اقتباس مشاركة  (~مــmـلآك~)
تسلمييييييين ياقلبي الله يوفقك ان شالله
من غير ماتوصين اكيد اذا احتجت شي طيرااان لك ربي يسعدك ان شالله ويحققلك اللي تتمنين ...
ومن يقول يارب ومن يقراء هالدعوه الحلوه بحلاتك
26-06-1431 هـ, 10:04 مساءً
 
هلا وغلا شيخه احمد

هههههههههههههه

حلوه وش هالتراحيب الزينه هذي التراحيب عااديه ما بعد طلعت الزينه باااقي

تسلمي على النصيحه يمحق الله الرباا ويربي الصدقااات

ابشري على الجريش ولا يهمك بس مو عاد اليوم اصلا ما عندي جريش هنااا

انتظري ارجع للسعوديه وابشري حددي موقعك باي منطقه وارسلك هيااا تامرين امر كم عندي شيخه احمد انااا

والله يوسع صدرك بالعافيه يارب انبسطي واضحكي وفرفشي ماراح ينفعك لا هم ولا حزن ولا احد راح يفكر فيك اذا حزنتي فاضحكي واستانسي ووسعي صدرك وترا الدنيااا سعه وانا اختك
26-06-1431 هـ, 11:15 مساءً
 
عذرا ع التاخير والمشروع بقوله بعدين يبي له رواااق المشروع مايحتاج رأس مال والربح مضمون 100% بس يحتاج شطاره
والمظهر اللائق والقدره على الاقناع والتاثير في الطرف الاخر وشخصيه واثقه
انا متابعه من زمان بس بصمت
بصراحه انا اشعر اني بنوبه من الكابه والملل مدري ليش ؟ انا احس فيكم لانكم امهات وصحيتوا متاخر بس انا بنت احيانا اقول وش له لزمه؟ احس مليت من التوفير لاني كاني صرت اقتر على نفسي يمكن لاني بالسفر اصرف كثير وحاليا مو محتاجه شي كل شي متوفر الحمدلله
كنت اشتغل بمشغل وطلعت من المشغل وبقيت بالبيت بسبب الملل
المشكله مو فيني انا صحيت على نفسي يوم كنت بالجامعه وصرت اوفر كثير وعندي مبلغ حلو الحمدلله بس المشكله هي بامي
البيت اللي احنا فيه ملك لكن جزء من مبلغ البيت دين ومن سكنا 13 سنه وامي ماقدرت توفر حتى ريال المشكله هي بامي ماتعرف التوفير كل شي تشتريه له لزوم او ماله لزوم والله اني انصحها بس مافيه فايده اقولها حطي لك هدف بدل هالخرابيط اللي تشترين واجمعي الفلوس وسدددي دينك بس حتى لو جمعت مبلغ اما نسافر او تسلف الفلوس ماكو فايده كانها تتحسف تشوف ريال بجيبها لا والمصيبه انها دايم تشتكي للاسف امي ماعندها حكمه بصرف المال انا اذا مسكت المصروف الشهري اضبطه عدل مسكته 3 شهور تمام التمام بس امي ماترضى الا متعوده الفلوس بيدها وترجع وتشري اللي نحتاج ومانحتاج والله شاقولكم اشياء تمضي عليها سنين ومانحتاجها هذا دليل انه حنا مو بحاجتها
والله كثير افكر بالمشروع اللي طرحته داليا دريم خيمه مستعمل بمنطقتنا واتوقع انه بينجح 100% بس اكيد يبي له رجال ورح وتعال وماعندي من اللي يطارد لي
والله مارح تصدقون حنا بالبيت 3 افراد وتعالوا شوفوا بيتنا اوووووووف اشياء كثيره زحمه ماحنا بحاجه لها ياربي كاني طولت عليكم
انا ياليت اعرف اهذر خخخخخ مثل نيراز وشيخه احمد
مشكلتي هاديه وماتكلم كنت غير اجتماعيه وانطوائيه كثير بس الحمد لله تغلبت على الانطوائيه وصرت اجلس مع الاهل بالاجتماعات بس مع الناس مو كثير اذا جلست بمجلس ودي اني اكون متحدثه بس شلوووووووووون زين مني الحين سولفت
تدرون عاد يمكن صار لي ساعه وانا اصف واعدل في ذا ومدري حد يقرا مايقرا اول مره اكتب رد طويل خخخخخ بعتبرها بصمه لي بهذا المنتدى
شيخه احمد احس انك انسانه كبيره وفاهمه لو تكرمتي اذا تقدرين تساعديني كيف انطلق على الحياه ؟ ودي اكون متحدثه مثلكم ):

