ام فهد وخالد

حياك الله كيفك وين الدنياا فيك وين غاطسه لك وحشه

الله يحفظ لك الوالد وفعلا هو صادق العيال راح يتعلمون من الاحتكاك في المدارس بعض المبادئي على فكره التعليم بالسعوديه وبالدول العربيه لا يقارن ابد مع امريكااا التعليم عندنا قوي جدا جدا جدا يمكن هنا انا اسمي التعليم مهزله لا تقولو تعليم بالترفيه لكن ما فيه علم يقدم ابد العقول النابغه اللي هنا كلها عقول عربيه وهنديه وفارسيه وشرق اسيويه لكن كتعليم جدا سيئ

بس الجميل هنااا تعليم سلووكيات وتهذيب حتى اني انصح خواتي السعوديات هنا دخلي عيالك حتى لو هم صغاار يتعلمون اقل شي اقل شي فكرة التملك والانانيه تنتهي عند الطفل هنا وحده من الاخوات بتشتكي تقول ودي بنتي تحتك مع عيالهم وتلعب لانها لوحدها بس مشكلتها انها اذا مسكت اللعبه خلاص حقتها ما تبي احد يلعب معاها ولا احد يمسكهااا حتى الملاهي خلاص جلسوو بلعبه ما قاامو منهاا كانهم شارينها لكن مع الاحتكاك هناا تبدء تخف هالعقد لانه الطفل يتعلم العب واعطي فرصه لغيرك اصلا تلاقيه ياخذ اللعبه ويروح لاي طفل جالس عشان يشاركه في اللعب وهذا من احد الحسنات اللي فعلا غيرت تصرف سلبي في ولدي
الموضوع يطول في هالجانب والسلوكيات اللي في المدرسه ما اكذب عليك انا دامت مع بنتي شهر في مدارسهم حتى انا تعدل سلوكيات كثيره فيني وعرفت ليش الدنيا مرتبه ومنظمه في حياتهم لان المدرسه هي اللي زارعه فيهم هالشي الواحد شاايب وهو لازال يطبق هالمباديئ وصرت اعرف اللي غريب عن المنطقه في المولات والاماكن العامه لانه ما يتبع هالسلوك وراح نذكره في وقت لاحق باذن الله تعالى

نجي لطلبك يالغاليه عدم الجرا في قول الحق

قول الحق هذا ابوابه متشعبه هل تقصدين انكار المنكر او قول الحق من خلال نقاش وحوار صاار او من خلال انك شاهدتي حدث بعينك ولقيتي اللي يكذب وانتي سكتي ما قدرتي تقولي الحق فيه .... ؟؟

من ناحية انكار المنكر لو فرضا بالسوق حاولي لو بالمزح والفرفشه ترا والله هي اللي تاثر بالقلب اكثر وكمان لما تكوني انتي ملتزمه بهالشي حتلاقي العالم فعلا تحترم نصيحتك اكثر والاهم اذا مثلا كان في مجتمع او مجلس تقدري تتكلمي من خلال انه موضوع اطلعتي عليه واعجبك واثر فيكي كذا العالم حتى لو كانت سالكه في هالمجال راح تتاثر معاكي لانك لمستي الجرح فيهم ساعات هم رافضين هالشي لكن المجتمع فرض عليهم منكر وسايرووه فتلاقي نقاشك ياثر فيهم ويصحيهم لانها بتقول يا الله مو بس انا ملاحظه هالنقطه فيه غيري.. مجرد تشوفي احد اتفق معاكي دايركت ناقشي الحل واعزمي على انك راح تبدئي بنفسك حتى لو السلوك مهو فيكي وكان السلوك بسيط وعادي فيكي تقولي انوو انا راح اعدل هالنقطه فيني ونادي الاخت باسمها هاه يافلانه بالله كيف ممكن نغير هالنقطه كيف ممكن نعالجها حتكوني طلعتي وحده من هالنقااش اتفقت معاك وبدت بالتعديل وثلاث مستمعات اقتنعوو من غير تصريح بس راح يصرحون ويناقشون هالموضوع في مجلس ثاني او مع اشخاص اخرين يمونون عليهم اكثر

