله احس اني توهقت بس اقل شي اعرف وين يرووح الراتب لان اول مو ملحقين نسدد شي ابد كل شي مترااكم
ويوجد تقسيم اخر انت اول شيء سددي الفواوتير كلها واللي يبقى خليه اساسي كانك مااستلمتي غيره وعليه قسمي البنود الباقية
وما توفيقي إلا بالله
العطاوية

ههههههههههههههه ههههههههههه تخياتك وانت حاطة حرتك بالمقاضي تشيلين وترمين بالعربية

بما انه رافض خوذي المصروف اللي يكفيك وكبري الوسادة ونامي ...... مثلي قبل ما استلم المصروف.
وما توفيقي إلا بالله
هلا وغلا بنات كيف الحال


طبعا قريت الردود وامس كتبت رد بس الله يهديه ولدي مدري وش سوى ودردب راح قلت خلاص بكره اشوف وش كنت ابي اكتب

المهم اليوم بنفرد لرد خاص لريانه اوكي والباقين والله قريت سوالفكم تهبل العطاويه فيه شغله بقوله لك ذكريني فيها بخصوص سي السيد ورفض الميزانيه ابي اخليك حكيمه غصب

نرجع لريانه يا حلوه انتي ايش اخبارك والله يعطيك العافيه يارب

انتي تعتبري من العوائل الكبيره 6 اشخاص بالاضافه الى خادمه وسائق انا ما ادري كيف وضعك مع السائق الخادمه لكن خليني اتكلم عن العائله بشكل خاص وانفرد لك بالخادمه والسائق

المهم يالغاليه انتي التوفير معاكي بالحبه اكبر غلط لان الاستهلاك اكبر فلازم تكون مشترواتك بنظام الجمله يعني الاساسيات تطنشي شي اسمه بنده وهالاماكن تشوفي المركز اللي تبيع جمله بالشرقيه حتلاقي اذا عندكم عمر بلشرف يبيع بالكرتون واقولك عن الاشياء اللي تاخذيها بالكرتون يمكن بتصرفين اول شهر لكن ترتحين الاشهر الثانيه

مثل الجبن السايل تاخذي مثلا كرتون او نص كرتون من الكاسات الطويله اذا تحبونها اول شي ما تخرب ولا يتغير طعمها ثاني شي ارخص من الحبه
جبنة كرفت العلب الزرقاء خذي نص كرتون لا تتعاملي بالحبه ابد
الصلصه .. التونه .. العصيرات .. الحليب السائل .. حليب نسلته .. المعلبات عموما خذيها على نص الكرتون وتكون الصلاحيه تكفي لسنه قدام
الرز خذي الخيشه الكبيره هي والسكر وحطيها جوا السطل الكبير اللي بغطى اوفر لك بكثير ويجلس معاكي شهوووور

الصابون التايد بيرسل او اومو او كمفورت والا داوني خذي الجوالين الكبيره

المكرونه خذي من كل شكل 4 علب

في النهايه انتي كذا المخزن كامل من كل شي بالكرتون وبنص الكرتون يجلس معاك حق ثلاث شهور قدام

ايش المطلوب منك

المطلوب ما تفضين كل الكراتين وعلى الرفوف لا نهااائي

طلعي كل 4 حبات ورصيها على الرف والصلصه خذي رزمه اللي تجي فيها 6 حبات ورصيها وخلي الكرتون مع اخوانه الكراتين

المهم تنبهين الشغاله مافي شي ينحط على الرف الا انا اللي احطه واي حبه تنسحب من الكراتين يا ويلكم

طبعا المربيات والفول السوداني وهالاشياء اذا انتي تستهليكيها باستمرار خذيها نص كرتون اذا ما تستهلكيها خذي حبه بالحجم الكبير

طبخ الرز لا تاخذين بالغضاره والا الطاسه مدري وش تسمونها لكن خذي بملي الكف الوحده للشخص الواحد واذا كان فيه احد يحب ياكل كثير زيدي ثنتين فوقها وخلاص تكفي

حتى الدجاج والحمه المفروم خذي بالكرتون واذا تجيبين اللحمه المفروم طازج خذي كميه وقسميها كل ملي كف في كيس خليها تجيك 12 كيس او 14 كيس وحطيها بالفريزر اللحمه خذي ذبيحه قطعيها تقطيع مش كبير تضيع اللحمه بطبختين ولا صغير تنهري ولا تستمتعون قطعيها ووزيعها بشكل صحيح وحطيها بالفريزر