اخت جوجو مشكوره على الطرح انا دخل مزاجي تقنيه البيوت ودي اطبقها بسطحنا لانه كبير ووودي اسوي فيه مشروع
ومن فتره سمعت عن البيوت الخشبيه ومضمونه وامنه بس بجده يعني بعيده علينا

27-06-1431 هـ, 01:58 صباحاً
 
كح كح كح

مين اللي يحش فيني ويقول عني احب الهذره <<< الهذره تنرحم عند كلامي ههههههههه

مرحبااا اخت انجل مون

كيف الحال


المصيبه انه متوفر خيمة مستعمل بالاحساء عندهم سوق مستعمل اللي عند سوق هجر لكن الوضع مزري فيه

بالنسبه للوالده الله يحفظها ترا كثرة الزن يجيب مفعول سحري على الحريم وخصوصا الكباااار منهم


اجلسي زني على راسها يا يمه الدين لازم نسدده ارواحناا ما راح ترتفع لرب العالمين الا اذا تسددت ديوناا

يا يمه حن ناس مسلمين نخاف الله ما يصير نجلس نبذر بفلوسنا يمين وشمال وفيه دياانه تطلب

ومن خلال هالكلام راح تتاثر صدقيني بس شوي زن خلاص

بعدين تعالي هذري هنااا على كيفك بتلاقين نيراز تسمع لك وتساعدك على الهذره الين ما عاد تقدرين تسكتين هههههههههه

بس ترا سالفة الهذره هذي لهااا مراحل

مرحلة الصمت وهذي في بداية حياة الانسان طبعا لانه مايعرف من الحياه شي جالس يجرب في الدنيا على رواااق ( انجل مون )

مرحلة الهذره وهذي انتي في عز المعمعه في الحياااه فالواحد جالس يحكي يمين وشمال لعل وعسى من عنده الخبره في الحياه يتكلم ويساااعد ويعطي النصيحه ( نيـــراز)

مرحلة الحكمه وهذي المعاصره في الحياه والمرور بالتجارب وخلاص خلص الكلام والهذره وبدت الحكمه والنصيحه فدخلوو في مرحلة خير الكلام ما قل ودل وهذي ( شيخه احمد )


فلا تستعجلي نفسك على الهذره هي بتجيك غصب ههههههه
27-06-1431 هـ, 02:34 صباحاً
 
ههههههههههههههه وسعتي صدري يانيراز
صحيح كلامك .. الوحده اذا تزوجت تكثر مسؤلياتها وتجاربها بالحياه ومشاكلها فتبدأ الهذره خخخخ بس انا ودي انطلق من الحين لاني عندي مشاريع ببالي كثيره بس اللي يمنعني الجرأه والطلاقه في الحديث والظهور للناس
بالنسبه للسوق اللي عندنا عرفته نسيت اسمه ياختي هذا السوق انا مامره رحته والرجال تروحه الحريم ماكو اتوقع وبعدين مكشوف يعني اجواءنا ماتساعد كل يومين الغبار مسوي حاله تتبهدل الاغراض
اما بالنسبه للي موجود بالخبر يمدحونه شي راقي ويقدر الواحد يشتري منه بس هم بعيد علينا شوي ويحتاج نقل وهذره وبالاخيره يحتاج رجال خخخخخ بس
هذا عقبتي بالحياه ماكو رجااااااااااااااااااااااال كل شي نبيه يحتاج رجال
بس انا فكرت بالمشروع بشكل ثاني ويكون نسائي 100 % احسن او ايام نسائي وايام عوائل
وبالنسبه للماما ياليل ماطولك والله اقولها يايمه انتي الحين كبرتي وللحين ماحددتي لك هدف لمتى ؟؟!! لمتى وانتي ماتعرفين لنفسك لمتى وانتي ماتعرفين ترتبن امورك الماديه ماكو فايده تقولي فيك البركه خخخخ والله كلام بس وقت الجد ماترضى
عاد انا اقولها اول ابي التصريح
اتمنى يجي اليوم اللي تفوق امي لنفسها بدل ماتلوم بنفسهاا
27-06-1431 هـ, 03:28 صباحاً
 


الساعة الآن 08:36 .