بقولك على شغله عن نفسي وقت ما ابي اغير شي تلاقيني ادعي اني انا راعية هالمصيبه هههههههههه واني انا اعاني من هالمشكله رغم انه لو سالوني بتفاصيلها وطرقها والله ما ادري وين الله حاطني فيها بس ساعات من شدة ثقتهم فيك ممكن يسمعونك وينفذون كلامك من هالمدخل ابدئي انتي غيري في الناس


اما مسالة كلمة الحق لالالالالالا هنا بقولك قل الحق ولو على نفسك والله اني ساعات اني اخبص ام الشغله بالكلام لكن ارجع واقول ايه انا قلت وعملت وسويت وفعلت واذا الشي خطاء بقول هذا خطاء وهذا صح وبناقش رغم اني احيانا احس اني انا اسلوبي غلط لكن وش اسوووي احس لساااني يحكني بصراحه هههههههههه عاد هذي مشكلتي حلوها لي واذا مره مره تلاقيني اوقف قدام اللي بخاطري كلام ابي اقوله واقولها او اقوله والله بقلبي كلام يقرقع ما اقدر اسكت هنا انا مهدت لهم ان الموضوع محتمل يزعل لو ما تفهمتوو وجهة نظري عاد البعض يقولك هاتي اللي يقرقع بقلبك وريحي بالك والبعض يقولك لا تكفين خليه في قلبك مالنا خلق نسمع هنا والله ابلعها واسكت


ما ادري هذا اللي تبين نتكلم فيه او غير هالموضوع ؟؟!!

++++

::"سوسو"::

يا هلا وغلا فيك اختي

مو بس انتي كثير اللي والله انخدع فيها

وعلى قولة جوجو ليه هي لها عضلات

اذا الشغاله ماسكه التنظيف بالله بشتري مكنسه بــ الاف ريال والا مكوى بــ 7 الاف ريال بالعقل يا ناااس

والطامه الكبرى انه ما يمدي المكنه تجلس عنك سنه الا هم جايبين لك مكنسه جديده ويقنعونك بتبديلها مع دفع الفرق والفرق اكثر من 3 الاف ريال وحده قريبتي كذا قلت والله ما اشتريها وتجيبها لي وتشغلها وتوريني تبي تقنعني انها زينه قلت وربي ادخل لي المويه واشطف البيت من اوله الين اخره وبممسحه بريالين والا بخمسه ريال انا وعيالي وشغالتي منها نبرد ومنها نوسع صدورنا بالمويه والكنس الله يخلي هالمكانس العاديه وان كان على الريحه ولعي الفحم وصكي العوده وياسلام سلم اما حكي فاااضي اسمحيلي

لكن طالما طبيتي فيها ما قدامك الا تتهني فيها وتحسي بالرفاااهيه وانتي تكنسي فيهااا عشان تخفف شوي من حدة الالم اقنعي نفسك انه فيها شي مميز زي قريبتي رغم انها تتالم احسها كذا بس حلو انها تستمتع طالما ما في يدها شي تسويه


++++

منبع الثلج

حياك يالغاليه ايش اخباارك طمنيني عنك وعن صحتك

اما عيالنا فالله يكون بعونهم لكن راح يتواصلون الكترونيااا اكيد وهذا جيلهم بس مثل قلناا نزرع فيهم حب الجار ولازم هم يشوفون اهتمامنا وتواصلنا بجيرانا عشان نقدر نخليهم هم يبادرون بالشي هذا من خلال جيلهم اما نجلس نحن ونقول الله يعين عيالنا اكيد ما حيفكرون لانهم اصلا ما شافو اهل تواصلو مع جيرانهم والمهم والاهم هو ان الواحد قبل ما يفكر يسكن ويبحث عن السكن يبحث عن الجار ويبحث عن المنطقه اللي اهلها وناسها معروف فيهم الخير والطيب يالله قبل ما تفكرون تشترون البين فكروو بالجااار وابحثوو عن افضل الاحياء جيره والله يكون بالعون يارب


++++

مكاووويه موووت


وعليكم السلام ورحمة الله وبركاته

هلا وغلا ومرحبلي مليوووون


كيف حالك يالغاليه وحشتيني والله

تخيلي فيه اخت عزيزه هناا بالحمله معانا في امريكاا اعطتني جوالها والمهم جالسه ادق عليهااا ويقولي غلط ومن هالحكي اثاريني جالسه ادق عليك يوم اناظر الا هذي انتي ههههههههههه بس على اساس ما حطيت المفتاح الدولي فما مسك الخط