وبكذاا لما يجي نص الشهر تلاقين نفسك تبين تطلعين علبتين ثلاث اوكي طلعي مهي مشكله بس برضوو حاولي انك تشوفي اطباق وطبخات ثانيه تعتمد على المتوفر بكثره عندك وهنا ترا سر من اسرار التوفير انك تكونين طبق بالمتوفر عندك

سوي جدول للغداء طبعا عندنا 7 ايام خلنا نوزعها
1 رز ابيض مع اي نوع ايدام مع سلطه مع حلى << واذا انتو من النوع اللي صنف اخر اعملي نوع صينيه >>
2 مكرونه مع فتوش مع اي خفايف لو حابه او اكتفي او حلى
3 كبسه مع سلطه حاره وبادره مع سلطه فواكه
4 بروستد مع بطاطس مع سلطاتها
5 جريش مع اي صينيه بسيطه وفتوش
6 اي اكل تحبيه هندي صيني اللي تبين
7 خليه سمك وربيان وغيره

وارجعي لنفس القائمه بدلي
1 مع الرز الابيض اي نوع من الايدامات كل مره ايدام شكل مره مسقعه مره سبانخ مره رجله بالعدس مره باميه مره خضار مشكل مره ملفوف المفروم باللحمه المفرومه مره معرق دجاج وبطاطس مره ملوخيه ومعرق مره مقلقل لحم مره فاصوليا مره محشي كوساا مره محشي مشكل مره ايدام الزهره عاد الايدامات لاتحصى فيكي تشكلي كل مره شكل
2 المكرونه المره الاولى سويتي بالباشميل هالمره سوي اعشاش المره اللي بعدها سوي فوتشيني اللي بعدها سوي اسباغيتي اللي بعدها سوي كبسه المكرونه بالدجاج اللي بعدها الحمراء الناشفه باللحمه المفرومه اللي بعدها سوي الاصداف المحشيه اللي بعدها سوي اللزانيا اللي بعدها سوي الكنالوني وهكذا من اصناف المكرونه
3 قلنا كبسه خلي هاليوم اكلات الرز الشعبيه اللي تجيك طبق واحد مامعها تنويع مثل قلنا كبسه مره مشخول دجاج مره مشخول لحم مره مقلوبه خضار مره مندي مره بخاااري مره برياني مره سوي اللي فوقه مكرونه كذا تشكيل بحيث مايطلع عن نطاق الرز الكبسه اللي صحن واحد والكل يغرف وياكل منه صنف واحد
4 قلنا بروستد المره الاولى المره الثانيه سوي مثلا شوي دجاج مره سوي كباب واوصال زي هالاطباق اللي مختلفه عن الاطباق الثانيه حتى لو تخلي هذا اليوم من ايام الويك اند عشان يساعدونك فيه الاولاد وكل واحد يمسك شغله من سلطه من تتبيل وهكذا واللي يولع الفحم وزي كذا
5 قلنا جريش خلي هاليوم للاكلات الشعبيه جريش ابيض مره مرقوق مره جريش احمر او معذبه مره سليق مره رز بعدس مره اذا انتي من الشرقيه مثلا الشعبي في هالديار من مفلق وغيره اذا من الجنوب سوي العصيده وهالاشياء اكيد كل منطقه لها شعبياتها خصصي لها يوم يتعودو عليها الاولاد وتغير في قائمه الاكل لو مره سوي خبز بر بالببيت صينيه وسوي مقلقل لحم لوحده ولا تحطين شي ثاني وشوفي كيف ما اطيبها وكيف راح ياكلوها يمكن يستنكرون بس هذا يا ماما ترا انقالت لي بس والله ماشاء الله بالاخير طلعت النتيجه ان كلهم وعلى راسهم ابوهم (( بصراحه الاكل اليوم لذيذ مرررررررررررررر رره )) عقب ما شبعوو

6 قلنا صيني هندي اللي تبين
7 خليه سمك مره مقلي مره صينيه مره بالكريمه وهكذا

راح ارجع اكمل بس اصبري شوي دخلت المقاضي


الحياه فوضى عندي
خلاص ستوب
اب


.. اللهم اشفي لي زوجي شفاءاً لا يغادر سقما ..
..اللهم اني استودعتك من احبهم ..

صباح الخير ...
متابعتكم لكن مو عارفة اشارك معكم وضعكم بيختلف شوي عن وضعي شوي كانه ..
فاطر السموات والأرض أنت وليي في الدنيا والآخرة توفني مسلماً وألحقني بالصالحين



أنشطة أسرية متميزة للإجازة - بالصور

[/color][/size]
[/center]


الساعة الآن 07:32 .