اخبارك واخبار العيال والبنات كلهم ان شاء الله بخير

وماشاء الله كيف مشروعك ان شاء الله بديت بتجهيزه

لحظه بشوف ردودك اخاف اسئل او شي وتكوني كاتبه عنه

* اها نجي لسالفة الطبيعه اجل نفسك تلمسي الطبيعه اممممممم هذا دليل انك ما تطلعي رحله بريه ولا بحريه زي ما اتفقنااا في بداية الموضوع وتكلمنااا لا تتعذري بجده انا اهلي حددو الخميس رحله بريه والاربعااء بحريه على الساحل وكلها مجانيه ولله الحمد اجل عقاب لك راح تجلس معاي اسبوع في الصحراء من غير ما اعلمك اي شي بشوف انتي ايش تسوين وكيف تدبرين نفسك هههههههه

* كيف تخطط ميزانيتك

فعلا ملخص راائع للحمله بارك الله فيك

* تحويل المصروفات من الكماليات الى الضروريات
* 10 خطط لتيسير الامور الماليه

- الصدقه
- التخلص من الدين
- ادخار نصف الراتب والتصرف بالنصف الاخر
-عدم الاستجابه لهوى النفس في الصرف
-تحديد مصروف خاص للزوجه
-السكن يكون مناسب للدخل
-تنخفض قيمة السياره 40%من قيمتها بعد سنتين
-تحديد قائمه مشتروات قبل الدخول للسوق
-العمل الاضافي للدعم المادي
اللهم صلي وسلم على سيدنا محمد افضل الصلاة واتم التسليم

راااائع يا مكااويه

* مكاااويه الله يحفظ لك بنااتك يارب وبنتي وبنات المسلمين اجمعين احييييك بصراااحه والله ما فكرت ولا طرالي اخلي بنتي تدوج لوحدها لو تنطبق السماااء على الارض حتى لو بنتي مافيها شي بس الشباب ما خلو بنت في حالها مير نحن العجز ما تركونا كيف البنات الصغاار لالالالالا حبيبتي اللي بيزعل بالطقاق عله ما يرضى بنتي وانا المسؤله عنهااا

* مكاويه مووت باذن الواحد الاحد تحصلي على البيت الملك وان ما حصلتي عليه بالدنياا باذن الله تعالى تحصلي عليه عند رب العالمين في جنات النعيم يااارب <<< ترا ما اتفاول عليك هالحين تقولين تف تف تف بسم الله علي ههههههههه لالالالا بس باذن الله ان الله يرزقنااا بيوتناااا في جناته يااارب

* ياريت يا مكاااويه العالم تسمع لكن المصيبه ان الاراضي صارت مثل التحف الاثريه كل ما قدم عمرها كل ما صارت اغلى وربك كريم

ابدعتي يا مكاااويه الله يحميك يارب وبديناا بالجزءالرابع وهو البيت الملك

الجزء الاول / ترتيب وتنظيم الامور الحياتيه والماليه
الجزء الثاني / تسديد الديون
الجزء الثالث / ايجاد دخل اضافي من مشاريع صغيره
الجزء الرابع / البحث والاستعداد لشراء بيت الملك

عن جد فخووووره كثير بالانجازات خصوصا ان البعض بدء التطبيق الفعلي والبعض بدء التخطيط للبدء

ماشاء الله تبارك الله



++++




الحياه فوضى عندي
خلاص ستوب
زهرة الايام

وعليكم السلام ورحمة الله وبركاته

هلا وغلا اختي

الله يحمي لك اولادك يارب فكرة انهم يشوفون الشي قدام عيونهم انا طريقتي اذا شفت هالمناظر وانا بالسياااره طوالي تلاقيني الله يقرفكم على هالتصرفااات بالله هذي تصرفاات اوادم فتلاقين عيالي طوالي مستنكرين الطبع والتصرف عاد الله لا يوريك هنااا البناطيل عند فئه معينه من الناس يمشي وماسك البنطلون بيديله اصلا واصل لركبته الله المستعااان فتلاقيني اذا شفت هالمنظر طوااالي اقول حلاة من مسكني سوووط والله لا اخليه ما يدري من وين تجيه المسطه عاد ولدي وشو السوط يا ماما قلت هذا حق الحصااان عشان يمشي عدل ويبطل قلة حيااا اعطي الواحد فيهم مسطه من هنااا يتوووب يلبس البناطيل القرف هذي تلاقين طوالي تعابير الوجه عليه انه متقرف منهم ومن هيئتهم فبكذا انتي زرعتي القرف من التصرفات واللبس الغلط والشعور الطويله طوالي اذا شفتي هالكلام وشفتي عالم زي كذا التعليق جاهز حلاة من معاااه مكينه حلاقه جز روس الخرفااان والا شجر الطلح خلاص تنزرع بولدك انه يا يصير شكله خرووف يا شجر طلح لو ربى شعره اما الهايلكس والاغاني والرقص نفس التعليق جيبي اي تشبيه مقزز خلاص نفسيااا تتعب عشان كذا عيالي هههههههههه يبيلهم طب نفسي من كلام امهم الله يكون في عونهم صحيح ساعدني كثير في كررهم لكثير صفات سيئه بس بعد ما ودك كذا تنفرينهم بهالاسلوب لكن ما لقيت قدامي الا هوو طبعاا كلامي اذا جيت اقووله تعالي شوفي انواع الضحك من عيالي علي ليش اني اهزء في هاللي بالشوارع ومرات بس من باب الكلام عشان يحسون اقول لابوهم بالله وقف السياره اقوولك وقف طبعا هو عارف انه مجرد تنفير للعيال فيقول خير ان شاء الله ليه اوقف اقول بمحطلي وااااحد هنااا ماشي بالله هذا لبس هذي مشيه لا بارك الله بالعدوو عاد تعرفين اسلوب العجز والشيباان كيف بروسهم لين عصبوو اقلد نفس الشخصيه اقوولك وقف لما اسمع عيالي يضحكون اعرف ان الرساله وصلت وانهم عرفوو ان هالشي غلط طبعا مستحيل زوجي يوقف بس عشان يمكل المشهد قدام عيالي اني معصبه من هالتصرف
وانتي عيالك لسى صغااار يعني تقدري تزرعي هالشي فيهم من الحين

* يسعد صبااحك ومساااك ادري متاخره بس عاد برد عليك مشتاقه لكم

*مباااااااارك عليك البدايه وان شاء الله النجاح حليفك يارب والمشروع باذن الله لاحقه عليه اعملي لك قاعدة زباااين حلووه الين ان شاء الله تتيسر امور مشروعك على خير وتبشريناا بكل اخبارك الطيبه باذن الله تعالى

++++

~مــmـلآك~

هلا وغلا اختي يسعدك ربي بحثت لك عن الرد بغيت انسخه لقيته طويل لكن رقم الرد 2516

يمكن الردود في نفس الصفحه تفيدك ما اعطيتك رقم الصفحه لان الترقيم عندي يختلف فابحثي برقم الرد والله يوفقك يارب واذا احتجتي اي خدمه انا تحت امرك يالغاليه

++++

نظرتي فوووق

حياااك اختي ولا تخلي الاربع جدران تاثر عليك

اتذكر فيه اشخاص قالولي انتي بس محبوسه بين اربع جدارن وقلت مين اللي قال كذا الله يخلي النت رحت لديار ولا في الاحلام اروح لهااا وتعرفت على صدقات من كل البلدان وما خليت ديره ولا سوق ولا مجتمع الا دخلته وكل هذا وانا على كرسي دوار ليته بعد بين اربع جدران فدائما تفائلي بالخير وخلي نظرتك حلووه لانك تستاهلي الحلووو

وفعلا التربيه مسؤليه ولو اتبعناا تعاليم الدين بحذافيرها ما كان وصلنا للي وصلنا له

+++

*** الشمووووس ***

يبارك فيك وفي عمرك ومالك

+++

المتفائله ؟؟

وعليكم السلام ورحمة الله وبركاته


يا هلا وغلا كيفك يا حلووه ايش اخباارك وحشتيني

ليه تزعلي من الغاء التثبيت عاد انا فرحت تعرفي ليه لان العالم صارت تنتبه للموضوع اول مثبت ما كان احد يدخله الا عجايز الحمله <<< كلهم بيصيحون فيني هالحين كلا يتكلم عن نفسه هههههههههههه

بس هالحين شوفي الدماء الشااابه والافكار الحلووه بدت تنعش الحمله

* لا حول ولا قوة الا بالله اجل الحجر يطلع ورد كان قلتي لهم حاطين الحجر بيثبتون السجاده لا تطير مع الهواااء هههههههه طيب ليه ما تحطون قنوات المجد وتريحون روووسكم مجرد اقتراح او تلاقي بديل لملئ جدول العيال اليومي بحيث ما يكون فيه مجال للتلفزيون

++++


شيخة احمد

اللهم رب الناس اذهب الباس واشفي اللهم العزيزه الغاليه شيخه احمد والبسها ثوب العافيه واجعل ما اصابها كفااارة لهاا يارب العالمين اللهم امين


هلا وغلا ومرحباا مليون بالغاليه


كيف الحال ايش اخباارك ان شاء الله بخير

زاد الموضوع توهج بانضمام قلمك له وافكارك النيره وخبرتك في الحياه ربي يخليك لنااا ويسعدك ويشافيك يارب

ما تبين بدل الساندوتش والحليب مراصيع والا عريكه على الصبح ههههههههههه تقولي فول وحليب قلت خلنا بالدسم

* فعلا لو كل وحده حسبت التعب والجهد اللي تبذله عشان تحصل هلى هالمال ما بذرته على ملابس واكسسوارات وكان دبرته بطريقه حكيمه تنفعها في المستقبل

*
القاعدة الشرعية تقول /
لا يقعد أحدكم عن العمل ظناً منه أن السماء تمطر ذهباً

ولو فكر الأب وفكرت الأم في إقحام أبنائهن وبناتهن في دائرة العمل
ليس من أجل تمضية الفراغ ، بل من أجل أن يقوم على إعالة نفسه وسد احتياجاته

لإمتلآت بلادنا بالكوادر الوطنية ولم نحتاج إلى استقدام العمالة الخارجية
حتى في أخف المهام وأبسط الأعمال تجدين لا وجود لإبن البلد


صدقتي والله وهذا اللي بديت فيه مع بنتي وخواتي رغم صغر سنهم يعني 12 سنه لكن بديت ازرع فيهم حب الانتاج على اساس الوحده تقدر تصرف على نفسها من خلال انتاجها ومبيعاتها والاحلى انهم هم حابين الفكره قبل اسبوع ارسلوو لي ايميل يسئلون عن شغلات عملوها وهل يستمرون فيها على اساس يبيعوها اذا سافرو في الاجازه واكيد طبعاا راح يكون التشجيع هو ردي وحفزتهم اكثر باني جبت لهم كتلوجات على اساس يتعلمون اساسيات الشغله ويبدعون فيهااا والله يوفقهم ياارب صحيح كان العيب في البدايه ملازم للوالد بس لما شافني انا ساندتهم وبس ادعم فيهم والله حلوو وبرااافو عليكم وايه كذا المفروض تكونو حتى هوا تشجع وغير نظرته وصااار يشجعهم اقل شي بكلمة حلووو ولما بلغته بالمبلغ اللي ربحوو فيه في اول تجربه لهم والله ما تتخيلي فرحته لهم كاني قلت له تراهم توظفوو واستلمو الراتب هههههههه
المبدء مش بالساهل ينزرع لكن بالتكرار والمحاوله واظهار النتائج للمجتمع راح يغير الفكره مره في مره الين يصير عندنا جيل منتج وما ادري ليه عندي احساس ان الوضع راح يتغير وتنقلب فكرة الاستهلاك لانتاج في الاجيال القاادمه فهل انتم مثلي عندكم هذا الاحساس



* الله يرحم أيام ( افتح يا سمسم ) وميسون ونعمان (:

الله على ايام زمااان لانهم شخصيااات حقيقه وكلهم من بيئتنااا

لكن من دخل الكراتين وترجمة الافلام الاجنبيه بحذافيرهاا ضاعواا فيها عيالنااا والله يهديني ويهدي الجميع يارب



*حتى في الموت .. يقف المال سيد القرار الآخير !!


لا حول ولا قوة الا بالله العلي العظيم

والله شي يقطع القلب

فيه فكرة قراتها في قصه جدا اعجبتني وياريت تتطبق عندنااا ياااااريت في كل المجالات


فنجال قهوه المقهى اذا ما خاب ظني في تركيااا واي شخص يدخل يشرب قهوه يحاسب عن فنجالين على حسب رغبتك فنجال لك وفنجال تنكتب ورقه عليها فنجال قهوه وتتعلق على بورد في الخارج يقراها احد المارين المحتاجين وليس لديهم المال بيدخل وبيشرب فنجال قهوه على حساب غيره وهذا اللي المفروض يصير في مجتمعنااا

يعني ايش يمنع اننا نضح لو حتى في المستشفيات ونبلغ فيه ان فيه مرضى محتاجين وناقص عليهم مبالغ معينه المقتدر اللي داخل المستشفى ممكن انه يدفع ويساعد

لكن المصيبه انه عندنااا جماااعه تستغل الموضوع لصالحهم وتصير المبالغ في جيبوهم وضاع فيها الشعب المسكين حتى الافكار الخيريه والله تذبل قبل ما تتنفذ لان معروف مصيرهاااا


تحية احترام ومحبه اخت شيخه احمد









الحياه فوضى عندي
خلاص ستوب
جالكسي مالح

وعليكم السلام ورحمة الله وبركاته


يا هلا وغلا ومرحبلي ملالالالالاين

كيف حالك يا حلوه ايش اخبااارك

ادري من يوم غبتي قلت اكيد الحمل خلالالاص ثقلت يا عمري انتي معذوره المهم صحتك وسلامتك وصحة النونو

بالنسبه لسالفة المويه ما عندي خلفيه بصراحه لكن ماء زمزم لما شرب له بالنسبه لقلب الطفل اتذكر اعطوني تمارين في بنتي بس ما انقلبت لان حجم الراس كبير ولا قدرت الحلوه المهم التمرين هو انك شايفه وضعية السجود تعمليه باستمرار وتعملين زي المساج على البطن بحركه دائريه على شكل حلقه على كامل البطن وبين فتره وفتره تعملي هزات خفيفه فيه على نفس الوضعيه والله يقومك بالسلامه ويفرحنااا فيك يارب بسلامتك

++++

الشماليه

حياك الله اختي ويجزاكي ربي الخير يا كريم

++++

الامور الحلوه

حياك يالغاليه وفعلا ماء زمزم لما شرب له

بس اش دعوه تدعي عليك كلنا خوات اجل انا وش بتقول لين هزة بطنها شوي الا البزر بين رجولها هههههههه والله اللي ما يفكني منهااا احد الله يقومك بالسلامه يارب ودعوااتك لناا انا والامور الحلوه لا تدعين عليناا اياني واياااك تسوينهااا

++++

صمت المشاعر ؟؟؟

ماشاء الله تبارك الله الف الف الف حمدلله على سلامتك وسلامة البنوته ربي يحميها ويقر عينك انتي وابوها فيها يارب ويجعلها من عباده الصالحين وانتبهي لنفسك وصحتك وبنوتك وابد لاحقه عليناااا متى ما رتبتي وضعك وامورك تعالي طلي علينا ولو بسلام

والله فرحت لك من قلبي عقبال جالكسي و غاده الحنونه يارب ومين كمااان من البنااات الله يطمنى عنكم وتبشروناا بسلامتكم

بس سؤال وشوله طاقة شعار فريق النصر بالتوقيع يعني لو قلتي جبتي ولد كان بقول عز الله بتخليه عربجي من الحين وكوره وحركااات لكن بنووته يعني صور حلووه شعار النصر مره وحده هههههههههههههه

+++

روحي بيبي

هلا وغلا حياك الله وباهل مسقط كلهم

ننتظر تطبيق الخطوات المكتوبه واثراء الموضوع بتجاربك يالغاليه وان شاء الله تشوفي ثماراها باذن الله تعالى

++++

الجوري الحمراء

حياك الله اختي اخبااارك

صحيح الحياه سلسله من المتطلبااات لاكن ما يمنع اننا نحققها حتى وان كان ابن ادم ما يملى عينه الا التراااب فمصيرنا للتراب ولكن هذه هي الحيااه

++++

انجوانااا


هلا وغلا فيك اهم شي هي الفائده من هالحمله ومن كل ما ذكر في الموضوع

الله يجعله في ميزان جميع من شارك في الحمله وسطر اي حرف لصالح الحمله

++++


التميز


حياك الله اختي


++++

وفاء المهاء

جزاك الله خير

استغفر الله العلي العظيم عدد خلقه وزنة عرشه ومداد كلمااته


بارك الله فيك على التذكير


+++++


مملكة كندة

حيااك الله ويجزاكي ربي الخير على هالدعوه الطيبه


والله يرزقك الدار الحلال يارب وتحصلي على الجااار السند يااارب

++++

دلوعتي لمار

هلا وغلا اختي

ما عندي خلفيه عن باب رزق ان شاء الله غيري يفيدك يارب


++++

اميرة القوافي

كيفك ياحلووه وحشتيني

+++

حبيبة هاشم

الله يسلمك

++++


حوته

الله يرحم الوالد ويغفر له يارب ويسكنه فسيح جناته

الجمعياات حلوه اذا كنتي مخططه لهااا بالشكل الصحيح

لكن ترديد يا ليل ما اطولك تقدري تقضي عليه بالنوم بدري وتصحي من بدري لان الارزاق تتوزع في الصباااح وقتها راح تستفيدي من وقتك ومالك اكيد

+++++




الحياه فوضى عندي
خلاص ستوب
تالالولي


طريقتك روووعه وفعلا عشان ما تكسري نفس الطفل نختار الوقت المناسب في اللعب فيصير السبب ان الملاهي قفلت مش انتم اللي طلعتوووهم

رااائع اعجبتني كل النقاط اللي ذكرتيهااا بارك الله فيك

++++

حيبية بدر بس اتوقع انه حبيبة بدر والا انا غلطااانه

يا هلا وغلا والله فيك ويجزاك ربي الخير يا كريم وينور دربك ويحقق مبتغااك من هالحمله يارب


الحياه فوضى عندي
خلاص ستوب
وش هالتراحيب الزينة ، وش العلوم اللي توسع الصدر(:

يا هلا والله فيك نــيراز
مبطي ما أشوفك هنا وهناك
قلت أكيد بس فتحتي لك بنك إدخار تشجيع للحملة خخخخخخ

والله ما فيني أضحك
بس الله يوسع صدرك مثل ما وسعتي صدري
بكلمتك الطيبة

/

بأقول لكم على شيء يخص المال وموضوع الحملة
الأقساط الخاصة بالبنك
وأي شيء يتعلق بالبنك
لابد أن تسألي بشأنها شيخ
لإن البنوك أكثرها لدينا ربوية ولا حول ولا قوة إلا بالله العلي العظيم

والربا كبيرة من الكبائر

واحدة من الأخوات قالت :


كنت ماني متهنية مع زوجي وأولادي دايماً في مرض
وعيشتنا كثرها نكد في نكد
كان يروح ثلاثة أرباع راتبه أقساط للبنك
يأخذ قرض من البنك
يشتري سيارات ويبيعها
ويرجعه للبنك أضعاف مضاعفة للسعر اللي اقترضه
ومن يوم ما تزوجنا وهو في ديون
14 سنة ما هو راضي يوقف على رجوله ويسدد ديونه
بسبب وقوعه فيما لا يُرضي الله
وفي ليلة من ليالي رمضان وبينما كنت أقرأ تقول القرآن مريت على هذه الآية :
قال تعالى:
{الذين يأكلون الربا لا يقومون إلا كما يقوم الذي يتخبطه الشيطان من المس ذلك بأنهم قالوا إنما البيع مثل الربا وأحل الله البيع وحرم الربا فمن جاءه موعظةً من ربه فانتهى فله ما سلف وأمره إلى الله ومن عاد فأولئك أصحاب النار هم فيها خالدون}

(البقره27)

تقول : حسيت بقشعريرة في جسمي وكأنها حالة تنبيه لي
فخيرت زوجي يا أنا يا الطريق اللي انت ماشي فيه
وكانت توبة زوجي ولله الحمد
وحلف بالله ما عاد يقترض من البنك ولا عاد يتعامل معاه إلا بالطريقة الإسلامية
تقول : من ترك شيئاً لله عوضهُ الله بخيرٍ منه

فترة .. إلا وطالعة له منحة أرض من البلدية
باعها وسدد بها كامل ديونه

الله مع العبد إذا صدق العبد مع الله

فإحذروا يا أخواتي لا تغركن الدنيا بزينتها ورفاهيتها وتجبركن على سلك طريق الهلاك في الدارين


/

نيــــراز :

أنتظر الجريش منك اليوم (:

يا حبني لك


الساعة الآن 10:04 .